|
|
 بكري ابوبكر .. خُم و صُر
|
هل ماُيُكتب في الصفحة الاولي هو مستقبل السودان القادم ؟؟
وهل مايُكتب هناكـ هو اسهامكـ في سودان مُعافي من الحروب ؟؟
هل من اجل ما يملاء الصفحة الاولي من ضغائن و احقاد اُنشئ منبر (بكري ابوبكر )
لقد ظللنا( نترجاكـ ) عشان تقبل فلان و علان من شباب البلاد الواعيين لقضايا
السودان و انت في صمتكـ الشهير كما ابا الهول ترقب الدهر دون ان تطرف لكـ
عين .. خُم و صُر ,, و مبروكـ عليكـ الاف المُغبشين فكريا و مبروكـ عليكـ
تأخرنا مليون سنه ضوئيه جديده بفضلكـ يا سياده الربان الماهر
لا تتوهم ان ماتنضح به الصفحة الاولي من دعاوي واضحة لنسف التعايش السلمي
في السودان هي مجرد اراء لاولاد قلبهم حار و مابرضو الحقاره
لا
هذه يا صاحب منبر الحوار ( العام ) حملة كاملة لتجريدنا من الامان طيلة حياتنا
و لالغاء عقولنا و الحاقنا بحزب الضغينة و الكراهية و سرب الاغبياء المنفعلين
ماحدث امس في الخرطوم امر فظيع و جريمة في حق الشعب السوداني شمال و جنوب
يجب ادانتها و التعامل معها بحزم من جانب السُلطات و الجهات الرسمية فنحن
نعيش في الالفيه التالتة حيث دولة القانون و المؤسسات لا استنفار الجموع لتأديب
الجنوبيين المتطاولين علي الشماليين
مبروكـ عليكـ اسهامكـ الفعال في نشر الدعاوي العنصريه بأتاحة الفرصه لاقلام
تنادي بذاكـ و مبروكـ عليكـ صمتكـ الشهير
خُم و صُر
هذه ليست دعوة لفصل فلان او طرد علان .. رغم ادانتي لاحداث اول اغسطس
الا انني اُدين ايضا مايحدث هنا من مؤامرات تسعي لنسف التعايش السلمي
في السودان
|
|
 
|
|
|
|
|
|
|
|
Re: بكري ابوبكر .. خُم و صُر (Re: خدر)
|
الاخ خدر
هل نختفي في ما يفسرنا ويشبهنا
وهل نستطيع الموت في ميلادنا الكحلى
ام : نحتل مئذنة ونعلن للقبائل ان يثرب اجرت قرانها لدينكا بور.......؟
| |
|
|
|
|
|
|
|
|
|
Re: بكري ابوبكر .. خُم و صُر (Re: ابوحشيش)
|
الاخ ابوحشيش
يثرب عقدت قرانها فعلا لاهل دينكا بور قبل شهر من الان
الم تُهللوا لنبي دينكا بور و هو يدخل الخرطوم دخول الفاتحين .. !!
كان ذلكـ هو القران الكبير
وحين يُصاب يثرب رشاش الدم من هذا القران .. علي يثرب ان تتسلح بالوعي قبل السلاح
علي يثرب الدفاع عن اهلها دون الحاجة الي بوقكـ الكبير الذي يصر علي مطاردة
الصفحة الاولي بالبوستات التي تُبشرنا بضعف قدراتنا و انعدام حكمتنا ساعة الغضب
بوستات لا تُريدنا ان ننسي عهد الخديوي اسماعيل و جندة الغلاظ بِيض البشرة و هم
يستحقرون اهل السودان و يسوقوهم (عبيدا ) لتحقيق احلام محمد علي الكبير
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
Quote: ماحدث امس في الخرطوم امر فظيع و جريمة في حق الشعب السوداني شمال و جنوب
يجب ادانتها و التعامل معها بحزم من جانب السُلطات و الجهات الرسمية فنحن
نعيش في الالفيه التالتة حيث دولة القانون و المؤسسات لا استنفار الجموع لتأديب
الجنوبيين المتطاولين علي الشماليين
|
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
خدر : يديك العافية ...
ويا بكري اتمنى أن تستمع إلينا مرة واحدة
نعم المنبر قمت بتأسيسه ولكنه وصل إلى ما وصل إليه بمن يكتب فيه
وأنت تشارك بزبح الأبرياء ببعض الكلمات التي تكتب هنا
هلا أصغيت لأخوانك ولو مرة واحدة
| |
|
|
|
|
|
|
|
|
|
Re: بكري ابوبكر .. خُم و صُر (Re: كبسيبة)
|
Quote: يا بكري اتمنى أن تستمع إلينا مرة واحدة
نعم المنبر قمت بتأسيسه ولكنه وصل إلى ما وصل إليه بمن يكتب فيه
وأنت تشارك بزبح الأبرياء ببعض الكلمات التي تكتب هنا
هلا أصغيت لأخوانك ولو مرة واحدة |
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
Quote: ماحدث امس في الخرطوم امر فظيع و جريمة في حق الشعب السوداني شمال و جنوب
يجب ادانتها و التعامل معها بحزم من جانب السُلطات و الجهات الرسمية فنحن
نعيش في الالفيه التالتة حيث دولة القانون و المؤسسات لا استنفار الجموع لتأديب
الجنوبيين المتطاولين علي الشماليين
|
| |
|
|
|
|
|
|
|
|
|
Re: بكري ابوبكر .. خُم و صُر (Re: محمد حامد جمعه)
|
Quote: هذه يا صاحب منبر الحوار ( العام ) حملة كاملة لتجريدنا من الامان طيلة حياتنا
و لالغاء عقولنا و الحاقنا بحزب الضغينة و الكراهية و سرب الاغبياء المنفعلين
واين كانت هذه المناشدة والمشال النيلى يتهم فى هذا المنبر على رؤوس الاشهاد وصراحة من بعض الاقلام بانه مستعمر وحامل لواء دولة الجلابة واين هذه المناشدة ورموز هذا البلد من كل مشرب وجهة تمسح به طرقاته واين كانت هذه المناشدة وبعض القبائل فى دارفور تتهم بانها عرابة الابادة والاغتصاب واين كانت هذه المناشدة ...و... و....
يا خدر بطلو فلسفة ونظريات |
بكري ابوبكر .. شايف ؟؟
سعادتو بقت عينو قويه
خُم و صُر
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
(يوم دامى )
Re: يوم دامـــــــى
قبل دقايق ...حضرت الى المنزل متهالكاً ....يوم عصيب ...
أنتهت الليلة الاولى ...وبعد ان جبنا الشوارع ...ووقفنا فى كل ركن ...ودكان ....وميدان
وانا شخصيا قابلت اناس يقطنون فى حى لم ارهم
من قبل ربما ذلك يعود الى اننى
أخرج يومياًَ من الصابح الباكر الى العمل ...واحضر عادة فى اولى ساعات الصباح ...ظروف اكل العيش ...
الذى شغلتنا به حكومتنا ....ونسينا كل شئ
واحيانا احضر فى المساء ...لانام لم اكن اخرج ...وكانت إجتماعيتى مقتصرة على المناسبات
اليوم أكتشفت بان الحى ...الذى أسكن ...يمتلأ بالشباب ...تترواح أعمارهم ما بين العشرين والثلاثين ...
يطوفون الشوارع ...لرد اى عدوان ...والأطفال ...يخرجون من حين لى اخر ...لتزويدنا بالشاى والقهوة ...
والنساء يحرسون البيوت ....مسلحات بكل ما يخطر على بال .... لم ينم احد هذه الليلة
شئ يجعلك تشعر ...بان كل الناس أخيراُ بقى
همـــــــــــــــــــــها واحد التصدى لى اى أعتداء مهما كان
وتصلنا الاخبار عن تمكن الناس من السيطرة على كل أحياء العاصمة
ورد كل مخرب
ــــــــــــــــــــــــــ
ما حدث اليوم
هو بمثابة قاصمة الظهر
على كل ما قيل عن السلام وما لخص على صفحات بيضاء ....محته الفوضى مهما حاولنا تجميل المنظر
فلا ثقة ستقوم ثانية ....الغدر ....هو ما حدث ....والسرقة والنهب والحرق والذبح من الأذن للأذن
هو ما راه
الناس لم يروا
مواكب ....تشييع ...وبكاء...ولا سمعوا مارشات عسكرية
....فقط كان هنالك الدم
وللدم لغة واضحة
الناس ناقمون
.....
.....
أخذوا على حيـــــــــــــــــــــن غرة
الكثيرون كانوا بالعمل ...والمدارس ....ووووووالخ
والحكومة ساعدت بشكل أو بأخر ...بعد ان وصلت الاخبار ...عن توقعهم المسبق عما سيحدث
بدليل تامينهم ....لى ناسهم....وووالخ
....
....
لن يستطيع من قاموا بكل هذا العمل تكراره...
فالجميع قد أخد حيطته ....بكل ما تصل اليه يداهو
.....
.....
الناس فى الشارع يتحدثون الان عن الإنفصال ....وهم سيقررون هذا
لا خطب رنانة ....لا هتافات ...لا شعارات
بعــــــــد اليوم إنعدمت الثقــــــــــة
وذادت الهوة ............وانمحى كل شئ جميل
....
....
وانتهى كل شئ
هذا ما يجرى فى الشوارع ....ان كنتم تريدون الحقيقة
ما أننى متأكد بأنها لا تعجب الكثيرين
....
....
لكنها الحقيقة المرة
فقد جلل .....وفقد وطن
استلف عينى القوية وافهم ما سرده هذا الزميل
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
الأخ خدر
تحية
هذا المنبر لا فيه ذبح ولا يحزنون
كلٌ يطرح رأيه .. ويصوّب أو يخَطّأ
الذبح كان هناك .. في الخرطوم
هناك كان الاغتصاب .. عينك عينك
مو قول قالو
هجم أناسٌ ما على أناسٍ ما.. لسبب ما
ما هو السبب!!؟
من الظالم ومن المظلوم!؟
ناقشوها هكذا.. ولا تحرضوا بكري!؟
كان المنبر هذا ولا يظل حمال لكل رأي
لم يذبح فيه أحدٌ أحدا
قل رأيا.. اطرح طرحا.. أرنا ماذا تقول
فيما جرى ويجري.. كيف نحلها.. هل بالثأر.. أم بالبحث
عن الأسباب ومعالجتها..!!؟
لا تنحرفوا بالأمور إلى غير وجهها .. رجاء
مع بالغ احترامي
ود عقيد
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
الأخ خدر
انا مرصود ولا شنو؟
بالفعل نظرت حولي .. وتابعت آراءك.. ولكني لا أتفق
مع موضوع هذا البوست.. أردته أن يكون طرحا.. لم أجد
طرحا يتناول المشكلة من جذورها حتى الآن.. كله تعليق
أنا أعلق وأنت تعلق.. ومن ذكرتهم يعلقون.
أنت بما أعرفه عنك من خلال قراءاتي السابقة لهذا المنبر
ربما أقدر مني على الطرح والتحليل والمناقشة..
أريد منك حقيقة أن تطرح ..
ودعني أطارد بوستاتك ياخي بدل مطاردتي للبوستات المحرضة
..
فائق التقدير
ود عقيد
| |
|
|
|
|
|
|
|
|
|
Re: بكري ابوبكر .. خُم و صُر (Re: Abdulla Ageed)
|
| Quote: انا مرصود ولا شنو؟ |
ود عقيد انت مامرصود ولا شي
انا عترت فيكـ بترد علي استاذ يوسف الموصلي بي هناكـ
ده كل الموضوع
عموما
افتح بوست و قول اسئلتكـ و لومني كان ماجيت ناقشتكـ
البوست ده دعوة لادانة ماحدث و يجب ان يأخذ مسارة
تحياتي و عشمي في قبول منطقي
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
اودايرين بكري يعمل شنو بالضبط؟
يقوم يستورد شعب سوداني من عطارد؟
ده بالضبط واقع الحال، تعاملوا معه بدل دفن الراس في الرمال، او مناداة بكري.
دي ساحة صراع فكري ومهما كان عنف العبارة، يظل التعبير عن الراي سلمي.
دايما سلطويين، تبحثون عن اقصر الطرق واقلها تكلفة.
اعلن هنا تاييدي الكامل لابي حشيش وامثاله، لحقهم في التعبير عن ارائهم.
لا للوصاية، لالدفن الرؤوس في الرمال، ونعم لمواجهة واقعنا والتعاطي معه مهما كان دميما، ودمويا، ولامخرج اخر.
الاخ خدر،
مؤسف حشرك هنا لي قضية عضوية فرد من معارفك في خضم عام هام !
فماتعرف مشكلتك مع بكري في عضوية محسوبك ام عنصرية العنصريين؟
| |
|
|
|
|
|
|
|
|
|
Re: بكري ابوبكر .. خُم و صُر (Re: Bashasha)
|
| Quote: اعلن هنا تاييدي الكامل لابي حشيش وامثاله، لحقهم في التعبير عن ارائهم. |
بشاشا
بتعرف تقراء عربي ؟؟
طيب اقراء لي كلامي ده بلاهي تاني و بي تركيز
Quote: هذه ليست دعوة لفصل فلان او طرد علان .. رغم ادانتي لاحداث اول اغسطس
الا انني اُدين ايضا مايحدث هنا من مؤامرات تسعي لنسف التعايش السلمي
في السودان |
Quote: مؤسف حشرك هنا لي قضية عضوية فرد من معارفك في خضم عام هام !
فماتعرف مشكلتك مع بكري في عضوية محسوبك ام عنصرية العنصريين؟ |
ان يا بشاشا يا اخوي ماعندي معارف عاوزين ينضموا لمنبر الحوار
كعادتكـ بتستعرض عضلات لسانكـ دون تركيز
انا اتكلمت عن الاف البوستات في الصفحة الاولي لي زملاء بيناشدوا بكري بضم
اسماء معروفه
فلان الفلاني ينتظر ببابكـ يا بكري
نسيت ؟؟
امر مؤسف الكلام الجيت طرشتو و مشيت دة بدون ماتقراء البوست كويس
حاكمتني بي تصوراتكـ رغم انو كلامي كان واضح
عموما ركز لينا في البوست رجاءً
البوست ده بالمناسبه بوست دعم للتعايش السلمي في السودان
و نبذ لما ينضح به منبر الحوار ( العام ) من افكار عنصرية
| |
|
|
|
|
|
|
|
|
|
Re: بكري ابوبكر .. خُم و صُر (Re: Adil Isaac)
|
| Quote: you have my full support against those who are mudding the waters and exploiting the genuine anger caused by a criminal group who happen to belong to the southern part of our country.YES, criminal should brought to justice but NO to victimizing the whole South |
thanx adil
good point
| |
|
|
|
|
|
|
|
|
|
بكري أبو بكر.. خُم صُر (Re: خدر)
|
الأخ العزيز خدر
لقد جا عنك:Quote: ماحدث امس في الخرطوم امر فظيع و جريمة في حق الشعب السوداني شمال و جنوب
يجب ادانتها و التعامل معها بحزم من جانب السُلطات و الجهات الرسمية فنحن
نعيش في الالفيه التالتة حيث دولة القانون و المؤسسات لا استنفار الجموع لتأديب
الجنوبيين المتطاولين علي الشماليين |
لكني أعتقد أن هذا حديثاً نظرياً فضفاضاً وأنت بعيد عن الأحداث وليس من رأى كمن سمع..
ولو بكري موجود في الخرطوم فستكون له وجهة نظر مغايرة لما كان يحلم به من تعايش ووحدة ووئام ..و..(هل حدث أن كنت مستهدفاً وأنت في بيتك .. وأنت في الشارع؟؟ وفي أي مكان؟؟ من فئة غوغاء ورعاع لا تعرف يمينها من شمالها وكل ما تريده هو الفتك بك؟ هذا ما حدث بالأمس..
ياخي دعني أسألك ماذا حدث بين الشماليين والجنوبيين منذ عام 1947 ليجعل الجنوبيين يطمأنوا لإخوانهم الشماليين أو العكس؟؟؟
والآن وبكرة نحن وانتو حتعملوا شنو وعملتو شنو عشان الحصل امبارح دا ما يتكرر تاني؟؟؟
عفواً دعني أحيلك إلى هذا الرابط:
ما جرى وسيجري في الخرطوم في وادي ... وما يقوله مناضلو الكيبورد في وادي
جعفر هاشم
| |
|
|
|
|
|
|
|
|
|
Re: بكري أبو بكر.. خُم صُر (Re: jafar hashim)
|
نعم يا اخ خدر انا اتفق معك تماما ربما هنالك حملة منظمة للنيل من وعى وحيادية هذا المنبر لكن ارجو ان لا تهمل وجهة نظر الاخ جعفر
المرجو من الجميع اليقظة والتحلي بالقيم والي
| |
|
|
|
|
|
|
|
|
|
Re: بكري أبو بكر.. خُم صُر (Re: jafar hashim)
|
الاخ جعفر هاشم
قلت
Quote: ياخي دعني أسألك ماذا حدث بين الشماليين والجنوبيين منذ عام 1947 ليجعل الجنوبيين يطمأنوا لإخوانهم الشماليين أو العكس؟؟؟
والآن وبكرة نحن وانتو حتعملوا شنو وعملتو شنو عشان الحصل امبارح دا ما يتكرر تاني؟؟؟ |
الان و بكرة حا نفضل نعمل البنعمل فيهو ده
نترحم علي موتانا
نحاسب الجهات الرسمية علي ماحدث
ندعوا للمذيد من التعايش السلمي
بي كده تأكد انو (يوم ما) حاتحدث الثقة المفقوده بين الشمال و الجنوب
و بشأن الاحداث .. نعم انا لم اكن هناكـ و ان كنت اتابع من البعد
وافهم تماما موقف من هم داخل الحدث و مدي الرُعب و الترويع الذي حل بهم
لا تعتقد اني لا اتألم لكل هذا لكن صدقني ان نسينا عقولنا
في مثل هكذا مواقف فلن تقوم لنا قائمة مستقبلا
| |
|
|
|
|
|
|
|
|
|
Re: بكري ابوبكر .. خُم و صُر (Re: ابوحشيش)
|
Quote: ماقصدته هو القران الكتاب المقدس
ان كان مازال هناك ما تقدسه
وكفانا تخاذلا |
ابوحشيش
انا اقدس الحق الواحد الذي امرني بأن بالتبشير بتعاليم الاسلام
السمحة و ان لا ادعوا الي البغضاء
ان لا اتخاذل عن الخير
واتخاذل عن كل ماتدعو له انت يا ابوحشيش
فالاسلام لا يرضي دعوتكـ
فهي دعوة فتنة
| |
|
|
|
|
|
|
|
|
|
Re: بكري ابوبكر .. خُم و صُر (Re: smilewomen)
|
الاخت سنرايز
كتبتي
Quote: . وقد ترى أن هؤلاء ليس أهلون بمنحهم العضوية وأن هناك من هو
أكثر أهلية لهذه العضويه و بكرى لم يستجب لطلبات عضويتهم بعد. |
طيب اهو انتي فهمتيني صاح
وكتبتي
Quote: فهل هذا يعنى أن كل من لايتبنى رؤياك انت وكل من لا يتبنى رؤية
الذين تنادون باعطائهم العضويه هنا فى المنبر غير أهلون للحديث وغير
أهلون للتعبير عن وجهات نظرهم يا أخى الكريم ان كنت ترى فى أرائك الحكمه
وترى أنك أكثر الناس فهما للقضايا وأكثرهم فهما لمجريات الاحداث. فقد يختلف
معك أخرون فى رؤياك هذه. وقد يرى أخرون فى أنفسهم نفس رؤياك هذه عن نفسك.
|
لا ..
القضية ليست تبني رائي يا ستي
قضيتي انا هنا هي الوعي .. تخيلي معي ماسيحدث وفق السيناريوهات التي يدعول
لها العنصرييون الذين يكتظ بهم منبر بكري ابوبكر
هل هذه عدالة !!
طيب اقبل لينا يا بكري شوية ناس ما عنصريين عشان ترجح لينا كفة صوت العقل
ماتنسي يا اخت سنرايز اني نبهت في نهاية حديثي للاتي
Quote: هذه ليست دعوة لفصل فلان او طرد علان .. رغم ادانتي لاحداث اول اغسطس
الا انني اُدين ايضا مايحدث هنا من مؤامرات تسعي لنسف التعايش السلمي
في السودان |
بعدبن با ستي انا ما قلت انو انا الحامل لاختام الوعي
انا قلت انو انا ضد الفتنة وقلت ماتفصلوا زول
هل ده فيهو انو انا الواعي الوحيد هنا ؟؟؟
راجعي كلامي تاني .. اظنكـ كتبتي علي عجل
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
أخي خدر
أتفق معك تماماً في كل ما ذهبت إليه .. ما يحدث في العاصمة الآن من قتل و سرقة و نهب و إغتصاب و ....الخ أمر فظيع و يحب أن يقابل بالحسم اللازم من قوات الشرطة و الجيش و يجب أن تتوقف هذه الفوضي بسرعة و أن تخمد نار الفتنة و أن تسود سلطة القانون ..إذا كانت قوات الشرطة و الأمن و الجيش غير قادرة علي حماية المواطنين و ممتلكاتهم و اعراضهم فعلي وطني السلام.
الذين يصبون الزيت في النار بحديثهم عن الثأر و التسليح لا يدركون مدي خطورة دعاويهم هذه ولا يتمتعون ببعد النظر الكافي ولا سعة الأفق حتي يدركون عواقبها و لكن عندما تملأ الدماء شوارع العاصمة و تتحول الي سلخانات و تتناثر الأطراف البشرية يمنة و يسري فحينئذ لن تنفعنا قوات دولية و لن ينفعنا الندم و حينها فقط سيفهمون حديثك هذا يا خدر ..
الصاوي
تخريمة:
يا أخوانا ناس الشرطة و الإحتياطي المركزي ديل زمان كانوا بقدروا يفرتقوا لينا مظاهراتنا في أقل من ساعتين هسه الحصل ليهم شنو؟
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
| Quote: اعلن هنا تاييدي الكامل لابي حشيش وامثاله، لحقهم في التعبير عن ارائهم |
بشاشاالعزيز كلامك تمام انا كمان بأيد معاك وبشدة (حقهم في التعبير عن أرائهم)
لكن هل تؤيدأبو حشيش وامثاله في التحريض على قتل الجنوبيين وتنظيم الصفوف لقتلهم؟؟؟؟
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
Quote: الاخ ابوحشيش
يثرب عقدت قرانها فعلا لاهل دينكا بور قبل شهر من الان
الم تُهللوا لنبي دينكا بور و هو يدخل الخرطوم دخول الفاتحين .. !!
كان ذلكـ هو القران الكبير
وحين يُصاب يثرب رشاش الدم من هذا القران .. علي يثرب ان تتسلح بالوعي قبل السلاح
علي يثرب الدفاع عن اهلها دون الحاجة الي بوقكـ الكبير الذي يصر علي مطاردة
الصفحة الاولي بالبوستات التي تُبشرنا بضعف قدراتنا و انعدام حكمتنا ساعة الغضب
بوستات لا تُريدنا ان ننسي عهد الخديوي اسماعيل و جندة الغلاظ بِيض البشرة و هم
يستحقرون اهل السودان و يسوقوهم (عبيدا ) لتحقيق احلام محمد علي الكبير |
ليكن مثل هذا البوست عالياً بدل البوستات المأفونة التي تنضح عنصرية وجهلاً وآفاق أضيق من جحر نملة ...
شكراً خدر يا فنان
| |
|
|
|
|
|
|
|
|
|
Re: بكري ابوبكر .. خُم و صُر (Re: نادر)
|
عزيزي خدر، أعزائي المتداخلين:
الليلة الصعيد شايل سحاب لي كتفو
شيطان الزعل نقوم عليهو نَكِتْفُو
كبسيبة الرماد كايسة سلامنا تَخَتْفُو
أطعنوها في القَلِب تِفُّو عليهو تفو
ولكم ودِّي.
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
اخي خدر
اتفق معك بشده تنامي الخطاب العنصري
ها هو اوحشيش هذا يدعي في بوست تمبس :
(ان الحقد مستشري في جيناتهم اللعينه)
اليست هذه عباره قمه قي العنصريه.
الصاوي
سلام
انت يا اخوي ما قاعد في الخرطوم مالك ما متشنج زي العاملين
انه وجودهم في الداخل هوسبب التشنجات.
اعجبتني تخريمتك :
| Quote: يا أخوانا ناس الشرطة و الإحتياطي المركزي ديل زمان كانوا بقدروا يفرتقوا لينا مظاهراتنا في أقل من ساعتين هسه الحصل ليهم شنو؟ |
فتروا من تفريق المظاهرات لما جاء دورهم الحقيقي لقاهم فترانيين
جنس فتر من تفريق المظاهرات!!!!!!!!!!
تراجي.
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
العزيز خدر
اقف مع رايك تماما في هذه المواقف الدقيقة..
لقد هجر هذا البورد الكثير من الاقلام الجادة و الرصينة
و التي كانت ستكتب العميق من الاراء حول هذه المعضلة الازمة
لقد اوضحت هذه الاحداث ضعف التزامنا كشماليين بالكثير
و اليوم يحدث لنا في الخرطوم و لاول مرة ما يحدث
لشعوب الهامش كل يوم، ناهيك عن قصفهم اليومي بالنابالم
و بالمواد الحارقة.. اقر ان الجنوبيين قد عبروا عن غضبهم
بصورة فظيعة و هذا امر يجب ان لا يتم تفويته بل يجب التقصي حوله
لمع حدوثه
لكن الاهم ان هذه الاحداث ابانت خطورة الوضع في الخرطوم
و ان دولة الظلم تتجه بالسودان نحو التحطم
نحن في نظر الجنوبيين تجسيد لدولة الظلم هذه، و في الواقع
نحن كشماليين عاديين ضحايا ايضا في هذا القمع، انهم بالانتقام
من المواطن الشمالي العادي يخسرون مساند حقيقي لقضاياهم
و يدفعونه دفعا لمعسكر الحكومة التي تجسده مظهريا على الاقل..
هذا امر معقد جدا و الموقف حياله ايضا صعب
بكري ابوبكر يجب ان يخم و يصر فعلا لانه ملاء المنبر بدون تنظيم
بالكثير من العاطفيين من البشر و بدلا من ان يكون منبرا تنويريا
كما عهدناه لفترة طويلة اصبح مرتعا لقوى الظلام و الانتكاسة..
يجب ان يعلم السيد بكري ابوبكر ان سياساته لتحويل البورد لجريدة تابلويد
صراعية مليئة بالحزازات و ان استقطب عدد اكبر قليلا من القراء
الا ان اثاره مدمرة على المدى البعيد و ها نحن نرى تجليات ذلك في هذه
الاثناء...
باتاحة الوجود لشخص مثل السيد جمعة و منحه منبرا اضافيا حرم منه الكثيرين في الوطن
يكون السيد بكري ابوبكر قد منح الاجهزة الامنية صوتا و مساحة كبيرة لقوى متدربة
على تشويش الرأي العام و نشر الاكاذيب و انصاف الحقائق لتوجيه الرأي العام في اتجاهات معينة..
انظر اليه كيف ينتقي بعناية العناوين, بدلا ان يذهب الى عمله الذي ذكر و حماية المواطنين العزل
فانه ينتقي اي منزل يذهب لشحن قراء البورد و يذهب مثلا انتقائيا لمنزل الاخ معتز تروتسكي
و ينقل بدقة خبر موت اخو الاخ اسعد ابراهيم، انه في كل الفوضى السائدة في الخرطوم يقوم بدوره الامني المنوط به و هو تحييد المثقفين السودانيين لصالح السلطة عبر نشر معلومات دقيقية و مؤثرة لكنها موجهة توجيها دقيقا لتغيير مسار الرأي العام في البورد..
بكري ابوبكر اصحى للون
و لله درك يا خدر
لكم مودتي
امجد
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
الاخ بكري
اعلاة رابطين تحدثا في نفس موضوع هذا البوست و رابطـ اخير
واضح مقصدة
تخيل معي
كم من دُعاة السلام و السودان الخَير ينتظرون ببابكـ
وانت تُفسح الباندويث لمثل هذا الهراء؟؟
المسؤلية كاملة وليست مُجزءه
نعم هم يمارسون حق عضويتهم و يطرحون أرآهم التي تفضح جهلهم
لكن
ماذنب السودان في ان تطاردة اقلام كهذه ؟
الم يكم من الافضل ان يكتب هنا من هم اقرب الي معاني الخير و الحق و المساواه ؟
ارجوكـ لا تفصل احد . فقد سبق السيف العزل
لكن في مرات قادمة نرجوا وضع اعتبار لهذا السودان المِسيكين
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
خدر تحياتي.
اولا تقبل اعتذاري لسوء الفهم فيما اتصل بالعضوية الجديدة، وان كان حشر موضوع العضوية الجديدة هنا غريب شوية.
نجي للاهم.
محاولة تكميم افواه العنصريين ودعاة الفتنة خطأ فادح، سوي من حيث مبدأ حرية التعبير، او مردود الاجراء نفسو ومنطلقو، كالاتي:
من حيث مبدأ حرية التعبير، وبحكم انو الفكرة جديدة لنج علينا، احنا دايما ندقس او نعود كحليمة، لي قديما، شاهرين لحد سيف السلطة والاجراءات البوليسية!
ده غلط بل عيب ومتخلف عن روح العصر.
نجي للاجراء:
طبيعي جدا في ظروف ذي دي، يكون في ردفعل زي ده، من الغباء الوقوف في طريق التنفيس السلمي عن المشاعر المحتقنة كنتيجة.
من دون تنفيس البديل هو الانفجار، او التنفيس بطرق غير سلمية، بارتكاب جرائم.
بالذات ان هؤلاء اقلية لايعتد بها، في محيط عبر عن وعيو المتقدم علي نحو نادر في المجتمعات الاخري في ظروف ذي دي، بالذات لمن نعرف ان بعضنا، اسرهم تعرضو للاذي او رغم ذلك تسامو علي الجراح، بي طريقة نقراها فقط في ادب الروايات.
فالصاح ان ندع هؤلاء يعبرو عن ماعنا لهم، ومن ثم نتصدي ليهم بالراي بالحجة بالمنطق.
كده ممكن نحدث التغيير المنشود للاحسن، بدل القمع.
الان وانا بكتب في الكلام ده، سمعت مراسلة من الخرطوم تتحدث عن قدرة السودانيين علي تخطي الجراحات، حيث ذكرت انها شاهدت شماليين وجنوبيين يتجاذبون اطراف الحديث كأن لم يكن!
يعني حتي بي مفاهيم قيم التسامح المركوزة فينا، هذا القمع السلطوي غير مبرر!
من الجانب الاخر، جو المنبر العام المثالي، الخالي من المعبرين عن هذه النعرات، ممكن يكون مضلل جدا، اويدينا احساس كاذب اننا عبرنا لي بر الامان كشعب، والحال عال العال!
ده خطر جدا في منبر اصلا جهوي ووجهة النظر الاخري غايبة تماما عنو!
لهذا وجود هؤلاء اهم عندي من وجود ليبرالية الشمال الانسانيين التقليديين، لان خلاصة اسهامهم، هو التخدير، او مجرد كافينول لي صداع مريض بالAIDS!
| |
|
|
|
|
|
|
|
|
|
Re: بكري ابوبكر .. خُم و صُر (Re: Bashasha)
|
بشاشا
يا سيدي مافي عوجة تب .. وانا بعجبني فيكـ جدا انكـ بتراجع نفسكـ
و ده قمة الوعي و احترام الاخر عندي .. ياريت كلنا نكون كده
حا ارجع ليكـ بي رواقه لانو كلامكـ اعلاه يحتاج لي تركيز في الرد عليهو
لانو كلام مُلح و انا عندي فيهو كلام كتير
تسلم يا سيدي و زي مابيقولوا ( مابيناتنا )
| |
|
|
|
|
|
|
|
|
|
Re: بكري ابوبكر .. خُم و صُر (Re: Bashasha)
|
بشاشا سلام
يا سيدي فيما يتعلق بمحاولات لتكميم الافواه ده ما حصل علي الاقل من جانبي
رغماً عن انو زي (ماقلت انت) كثيراً ما تنتابنا رغبة في تكميمها بدواعي ايجابية
زي المصلحه العامه و ما اليه و اصحاب حسن النية الكاذب هذا لهم عذرهم عندي
فهم يدعون لتسريع الخُطي نحو الاندماح الذي يريدون و اظنهم ملوا مسلسل ان يعملوا
فقط من اجل الاجيال القادمة و غد افضل لها  عاوزين يحضروا الغد ده و اعتقد
انو ده من حقهم
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
فيما يتعلق بموقفي انا فقد عشته هنا صباح الاحد و الاثنين و بوستاتي شاهده
تصديت لهذه الدعوات و اقترحت ما استطعت بي فهمي المتواضع لتجاوز الازمة و رفع الهمة
انا لا اري اسكات احد رغم حساسيه المشهد فاليكتب من يريد و لنكتب نحن .. علي الاقل
يمكن ان نستفيد منة او يستفيد منا
والمصيبه انو اصحاب الدعاوي العنصريه ديل نفسوا مرتين .. بالكتابه هنا و بالفعل
و التحريض للفعل في الواقع
تخيل معاي كم من القراء بيعتقد في منبر زي سودانيزاونلاين ده انو منبر شباب و شابات
السودان المستنيرين البتناقشوا في قضاياهم و يجي يلقي ده الموقف العام !!
الرد علي الجنوبيين بالمثل و وصفهم بالحقاره ( لاحظ البيع بالاجمالي في تسمية الجنوبيين )
يعني بقا علينا مصيبتين جهل و فصاحة
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
وانا ذكرت اعلاه انو ماعاوز بكري يفصل زول و بالمناسبة ده ما حقي و لا ده كان دوري
طوال تاريخي في المنبر ( العام ) ده البوست ده يا بشاشا يا اخوي ليبكري ابوبكر
يمكن يوريهو انو ده نتيجة مجهودو و سياساتو طول الاربعه سنوات الفاتت
هروب عدد كبير من المُفيدين و المفيديات بسبب الجهل الضارب باطنابة
تفشي دعوات سخيفة لا تمت لروح العصر او حتي خصوصية تقافتنا السودانية
نحن يا بشاشا يا اخوي قصة الاجاويد و الناس الحكيمين البمنعوا وقع اي فتنه ما جديده
علينا و لا ابتدعناها هنا في المنبر ده .. دي قصه قديمة جدا في السودان و موروث مفيد
لكن للاسف موقفنا من درء الفتنة و انتقاد اصحابها بقي يوصف بالتنكر للاهل بعد ما كان
سلوكـ فرسان
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
أنا لا أكتب هنا تحت هذا اللقب كما أن سنرايز ليس باسمى الحقيقى.
فهل لك أن تشرح لى لماذا أطلقت على هذا الاسم؟ وماذا تعنى به؟
وهل من يلقب الناس بالالقاب التى لم يطلقوها على أنفسهم، هو من ضمن الاقلام التى تنادى بانضمامها للمنبر لحكمتها وأهليتها بالكتابة والحديث؟!!!!!
| |
|
|
|
|
|
|
|
|
|
Re: بكري ابوبكر .. خُم و صُر (Re: smilewomen)
|
الاخت smilewomen
هل يمكنكـ ان تتخيلي ان هذا حدث سهواً فعلا !!
و هل يمكن ان اعتذر .. و تقبلي اعتذاري
فالشمس المشرقة تشبه عندي المراه حين تبتسم ولا اعتقد ان في ذلكـ
ماينقص منكـ او مني
رجاء تقبلي
اعتذاري الشديد
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
وتسمع لو ناديت حياً
ولكن
..................
.................
وكفي ياصديقي .
عالياً
خدر
أصدق التعازي في موت الحلم لك وللرفاق الصبر ومواصلة الدرب .
ملحوظة
تلفونك ياخدر
| |
|
|
|
|
|
|
|
|
|
Re: بكري ابوبكر .. خُم و صُر (Re: خدر)
|
Quote: هل يمكنكـ ان تتخيلي ان هذا حدث سهواً فعلا !!
و هل يمكن ان اعتذر .. و تقبلي اعتذاري |
نعم. فالسهو وارد بلا شك ويحدث أحيانا..
ولك شكرى على التوضيح
وأقبل أعتذارك بكل تأكيد
ولك الود
| |
|
|
|
|
|
|
| |
خدر
Kostawi
ابوحشيش
صلاح شعيب
أبو ساندرا
Khalid Kodi
عثمان فضل الله
مريم الطيب
Mohamed osman Deraij
عمر ادريس محمد
بلدى يا حبوب
Yasir Elsharif
محمد حامد جمعه
Abdulla Ageed
Bashasha
Adil Isaac
Waly Eldin Elfakey
elsawi
Farahat Sayed
محمدين محمد اسحق
Tragie Mustafa
خضر حسين خليل
فيس بوك
تويتر
انستقرام
يوتيوب
بنتيريست