|
|
 نجوم وشخصيات بارزة فى الجمعية السودانية للرجال الذين يخافون من زوجاتهم
|
صديقى جمال حسن سعيد جسددورا كهذا فى احدى (متاعبه)الكوميدية..
التجانى..زولا فحل..ارباب ود ارباب..سكينو حمرا..ايدو تسبق تفكيرو..لايخاف احداسوى ابنة عمه..زوجته..يخاف دون سبب وجيه..يخاف والسلام..
صديقى رجل الاعمال المشهور..يغامر فى الاسواق بأمواله ..وبكل شىء..سوى طلبات زوجه..ثم وهو لاعوام يرواح مكانه فى رغبة الزواج مرة اخرى ولو سرا ولكنه يخاف بعبعا ان ينكشف امره ويبلغ ام العيال..
فنان عظيم..فى مشاركاته الخارجية يصحب زوجه..ولا تتخلف الا عندالضرورة الملجئة..
لاعب كرة..تخضع شروط تسجيله لرغباتها..وهى لاتعرف الاوف سايد من ضربة الجزاء..
القائمة طويلة..
هو موضوع تحقيق صحافى اعده لجريدة السودانى..حول المراة وحالات الطلاق بسبب طفشان الازواج مما تضيق به احصائيات المحاكم..التحقيق فى جانبه فتح الباب الى حالات بعض الازواج من الاصدقاء..ثم يعترفون لى سرا..طلبت ان افتح بابا للحوار..معظمهم طلب التلميح الى حاله..عدا الدكتور ابوالقاسم قور..يخاف فى العلن,,وسوف يرعى الجمعية..
وفى البورد اخرين..
اعود
مودتى وتقديرى
|
|
 
|
|
|
|
|
|
|
|
Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: محمد عكاشة)
|
يا محمد عكاشه
| Quote: عدا الدكتور ابوالقاسم قور..يخاف فى العلن,,وسوف يرعى الجمعية.. |
البند الأول :
المابخاف من مرتو الزمن خرتو: أن أعمل بجد فى المواظبه على الرجوع الى المنزل بعد ساعات العمل مباشرة.وفى حالة التأخير الطاريئ عمل مهاتفه وتوضيح السبب ومكان التأخير.أن أوافق على الزيارت المباغته والفجائيه للزوجه. ,ان أكتب كلمة (الكوجنكه) على رقمها فى الموبايل.
| |
|
|
|
|
|
|
|
|
|
Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: Abuelgassim Gor)
|
واحد بيخاف من مرتو شديييييييييييد عمل شركة وشرطها الاساسي تكون بتخاف من مرتك وعمل اعلان عشان يوظف ناس معاهو
جاهو واحد من الصباح وقال ليهو انا اكتر زول في الدنيا بخاف من مرتي اعتقد كدا بتخليني اكون المدير
المهم استلم الملف حقو وقال ليهو تعال بكرة خلاص قبلناك مدير للشركة
بكرة جاء متأخر سألو قال ليهو مالك جاي متأخر قام رد ليهو وقال: كنت بغسل في العدة حقت العشاء
قام المدير العام قال ليهو: انت ما بتنقع معانا
قال ليهو لي شنو
قال المدير العام: بالله في عدة بيخلوها تصبح للصباح هههههههه ،، عارفها قديمة
| |
|
|
|
|
|
|
|
|
|
Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: Abuelgassim Gor)
|
Quote: البند الأول :
المابخاف من مرتو الزمن خرتو: أن أعمل بجد فى المواظبه على الرجوع الى المنزل بعد ساعات العمل مباشرة.وفى حالة التأخير الطاريئ عمل مهاتفه وتوضيح السبب ومكان التأخير.أن أوافق على الزيارت المباغته والفجائيه للزوجه. ,ان أكتب كلمة (الكوجنكه) على رقمها فى الموبايل |
دكتور قاسم
تحياتى
فى انتظار بقية بنود الميثاق...
ثمت حوارات مع بعض الاصدقاء بعد نزول البوست للادلاء بافادتهم..واسباب تأسيس الجمعية
مودتى وتقديرى
| |
|
|
|
|
|
|
|
|
|
Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: محمد عكاشة)
|
الأستاذ الأديب محمد عكاشة
تحياتي
للأمانة والتاريخ فان أول من أسس هذه الجمعية هو شيخ البلد عندينا واسمها جمعية (ود زايد) وللأسف لم يتم تسجيلها رسميا حتى الآن.
واسمح لي أن ارفد بوستيكم العامر بشذرات من أخبار الجمعية منقولة من بوست جمعية ود زايد المنشور بمنتديات سودانيز اوف لاين.
-
showthread.php?t=2963
رئيس جمعية(ود زايد) عمك عبد القادر شيخ البلد شخصيا وهو رجل مرح جدا ويحب النكتة وعندو لستة باعضاء الجمعية في القرية واحد هواياته هي التحري عن الاشخاص المحتمل عضويتهم للجمعية ومن ثم تسجيلهم.
مرة جاي من السوق جاء يركب المواصلات ..لاحظ في العربية قفة مليانة طلح وشاف والذي منه وكل الركاب رجال..أها اتوقع على طول يلقي احد اعضاء الجمعية المعروفين راكب ..عاين في الناس وكلهم بعرفم ما لقي اي عضو في الجمعية بينهم...الله دا معناها عضو مستتر!!..وصمم على معرفة هذا العضو جات المحطة حقتو ابي ينزل منتظر يعرف صاحب القفة وفضل راكب لحدي ما نزل كل الركاب وفضلت القفة أها في اخر محطة شال القفة ومشى البيت..
وفي نفس اليوم الساعة 12 مساء دق الباب فاذا بود الخبير شخصيا هو صاحب القفة ..ومن ذلك اليوم وود الخبير اصبح عضو معروف في الجمعية.
90%من الرجال الذين يعيشون مع زوجاتهم خارج السودان هم أعضاء في جمعية ود زايد والسبب في ذلك إن الذين يعيشون في السودان (مقوين عينهم) بالناس الحولهم وينهزروا في الحريمات والزوجات بس متحملات عشان ما يسون لهن نضم في الفاضي,لكن عندما يزول عنصر التاثير الخارجي من الأهل ويجتمع الزوجين قرون بقر في الغربة محل ما في أمي ولا في أمك, فان شخصية الزوجة هي الغالبة وينضم الزوج طائها مختارا الى جمعية ود زايد.
انضم الى هذه الجميعة في السنوات الاخيرة شخصية سودانية هامة جدا وكان لانضمامه لجمعية ود زايد اثر ايجابي على حياة كل السودانيين.
قبل انضمامه للجمعية كان زهجان وصاري اخلاقو ومتحمس للمشروع الحضاري الفاشل ومستعد يبيد الناس كلها عشان المشروع وعايز يمشي الناس بالقوة وعايز يشاكل العالم كلو. وتلقي دقنو ليها غوفة وشعرو كلو بقي ابيض.
والحمد لله من يومو الانضم للجمعية بعد عرس البنية ديك الله يطول عمرها كراعا لينة جات ومعاها الخير,من يومو العرسا عمنا طوالي صبغ شنو ودقنو, والدقينة ذاتا بقيت صغيرونة,وتحس بيهو رجع لوراء عشرة سنين ,ودائما مبسوط.
أيها العزابي اذا كنت لا تود ان تكون عضوا في هذه الجمعية أنصحك بالاتي:
- أولا تزوج واحدة شينة وبايرة.
- لا تتزوج امرأة عاملة على الإطلاق فهذا هو اقصر طريق للانضمام للجمعية.
- لا تتزوج امرأة أعلى منك مستوى تعليميا يعني اذا عندك بكالريوس اختى العندهم ماجستير.
- لا تتزوج واحدة كان عندك معاها حبكانات وكنت خاطبا لفترة طويلة لانها بتكون كاشفة أوراقك كلها.
| |
|
|
|
|
|
|
|
|
|
Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: معاذ حسن)
|
الاخ معاذ حسن
شكرا على المرور
ولقد محضت النصح
Quote: أيها العزابي اذا كنت لا تود ان تكون عضوا في هذه الجمعية أنصحك بالاتي:
- أولا تزوج واحدة شينة وبايرة.
- لا تتزوج امرأة عاملة على الإطلاق فهذا هو اقصر طريق للانضمام للجمعية.
- لا تتزوج امرأة أعلى منك مستوى تعليميا يعني اذا عندك بكالريوس اختى العندهم ماجستير.
- لا تتزوج واحدة كان عندك معاها حبكانات وكنت خاطبا لفترة طويلة لانها بتكون كاشفة أوراقك كلها. |
| |
|
|
|
|
|
|
|
|
|
Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: Abuelgassim Gor)
|
صديقى جمال حسن سعيد جسددورا كهذا فى احدى (متاعبه)الكوميدية..
التجانى..زولا فحل..ارباب ود ارباب..سكينو حمرا..ايدو تسبق تفكيرو..لايخاف احداسوى ابنة عمه..زوجته..يخاف دون سبب وجيه..يخاف والسلام..
صديقى رجل الاعمال المشهور..يغامر فى الاسواق بأمواله ..وبكل شىء..سوى طلبات زوجه..ثم وهو لاعوام يرواح مكانه فى رغبة الزواج مرة اخرى ولو سرا ولكنه يخاف بعبعا ان ينكشف امره ويبلغ ام العيال..
فنان عظيم..فى مشاركاته الخارجية يصحب زوجه..ولا تتخلف الا عندالضرورة الملجئة..
لاعب كرة..تخضع شروط تسجيله لرغباتها..وهى لاتعرف الاوف سايد من ضربة الجزاء..
القائمة طويلة..
هو موضوع تحقيق صحافى اعده لجريدة السودانى..حول المراة وحالات الطلاق بسبب طفشان الازواج مما تضيق به احصائيات المحاكم..التحقيق فى جانبه فتح الباب الى حالات بعض الازواج من الاصدقاء..ثم يعترفون لى سرا..طلبت ان افتح بابا للحوار..معظمهم طلب التلميح الى حاله..عدا الدكتور ابوالقاسم قور..يخاف فى العلن,,وسوف يرعى الجمعية..
وفى البورد اخرين..
اعود
مودتى وتقديرى
| |
|
|
|
|
|
|
|
|
|
Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: محمد عكاشة)
|
قالوا واحد عايز يسجل للجمعيه ايها.... اها اللجنه قالت ليهو ورينا المؤهلات... قال .. انا اول ما اصحي الصباح اقوم اغسل العده و اعمل الشاي والفطور واغير لبس الاولاد للمدرسه واقوم امشي الدكان والذي منو اشتري المقاضي .. وافطر المدام واوصله الشغل وبعد داك امشي الشغل .... اها بعد داك اجي راجع ومعاي العائله وقت الغدا اها اوجيب معاي الغدا من لذيذ واغدي ناس البيت كلهم... وبعد داك امشي صلاة العصر وما ارجع الا بعد العشي واعشي ناس البيت والم العده وانوم للصبح وكل يوم علي كده....
قرر اللجنه الطلب مرررررررررفــــــــــــــــــــــوض .... قالو ليه.... لانو بيسيب العده ما مغسوله للصبح....
غايتو يا دكتور شكلك كده ما بتخاف ولا حاجه ... بس ده نظام موية سكر ساكت ............. ارقد عافيه
| |
|
|
|
|
|
|
|
|
|
Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: محمد عكاشة)
|
الخواف ربي عيالو
معاي؟؟؟
جيتكم استجابة لاستفزازكم لي بغياب الجنس (المدعو) لطيف..
وشايلة معاي قفة مساهمة.. اسميتها كارثة مارس..لكم مطلق الحرية في الحاقي بعنوان البوست: نجوم وشخصيات بارزة في الجمعية السودانية للرجال الذين يخافون من ازواجهم..
طبعا ما بقبل بفقرة صغيرة في داخل الدستور..
بل اطالب بتغيير العنوان وذلك الغاءا للجندرية الانا ظاااااااااااتي بشتكي منها..
المشاركة الجاية ليست رهينة بقبول العضوية وانما بالغاء كل المظاهر الجندرية، ولا انا بعمل بوست بفضح فيهو كل المتزوجين المسنقلين روحهم في المنتدى، واشرح واحكي واشَرِّح في حكاية خوف الرجال من النسوان وبالادلة والبراهين القاطعة كمان.. المشاركة دي عشان اعترف ..ولا بلاش..!
هاكم مشاركتي، عربون صداقتي
كــــارثة مــارس..!!
حليمة محمد عبد الرحمن
ما المانع أن تقدم لنا في ذكري يوم المرأة العالمي خدمات فندقية خمسة نجوم، طالما نحن جرسونات 363 يوماً؟
لماذا لا نتبادل الأدوار، فاستأسد يوماً واحداً..ويخلص حقو قديم وجديد في باقي السنة؟؟
مارس شهر الكوارث عاد..فعادت اليَّ احلي الليالي..!!
: تيتي.. تيتي
متل ما رحتي جيتي..
حاشية: تيتي طيبة الذكر هي الذكر السنوية للثامن من مارس والتي تعرف بيوم المرأة العالمي..
مارس ليس من الشهور المحمودة الذكر.. يكاد يكون التؤأم للرقم 13 لدي الغربيين..
هل تذكر كل النساء الثامن من مارس من كل عام ؟
قلة فقط هي التي تمتلك المعرفة بحكم الوراثة أو الممارسة..
أما الغالبية وأنا منهن- تمر ذكري هذا اليوم من كل عام ناهيك عن أن تمر بخاطري, علي الرغم من أنها أحد مظاهر الثقافة في هذا الزمن والأبهة الاجتماعية . ما أحوجن إلي ذلك..!! كيف لا والكم قد فغر فاه متجاوزاً الكُم..
كـًل ياكـُمي..!!
رغم كل الهرطقات اللفظية والمعرفية والوجاهية-هذه من عندي- السابقة لا اذكرها ..مثلها مثل رفيقتها المرحومة ذكر الزواج..!! ليس نكران جميل مني..ببساطة شديدة لم تحتل هذه الذكري حيزاً كبيراً لا في عقلي الباطن ولا الظاهر.. حينما كنت في المهنة، كانت بعض المنظمات النسائية تتطوع وتخسر من جيبها لتذكيرنا بها.. فنجتمع ونسولف ونتقهوج ونأكل الكيك حلو الطعم في إحدى القاعات المكندشة ونعود نعتلي الدفارات عائدات مساء نفس اليوم إلى مساكننا..!!
لعل المفارقة بين الضل البارد وقهوته الحلوة وبين الدفار نقل مواشي، متون وحواشي، هي التي تجعلنا نستطعم الكيك لفترة طويل..ونلوك كذلك ذكري مارس..!!
ولكن ماذا لو تم تفعيل ذكري مارس بحيث تصير اكثر جدوي وفاعلية؟
يا حرام..
ماذا لو تبنت القوانين الوضعية إعطاء المرأة حق يوم كامل..أربعة وعشرين ساعة بالتمام والكمال.. إجازة كاملة عن الأمومة والزواج مع الإعفاء التام عن ضريبة مشتقات الأمومة التي تشمل إعداد الطعام ومصاقرة المطبخ من بداية الدوام.. آنذاك، سيكون لمارس صدي واسع ..
يوم واحد يا أخوانا..
**************
ما الذي يمنع أن تكون كل الأيام أعيادا لهما الاثنين، وليس أن تكون القسمة ضيزي. يوم واحد لها وكل الأيام له، رغماً عن عدم التصريح بان كل باقي السنة رجالية. لماذا لا تكون كل الأيام 8 مارس للاثنين. وليس سنة كاملة كل أربعة أعوام، لواحد منهما وللآخر يوم واحد..
ماذا لو قبل الزوج في ذلك اليوم بالاضطلاع بالأعباء المنزلية من نظافة وطبخ ورعاية الأبناء وتلبية مطالبهم ؟
ما الضير في أن تقديم خدمات فندقية خمسة نجوم، لنا في ذلك اليوم ، طالما نحن جرسونات 363 يوماً؟
ما المانع أن نتبادل الأدوار، فاستأسد في ذلك اليوم و "يستنعم" هو؟
**************
أضغاث أحلام..
يا فتاح يا عليم.. يا رزاق يا كريم.. اليوم هو اليوم الموعود..عنكبة عكننة .. مغبونة أنا..!! يا حليلو مشوار السنين..!!
اليوم أمر.. وغداً الله كريم..
" أصحو متأخرة من النوم وابدأ اطَـِرق في حسي: ما جهزت ليّ هدومي ليه؟-علي فرضية أنني موظفة أو مثقفة- ما كلو زي بعض- وين الفطور ؟ الشاي بارد ليه؟ غيرت للولد البامبرز، رضعتو البزازة الكبيرة بتاعت الحليب ؟ جهزت للأولاد الفطور والعصير بنفس الطريقة بتاعتي ؟ وضعت دفاتر اليوم في الشنطة ؟ إنشاء الله ما نسيت الأقلام والاساتيك؟
الثورة انطلقت..!!
فش غل تمام.!! محاسبة صرا طية. وهو يرتجف، أمامي.. !!
يا سلام!! إحساس جميل بالهيمنة!!
قد تمتد يدي بحثاً عن شنبي لأبرمه!!!.
فجأة يخطر علي بالي سفر "المثقفاتية" والجماعة بتاعين "الشِبَك"..
اخترع لي سفراً مفاجئاً لمواساة المرأة الفلسطينية أو الكشميرية أو حتى الأفغانية-اللائى لم يترك لهن الإعلام أوراق توت يسترن بها غبنهن الاجتماعي- ، في أوضاعهن المأساوية.
أقدامكن لابو ابراهيم وإنشاء الله ما يكابروكن في الشينة..
في حضرة الكاميرات، ساكون آخر أبهة ، ابتسامات محسوسة ومصافحات مدروسة...
سأتكلم – إن طلب مني ذلك أو لم يطلب-عن حقوق الإنسان والمساواة بين الجنسين، أصرح بأنه لا يوجد ما يسمي " بالجندرة" في حياتي.
ومروراً بالجندرة أتطرق إلي "قريباتها القـُندُرة والفندرة والصندرة والشَرَاية والنَقَدَة.. وكيف ان الحضارة أنثى والذي يقوم علي تفعليها رجل.. كما لا انسي الوقوف عن أطلال صراع الحضارات الطارف والتليد..
واحلل بذلك ثمن التذكرة والفندق والنثريات اليومية لأعود واضمن ذلك في التقرير الذي أكون قد أعددته مسبقاً..
كل ذلك في يوم واحد اسمه الثامن من مارس..!
لن انسي السوق.. لب الموضوع أساس السفر. والصور الفوتوغرافية.. لزوم التوثيق.. سأبتسم للكاميرا.. اكثر مما ابتسم لزوجي وأبنائي.. اجتهاد تام في استيفاء كل شروط القدوم والاستقدام..!!
ولا انسي أن المرور علي عناوين الأخبار حتى لا تفوتني المواكبة.." طبعاً.. موش مثقفة؟".. سأردد كالببغاء المقولة المحفوظة : "نحن أمة سياسية. نتنفس السياسية ونلوكها ونمضغها ولا نلفظ القضية.. لا نفرق بين الصاروخ ولا الطيارة ولا الغارة الجوية..!! نحن "قواعد" سياسية ، مسيسة ضليعة وضالعة ورؤوس فارغة.. نحن أمة موغلة في الضياع المعرفي.. والمعرفة الضياعية.. ضياع القاعدة "المكربة" ناتج عن ضيعة الرؤوس الضائعة..التي اجتهدت في الأعمال التوثيقية، فجعلت لكل حادثة حديث موثق، ودفنت كل المواثيق والوثائق القديمة أقامت علي أكوامها وثائقها الجديدة..
كاميرا فلان الفلان.. إعلام علان العلاني.. وصور جانبية وصور بابتسامة وصور ذات ابتسامة رمادية، كل حسب الأوضاع والوضعية..
وصور عادية لزوم الأرشفة والاختيار المعلب..لفلان الفلاني.. ألبومات صور..
ما بين "القاش" والقاشات ..ضاعت الحواشات"..
سأتحدث عن هجرة الريف إلي المركز وهرب المركز إلي الخارج.. عن الريف الداخل والحضر الخارج. و"سأسولف" وأُسوِف عن ترييف الحضر وإفراغ الريف .. عن ضياع الاثنين .. سأتحدث عن إدبار الريف عن الدَبَر والمايو والزريزيرة والفترينة وتعلقه الغريب بالرغيف !!
"آ القمح أمانة ماك سمح".
سأتطرق أيضا إلي الخارطة المتمددة ..والداخل المتقلص.. وحسن المعيشة المتفلت..وعن الانفلات الاجتماعي.. وائتلاف الانفلات..
وتضج الحروف والمفردات.. لسان أعجمي يرطن وآخر عربي مبين..
ألفاظ تتلاعب.. كلمات ملعوبة ومحسوبة ومحفوظة مثل أحاجى الحبوبة..
لعبة في لعبة هي الحياة..
وما أعجب إلا من راغب في ازدياد..
عجبي..!!
كما أن "الموجب" واجب.. ستشكرني الأخريات.. ويدعين لي بان " لا يكابرنني في الشين." مكابرة مدعومة..
"الموجب واجب".
سنتعازم.. يعزمنني مرة .. واعزمهن مرات كثيرة.. "يا مقدم السبت ، تلقي الأحد." والكراع الغبشة بتجيب الممسحة.. ويصير البيرديوم من الثوابت في حياتي.. سأنتعش وتخرج من غرفة الإنعاش نثرياتي..!! ستصير الأمور تمام.. حدث يا سلام.. وينطلق قطاري..
"الأبيض قام يا سلام خلي الحلة تمام.."
صباح الخير أيها العالم..
لا مساك الله بالشر أيها الثامن من مارس..
ليت شمس التاسع منك لا تشرق أبدا.. لن تسقط الراية.. الأربع والعشرين ستتمدد..
يا لمقلب الفيمينزم..!!
اليوم أمر.. وغداً إحساس آخر.. قد يكون امَرّ؟؟
اللهم اجعل أبو الوليدات ضمن الفئة، التي جعلت من بين أيديها سداً ومن خلفها سداً و أغشيتها فهي عمياء عن القراءة والسمع في هذا اليوم..
ابتسم.. حسنة ليست مضروبة(من ضرائب).
شمس مارس توشك علي الغروب. سأقضي أمسية بيضاء.. لن يغمض لي فيها جفن..
لن أتنازل عن عرش اعتليته بعرق جبيني.. وسيل عرق أخريات وآخرين.. أخوان بنية.. الله يجازي محن الفيمينزم..
ليت شمس التاسع لا تشرق.. يخيب الرجاء يؤاد الأمل الوليد..
هه .. ابتسم .. "التتفاولو تتناولو" كانت جدتي تردد..
"الغبطة فكرة." صرخ مفكر فذ..
جدتي كانت كذلك..!!
صباح الخير أيها العالم..!!
مساء الخير أيها الإحساس الجميل..!!
ابتسم..!! لن تقف في صف لترد ثمنها..!!
تقدير وعرفان..
يا للحلم الجميل الذي رفع رايته رجال ونساء أعزاء آلو علي أنفسهم الوقوف في وجه عادات وتقاليد المجتمع دون الخروج عليه، فوجد التغيير تربة خصبة، فانبت ثماره. من كل لون بهيج..
في مثل هذه الذكري نزجي التحية لذكري الشيخ بابكر بدري الذي اخذ علي عاتقه تعليم المرأة قبل قرن من الزمان في مدينة رفاعة في ذلك المنزل "الطيني" ، لتضطلع أسرته بإنشاء أول جامعة نسائية في أفريقيا قاطبة، تعمل علي النهوض بمقدرات المرأة في الريف.
والتحية أيضا لروح الشاعر الفذ خليل بن فرح الذي أراد للمرأة السودانية اللحاق بركاب الأخريات والانعتاق من قبضة العادات والتقاليد التي كانت تضع متطلبات خروجها في أربع او ثلاث حالات: من بطن أمها للدنيا ومن بيت أبوها لبيت راجلها ومن هذا الأخير للمقابر..
"انتي يا الكبرتوك، البنات فاتوك في القطار الطار".
وللكثيرات تتقدمهن خالدة زاهر سرور سادات رائدة الطب وعزيزة رمضان رائدة التمريض، والسسترات بتول محمد عيسي وجنيدابية صلاح الدين اللائي ناهضن خفاض المرأة وحواء البصير والأستاذات مدينة وفاطمة طالب وثريا امبابي و حاجة كاشف بدري و وفاطمة شوقي وغيرهن من رائدات التعليم.. وكذلك د. امال نور الدائم في مجال الصيدلة وزينب شبيكة في مجال الهندسة سنية الرشيد في مجال القضاء..الخ . كما لا ننسي الوقوف عند ذكري الصحافيات الأوائل اللائى اصدرن مجلة صوت المرأة منذ الخمسينات: فاطمة احمد إبراهيم، والمرحومة د. زينب الفاتح البدوي.. وغيرهن وغيرهم من الكوكبة السودانية التي أضاءت شمعة في دياجير ظلام تلك الأيام..
لابد من وإسدال الستار علي النفخات العنترية..
اللهم اجعله خير..!!
الثامن من مارس أدبر والتاسع من مارس اقبل..
صابحنا الواقع النكرة وطارت الفكرة الـ"..."
ليت اليوم لم تشرق شمسه..!!
تيتي ..تيتي..
غيرتي شكلك ولا نسيتي..؟؟
ودمتم
حليمة
| |
|
|
|
|
|
|
|
|
|
Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: حليمة محمد عبد الرحمن)
|
Quote: الخواف ربي عيالو
معاي؟؟؟
جيتكم استجابة لاستفزازكم لي بغياب الجنس (المدعو) لطيف..
وشايلة معاي قفة مساهمة.. اسميتها كارثة مارس..لكم مطلق الحرية في الحاقي بعنوان البوست: نجوم وشخصيات بارزة في الجمعية السودانية للرجال الذين يخافون من ازواجهم..
طبعا ما بقبل بفقرة صغيرة في داخل الدستور..
بل اطالب بتغيير العنوان وذلك الغاءا للجندرية الانا ظاااااااااااتي بشتكي منها.. |
الاخت حليمة
شكرا على حضورك الكريم ومساهمتك القيمة..
مزيد من الحوار..والجندريات
مودتى وتقديرى
| |
|
|
|
|
|
|
|
|
 Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: محمد عكاشة)
|
| Quote: 90%من الرجال الذين يعيشون مع زوجاتهم خارج السودان هم أعضاء في جمعية ود زايد والسبب في ذلك إن الذين يعيشون في السودان (مقوين عينهم) بالناس الحولهم وينهزروا في الحريمات والزوجات بس متحملات عشان ما يسون لهن نضم في الفاضي,لكن عندما يزول عنصر التاثير الخارجي من الأهل ويجتمع الزوجين قرون بقر في الغربة محل ما في أمي ولا في أمك, فان شخصية الزوجة هي الغالبة وينضم الزوج طائها مختارا الى جمعية ود زايد. |
عجبتني الحتة دي..جِنِس عجب... !!
| |
|
|
|
|
|
|
|
|
|
Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: mamkouna)
|
| Quote: Quote: 90%من الرجال الذين يعيشون مع زوجاتهم خارج السودان هم أعضاء في جمعية ود زايد والسبب في ذلك إن الذين يعيشون في السودان (مقوين عينهم) بالناس الحولهم وينهزروا في الحريمات والزوجات بس متحملات عشان ما يسون لهن نضم في الفاضي,لكن عندما يزول عنصر التاثير الخارجي من الأهل ويجتمع الزوجين قرون بقر في الغربة محل ما في أمي ولا في أمك, فان شخصية الزوجة هي الغالبة وينضم الزوج طائها مختارا الى جمعية ود زايد. |
Quote: عجبتني الحتة دي..جِنِس عجب... !!
"ممكونة" |
الأخت ممكونة : قرأت ما بين السطور
باين عليك ممكونة جد جد
| |
|
|
|
|
|
|
|
|
|
Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: محمد عكاشة)
|
الأخ / محمد عكاشة
تحياتي
والله لو جيت للجد , مافي زول ما بخاف من مرتو والبيقول غير كده كذاب
أذكر احد الأخوان من النوع العامل فيها ابو الرجال مرتو قالت ليهو
ولاحظ وهي ماشه ليها مشوار دخل الولد ده البيت وغير ليهو ( ملابسه )
وهو في الشارع واصحابو واقفين معاهو , قال ليها بغير ليهو ملابسه
لكن والله ما ارضعه هـا ها ها 0000 ينفع معاكم العضو دا0
والله الزول دا ما انا لاني عارف في ناس كتيرين منتظرين مداخلتي وخاصة
اخي عادل جبارة وصديق الموج , وعلي فكرة انا بعترف باني بغسل العدة
لكن هم بيعملوا شنو؟؟؟ 000
طبعا عادل جبارة اولاده في السودان وطبعا اكيد بيعمل ليهو في بكاليورس
في الطبخ ونظافة الشقة وشد الملايات بالدبابيس وغسيل العدة ده هو ناكره
لكن بينى وبينكم زول بيعمل كل دا غالبو يغسل العدة 00
اما اخوي صديق الموج فطبعا يظهر في كل المناسبات والنوادي وبصورة
متكرره عشان يوري الناس انو لا بتاع مراسيل ولا غسيل عدة ولا خلافه
لكن الحقيقة هي انو صديق الموج متبع سياسة ( إشتغل بالنهار واظهر في الليل )
اكيد حايقول لي ليه هو انا حرامي 0
| |
|
|
|
|
|
|
|
|
 خوف بالصح (Re: محمد عكاشة)
|
Quote: كان قوم يصلون ومعهم أبو نواس فابتدأ الإمام يخطب ثم قال بعد الخطبة : إن كان فيكم
رجل يخاف امرأته فليقم واقفاً,فوقف الجميع إلا أبا نواس ,فإنه لم يتحرك من مكانه وبقي جالساً, فظنه الخطيب لايخاف امرأته , فقال له: ما بالك يا أبا نواس لم تقم , لعلك لاتخاف امرأتك ,فأجاب : يامولاي ليس الأمر كذلك , فنهار البارحة ضربتني على رجلي و آلمتني جداً لهذا السبب لم أتمكن من القيام فابتسم الخطيب و القوم من كلامه....! |
| |
|
|
|
|
|
|
|
|
|
Re: خوف بالصح (Re: lana mahdi)
|
الأخ محمد عكاشة
تحياتي
ماداخل في الموضوع ده مالك؟؟
اخي عادل جبارة انا بعد غسيل العدة . بذاكر للأولاود لكن انت بتعمل شنو ؟؟
وطبعا أم محمد علي وشك الحصضور للرياض مع العيال واكيد خاته في بطنها
بطيخة صيفي لانو عدولي ما خلي حاجة ( لكن بيني وبينك النظافة من الأيمان )
وانا لا اشك بايمانك 0
| |
|
|
|
|
|
|
|
|
|
Re: خوف بالصح (Re: هاشم أحمد خلف الله)
|
البند الرابع: الما بخاف من مرتو الكريم سختو : أن أكون موظبا على الصلوات. أكون مواظبا على صلاة المغرب بالمسجد. ثم أظل مع الرجال بباب المسجد أغالط معهم حول القضايا المختلفه بصوت عال .حتى تقوى الزوجه على سماع صوتى. أن لا ابارح المكان حتى موعد صلاة العشاء وبعده مباشرة أعود للمنزل . ,أظل فيه حتى صلاة الصبح .
البند دا والله صعب عليك يا بشتون أستاذى السنى
أنا عارف نوع قلقك الابداعى
| |
|
|
|
|
|
|
|
|
|
Re: خوف بالصح (Re: Abuelgassim Gor)
|
حسي جايب سيرتي ليه
في داعي
بقت علينا حكاية الكاشف اخوي
الأيام دي زوجتنا في السودان
لتشارك اخيها عماد افراحه
والله ورقبتي في البيت
وبشتون بي حق وحقيقة
وكمان اتعلمت حاجة جديدة الدغالة
اي حاجة كنت ممنوعه بقيت بسويها ارمي الهدوم في الأرض وما اغسل العدة
ولمن اجي داخل البيت اخاطبها كأنها موجودة :
ايوة جيت تجي رقعك ما طالع فوق ، واخبط الباب بقوة
ايوة خبطتو عاجبك ولالالا؟ وادخل المطبخ اعمل الغدا وارمي العدة في الحوض
هسي ليها يومين ..
مابغسله ايه رايك
ابوالقاسم اخوي انا الأيام دي سيد نفسي ما تشاغلني
خلينا نستمتع بالحرية
| |
|
|
|
|
|
|
|
|
|
Re: خوف بالصح (Re: محمد سنى دفع الله)
|
هوىىىى يا بشتون السنى
هناك تقارير سرية
حسى كلامك القلت دا وصل ليها
هها شيل شيلتك
غايتو مرتك أشترت عشره مفراكه ( حجم عائلى)
وأنا عارفك المفاريك أنت ما بتقدر عليها
قالت حالفه ومتيمنه اليوم التلم فيه بشتون الا توريه الويل وسهر الليل
وتخلى ريحتو طير طير
سهر الليل انت بتقدر عليه
وكمان ريحتك تبقى طير ...طير
Quote: ولمن اجي داخل البيت اخاطبها كأنها موجودة :
ايوة جيت تجي رقعك ما طالع فوق ، واخبط الباب بقوة
ايوة خبطتو عاجبك ولالالا؟
|
Quote: البوليس السرى بتاع الجمعية
قال فى تقريره ...الكلام دا ما كلام زول لنفسه ...يعنى يا بشتون براك لفيت الحبل على رقبتك
حسى أنا عملت دعوه للمستشار القانونى بتاع البورد عشان يثبت انت أصلا بتكلم نفسك
وشوف انت براك بتثبت التهمه فيك |
| Quote: خلينا نستمتع بالحرية |
Quote: انت ما قريت لائحة الجمعية ولا شنوه ؟
هسع كلمة (حرية ) مش الجابت خبر اخونا ( كبسور)
يعنى انت ما سمعت يا بشتون بحكايتو ؟
وشوف تانى زدت الطين بله |
| Quote: اي حاجة كنت ممنوعه بقيت بسويها |
حسى من أمس ونحن ندافع عنك عشان ماتتعرض للمحاكمة
الغريبه محمد عكاشه قال لى الشكوة مكتوبة بعنوان
( خروقات بشتون بين الدوحه يوسسف والكرتون)
انت فى واحد شافك فى الكرتون؟؟
ياك بشتون ذاتو
شفت بشتنتنا كيف
اليوم فى اجتماعين بخصوصك
عموما سندافع عنك
لكن مشكلتك كبيره
| |
|
|
|
|
|
|
|
|
|
Re: خوف بالصح (Re: Abuelgassim Gor)
|
مادام جابت ليها زرزرة وفتن
ارجوكم كونوا رحيمين على اخوكم
ياجماعة الواحد لو نفش سمنو وحرك ريشو ماتفرحوا ليه ؟
الصباح قمت غسلت العدة
ونظمت البيت
اها تاني دايرين شنو
ود عكاشة ده انتظر ليه
بعدين ياقور حكاية المفراكة دي كيف
اخوك المرة قامت بي عمله على خير وجه
سمنتنا لحدي ما بقينا ما بنقدر نتلفت
المفراكه ازوغوا منها كيف ؟!!!!
اول ما تصل بفتش عفشه وبسحب كل المفاريك ونحتكم لي وسطاء حكماء
ايه رايك اوع ترشح نفسك !!
| |
|
|
|
|
|
|
|
|
|
Re: خوف بالصح (Re: محمد سنى دفع الله)
|
يا محمد عكاشه
لم استلم الشكوى المقدمه من سهير
ضد بشتون
هو الآن على الخط
وبدى يورد بعض التبريرات
لكن حقو - طبعا حق قانونى - وفقا لدستور الجمعية
المتهم يدافع عن نفسه
أيضا هو بقترح وسطاء حكماء ..طبعا هو بشتون دايما قاعد يطبظ الاشياء زى ما مقتنع بلجنة النظر فى الشكاوى. بعدين طلب منى عدم ترشيح نفسى....كويس
ياخوى دى لجنة فيها ناس ( هاشم هبانى)
و ( دينق)
وناذر
ناس دغرىىىىىىىى
شيل شيلتك
الشكوى سوف أرسلها ليك عبر البوست
الواحد فيكم يقوم يطبظ ساكت
حسع زولتك دى قالت حتخلى ريحتك طير ..طير
| |
|
|
|
|
|
|
|
|
|
Re: خوف بالصح (Re: محمد سنى دفع الله)
|
Quote: حسي جايب سيرتي ليه
في داعي
بقت علينا حكاية الكاشف اخوي
الأيام دي زوجتنا في السودان
لتشارك اخيها عماد افراحه
والله ورقبتي في البيت
وبشتون بي حق وحقيقة
وكمان اتعلمت حاجة جديدة الدغالة
اي حاجة كنت ممنوعه بقيت بسويها ارمي الهدوم في الأرض وما اغسل العدة
ولمن اجي داخل البيت اخاطبها كأنها موجودة :
ايوة جيت تجي رقعك ما طالع فوق ، واخبط الباب بقوة
ايوة خبطتو عاجبك ولالالا؟ وادخل المطبخ اعمل الغدا وارمي العدة في الحوض
هسي ليها يومين ..
مابغسله ايه رايك
ابوالقاسم اخوي انا الأيام دي سيد نفسي ما تشاغلني
خلينا نستمتع بالحرية |
معقوله بس..يااا السنى
| |
|
|
|
|
|
|
|
|
|
Re: خوف بالصح (Re: هاشم أحمد خلف الله)
|
Quote: الأخ محمد عكاشة
تحياتي
ماداخل في الموضوع ده مالك؟؟ |
الاخ هاشم
تحياتى
انا بصدد تجميع العضوية وفى انتظار دكتور قور للانتهاء من البنود
ومحمد السنى ما مقصر..تب
نواصل
مودتى وتقديرى
| |
|
|
|
|
|
|
|
|
|
Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: محمد عكاشة)
|
البند الخامس : الما بخاف من مرتو ياكل نيمو
هذا هو البند الخامس والأخير . وأكل النيم ،وحرق الجاز كلها من التعابير التى تفيد فى الحيرة . ولتفادى الحيرة يكون الشخص عكس حالة بشتون .
عليه أدعوا الى اجتماع عاجل . يا محمد عكاشه الرجاء عمل دعوة لكل الأعضاء باسرع فرصه. أما بخصوص حالة السنى ( بشتون البوست) يمكن النظر فيها آجلا. كما أرجو أن توافونا بالحالة الاجتماعية للولد مجدى ... يعنى كيف أستطاع أن يحظى بعضوية جمعية الرجال الذين يخافون من زوجاتهم وهو ليس بيده دبله .....يا محمد عكاشه أوع تكون الجمعية دى مخترقه .
| |
|
|
|
|
|
|
|
|
|
Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: Abuelgassim Gor)
|
| Quote: عليه أدعوا الى اجتماع عاجل . يا محمد عكاشه الرجاء عمل دعوة لكل الأعضاء باسرع فرصه. أما بخصوص حالة السنى ( بشتون البوست) يمكن النظر فيها آجلا. كما أرجو أن توافونا بالحالة الاجتماعية للولد مجدى ... يعنى كيف أستطاع أن يحظى بعضوية جمعية الرجال الذين يخافون من زوجاتهم وهو ليس بيده دبله .....يا محمد عكاشه أوع تكون الجمعية دى مخترقه . |
تم العلم ويفاد
موعد الاجتماع والاجندة
مودتى وتقديرى
| |
|
|
|
|
|
|
|
|
|
Re: نجوم وشخصيات بارزة فى الجمعية السودانية للرجال الذين يخافون من زوجاتهم (Re: محمد عكاشة)
|
الأستاذ محمد عكاشة ....عساك بألف خير
موضوع لذيذ جداً والزمن ده زمن صعب، ياما بعرف نسوان ضافرين رجالهم...عارف ليه؟؟؟ من البسمعوه فلان قال ماشي اجازة يشوف امه وأبوه قالوا مشتاقين ليه ولا تعبانين...تلقى الولهان على الوالد والوالد بيعقد على واحدة ....ولا يقولوا ليك ماشين نشوف لينا بيت ولا قطعة أرض ....انت عارف الحريم كشفوا الحكاية.لكن برضه الرجال بيلقوا حيل تانية يسافروا بيها ويعرسوا
يعني ما بتغلبكم الحيلة....
مودتي
| |
|
|
|
|
|
|
| |
محمد عكاشة
Abuelgassim Gor
motaz
معاذ حسن
willeim andrea
حليمة محمد عبد الرحمن
هشام كمال
mamkouna
فاروق حامد محمد
lana mahdi
هاشم أحمد خلف الله
محمد سنى دفع الله
Adel Sameer Tawfiq
مجدي عوض صديق
salma subhi
صلاح شعيب
فيس بوك
تويتر
انستقرام
يوتيوب
بنتيريست