|
|
 مسنجر علي الهواء الي تيسير - عزاز- بيان
|
احييكن علي الصمود في وجه الحملات الاخيرة لاسكات اصواتكن و آرأكن , و احيي فيكم ثقتكم العالية في روحكن و في
اخلاقكن و صبركن و إحتمالكن لما حدث معكن من مسنجرات مسيئة او توصيفات جارحة و اتوجه بإعتذاري لاسركم عما
حاق بكن من تجني و اقول لاسركن
منابرنا هي نتاج ثقافتنا و هي نموذج صغير لمجتمعاتنا بها الصالح و الطالح فتقبلوا اسفنا عما بدر من زملاء لنا
هنا بحق بناتكم/زوجاتكم/اخواتكم .
احييكن و معكن كل باسلات سودانيزاولاين البقيفن ضد محاولات إزلالهن فقط لكونهن نساء.
__
البوست كلو نون النسوة , عملت لي فلايت والله 
|
|
 
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: خدر)
|
خدر ..
سلامات يا اخوي ...
أنا متفائلة ..!!
لأنو في اخوان زيك ... و اخوان كرام في المنبر لا باقبلو الاساءة لا بيسيئو ...
الفات كان(درس عصر) لأي زول يفكر يحيد عن درب الاحترام
لا أحنا بنسكت و ندمدم لا أخوانا بيقبلو بالعوج ...
___________
حسي أنا في مأزق حقيقي يا خدر ..
انا امتحاني الليلة وما ذاكرت التكتح ... اعمل شنو؟ (وش محوص)
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: عزاز شامي)
|
| Quote: انا امتحاني الليلة وما ذاكرت التكتح ... اعمل شنو؟ (وش محوص) |
تعملى فيها عروس ..
كان كدى من دربى ده النقوم على البطحاء اجيب لى شيله فيها خمسين توب
عشان ما تلبسى ولا واحد...ونمشى على ماذون السفارة باقى هو امين مال جمعية
الاعلاميين المحلوله..وما تقولى بكون كارهنا الاتنين يعقد لينا من الباب
ويجدع لينا الفاتورة فى وشنا..ويقول خيرالزفت عاجله..
واكون انا فزت بالحسنيين عزاز والشلاقه..
خدر السنيح ازيك ..انت قاعد هنا...بث عليك،،،،
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: خدر)
|
خدر
وانا بدوري احيي نبلك ايها المحق دوما
تعودنا نحن النساء في هذا المنبر الكثير الذي لا يحتمل في حقنا
فقط.... لاننا نجاهر برأينا لا نخافه ولا نهابه
ولكن والحق يقال ... كثير منا لا تحتمل تلك الاساءات مع معرفتنا التامة لما قلته وتغادر المنبر من غير رجعة الا حين ما يتطلب الامر العودة خصوصا اذا كان هناك نداء انساني او مشاركة ما في فرح او ترح
ومنا من تقوى على تحمل الكثير وتواصل المشوار
ويحضرني بوست كتبته احدي الزميلات هنا بعنوان
كيف ينظر الينا زملاؤنا في المنبر
وحقيقة وللاسف فقد بدت الاجابة على هذا السؤال القوي- ظهرت سلوكا لا قولا وتنظيرا
ولكن يبقى علينا النضال في تثبيت حقنا في الكتابة وابداء الراي والاختلاف فيه مراعين ادب الخلاف - بكل قناعة باننا جمع متنوع الثقافات
فكل واحد منا يحمل نمط تعامل يعبر عن فئة مجتمعية ما سلوكا وتصرفا وقولا
ارتضيناه ام رفضناه
صديقي خدر
شكرا لهذا الصدق واحس براحة ضميرك ورضا نفسك وانت تخط هذا الكلام العميق المضمون
احتراماتي لك ولمن معك
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: أم سهى)
|
يا إنتهازي , تقول ليكـ إمتحانات تقول ليها عِرس
الله يعرس ركبينكـ ديل ببركة عصير الاطفال الخاتيهو قدامكـ ده
خت الصورة دي في البروفايل بدل صورتكـ حناح امجكو دي
سلام يا ام سهي
المنبر بقي ساحة عِراكـ تُستخدك فيها كل الاسلحة المشروعة و الغير
المؤتمر الوطني و الذكوريين نجحوا في طرد الشباب الجيدين
سلمي علي العروسة الحلوة دي و قولي ليها عمكـ تطّفل علي صورتكـ و صغرها ليكـ
تحياتي يا ام سهي
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: أم سهى)
|
| Quote: احييكن و معكن كل باسلات سودانيزاولاين البقيفن ضد محاولات إزلالهن فقط لكونهن نساء. |
بالاعلى ياسادتي رجلً مجامل..
يامولانا ..
ليست هناك محاولات لازلال مرة لكونها مرة..
وانما الزول الموقفو قوي يظل موقفو قوي ..
ليس للعضو التناسلي اي دور في منطَقة الافكار وايرادها بصورة واضحة وقوية..
لايستطيع احد ان يزلزل من وضع مرة فقط لكونها مرة وانما تزلزل الاشياء حين لاتقف على ارضيات صلبة..
ياما في رجال سفو التراب واتزلو..فهل كان ذلك مرده انهم رجال بفروج؟؟
تيسير من ضمن هؤلاء القويات الشافن انو المواجهة دي احدى خياراتم ولم يخشوا في ذلك رجل..
وجات دافعت عن رؤيتها دي ولحدي اخر مداخلة دافعت..وراقدة ليها فوق راي..
فاين الضعف في ذلك؟؟
يعني لو مرق من الرجال مريض ومهووس .. نقوم نعتذر بصورة جماعية عن فعايل زول مطوفش..
ماهدي في عدددية مهولة من النسوان تجري في قناعتهن انو الراجل البخض المطبخ ده فيهو إنة..
اها نقوم نرمي اللوم على جميع ناسء العالمين ونقعد نقول
الفهم الفروجي ..وماعارف عالم الفروجة..على غرار الذكورة والعالم الذكوري
تصدق يا خدر غير نوع مجاملاتك دي ما قاعدة تدعم فهم النساوين الناقص ده..
تدعم شنو انتا ماعندك شغلة؟؟
انتا موش قتا جاي الدوحة؟؟ مالك رخيت ..تعال ياخي بلا هرجلة نساوين معاك...
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: خدر)
|
| Quote: يا شابات اعتذارنا لي اسركم ده رجاء وصلوهو ليهم. |
تخيل يا خدر امس باحكي لأمي يديها العافية الحاصل في المنبر
صنننننننننننننت مسافة كده و قالت لي
(يا بتي البني آدم ده ضعيف .. الكلمة الطيبة بتمرق الدبيب)
ما بين قوسين كان بالنوبية و لو كتبتو ليكم as is إلا تجيبو البوليس علشان يترجم بحذافيرو
في يوم ما يا خدر حاجي احكي عن امي اللي فتحت أول فصل محو امية في الخمسينات في منطقتنا
و ساهمت في تأسيس الجمعية التعاونية و اشتغلت زائرة صحية 10 سنوات بلا مقابل ودرست الجارات
هنا ... ومنعت أكتر من أب و أم من أن يضرو بأبنائهم بدء من الضرب انتهاءا بالتعنيف اللفظي
مشوارها كلو كان بلا حدة ولا بذاءة لا منها لا من المعارضين لتمكين المرأة لجهل منهم لا عن سوء نية ...
ساندوها اخوانها و طلاب الحق ...
أمي دي هي اللي في الدنيا، ولا يمكن يضرها شنئان قلة، و عارفة بيقين انو الخير الكامن في الناس أعلى صوتا
الشر يحيق بأهله، دي حقيقة انا مقتنعة بيها مية في المية
ومهما الانسان حاول يتلون و يبلس الباطل لبوس الصواب الحقيقة بتظهر
و تحالفات الانسان مع (فاوست) بتؤدي لخسران ... الكسب الحقيقي كسب النفس
شكرا تاني يا خدر ..
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: اساسي)
|
في زمانِما كانت هناك ملكات وكنداكات وفرعونات سادن عالمين وضكور ليهم شنابير..
وفي عصور تلت صار موقف المرة ضعيف ليس لقوة منطق الرجال وانما لتقصير في دور النساء ومنطقهن النساء تجاه دورم في العالم..
إزالة الفهم القاصر بدونية النساء لايزول بهذه الموشحات والمجاملات..
وانما يزول بمواقف النسوة وعمايلهن المبشرة..
واحدة من هذه العمايل المبشرة هو بوست تيسير..
واحدة من هذه الموشحات هي خرمجتك دي ياخدر..
ما ملاحظ انو اساسي اتفسح فيك..
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: عزاز شامي)
|
سلام لخدر والأخوات
مابحدث من بعضنا لبعضهن يذكرنى بواحد مكجن مرتو لكن لايجرؤ على مخاشنتها..
فكان يقعد قدام التلفزيون وكل مايشوف مذيعة ناجحة أو ضيفة محتفى بها أو ممثلة جبدة وإلا يجتهد فى البحث عن سبب ليشتمها على مسمع من زوجته..
وتكون الأسباب تافهة كمذيعة توبا نازل من راسا, أو الضيفة خاتا رجل فوق أخرى.... الخ من الأسباب الهايفة.
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: عزاز شامي)
|
وما ملاحظ انه عزاز فطتنى او سكتت عنى والسكات رضا.
خدر الفقر حسدتنى فى صورتى المكسرة ناس عزاز واخريات وغشيتنى
لاطلت عنب الشام ولا دوم ام بده.
لاعرفت اخت الصورة الصغرتها لالقيت صورتى الاولى..
ماعافى ليك لبن شطرى وشيل حكرى يا السنيح،،،
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: صديق الموج)
|
دكين
القال ليكـ منو انو الذكورية دي عضو تناسلي يا (أعزب الخليج العربي)
فضحتنا و ما خليت لينا طريقة نتضامن معاكـ زاتو
انت كل ما عدم العرس يضايقكـ تجي تسوط المنبر و تمرق ؟
شوف يا وغد
البوست ده ما مجاملات , ده بوست إحقاق حق لي الشابات ديل
شوف يا احوص
البوست ده جوهرو بالخط العريض إعتذار لاسر الشابات اعلاه
(رغما عن ان إحتفائكـ بالذكورية و شروحاتها خلت البوست ريحتو و طعمو شنبات شنبات)
____
إتضامن ولا إتخارج و سوق معاكـ الاوغاد اساسي و صديق الموج , واحد داير يعرس و التاني حاسدني علي المحلبية
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: DKEEN)
|
| Quote: إتضامن ولا إتخارج و سوق معاكـ الاوغاد اساسي و صديق الموج , واحد داير يعرس و التاني حاسدني علي المحلبية |
خدر..انت بتكرهنى كده ليه ياحى؟؟
انا فى السوق تقوم تختنى بين مطرقة ظلامية اساسى وسندان صعلكة دكين
زعلان منك ..وما حا اتداخل معاك تانى كلو كلو وانت برضو ماتتداخل معاى سمح؟
ناس عزاز يلا نتونس فى بكان اخر،،،،
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: صديق الموج)
|
Quote: طبعا يا اساسي ما بتكون ملاحظ انو انا رسلت ليك ايميلي قبييييل و إتعوضت الله فيهو
وتلاحظ كيف ؟ انت فاضي من الرشاقة في بوستاتي |
شكلو امرك بهمني !!!
كدي عاين لي نفسك من جوة , من بطنك وتاريخك ونفسك ,, انت مهم بالنسبة لي كدا؟؟ ما عندي مشاكل بيت وام واصدقاء , ما بكون عندي مشاكل زي دي يعني
الواثق يا ...
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: اساسي)
|
يا عزاز ..ربنا يعدى امتحانك على خيروبالتوفيق
قريت قبل كم يوم ..فى مداخلة لك مع الأخ السيدح أمرا .. أحسسته غليظا صدوره منك
وغير كريم فى حق المخاطب ..خصوصا وان الموضوع طرح أمام الملأ
ذكرت أو أقسمت أنك ممكن تطلعيه من البلد بالهدوم العليه أوشىء بهذا المعنى ..
أتمنى أن تكون قرآتى خاطئة ..
هذا مع تثبيت حقك الكامل فى الرد بالطريقة التى ترين
لكن يعلم الله ان كان هذا الحديث منك أو من أى زميل آخر تجاه أى فرد سودانى معه فى بلد واحد سواء أن كان: ملحد, كوز, سارق ...الخ لاستنكرت الأمر
فما باله أن يأتى منك...
مودتى واحترامى
طارق ازيك
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: خدر)
|
روزمين،
سلامات يا غالية ...
عدت الامتحانت على خير و منبر سودانيس اون لاين جاهو بلا :)
انا فعلا كتبت الكلام القريتيهو و كنت قاصداهو و ما زلت قاصداهو
وممكن انفذوا لو الشخص مس سمعتي أو ذمتي وأصر على الاساءة.
عموما هو اعتذر عن ما بدر منه و عفى الله عما سلف وما باحب اشيل الغبينة مع زول
انا سامحته لله و الرسول ... وباصدق الاعتذار و بحسن النية إلا ان يثبت العكس.
لو ثبت العكس ساعتها من حقي أخد حقي بالطريقة اللي تناسبني ..
اقدر شعورك تماما، وانا ما اتخيلت اني ممكن اصل المرحلة دي في تصعيد الخلاف،
بس مرات الواحد لازم يثبت الامور عند حدها علشان الناس ما تتمادى و تفهم السكوت أو التغاضي ضعف.
ما زال فضاء التسامح رحب عندي لمن صدق النية ...
كل المودة و الاحترام،
| |
|
|
|
|
|
|
|
|
 Re: مسنجر علي الهواء الي تيسير - عزاز- بيان (Re: عزاز شامي)
|
خدر
أزيييك
إنصافا لك تابعت مداخلاتك في بوستات ذات علاقة ..وحسيتك فرحان بصولات العزيزات وجولاتهن ، ولسان حالك
بيقول عفيت منكن ، وحاسة بالوست رغم أنو لابس فكرة
| Quote: يا شابات اعتذارنا لي اسركم ده رجاء وصلوهو ليهم. |
لكن هو نوع من الإحتفاء هو حقك ـ الأيام دي داخلة في شخصية محلل ـوهن بستاهلن ، بس أكيد الأسر
الجابتن أكبر من انها تتأثر بالفارغة والمقدودة ..
.................
لكن انا متضامنة مع أساسي ودكين (عشان بيان وعزاز وتيسير ، بنجضن بلد )
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: عزاز شامي)
|
عزوز العزيزة
شكر لردك الأنسانى الراقى ..
وشكرا لأنك لم تخيبي ظنى فى زمرة من آمنت بهم وبسعة صدرهم وكم الجمال والخير بدواخلهم..
كونى كما أنت يا صديقة..
وأغفرى لى مقدما أنت وكل من أعز..ان وجدت أن معول الأستفزاز الخارجى قد يغترف منكم الكثير
كما لم ولن تتوانوا أنتم عن تنبيهي وانتقادى ..
محبتى
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: rosemen osman)
|
سلامات يا روز
انا مبسوط انكـ زرتينا و إتونستي مع عزوز عشان تلطفي مع اخواتكـ ديل
اوكسجين البوست بعد دخول الرجرجة و الدهماء
عليكـ الله عايني جنس ده
Quote: خدر..انت بتكرهنى كده ليه ياحى؟؟
انا فى السوق تقوم تختنى بين مطرقة ظلامية اساسى وسندان صعلكة دكين
زعلان منك ..وما حا اتداخل معاك تانى كلو كلو وانت برضو ماتتداخل معاى سمح؟
ناس عزاز يلا نتونس فى بكان اخر،،،، |
قرب يقول لي (بكرهكـ بكرهكـ بكرهكـ)
____
شاحد الله يا صديق تلم فيكـ مُمرضة بي (حقنة عضل) تنشف ريقكـ
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: rosemen osman)
|
(نـــــــــــــــــــون)
الواحد شكلو كده ح يتضامن مع خدر
بي سبب اساسي ودكين والموج
المهم النون الفوق دي تحسباً من الفلايات
يا خدر سلام ياخ
ومعاك في انو رسالتك (رسالتنا) تصل لاسرهم
ومتأكد تمام انهن التلاتة قادرات ومتيقنات من
نفسن وبيعرفن حقوقن تمام وما بنومن مضيومات .
اساسي ودكين والموج ديل يا خدر شوف ليهم بوست
ياخ وزبطو ليهم صدقني محتاجين تضامن حقيقي دكين
ده بي سببو (احدب نوتردام) زي ما قلته بس ديلاك
مالم ؟!
صلح لينا الترتيب ده ياخ حسب السن العمرية
لوووووووول .
| |
|
|
|
|
|
|
|
|
|
Re: مسنجر علي الهواء الي تيسير - عزاز- بيان (Re: rosemen osman)
|
خدر الفنان
سلامات يا مان
إزيك وإزي العروسة وأمها
سلام لكل الجندرالمر من هنا
دخلت البوست دا أمني نفسي بي غنية أو مدحة بصوتك الفريد أو إن شاء الله مناحة خاصة وإنو غبت كم يوم جيت لقيت المنبر مسود كلو
لفقدان زملاء اعزاء
لكن بوستك دا طلع بوست لشكل مدور في حتات تانية...الظاهر بكري نقل الخور هنا وودي المنبر بي هناك
أنا زول مابحب الشكل والمحاجزة لكن كلامك دا ذكرني زمان في بلجيكا كنت مستوحش يوم كدا وفتحت المنبر لقيت ليك بوست فيهو واحد
اخونا
بيشاكل ليهو في بنية (انا ما كنت بعرفها الوقت داك)..زعلت شديد وأنا زول جعلي مابدور الحقارة ..ولا الراجل البيشاكل النسوان...قمت هجت ليك فيهو هيجة شديدة خلاص
شيئ بالماسينجر
وشيئ بالايميل وشيئ في المنبر علانية...يازول خسرت ليك الزول دا عديييل كدا ....بعد فترة أشوف ليك الموضوع بيناتم(هو والبنية الكان
مشاكلها) بقي عسل علي لبن
وشلت أنا وش القباحة...أها ياخدر أخوي جندر الزمن دا شدييد علي روحو.....أهم شيئ إنك تشجع اللعبةالحلوة
| |
|
|
|
|
|
|
| |
خدر
صديق الموج
أم سهى
Balla Musa
حيدر حسن ميرغني
rosemen osman
داليا حافظ
سفيان بشير نابرى
فيس بوك
تويتر
انستقرام
يوتيوب
بنتيريست