|
|
|
 Re: تتذكر يا صديق الموج لمن أنا وإنت نطينا من الطرماج (Re: يازولyazoalيازول)
|
سلام يازول
أنا برضو بتذكر حفلات الست أم كلثوم. كنت ولد صغير لكن واعي.أتذكر كانت تجي بشارع الموردة متجهة للإذاعة راكبة في الروزرويس بتاعة أزهري الله يرحمو ويرحما وقداما المواتر زيها وزي أي رئيس.
لازلت اذكر (بلبل السودان) الفنان إبراهيم عبدالجليل وهو قاعد المساء جنب تقاطع الموردة والريفيرا مع عمنا عبد العزيز الحلاق وعبدالعزيز يشاغل فيهو "هسع كان ما ركبت راسك كنت راكب معاها الروزرويس".يقال أن "البلبل" لمن مشى مصر يسجل أسطوانتو الأولى (ما قبل الإذاعة) الست أعجبت بصوتو الرقيق وطلبت منو البقاء بمصر متكفلة باستضافتو عندها لكنو رفض ..طبعا حب الموردة غلاب..!!!
والله أعلم....!!!
دمتم
| |
 
|
|
|
|
|
|
|
 Re: تتذكر يا صديق الموج لمن أنا وإنت نطينا من الطرماج (Re: كمال علي الزين)
|
كمال على الزين
ما دام مصر على (اللواقة) خلينى نقول ليك:
عليك الله إنت والأعضاء والقراء مدعويين للمقارنة بين صورتى (الحديثة) الموجودة فى البروفايل وصورتك الفوق ، تفتكر الفرق بينى وبينك فى السن يطلع كم؟؟؟؟
أنا شخصيا بفتكر أنو لو ما نحن (نددة) أو (طردة) أو (قدره) ممكن يعنى (للمصداقية) أكون أكبر منك بى 3 أو 4 سنة يعنى قطع شك إنت من مواليد (آخر الستينات) أو (أول السبعينات) لو جاملتك 
يا كمال ، أنا لم أشيخ لهذا الحد ، ورغم كده (الكبر) رزانة وعظمة ومكانة ومقدرة
تحياتى يا (سغنونى)
| |
|
|
|
|
|
|
| |
يازولyazoalيازول
Nader Abu Kadouk
ghariba
محمد عادل
حيدر حسن ميرغني
حبيب نورة
Moawia Mohammed
إيمان صالح
أبوذر بابكر
كمال علي الزين
صديق الموج
فيس بوك
تويتر
انستقرام
يوتيوب
بنتيريست