Quote: بارك الله فيك أخى عثمان على هذه الأريحية وجبرك للخواطر فوالله قد أسعدتنى بتلكم الحروف أيما سعادة ، وهذا ليس بغريب على الأدباء الكرام أمثالكم وهنئيا للحبيب خدر هذا التسامح الجميل
وهنيئا لنا بك انت يا زوول - والاخ الصديق / خدر ما زولا هين تستاهلوا كلكم التهنئة شلة( الاوغاد ) و زولنا تروتسكى كمان ما تنسو وخالص الشكر ومحبتى
04-24-2005, 08:39 AM
يازولyazoalيازول
يازولyazoalيازول
تاريخ التسجيل: 02-05-2002
مجموع المشاركات: 10210
الأخ حسين ، والله ماناسينك بس الظاهرانت مصيبتك كبيرة شديد ، يعنى دايره ليها كرب شوية صبرك علينا فقلب عثمان أكبر بكثير من أن يسع حبك الغالى ، بس اليومين ديل ساعدنا فارق شلة الأوغاد ديلاك ، يعنى بالعربى كده (صلى على الحبيب قلبك يطيب)
خدر شفت الشغل ده كيف؟؟؟؟
على اسماعيل (والله انت حبوب بالجد جد)
يعنى بالانجليزى كده: (u are a grand mother of a grand father grand father)
تسلم ياخى على كلماتك الظريفة فى حقنا وحق ناس كتار ، هم شلة الأوغاد
04-24-2005, 12:43 PM
على اسماعيل
على اسماعيل
تاريخ التسجيل: 03-25-2004
مجموع المشاركات: 1802
تعرف يا يا اخوى زووووووول - الكلمة الفوق دى قبل كده دخلتنى فى حرج ما عادى - انا كل ما اذكره ادخل جوه هدومى - فى بوست من بوستات ترحيبنا بعودة الصديق تروتسكى فى حردتو للمنبر ديك – تداخل معى صديقى خدر فرحا بعودة صديقه تروتسكى و بتعبيركم داك (الاوغاد) قام مرحب بيهو مرحب بالوغد - وانا ووقتها لسع ما كنت ملم بالشفرة و بحماقة البديرية ديك نزلت ليك فى صديقنا خدر تحزير وترهيب ووعيد – وبظرفه داك (خدر) ما اشتغل بى خالص حتى اتى اخونا معتز وهو يموت من الضحك ويشرح لى كيف ان هذه الكلمة من الكلمات المحببة والمتداولة بين شلتهم من ديك ولهسع كل ما اشوف اسم خدر او معتز بخجل وبموت من الضحك وكانت مناسبة لاكسب بها خدر صديقا ويا اروعها من مناسبة –
بالمناسبة ليه ما ذكرت الحمادى يا زول فى بوست اين تقع الابيض (محطاطك القطارية) دى حقارة ولا شنو ؟؟ لكم كل المودة والتقدير
04-25-2005, 02:11 AM
يازولyazoalيازول
يازولyazoalيازول
تاريخ التسجيل: 02-05-2002
مجموع المشاركات: 10210
معليش يا اخوى يا زووول مسكنا ليكم البوست دون مقدمات فعذرا ، ولكن انى اشم فيكم رائحة الوطن ومصداقية الكلمة لذا تجدنى افتش عنكم وشلة الاوغاد تلكم واشهق النسيم الصافى عبركم دون عناء كنترول الكلمة لذا تجدنى ماخد راحتى عندكم فى نوافذكم المشرعة فاعذرونى –
Quote: هم شلة (أوغاد) من يعاديهم
يستحيل معادة تلك الشلة والتى احسب نفسى صديقا لهم فعليه العتب على الراوى
Quote: أما الحمادى دى خلى بالك أكون نائم لمن عدى منها القطار ليلا ، ولا تنسى أننى كنت وقتها طفلا صغيرا فهدوء الحمادى كان أكبر من أن يوقظنى
اما نومك وانت مارى بالحمادى فهذة من كبائر هفوات عمرك - فكانى اراك نائما حتى الان رغم محاولاتك بلفك لعمتك الكبيرة دى ( التقول انصارى ولا حسين خوجلى /ترباس ) برضو لسع نائم وحتى توقظك الحمادى من جديد (دى على وزن ستشرق الشمس من جديد ) - وكما يقولون الخواطر فانا من امنياتى القاء بك والتعرف عليك عن قرب يا صديقى والقلوب شواهد
لك ولشلتك كل المودة والتقدير
04-26-2005, 01:57 AM
خدر
خدر
تاريخ التسجيل: 02-07-2005
مجموع المشاركات: 13188
علي اسماعيل الله يديك العافيه .. انت لسه فاكر ! يا سيدي انا كنت عارف انك مافهمتني عشان كده مازعلت منك و ماك من الناس البجي منهم الغلط يا سمعه سعيد انا جدا بي صداقتك و سعيد بي ونسة الاخوه في الاداره الاهليه هشام ناظر عموم الاوغاد و اسماعيل ناظر عموم الحُكماء و لو احتجت لي وساطه تاني قطع شك يا هشام ارجي مني ايميل لكن يبدو ان ملاسي ماعارف ايميلك
04-26-2005, 02:14 AM
يازولyazoalيازول
يازولyazoalيازول
تاريخ التسجيل: 02-05-2002
مجموع المشاركات: 10210
أرجو أن أصحصح للحمادى ولغيرها من بقاع الوطن الجميل ،وياريت لو نسجل ليكم زيارة شريطة أن تكون أنت متواجد فيها وشريطة أن لا تكونوا من الجماعات الحاملة للسلاح
خدر:
شكيتك على الله ، ما خاتى عليك عثمان عشان حلاتك دى
04-26-2005, 02:36 AM
معتز تروتسكى
معتز تروتسكى
تاريخ التسجيل: 01-14-2004
مجموع المشاركات: 9839
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة