|
|
 أرغب فى أن أرشح نفسى لمجلس الحكماء بالمنبر الحر
|
الحمد لله أولا وأخيرا على عودة المنبر الحر ، ولا ندرى ماذا تخبىء الأيام القادمة لهذا المنبر خصوصا بعد التغييرات الجديدة القادمة لا محالة
رغم كل القيل والقال ، ولمعرفتى الشخصية بمعظمكم ، ولحبى لكم ولهذا الصرح الشامخ فإننى أرغب فى أن أكون أول المرشحين لعضوية (مجلس الحكماء) فى هذا المنبر ، نظرا لأقدميتى هنا ، ولسنى (الذى يفوق الخمسين) ، ولمشاركاتى اليومية ولثقتى فى أن أكون خير مستشار فى مواضيع المنبر (الحرجة) التى قد تنشأ نتيجة تكالب الظروف والمستجدات الآتية ، ويا حبذا لو تم ذلك الترشيح بإسمى الحقيقى (هشام شيخ الدين) ، حتى يظل (يازول) العضو البسيط ينهل ويشارك معكم فى كل شأن سودانى جميل
فهل أجد بينكم من يرشحنى لهذا المجلس ، علما بأنكم قد رشحتمونى فى الماضى رئيسا للمنبر ، وشملتمونى بحبكم الكبير
وشكرا
|
|
 
|
|
|
|
|
|
|
|
Re: أرغب فى أن أرشح نفسى لمجلس الحكماء بالمنبر الحر (Re: humida)
|
يازول انا بعلن دعمي الكامل ليك واللا متناهي
بشرط واحد
انه اقبض رشوة منك
والبيدفع اكتر انا بديهو صوتي
وهذا الكلام جاد جدا
انا اساسا بايع القضية وما عندي مبدأ
مبدأي انتهازي استغلالي
وقررت ان اخرج من نادي الاوحدين الذين لم يسمع بهم احد ولا يعرفهم احد
الي رحاب جيوبكم
والعرض ساري علي كل الذين يريدون الترشح
ـــــــــــــــ
اساسي اثناء المساومة
| |
|
|
|
|
|
|
|
|
|
Re: أرغب فى أن أرشح نفسى لمجلس الحكماء بالمنبر الحر (Re: اساسي)
|
غايتو وكت فيها قروش ..
انا ذاتي بشجب .. اقصد برشح ..
ويا جماعة الزول دا ما بتلقو ذي ..
واهلنا قالوا من زمان ..
اذا مسكت ما تفك .. واذا فكيت ما تندم ..
وجناً تعرفوا .. اخير من ود الجيران ..
حاجة قريبة للكلام دا ..
وعلي الحرام .. الزول دا من شدة الحكمة ..
لامن برجع الطاقية لورا ..
عشان الحكمة يضربها الهوا .. وما تعفن في رطوبة البلد دي ..
وعلي الحرام برضو ..
الزول دا وكت يمشي في الشارع ..
الشفع بكونوا جاريين وراهو .. يلقطوا في الحكمة ..
لقيط ساي .. تلاتة بقو دكاترة .. وواتنين جنو ..
وعلي الحرام تلاتة ..
الزول دا كان ما دفع لي .. الا اخش ليكم الغابة ..
واوريكم بدع .. في دارفور ما شوفتوها ..
وذي ما قال شيخنا ..
الزول لمن يعمل حاجة .. أخير ينجضها ..
ولا نامت أعين الجبناء ..
| |
|
|
|
|
|
|
|
|
|
Re: أرغب فى أن أرشح نفسى لمجلس الحكماء بالمنبر الحر (Re: humida)
|
الحمد لله الجات منك ياريس
والله سبقتنا ساي بي الكلام ده
اؤيد ترشيحك خاصه وان لك خبرة سابقه في ادارة هذا البورد
عارف يازوول انا وبعد قراءتي لبوست الاخ عبده والله شوفتها حارة انه الناس الكان ليهم السبق واليد العليا في ظهور سودانيز اون لاين ما يكون واحد منهم في ادارة البورد ، أرشح معك وبقوة الدكتور صلاح ضرار.
وصيتي لك ياهشام بس تامين البورد الباقي تاني كله هين.
(((هين وين يازوول والله مع كلام رودا ده ما ببقي هين هههههيكه علي قول عمدتنا)))
دي مسئولية كبيرة ربنا يكون في عونكم
التحية لك
| |
|
|
|
|
|
|
|
|
|
Re: أرغب فى أن أرشح نفسى لمجلس الحكماء بالمنبر الحر (Re: Bakhaf)
|
انا بدعمك بصوتى وشلتى
بس نحن جاين لجدة
بدل ننزل فى فندق
حنتلحك
وبعدين عندى امى ابوى جاين عمرة
وبقعدو للحج..خلى الحاجة تتساهل معاهم
انا طبعا مابحرسهم ولا حاجة..ما بسيب
شغلى وابوى حساب شديد..الا ما تلمه فى جدك الثالث
يطلعك قريبوا
نحن عشرة ياخوى..اها شنو ليك
ما ضمنت فوزك
حتى هوب فل ذاتو بخليوه يصوت ليك
1-ابوحسين
2- معتصم دفع الله
3- حمزاوى
4- شلبى
5-ابقوتة
6- قريبى عمر الماحى
7-دكين
8-الشريف
9-ايهاب الطيب
10 -قرشو
اساى دا كان بحسبو لكن اظاهر عليه ناوى على عملة
اها شنو ليك..ياجماعة انا بعت اصواتكم من غير مشورتكم..
عشان ابوى وامى ينزلو شهرين مع هشام فى جدة..كان مفروض
اجر ليهم شقة لكن بخربو ميزانية العرس
ولقدام...لو
| |
|
|
|
|
|
|
|
|
 Re: أرغب فى أن أرشح نفسى لمجلس الحكماء بالمنبر الحر (Re: حمزاوي)
|
شكرن شعبى
والله ذكرتونا رمز القطية والعربات الفيها مايكرفونات وانتخبوا (ابن الدائرة)
ما علينا ، المهم:
حميدة ( سيب حميس الدلوكة وخليك جاد شوية )
أساسى ( انت مفلس اليومين ديل ولا شنو؟ )
بخاف ، كلك زوق والله ، وصدقنى صلاح ضرار صديق عزيز ومكسب فعلا للمنبر
حبيب الكل ، كل الأركانحرب الزمان جاهزين ، صبرك على
أبقوتة ، خليهم يجو ويجيبوا معاهم ناس ابقوتة الجايين عمرة ، انت قايلة الحكاية لعب ، حرم يلاقو شيخ عرب يتكلمو بيهو قرن كامل
أبومريم ، سمعت عادل امام لمن قال (متعودة ، دايمن) ماتخاف على أخوك ، هنا اصحابى اكتر من اعدائى بى كتير ، تسلم
حمزاوى ، بارك الله فيك ، ونجيب كمان قرشو ونص وخمسة
تسلموا يا حبايب ، الثيرمومتر بتاعى ما خاب معاكم أبدن ، ربنا يحفظكم
| |
|
|
|
|
|
|
|
|
|
Re: أرغب فى أن أرشح نفسى لمجلس الحكماء بالمنبر الحر (Re: يازولyazoalيازول)
|
الأخ هشام نثني علي ترشيحك للجنة الحكماء
باعتبارك احد حكماء البورد من قبل.. ومن الأوائل {انشاء الله من العشره الأوائل??}
Quote: نحن عشرة ياخوى..اها شنو ليك
ما ضمنت فوزك
حتى هوب فل ذاتو بخليوه يصوت ليك
1-ابوحسين
2- معتصم دفع الله
3- حمزاوى
4- شلبى
5-ابقوتة
6- قريبى عمر الماحى
7-دكين
8-الشريف
9-ايهاب الطيب
10 -قرشو
اساى دا كان بحسبو لكن اظاهر عليه ناوى على عملة
اها شنو ليك..ياجماعة انا بعت اصواتكم من غير مشورتكم.. |
وما عندنا كلمه فوق رأي أبوقوته..
وطالما إنت في جده حقنا بنخلصه عمره وحج..
والمقدم يسلم لوالد ابوقوته عند عمرته في أول رمضان..
| |
|
|
|
|
|
|
|
|
|
Re: أرغب فى أن أرشح نفسى لمجلس الحكماء بالمنبر الحر (Re: يازولyazoalيازول)
|
الحبيب هشــام
سـلام
انا زول واضح جدا .. و مقتنع بالمثل البيقول
( الراجل بيمسكوه من الكيبورد )
وطبعا حندعمك في مسعاك هذا ولكن بشرط ان تضمن
لنا عودة كل من :
الصـادق
تغريــد
د. ابكر
عطبراوي
الكتيابي
عبدالمحمود ابو
عاطف عبدالله
ابو ريشـة
بنات قوتة
ود عزة
مــام
شــتات
حنينـة
كـبر
اها نسمع قولك يا هشام وعليك الله اتحرك شوية
يونكسـو
| |
|
|
|
|
|
|
|
|
 Re: أرغب فى أن أرشح نفسى لمجلس الحكماء بالمنبر الحر (Re: يازولyazoalيازول)
|
العزيز الزول الحبيب هشام
ارشحك واصوت لك وابايعك
لمعرفتك الشخصية بمعظم البورداب ، ولحبك لهم ولهذا الصرح الشامخ فإننى أرغب فى أن تكون أول المرشحين لعضوية (مجلس الحكماء) فى هذا المنبر ، نظرا لأقدميتك هنا ، ولرجاحة عقلك ، ولمشاركاتك اليومية ولثقتى فى أن تكون خير مستشار فى مواضيع المنبر (الحرجة) التى قد تنشأ نتيجة تكالب الظروف والمستجدات الآتية ، ويا حبذا لو تم ذلك الترشيح بإسمك الحقيقى (هشام شيخ الدين) ، حتى يظل (يازول) العضو الحبيب ينهل ويشارك معنا فى كل شأن سودانى جميل
والله انت اهل لها يازول
اخوك كمال
| |
|
|
|
|
|
|
|
|
|
Re: أرغب فى أن أرشح نفسى لمجلس الحكماء بالمنبر الحر (Re: tabaldy)
|
حبيب نورة:
أشكر دعمك يا أخى وفى انتظار (كباية الشاى) فى المكتب ، كباية شاى معاك تعدل (عتق موقع)
ودقاسم:
يا قريبى ، أنا ما اترشحت لى مجلس الحكماء ، الا عشان أغنى لى أساسى:
البنسلين يا أساسى ، نادوا الحكيم لى أساسى
شكرا للدعم يا ود قاسم ، صوتك يوازى أصوات الرياض كلها
أبوحسين:
ياخ والله لو كنت أدرى انك موجود الخميس الفات لجئتك (حبوا) على الأقدام ، وكمان حافى حالق ، ليك معزة فى قلوبنا يا ابوحسين برغم (مراهقتك الفكرية) لووووووووووووووووووووووووووول
شكرا يا ابوحسين على الدعم ، وسيب الضرب (تحت الحزام) مع الناس الحلوة ، لو كنت تعرف مكامن حلاوتهم ، ما ضربت هكذا ، وأسمع كلام (يبكيك) وبيحبك فى نفس الوقت ، رمزى (القطية) يا ابوحسين وبعدين نحنا ما مجانين أووو تشكا
مهاجر:
حلوة ناس (سيدى) دى ، ما الحكمة كلها اتعلمناها فى حوش (سيدى)
شكرا على الدعم يا مهاجر ، وسنتمنتال مطلب (حكيم)
عبدالله بابكر:
أشكر فضلك أخى الكريم
أسعد أبراهيم:
دعمكم لنا ، يعادله شرف كبير
معتز تروتسكى:
كتر الف خيرك يا معتز ، ده والله براه مكسب ، وليك معزة كبيرة (وبكشيش) كمان
عمر الماحى:
بارك الله فيك أخى عمر الكاتب الفذ
ايهاب الطيب:
والله اتمنى بالجد أشوفك جاى عمرة فى جدة ، كتر خيرك على الدعم الكبير
unixo
ياخ والله جعلتنى أقرأ هذه اللستة أكثر من عشرة مرات ، وفى كل مرة يأتينى سيل جارف من الذكريات الحلوة ، تأمل ياخ مرة أخرى:
Quote: الصـادق
تغريــد
د. ابكر
عطبراوي
الكتيابي
عبدالمحمود ابو
عاطف عبدالله
ابو ريشـة
بنات قوتة
ود عزة
مــام
شــتات
حنينـة
كـبر |
شكرا ليك كتير يايونيكسو
كمال فرانكلى:
أنا أطلب فقط أن أتمكن من (التأدب) أمامك ، أنت رائع بكل المقاييس ، ولك من حبنا أطنان مضاعفة
راحيل
لا حولالالالالالالالالا ، ياخ انتى وين؟؟؟ أنا ما داير (حكمة) ، داير (حنان)
ياخ والله مشتاقين ليك ، تانى ما تغيبى ، سمح؟
تبلدى:
شفت ترشيحك بعدما كتبت البوست ، لك الشكر كله و (القومة ليك) والمحبة والتقدير وخالص تحياتى
| |
|
|
|
|
|
|
|
|
|
Re: أرغب فى أن أرشح نفسى لمجلس الحكماء بالمنبر الحر (Re: عبد الباقي الجيلي)
|
أبويسرا
لقد وقفت طويلا عند كلماتك ، ونحن يا اخى نتأسى بحديث المصطفى عليه افضل الصلاة والسلام ، فان كان قالها فأرجوكم أن لاتعطوها لى فما أنا بأعقلكم ولا أفضلكم ولا اكثركم مالا ولا بسطة فى الجسم ، ولكنى رشحت نفسى لانقاذ ما يمكن انقاذه لهذا المنبر الحبيب الذى لم أرد له فى يوم من الأيام الانهيار ، ولخبرات سابقة نهلتها منه ولمعرفة لصيقة بالكثيرين وتوجهاتهم ما جعلنى اشعر بأنه يمكن أن يكون لى دور مؤثر فى استمراريته ، وهو غاية ما أصبو اليه (استمراريته)
والله على ما أقول شهيد
عبدالباقى الجيلى:
أشكر دعمك ، وسأحاول أن أكون معتدلا
بارك الله فيك
| |
|
|
|
|
|
|
|
|
|
Re: أرغب فى أن أرشح نفسى لمجلس الحكماء بالمنبر الحر (Re: ودقاسم)
|
يا جماعة ده ودقاسم ، ولا زول دخل بى اسمو
أكاد لا أصدق ، ده كلام شنو يا ودقاسم؟ ، اى انتهازية وأى تنسيق (بغيض) بينى وبين أساسى
يا ود قاسم ، الغاشى والماشى يعرف أننى وأساسى لا نلتقى فكريا ولا سياسيا ، ويعرف الجميع كمية المشاكل المثارة بينى وبينه ، أما موضوع مجلس الحكماء فهو يا اخى شىء يصب فى النهاية لمصلحة واستمرارية المنبر ، والرجل به من الكفاءة الإدارية التى تؤهله لذلك ، هذا اذا كنت تقصد ترشيحى له ، والذى رفضه فى نفس البوست
أما اذا عندك شىء آخر ، أو كنت أنت فعلا ودقاسم الذى أعرفه ، فأرجو أن تفصح به هنا
وشكرا
| |
|
|
|
|
|
|
|
|
|
Re: أرغب فى أن أرشح نفسى لمجلس الحكماء بالمنبر الحر (Re: يازولyazoalيازول)
|
فعلا يا ود قاسم في تنسيق بغيض جدا وانتهازي وانتفاعي بيني وبين هشام يازول عشان يترشح لمجلس الحكماء ..عشان هو يقبض رواتب مجلس الحكماء وعربات المجلس وبنزين المجلس المجاني ..وانا بالمقابل حيبني لي بيت في كافوري ويملا رصيدي في البنك من اموال سودانيز اون لاين لما يبقي حاكم مطلق للوطن ..؟؟؟
يازول مالك محتار من كلام ود قاسم خايف علي صورتك تتشوه اثناء الانتخابات .؟؟
انا لمن اقول ليك البستحقوا الاحترام هنا علي اصابع اليد الواحدة وود قاسم ما منهم تقول لي الراجل خالهم ..؟
ود قاسم انا الان بعتقد باتهامك دا نسفت كل جسور المجاملة الغبية والتجاوز والطناش بينا... فبشراك
| |
|
|
|
|
|
|
| |
يازولyazoalيازول
humida
اساسي
حبيب نورة
Bakhaf
7abib_alkul
abuguta
Abu Mariam
ودقاسم
ABUHUSSEIN
مهاجر
ASAAD IBRAHIM
معتز تروتسكى
omer almahi
Ehab Eltayeb
Frankly
raheel
cola
دورنقاس
falcon
altahir_2
ابو يسرا
عبد الباقي الجيلي
فيس بوك
تويتر
انستقرام
يوتيوب
بنتيريست