|
|
|
 Re: مازلنا في اول ساعات الليل .. لكنا في منتصف الويل .. / دكين 2 من 7 (Re: ali othman)
|
فتحي يا حقاني
| Quote: الإدارة الجديدة لن تلبي مطلبنا فهي تريد أن تثبت جديتها في تفعيل القوانين |
علي عثمان
مشهد اول
كان كليب يمشي في الفلاه ممتطيا جواده فبرز له جساس بن مره و ناداه
يا كليب ..
.......
لم عقرت ناقه البسوس !!
الم انهيك من ان ترعي ناقه البسوس هناك
ولكنها كانت في حماي .. فلم عقرتها !!
كان كليب يعطي جساسا ظهره وهو يحدثه.. قال قولته تلك وذهب فناداه جساس
يا كلييييييييب
ثم رماه برمحه .. فاخترق الرمح ظهر كليب و ارداه قتيلا
مشهد ثاني
قالت الاداره في معرض تحذيراتها للمارقين
اني اري رؤوسا قد اينعت
و حان قطافها
و اني لصاحبها
قال دكين ... اجيبوني لو كنتم صادقين
فصمتوا ...............
فمضي دكين ميمما شطر الحقيقه .. ففاجأه رمح قد ظهره
| |
 
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
لهذا المعتوه
ذا البذاءات البهيجه
"طابظ" عينه لاجل الحق
Quote: سأقص الأسطورة
أسطورة ذاك الذي هرب
و حمل طيور الاند
على الصمت في قلب الليل
عندما سمعناه أوّل الأمر
كان الهواء عميقاً رخياً
و كانت آلة موسيقية مجهولة
تطلق ألحانها من مكان لا ندري أين هو |
.... يبدو ان الدنيا تحتاج ان يكون الواحد مسطول او كلب او قواد ... وليس وغد صغير مثلك او مثل خدر او مثلى
من مراويد الذى حاول فاشلآ الترفيه عن قضاة المحكمه ما بين
الجلسات
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
انا موجود يا خدر
بس عايز اتجاوز الصدمةوخيبة الأمل الكبيرة
صدمة وضع دكين قربان للادارة الجديدة عشان تثبت ( مقدرتها علي الحسم ) وبيني وبينك مصدوم جدا.
لكن من الواضح انو عادل بقول زي ما قال بكري ابوبكر
دي بوردي والماعاجبو يمشي ...
عموما المسائل ما قاعد تتحل بالصراخ وما تفتكر انو عدم وجود دكين اسبوع في البورد سيئ عشانو .. صدقني ما سيئ علي الاقل فترة يراجع فيها حسابات كتيرة جدا ونا متاكد انو رغم انو اكبر وغد في البورد لكن خليهو يراجع حسابات كتيرة جدا.
وطريقة الادارة الجديدة من الصعب انك تقول فيها حاجة او تلقي مؤيد مهما قلت لسبب بسيط لأنو تجربتها يادوب بدت لكن الوقت والزمن بيناتنا وهو كفيل بانو يوضح هل ممكن نجاح الاسلوب ده او ما ممكن ..
عارف انو دكين بقي قربان والغريبة كنت متخيل ايي حاجة الا التصرف الغريب ده .
فصل دكين
معقولة بس
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: Abo Amna)
|
ابو امنه اخوي
جعفر نميري في السبعينات عمل مشروع اسمو البان بابنوسه و خلق للرعاه في تلك المناطق الجوء الجيد للاستقرار من سكن و مرتبات و ....الخ بقصد تهيئتهم للاستقرار و الانتاج حتي يحقق تنميه كما ادعي
لكنه كان غبيا جدا
فمن الصعب ان تغير نمط حياه شعب كامل تعود علي العيش بطريقه الترحال من و الي مناطق الرعي و تفرض عليه استقرارا هو لا يرضاه
ففي هذا الترحال حياتهم ..ونستهم ..اغانيهم و حبهم و خلافاتهم
وهذا ما يحدث الان هنا ..
اااااااااااااااااه
متي يفيق هؤلاء الناس يا صديقي !!
متي !!
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: اساسي)
|
و الفوضي عمت و الناقصه تمت
اساسي الكارثه
حمدلله علي السلامه
و ما حاسكت .. صدقني
شهادتك بحق الوغد دكين اثلجت صدورنا
امض قدما
| Quote: ذلك الفتي الذي يستهتر باللغة و ( يشلتها) علي كيفو يجبرك علي أن تقراه حتى النهاية ..بإمكانه أن يغير مزاجك مائة وثمانون درجة كيفما شاء وان تقراه وتنقاد إلى مزاجه الذي يكتب به وتجد نفسك أصبحت تقاسمه نظرته من الزاوية التي ينظر بها لما يكتب حوله وهي في الغالب (نظرة قرفانة ومتشائمة ومستهترة في بعض أحيان ) ولكن بلغة تصل حد الرقي والتسامي و أحيانا بألفاظ تصل حد (المواراة خجلا) ... |
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
وقع الصقر .. أو هان
كتر البتابت عيب
لا تجيني هان في الغربة
أم سدولاً جيف
تعردي في يمنة ويسرى
أسئلة تعبر السيف
دحين ودرني .. شن خدرني
غير حيلاً غشاهو الكيف
يا تركة حشاي عنف المساسقة
والهبر والجيف
ضمة حساك .. كشنة بالي
متنخشم ضراي تبالي
جكاك المتنى رهيف
شن تبقى الرهيفة المالية
ضمة بلاك .. شايلة هلاكي
والميتة الفطيس كفكيف
"عثمان بشرى"
هكذا تحيك الأقدار هذا الثوب المهترئ ... يذهب دكين ليعلن عن السقوط والانكسار لإدارة أقل ما توصف أنها تكيل بمكيالين ... يذهب دكين ليترك وراءه أسئلة غاية في التعقيد ... هل تبقى س.أونلاين؟؟ هل يظل شرف الكلمة متاحاً في واقع بهذه البشاعة؟؟ ولماذا لا نصبح كلنا (هكر) وكلنا قذرين ومروعين وساقطي قول وفعل ... يذهب دكين لتخرج الذئاب من جحورها وتلعق بقايا دم الضحية وتنادي بعضها البعض ... يذهب دكين لكن يظل الصغير صغيراً والكبير كبير ...
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: dreams)
|
قالوا عن دكين الوغد ...
| Quote: دكين .. هو ليس صديقي ولكني احبه رغم انه (مركب لي وش كرتون) ذلك الفتي الذي يستهتر باللغة و ( يشلتها) علي كيفو يجبرك علي أن تقراه حتى النهاية ..بإمكانه أن يغير مزاجك مائة وثمانون درجة كيفما شاء وان تقراه وتنقاد إلى مزاجه الذي يكتب به وتجد نفسك أصبحت تقاسمه نظرته من الزاوية التي ينظر بها لما يكتب حوله وهي في الغالب (نظرة قرفانة ومتشائمة ومستهترة في بعض أحيان ) ولكن بلغة تصل حد الرقي والتسامي و أحيانا بألفاظ تصل حد (المواراة خجلا) ... |
اساسي الكارثه
Quote: دكين
يقولوا شنو عنو تاني بعد كلامك اساسي ؟
دكين ..
يزعلك من روحك وتضحك غصب
يسوقك في يوم ماطر من المين روود ويدلف بيك الاكزام هوول وهناك في الكافتيريا يغازل بنات قانون واداب حلة حمد رغم انو شين ودشن ومفكلب وسيكوباتي ..
دكين ..
يفلس يغيب , يفلس زيادة يسكن كهوف نجد ومعللته هنا إنتظاراته لبعض غزلانها نجد هناك ..
دكين ..
قاضي محكمة , عذابي في بيت ابوهو نايم في سطوح تهيج اشواقو قريب البواح يرميها علي عاتق ديك يزفرها الديك ويبوح بيها صيحة , يديها أمانة لي ديك الجيران , وجار الجار والذي يليه , من مزرعة لي مزرعة ومن حوش فيهو ديك مطلوق زي عشمنا في الغربة لي ديك واقف في حيطة جالوصنا وهكذا , تعبر الاشواق من زقاق ل حلة ومن حلة لحي ومن حي آخر للذي يليه , وهو صاحب الاشواق على سطوحهم الافتراضي زيو هنا منتظر ما تسفر عنه رحلة الاشواق اليها في حلة حمد .
وفي حلة حمد ؟؟؟
شئ من الشجن ..
دكين ..
شئ من العفن ..
يكتب ل دافي الانسان عن زملاء دراسة ويكتب دافي شجون تلك الايام ويرد دكين ويصف دافي فيسرجوا خيالك إلى أرض حقيقة فيخال لك هو ودافي قد أمضوا سنوات الدراسة في براحات عالم اخر غير تلك المدينة الغبشة .
دكين ..
لسانو المسلط شالو مننا ..
Quote: ورغم أنى اعرف عن الموضوع مثار المحاكمة التي جلبت لصديقي ووش كرتونه الإيقاف من المنبر بكل أبعاده وتداعياته وشماراته والتي لو علمها أخونا فتحي البحيري وخدر الشين لتغيرت نظرتهم لكثير من الأمور ولكن (مالي) وللشمارات والقيل والقال كما لا اخفي انه ( الأدب الذي تأدبه صديقي من الجانب الأخر هوب فل) كان يعجبني لذا تركت الموضوع وأنا استمتع بالحاصل رغم علمي أن الموضوع (لا بودي ولا بجيب بعد كدا ) ...
ليته يعرف
أبنوسي |
تبلدينا الابنوسي
Quote: تحياتي الي الغائب دكين حتي يعود
والله الزوول ده حيرني عديل كده ولكن هو فارس ....اي الله ونعم الكلمة فارس بالجد وما بخاف .. |
تولوس
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
وهاهو اليوم الثاني يبداء يا صديقي الوغد
البورد في حاله هدوء قاتل
و انا في حاله قرف قاتل ..
تصفحت قليلا في ما طرشته لنا هنا
افضالِ الضالِ في سلاح الامداد والتموين قبل حادثه فصلك الاخيره
| Quote: يعاني الصوت هناك في انتقاله فلا البيوت تشبه البيوت ولا الديوك هناك تقيم كثيرا .. |
فانتقالات الصوت يا وغد مسأله معقده جدا و تعتمد علي تضاريس البيوت نفسها فصوت ديكك سيعاني طالما هو في السودان
علم الصوت يعتمد علي الفراغ بشكل اساسي فكلما كان الفراغ سحيقا كان للصوت شخصيته الواضحه اي كلما مر الصوت بعمارات الرياض الفارهه كان
اكثر وضوحاو بكل دوائره لعدم وجود الماص الصناعي و يتبع ذلك مايعرف بال nagaalmtijd او مابعد مرحله الترددو هي ما اصطلح علي تسميتها بالصدي اما حين يمر بمنازل الغفراء و الفسحات و السهلات الوسيعه فانه يا صديقي ينتحر طواعيه و يموت نكايه بك و بحبيبتك
و يتحول الصوت دون قصد منه الي خائن و عميل ضد احلامك و عواطفك
و للصوت في مسأله نوم العاشق شجون حديث
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
Quote: ده كومي زاتو
وغد كبير جدا هو وابقوتة |
دكين..زولى يابومنة...لكن مشكلتو تابع لى خدر وبحيرى
وتتبنو قضيتو...وهوكان عامل قاضى ...
خدر مبدع وفنان بس مشكلتو زى شوقى بدرى بتناسى الردود
ودى مشكلةالفنان مع المتلقى....
اما بحيرى دا نفسى يوم واحد بس اشوف سنونه فدكين شخصية..مبدعة اشعاعيا...زى سجيمان بس اقل
شعبية..وبعده على طول بجى ابقوتة...بس هو الايام الاخيرة عمل لى فيها قاضى...عشان كدا ناس الجدية تبنو قضيته لكن فى النهاية العرجاء لمراحها مصيرو يرجع تانى لشلة ابقوتة..وشلتى انا زى السودان الجديد..تصور ياخدر انا زى الموية...لكن يومها البقت ليمون ولا ابرى...او عرديب
بتقل شعبيتها...فدكين دا زولى ياجماعة وانا قادر افك اسره..بس انتو فكو اسره..من افكاركم
النورية التى تاثر على اشعة الشمس.فدكين ظلامى مشع...مش ظلامى معتم...والظلامى المشع افضل
من النورى المشع...لانك لا تبصر نوره
نفسى القى قلم زى قلمك ياخدر..لانه سنته عريضة
والكلام الفوق دا كله...............لوووووووووووووووووووووووووووووووووووووووووول
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: abuguta)
|
ابوقوته ســـلام
Quote: خدر مبدع وفنان بس مشكلتو زى شوقى بدرى بتناسى الردود
ودى مشكلةالفنان مع المتلقى.... |
انا ما بتناسي الردود .. لكن بوستا مارفع روحو مابرفعوهو الردودو عموما .. انا ما اتجاهلتك بس تعرف يا ابقوته
الفتره الفاتت كانت مسيطره علي فكره الكدايس و العناكب و العلاقات الناشئه بينهما بفعل التحور .. انعل ابو الديالكتيك زاتو
و القصه شغلتني حتي عن اهل بيتي
تقول لي مابرد علي الناس
ارد كيف و انا مبكم !!
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
لذلك تجد ان توضيف الالات الموسيقيه داخل الاستوديوهات تاخذ طابع تراتبي فقسم الايقاعات يتم عزله عاده بعيدا عن بقيه الاوركستراء في التسجيلات ذات الطابع الاوركسترالي ( جميع الاوركستراء داخل الاستوديو ) و ايضا قسم البراس ( ترمبون _ ترامبيت _ هورن ... الخ ) يطرد بعيدا لتمتعه بدرجه عاليه من الازعاج لبقيه الالات
القسم الاخر في مسأله الصوت هو الادوات الماصه للترد و العازله للصوت و هي اعدادات يجب ان تضعها في الحسبان قبل ان تطلق اي صوت و في اي اتجاه .. حين عودتك اتمني ان تجيب علي هذه الاسئله بشجاعه
ما مدي قوه صوت ديكك حين ارسل صياحه !!
هل كان ديكك يصيح و عنقه متجه الي اعلي !!
وضع الديك الجغرافي .. هل كان في راس البيت ام في راسك !!
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
قبل قليل التقيت الوغد دكين في المسينجر ..و اوصاني بان انقل لكم هذه الرساله علي لسانه هانذا افعل .
dkeendkeen zegt:
قول ليهم قال لي دكين في ميسنجر ان اكثر ما اغضبه في كل ما يجري انه لا احد من الجكس استنكر امر فصله حتى امس ..مع انه ما حب شي قط في هذه الدنيا زي البنات
dkeendkeen zegt:
يحيا ويموت بيهم
dkeendkeen zegt:
هكذا كان يخبرني وهو يبكي
dkeendkeen zegt:
والسلام
و قول ليهم انوالزول ده ما هاميهو لا بكري ولا عادل ولا السايكوباتيك ...الهاميهو انو فقد الحريم
dkeendkeen zegt:
بس نزل الكلام اعلاه
dkeendkeen zegt:
الشباك الوحيد الكان بطل منو على الحريم اتقفل
dkeendkeen zegt:
شباك بكري
khider zegt:
انت جادي ؟؟
dkeendkeen zegt:
وما تزيد اكتر من كده
dkeendkeen zegt:
قدرك انا؟
dkeendkeen zegt:
حصل هظرتا معاك؟
dkeendkeen zegt:
khider zegt:
zegt معناها قال بالهولندي
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: فجراوى)
|
دريمز ايتها الصديقه
شكرا لوجودك هنا لدعم هذا الفاشل العاطفي المعتوه دكين
تعرفي .. دكين ده رغم كلو العاملو انا عشانو هنا .. انا متأكد انو لمن يرجع ما حايشوف في الصفحه دي كلها الا اسم دريمز .
انا اجزم ان هذا الولد عندو ( ُُُسفلي ) و اظن انه يتعاطي بعض الممنوعات ليس لدي شهود سوي جنكزه تبدو عليه
احتمال كبير ارجع بعد شويه
يا دكاتره .. تبلدي و فجراوي .. ارجوني
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
والله يا خدر انت تاعب نفسك ساي
زولك ده مقطع ومبشتن
اتخيل لي 3 يوم عايز الم فيهو ومتنازل ومفرغ نفسي عشانو اتضح انو لا عندو موبايل ولا تلفون شغل ولا بيت زاتو يمشوا ليهو مافي ولا اي رصيف في الدنيا عليك الله ده يقولوا عليهو شنو ده .. ويكون في علمك اخر زول كان عايزني اتصل بيهو انتظر شهر ونص ودفع فاتورة تلفون اتصال للسودان علما بانو مقيم في الرياض ...
البغيظك ويكتلك بالمغصة انو أساسي العواليق ده كان ما عايزو تلقاهو في اي مكان ولو نمت يجيك في كوابيسك ...
لكن جاتني معلومات من مصادر موثوقة انو كان بمتلك موبايل (مجهول المصدر) لكن مصادرنا رجحت انو اتزنق يوم وباعو اها لكن حالة الهوم لس دي نقول فيها شنو ...
| |
|
|
|
|
|
|
|
|
 Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
وينك يا صديقي دكين
الفراق لي متين
انا شايف بورداب الرياض ساكتين
والسبب شنو موش عارفين
وانا هنا ادين الأيقاف وادين وادين
،،
سؤال للأخ خضر
اذا نشرت رسالة مطولة من دكين وليس ماسنجر فقط
هل يتعارض ذلك مع قانون قراقوش البورد
وسؤال غير جاد
وين حكماء البورد ،، ياربي شاوروهم في موضوع دكين
ولا هم ساكت تمومة جرتق ؟؟؟
قرقرقرقرقر!!!!!
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
Quote: مازلنا في اول ساعات الليل
لكنا في منتصف الويل
حسب التوقيت المأساوي
للمدن ..الصماء ..البكماء
هل انت بخير
هل انت بخير
هل انت..
هل ..
الكلمات لتمادر شيخ الدين
|
دقيقة دقيقة يا خدر ...الكلمات دى فعلا لحنها الصادق شيخ الدين لمسرحية اخرجتها انا وغنتها زينب الحوريرص ورسا شيخ الدين
وبعد داك غنوها ناس ساورا وعناها هيبة وغنتها فلرقة هداى باشراف خالدة الجنيد...لكن هى اصلا كلمات شاعر عراقى اظن اسمه محمد كمال...اخترناها وساعدنى فى اختيارها الصادق الرضى ....من اجل العرض...
ياريتها لو كلماتى...
المهم دكين رجع ولا لسه؟؟؟
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
وعـــاد دكين ..
شفيفا
نضيفا
حقيقيا
و
ليته لم يعود
لقد فضحنا .. فضح عارنا المقيم
Quote: المجموعة التي يرعى فيها هوبفل و شايننق ودريمز والجميلات الباقين الموغلات في الياسمين في مكان واحد عااااااادي .. هي بلا شك مجموعة غير طبيعية..
وانا لايسرني انضمامي لي مجموعات غير طبيعية لا تفرق بين الـَفـراش وبين السايكو بات ..
كما وان الما طبيعية الفيني دي تكفيني ما تبقى من العمر بل وتكفي لحياة تانية.. |
Quote: وعالمكم هذا لا يستحق هذاالعناء ووجع القلب ..
ولا تزال مشاكلي على ظهر الارض اكبر وثقيلة تثير الشجون.. |
حاله ان يكون هنالك من هو بهذه التلقائيه امر يؤذيني و يحملني فوق طاقتي ..
دقيقه اسمع لي غنيه ابلع بيها كلامو ده التسوي تندم ولا ما تسوي تندم وارجع .
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
أها شفت يا خدر ؟
عارفو دكين كان بتحين فرصة تحفظ ليهو بواقي ريالاتو الفي آخر المحفظة
بقول داير يحفظ باقي كرامتو , شنو لم الكرامة على الريالات غير الغربة ؟ شن لماهم ؟
ولسة دكين غايب مع سبق الإصرار والتوجس من إعادة نفس فصول القصة بي شكل تاني ..
وأظنو كمان لسة غايب إضافة للعامل الفوق والفلس بي داعي الإعتكاف في سطوح نجد , كهوف ؟
سطوح كهوف .. الغاية واحدة وما وصل ليها ..
آخر خبر ليهو سلم قالوا تمبس والعهدة علي الراوي عدد اتنين سي دي قابض بيهم الجو ومكره بيهم تمبس .. المفكلب جايط تمبس قدام العالم وخلق الله وبكورك فيهو قدر ما يقدر عادي يا تمبس السي دي هات زي سي دي هاتك وتمبس كره اليوم الخلاهو يشيل من مفكلب سيكوباتي مسمار جحا
مسمار جحا كان سبب تلاتة عزومات سلطة أسود ..
والغريبة رسل لي كرت , أي والله كرت ,, كرت معايدة جميل زي دواخلو قال فيهو ما عرفني ..
قال ما عرفني , إسلوبي وما أدراك ما إسلوبي , وإيميل ما بعرفو ما بقربو , إيميل ما بعرفو ما بفتحو وخاصة لو إنعدمت من نهاياتو تاءات التأنيث والنعومة من بواطنو ..
يعني يا خدر لو داير ترسل ليهو أملا الرسالة عطر أنيق زي عطر شاينيق ستار ودريمز ولو لقيت وردة تصلح بديل لي شكل صحن سلطة الأسود رسلها مرفقات في الإيميل ..
دكين عامل فيها ليمون متعزز شان مبالغين في ريدو ..
دكين عشاء البايتات
دكين الدكين
دكين
أبنوسي
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
Quote: يعني يا خدر لو داير ترسل ليهو أملا الرسالة عطر أنيق زي عطر
شاينيق ستار ودريمز ولو لقيت وردة تصلح بديل لي شكل صحن سلطة
الأسود رسلها مرفقات في الإيميل .. |
تبلدينا
انا اجزم ان ذلك الوغد دكين له درايه كامله بلغه الورود و الكروت
حيث انفق سني مراهقته لتعلمها اعتقادا خادعا انها مفتاح ذات الصدر
المكتنز ..
هل تصدق انو نحن اتلاقينا هنا!!
قبلها لم اكن اعرف دكين او اقراه
حتي ان زكرياتي مع هذا الاسم كافيه لتغيير موقفي من الاداره الجديده
لصالح شنق دكين 4 مرات ..
لا اريد ان ارسل له شي فقط اريده ان يعود لسببين
1/لانه يشاركني حب سلطه الاسود و هذا سبب كاف لجعلي احترمه
2/ لتدب بعض الفوضي هنا و هناك
فهذا المكان جدير بان يبرطع به دكين
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: KANDAKE)
|
الكنداكه سيدي الاراكه
يا حليلك يا خلف الله حمد
تعرف يا كنداكه .. المرحوم خلف الله حمد كان من اميز المطربين
و مطربين دي انا قاصدها بالمناسبه
كانت عندو ملكه تطريبيه عاليه جدا بصوتو كان يتلاعب بالموازير
الموسيقيه كما ائ لاعب حريف لكره القدم وكان ايضا اول من
يترنم اثناء الغناء بعيدا عن التزامه بالنص الشعري
و دي كانت من سمات الاغنيه السودانيه بالمناسبه قبل ان يبداء
عصر تأريخ و تصنيف المدارس الغنائيه السودانيه
القصيده ماعندي باقيها زمان نحن غنيناها كده بس
لكن لو عترت فيها حا ارسلها ليك في الماسينجر او هنا
شكرا علي المرور الانيق
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: hala guta)
|
قوته الجميله
هل لازلت تحبين البني ادميين و الديمقراطيه و الوضوح !!
تعرفي دكين ده انا عندي احساس قوي جدا انو شكلو عامل كده
قصير
به بعض السمنه
عواليق ( ممكن ياكل و ينوم بدون مايغسل يدينو)
ينتعل نضارات نظر كبييييييره
اشتر و مابعرف يرقص
صوتو تخيين جدا و شفته السفلي بها بعض الحمره جراء
عوامل بايلوجيه تتعلق بموت خلايا اللون او بقايا تمباك
رغم اني ماشفتو في حياتي و لم نتحدث تلفونيا
فأنا ليس من هواياتي جمع الاوغاد
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
رساله الي اساسي
و منه الي
اخيه دكين
في ملصق اصفر حكومي كبير مكتوب عليه بخط واضح
قرمانيين
كنت دوما اظن و بعض الظن اثم ان الباذنجان خلق من ضلع اعوج
فكلما تأملت (الاسودايه) تختلط تضاريس جسدها بتضاريس الانثي ..
في تاريخي العاطفي الفاشل في عمومياته هنالك الكثير من التعرجات
و الانسيابيه في جسد حبيبتي الباذنجانه قل ان تجده في خضار نافع
اخر و موضوع النفعيه ده هو البيؤكد علاقه الباذنجان بالاناث
لذا لزم التنويه
مولانا خدر ساعه قيلوله بين الجلسات
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
Quote: الكنداكه سيدي الاراكه
يا حليلك يا خلف الله حمد |
سلام يا خدر
أعتقد أن خلف الله يتحسر على (الكان داك) أما أنا كنداكا من التاريخ القديم. وشكراً على الردز وهاك القصيدة دى من كمال عمار رغم عدم صلتها بموضوعك.
كما يجب
كمال عمار
البابُ دُقَّ. قُمتُ واضعاً على فمي ابتسامتي
رسَمْتُها كما يجبْ
ودُقَّ ثانياً أسرعتُ واثقاً بخطوتي
أهلاً حبيبتي !
لكنني وجدتُ بائعَ الجرائدِ العجوزْ !
بدا عليه أنه رأى ملامحي
وهْيَ تموتُ فجأةً بلا سببْ
أراد أنْ يقولَ ما الذي أتى بهِ
لكنه اضطربْ
وارتعشت جفونُهُ فحطّمتْ سكينتي..
حين أتتْ حبيبتي
لم تجدِ «الأشياءَ» في انتظارها كما تعوَّدَتْ
لم تجدِ ابتسامتي !
تساءلتْ..
وكُْفها تمرُّ فوق جبهتي
- حبيبتي.. أنا كما يجبْ
فقط كأنَّ بائعَ الجرائدِ العجوزْ
يصفعني بقبضتي!
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
تمبس
بلغ عني دكينا وصيه الزير سالم ابو ليلي المهلهل
لابن اخيه الجرو هجرس بن كليب .. و اخبره ان يعض عليها
بالنواجذ فهي حصن له في ليل شاكوشه المدلهم
أول قول أنا أوحد الله ..إله العرش لا نعبد سواه
يقول الزير أبو ليلى المهلهل.. ونار القلب تشعل في حشاه
من النسوان بالك ثم بالك ..لا تامن ولو طال المداه
و لا تركن لأنثى بطول عمرك.. ولو قالت نزلت من السماه
وإن حلفت يمين لاتصدق .. وإن وعدت فلا ترجو الوفاه
ترى النسوان هن أصل البلاايا.. وهن أصل الدواهي والرداه
وهنه مفرقات للحبايب .. وبين الأخ والأبن وأباه
ولافتنة في الأرض صارت .. إلا أصلها مكر النساه
الا هل بلغت اللهم فاشهد
الا هل بلغت اللهم فاشهد
الا هل بلغت اللهم فاشهد
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
خدر سلامات كميه
انا كت داير اتف مرارتى الإدشدشت!! مش إنفقعت
لكين مردوده فى بكانها؟؟!! ببوستك دا!!!
اشهد انى لم احبب شخصا لم التقيه كهذا الدكين
لانه كان يفقع مرارتى السعيده!!
يضحكنى حد التلفت !! لاننى اسكن وحيدا
يطربنى دكين ..يشركنى دكين معه ..يشرقنى
هل نغنى بعد الغياب مع صلاح مصطفى لدكين
نحن جميعا نحبك يا دكين
فتعالى نحبك الان اكثر ..واكثر
وما بث
واحد من الشتر
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: فارس موسى)
|
| Quote: يضحكنى حد التلفت !! لاننى اسكن وحيدا |
فارس الحكاي .. يا لهذه التلقائيه والقدره علي السرد
كم انا فخور بك
Quote: اشهد انى لم احبب شخصا لم التقيه كهذا الدكين
لانه كان يفقع مرارتى السعيده!!
يضحكنى حد التلفت !! لاننى اسكن وحيدا
يطربنى دكين ..يشركنى دكين معه ..يشرقنى
هل نغنى بعد الغياب مع صلاح مصطفى لدكين 
نحن جميعا نحبك يا دكين
فتعالى نحبك الان اكثر ..واكثر
وما بث
واحد من الشتر |
وليس بعد قولك قول
فانت فعلا فارس و انا تاسرني الكلمه الجميله
شكرا علي المرور و اتمني ان تستريح هنا قليلا
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
مولانا خدر ابقلما اخدر وحكما إخيضر
الله يخدر ضراعك
سارابض كالحاجب ..!!حبا فى الحاجب نفسو
يا دكين اخوى امرق لا بره.!!
حرم كلهن يتاوقن بشبابيك المحكمة رقم 7
راجيات طلتك يا وسيم الكلمه !!
معليش يا جنابك (خدر) سامح عكلتتنا
ناكف المرحوم عتيق هلاوى وشعراء شباب (وقتئذ)
تشاغلوا بت الجيران يا صعاليك(إشاره لجاره يا ماره)
فرد احدهم بالتالى : يا عم عتيق منو القال
داير اشوف زولى اليوم داك شفتو متحنن و بالقنيله وتوبو واقع
عشان يضارى يتوسد سواعدو كانو وااااااجع
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: فارس موسى)
|
الأخ خدر
دكين هذا الكائن الإفتراضي كما يطلق على نفسه
أو عديم الذمة والضمير كما يسميه أساسي
هذا الكائن الإفتراضي عديم الذمة والضمير لن يمر من هنا قريباً
كنت قد حادثته في العيد ، وحادثته بعد ذلك ، وأخبرني بأن مدة العقوبة قد أنتهت لكنه فرض عقوبة على نفسه ب8 شهور ، انا أعرف أن هذا المتهور سيمارس هذا الحكم على نفسه والظاهر عليهو حكاية قاضي دي مشت فيهو ... اصبح متجولاً وهائماً على نفسه متنقلاً بمجلة حائطية يوشحها القرمصيص ، ووصفني بعدم الموضوع عندما طالبته بالعودة ...
ملحوظة لم ألتقي هذا الدكين حتى الان ...............
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: Sidig Rahama Elnour)
|
صديق رحمه
هذا العربيد يظن و هو بكامل قواه العقليه ان الخلاص يكمن خلف استار القرمصيص
ومادري ان للقرمصيص ضوابط فكريه .. و هو يعتقد خاطئا ان الدلكه محض عطر نفاذ
جدي امًَُحمد ود الحلال كان يردد حتي وفاته
العرس ساهل لكن (الزمبيل) قاسي ..
والزمبيل يا صديقي هو كيس الخضار و اللحمه و الخبز
و جدي هذا تزوج سبعا و عاش تسعيين واولدهن جميعا.. كنت انا
اصغر ابناء ابنته الكبري من زوجته الثانيه ( غلوتيه )
اين موقع دكين الوغد من الزمبيل الان اذا كان حاصل
جمع
دلكه + قرمصيص + بعض البخور = 9 ؟؟
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: فارس موسى)
|
الحاجب فارس
داير اشوف حبيبي .. اليومداك شفتو
محنن بدون قنله اما صفارو فاقع ..
يلتجي بي سواعدو و اطراف المضاجع
اقيس الفم بودعه و القي الودع واسع..
اقيس الليل بي شعرو و القي الفرق شاسع
يردد لي نغيما تشتاقلو المسامع ..
اعاين فيهو و اضحك و اجري و اجيهو راجع
متلاعب ليس الا ما موضوع مطامع ..
دي مابلقاها زولا زي انا صيدو ناجع
و عندما راحت مليشيا النقاد و الشعراء تقصف متاريس
ود الرضي كان لود الرضي الف سبب لتواجده بقهوه الزيبق حينها
فالامر لا يحتاج الي كل هذه الحرابه فهو محض خيال و اخيله
و شاعر هوي .. و جسد مسجي في الخيال
والشاهد
متلاعب ليس الا ما موضوع مطامع ..
دي مابلقاها زولا زي انا صيدو ناجع
و صاحب الصيد الناجع لا يسكن حين غفله او تعب
من هواجسه الا و يرتحل من جديد .. ميمما و جهه شطر اسئله لا تحتمل
اجابات و عناوين لم تخلق بعد
و دكين طبعا صيدو ناجع خالص ..
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
السيد غاضى مهكمة الاوغاد الاليا
اطلب الإذن بالتعليق علىشهادة الزول اب شنبا (كليكة)!!!
إسمه صديق رحمه ولد النور
غال انه حاتف الوغد إن سمحت اريحيتكم بمناداة الإفتراضى مودوع المهكمه بما تنادونه به (يا الله ما تجيب الخال بجاى )
لم يحدد السيد الصديق اى عيد هاتف (الإفتراضى) فالاعياد دقشة
نمبر تو الإدعاء بانه اى الإفتراضى هكم على نفسه من ذاتها ب ..طمانيه شهور
هل لنا (مش لنا بت مهدى) اقصد انينا (جمع نهن: نحن) ان نعرف متى بدات
ال 8 شحور
نمرة تلاته قنب الاستباليه لو سمحت جنابك إتا من نينك (اب شنبا كليكه)
وشكرا جنابك (مولانا خدر)
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
الدار خلا اقصد المحكمه خلا فبنقدل !!فبنقدل دى على وزن اب نتعشو
وبنغنو وبنتونسو!!!
السيد قاضى قضاة عموم محاكم الت ...اقصدالاوغاد
وصلنا للتو عبر مصادرنا الما تخرش الميه..إنو كل الفراشات تانقن
وتعطرن ..فى إنتظار انيق الكلمه وليس بهى الطلعه
فام زمام ابو رشمه تعده بقدلة عصريه فى رمله دقاقه وناعمه بعد مطره ضحويه
وريحة دعاش من الصعيد من الفريق التحتانى لا عن ناس فلانه العازمنهم شاى مغرب
وسمعنا همسا يدور بين الفراشات ان بت العز ورضاعة البز القرت فى الراهبات وحبت فى البلاط ما حتخلى لبنات الضهره الضهبانات إشرشحنبو !!! مجهزه الفارهه
المكندشة والمتهم عارفو بحب الكندشة ما ( زول ضهارى) وحالفه تحشكلو وتبشتكو تاكلو ايس كريم مع عويلات وبنوت البرج العالى.
وسمعنا برضو انو فى واحدات دايرات يحاورنو فى اللغه والمفردات وشكل التعاطى وإشكاليات الفعل اليوماتى وتراكم التجريب وإمكانية إنزال عربى البطانه من عليائه لحيز الإنداية كنموذج للعقليه بتاعت ناس هناى !!!!!
اظهر وبان وليك الامان
اظهر وبان ليك الامان
اخر همسه شافعه شويفعونه لضيضه ونجاضه طعيمونه ودريفونه تقول ....
تقول ..... بتعزف جيتار وحافضه بعض الاغانى السودانيه والنكات الاجنبيه
سمعت عنك إنك وناس وزول هناى بالسودانى شنو يا عمو (اب شنبا كليكة)
بس لقيتها (زول بكاااااااااااااى)
دا إهتلال اديل كده للمهكمه..انا ما بخفض قواتى إلا تجى الغرارات وتكون فى صالهنا!!!!
دكييييييييييين كلمه ليست اخيره:
فى 2(شمس) قاعدين قبل هلال مورده (قويه).دار بينهم الحوار التالى
الاول: والله تارف يا فرده تنقا دا ما لاءءءءب خلاس !!تارف الكوره دا زى المربوطه فى كراؤو اديل كن بقيت باك شنو داك ما تقلاءءءة منو.
التانى: ياخى بالله سيبنا تنقا بتاءء الساءءة كم...والله المورده جابت لائب افن بلاءءءءءة ادييييل كدة!!!! اسمه هيثم السؤؤدى
توه يا دكين فردتى والله اسال (العضام القدام) والله المنبر جابلو لئئيبه إشراقه والجندريه(مسحوبه إن زعلن يا مولانا)بتاءءءت الساعه كم
والله شافعاتن لضاض ونجاض وطاعماتن طعامها
اظهر وبان ليك البكان
اظهر وبان ليك الزمان
محروق حشا لبعدك
قصرنا يا مولانا مع المسخوت
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: فارس موسى)
|
دكين
والشهور الثماني لم تنقضي بعد و انت في المنفي .. لم يعد الحال يسر
هتك الاوغاد بكاره القوي الحديثه المنضبطه و الحكايه بقت طلقيت
احكي ليك شنو ولا شنو !!
الانا دي
اخرها ويين .. وانت يا سجم قاعد لي في هضاب او سفوح نجد تمارس عادهتشكيل و اعاده قراة الروح
تروح روحك ..
مافي وكت
انا غاضب منك تماما اليوم
ولا ينقصني سوي عدم رؤياكم الغير مفرحه
المسأله طلعت من ايدنا .. الصفحه الاولي يا عزيزي تماما كما
درس النكاح بالمرحله الثانويه .. هل تزكر !!كانت من اجمل الدروس و نحن في اوج مراهقتنا .. نحتفي ايما احتفاء
بسماع الاسماء دون تزويق و نلح في تكرارها بدعوي عدم سماعنا
لاسباب تتعلق بالكنبه الاخيره و اتساع الفصول المدرسيه بمدارس السودان
ذو المليون ميل مربع و احيانا ندعي ضعف السمع ( هذه حيله انسانيه قديمه
تصيب الشعب السوداني الكريم مرتين في الحياه .. الاولي سبق ذكرها
و الثانيه عند تقدم السن ) ..
هل سيأتي صباح !!
هل استفيق علي عناوين تثاقف و تحب و تبكي و تضحك بلطف .. الصراع
الفكري ده ماقالو هنا
وينوووووووووووو !!
تبا لك
ســـــــأعووود
| |
|
|
|
|
|
|
|
|
|
Re: مازلنا في اول ساعات الليل .. لكنا في منتصف الويل .. / دكين 2 من 7 (Re: khider)
|
دكين
الناس ديل انا تعبت منهم
( مادام ده امير و ده امير .. منو البيسوق الحمير )
بسوقها انا ده
مولانا خدر
قاضي المحكمه العليا
المستجير برحمه الله
من اوهام الالفيه الثالثه
و الرابعه كان ربنا مد في الايام ..
و المعتد جدا
بنفسه والاخرين
و متواضع بي مزاجو
القصه هايصه و كل واحد بفتكر انو مركز الكون
نعمل شنو !!
حا اوريك بكره
لانو ماتفتكر انو ماعندي شغله غيرك
بكره الشغل بدري
كما كان يخدعنا اصحاب الباصاتالاهليه في الخرطوم
( بكره الركوب مجان )
| |
|
|
|
|
|
|
| |
khider
فتحي البحيري
Abo Amna
اساسي
تولوس
abuguta
ahmed haneen
برهان تاج الدين
Tumadir
Abdel Aati
tmbis
ودرملية
فارس موسى
Imad Khalifa
Sidig Rahama Elnour
فيس بوك
تويتر
انستقرام
يوتيوب
بنتيريست