|
|
 الاحباب و الاصدقاء من حولي................لكم مني احلي وداع سقيتو من دمعي الحنين
|
اكره ان اقول وداعا ....ولكن تراني اليوم مرغم علي ذلك
اودع احلي ناس......اغلي اصدقاء امتعوني بظلهم الوافر و
كلماتهم الرقيقة الحلوة التي اراحت صدري و انا هنا في مخزني هذا وحدي
لقد ذكرتكم عند اهلي و تحدثت و تآنست بكم معهم, فو الله قد صرتم
كلكم جميعا عنوان للكلم الطيب و التقابل الشريف و قد اثريتم حياتي
بوجودكم معي و انا قابع خلف هذه الشاشة بين جدران من الاسمنت تفسد
كل حريه و لكن عيون الحرية بكم انطلق و تحرر من قيود الزمان و المكان
تماما كل الشيخ العارف الذي كمل بالله نوره .......
.لكم الف تحية
و ابقوا عشرة علي العقاب و لا تتركوا للشيطان ان يدخل بين ثنايا اصابعكم
ضموا اليكم بعضكم لبعض و اطلقوا الابتسامة و لا تدعوي للباطنية ان تتغلب علي الموضوعية الغناء , فعهدي بكم كما عاهدتكم منذ اول فجر لهذا البورد ...يوم تغنينا بالكابلي و هي لعمري احلي ذكري من ذكريات هذا البورد العطرة
وانه جد يحزنني فراقكم و بالاخص عصافير هذا البورد المغردة علي اعشاش الغربة
تنتظر فصل الخريف لتعود الي وكر الاوطان لتبني عش الزمان مع القماري
ابقوا جد عشرة علي البورد يا احباب فسأعود ان بقي لي عمرا انشاء الله الكريم
واوصيكم خيرا بالصغيرة سماااااااااا7 خلو بالكم منها ودي وصية من موصي اعلقها علي رقابكم يا اهل المروة من الرجال و اهل الصدق من النساء
سماااااا7 هي سمااااا7 بنت حلتنا بل بنت جيراني في السودان , وصوها و ادعوا لهابالخير حين تستنجد بكم يا سدادين الفجج
سأعود ان كتب لي عمرا انشاء الله , فما ذهابي الا نداء للحياة و متطلبات ضرورية
شوقي لكم جميعا و العفو و العافية لله و رسوله يا اغلي من عرفت
سلام
|
|
 
|
|
|
|
|
|
|
 Re: الاحباب و الاصدقاء من حولي................لكم مني احلي وداع سقيتو من دمعي الحنين (Re: eyes of liberty)
|
يامسافر... وناسي هواك
أرواحنا..وقلوبنا معك
لا أدري لماذا عندما جلست إلي مكتبي في هذا الصباح بالدوحة الوارفة .. ومن نافذة المكتب مددت البصر طويلاً في إتجاه البحر .. حيث شاطي الخليج بمياهه الزرقاء والخضراء أحياناً . والتركوازية مرة أخري ... نظرت متأملاً في عظمة الخالق .. ورزاز مطر شتوي خفيف يبلل زجاج النافذة.. فجأة أتاني إحساس وقد كان يشدني بعنف أن أترك العمل .. وألج إلي سودانييز أون لاين لأري شيئاً خفيفاً علي الدم من مداعبات أولادنا وبناتنا في مهاجرهم البعيدة كإستهلالية ليوم عمل طويل .. لكنني فوجئت برحيل مؤقت لحبيبنا - عيون الحرية - ميمماً شطر البلد .. الوطن .. الحدادي مدادي .. لا أدري إن كان ذاهباً له أم إلي هجرة متجددة .. فالترحال من منفي لمنفي _ كما كتبها التجاني سعيد - أصبح صفة لازمة يدمغ بها أهل السودان منذ أن غطت سماء البلد سحابة داكنة .. لم تنزاح . ولم تتحول إلي سحابة خير وبركة فتهبط مطراً ..
لك مني يا عزيزنا سفراً طيباً واسع الفوائد .. ومتعدد النجاحات .. وسنكون في إنتظارك في رحلة العودة ..
.. مع شهقة جروف النيل مع الموجه الصباحية.. لكي نرتشف من إطلالة حروفك التي .. يخطها بنانك المنمق.. بنانك المموسق .. أكاد لا أصدق .. دعواتنا لك
صحبتك السلامة أينما وحيثما حللت
أخوك صلاح الباشا
| |
|
|
|
|
|
|
|
|
|
Re: اوع تطول الغياب (Re: يازولyazoalيازول)
|
الأخ الحبيب عيون الحرية
رغم عدم معرفتنا بأسباب غيابك عنا ولكن الحمد لله انك لم تكن غاضبا عنا وعموما انت ركن ههام فى هذا البورد وعلم من اعلامه وبصماتك ابهر من ان يشار اليها وبكل صدق سيكون البورد هو الخاسر وسنكون نحن الخاسرين بغيابك..
ولكن نرجو ان يكون غيابك لخير لك ولنا ايضا ونرجو ان يوفقك الله وتحقق كل ام######## الجميلة وربنا معاك وثق ان سماااااااح هى منا بمثابة البنت الغالية وهى فى حدقات العيون وهى التى حفرت بصماتها منذ مقدمها فى قلوبنا ومثل هذه ستبقى فينا نحتويها بكل الود والاحترام ..
تمشى وتجى بالسلامة
عيوننا مع السلامة
| |
|
|
|
|
|
|
|
|
|
Re: اوع تطول الغياب (Re: قرشـــو)
|
هوى يا عيون الحرية انت ماشى وين ورينا فى الاول بعدين
امشى هو فوضى ولا شنو يعنى بعدين الرسول كان تفوت تخلينا
كدة ما عارفين راسنا من رجلينا ورينا ماشى وين وبتكون وين
ولشنو يعنى بصراحة كدة شغل نسوان عديل كدة
| |
|
|
|
|
|
|
|
|
|
Re: اوع تطول الغياب (Re: yasiko)
|
أخي الحبيب الى قلبي..عيونا
لو شوقنا ليك مطر وانت معانا كيف يكون الحال وانت بعيد؟؟
تصحبك السلامة أخي في حلك وترحالك، وأتمنى لك وقتا طيبا بين أهلك وأحبابك وما تنسانا في السودان..وما تنسى ترسل لينا الجوابات..وبرضو ما تنسى ترسل البشارة وما عليك من التذكرة..بشتريها براي..بس انت تسمعنا كلمة خير..وسماااا7 جوووووة عيونا لحد ما تجي
واوع تطول الغياب زي ما وصوك
رومانسي
شكرا على اللحن الجميل
رمانة
| |
|
|
|
|
|
|
|
|
|
Re: اوع تطول الغياب (Re: rummana)
|
الاخ الحبيب ود ليبرتي
حفظك الله ورعاك ..ونتمني ليك رحلة موفقة بين الاحباب ونشوفك مرة مرة من هناك كده اذا قدرت ...انت معزتك عندنا كبيرة ..فما تتقل(بفتح القاف) علينا
3bdo
| |
|
|
|
|
|
|
|
|
|
Re: اوع تطول الغياب (Re: eyes of liberty)
|
عيون الحرية يا عيوننا
والله بكيتنى عدييييييل كدا
دا شنو بعدين مافى حاجة بتستدعى الفراق
**
ودعته وبودى لو يودعنى
صفو الحياة وانى لا اودعه
وبعد دا مافى وداع
لانك دوما معنا وستظل
يا سيدى ربنا يوفقك ويحفظك
بس ما تحرمنا من ابداعاتك
**
ابعدا نرجى ام نرجى تلاقيا
كلا البعد والقربى يهيج ما بيا
يلا ودعواتنا وقلوبنا معاك
حقيقة غالبنى الاقولو
شكرى الجزيل للغالين رمانة ويازول يا زول وقرشو
ويا رومانسى شكرا برضو على الغنية
وسلام للكل من سموحة
| |
|
|
|
|
|
|
|
|
|
Re: اوع تطول الغياب (Re: sama7)
|
أخي العزيز عيون الحرية
نتمنى لك من المولى عز و جل سفرا موفقا ..و عودا حميدا
بإذن الله ...إذهب و ستبقى ذكراك دوما بيننا تلك التي نحتها في قلوبنا منذ بسم الله إبتدينا ,و إصرارك الجميل بأن يستمر العطاء حتى عودة صاحبة العطاء.. فجلسنا نستمع و نتعلم على يديك دون ملل ...و ليس غريبا على روحكم الطيبة نفح الطيب
أما سموحة تلك التي ولجت قلوبنا دون اسئذان بل تفتحت أمامها كل أشرعة الحب منذ أن التقيتها أول مرة قبل دخولها البورد ستبقى في الأعين و الفؤاد
| |
|
|
|
|
|
|
|
|
|
Re: اوع تطول الغياب (Re: alsara)
|
الاخ العزيز عيون الحرية
السلام عليكم
بالرغم اتخاذي قرار مقاطعة البوردات السودانية، ا سطر هذه الاحرف متمنيا لك رحلة سعيدة و سائلا الله ان يوفقك في حلك و ترحالك صحبتك السلامة و استودعك الله اللذي لا تضيع ودائعه و السلام عليكم و رحمة الله و بركاته
| |
|
|
|
|
|
|
| |
Abulbasha
يازولyazoalيازول
قرشـــو
raheel
yasiko
rummana
Elsadiq
sama7
bunbun
Alfarwq
فيس بوك
تويتر
انستقرام
يوتيوب
بنتيريست