مرحب بالرجال مرحب بناس منبرنا مرحب بالرجال مرحب حباب منبرنا ده الفيه بنغنى وبنختو كلو فكرنا والفيه الوطن وما فيه زول عكرنا الا كلام محبة ونقاشنا زى سُكرنا من بعد المهازل يوم جارو ديك وجرنا شتتوا شملنا وخلونا نحن احترنا واتلاقينا بى جاى نشتغل بى فكرنا ونقابل بعض اتقالدنا واتعاصرنا وقالن ناس بيان خلينا نحن مُكرنا فى نص الرجال مافينا من يقهرنا وان درتو السهر ياما زمان ساهرنا وان درتو القلم ، معانا من يبهرنا وان درتو السياسة مافى زول يامرنا مهما مشيتو بعيد ، بى وراكم سرنا اخوات الرجال ، نتحدى من يكسرنا مادام انتو قاعدين الحسرة ما تحسرنا أبشرى يا بيان ، جمعنا نحنا أمُرنا ياراوية ورجا ، جيبن هنا تماضرنا وكل زولن تريدو قول ليهو هنا عسكرنا وما تخافوا الندل الجانا هنا يهكرنا وقول ليه الرجال أرجل من عسكرنا القالعين الحكم وخافو من منبرنا انتو تكونو ايه يا اخس ناس معشرنا ما تسيبوا القلع ، فى امركم احترنا يا عادل اخوى بالله هنا نورنا اوعك تخسر اخوان معانا من ما صرنا زى روضه الحبيبه الليلة اخدت حرنة وقالت مسلمين واتذكرت عسكرنا معذورة البنية البهدلوها أهلنا لكن برضو سودانية سمحه ومرنه المنبر يشيلنا جميع وبفتّر الفترنا اوع تكتر الكيمان والقانون فى دفترنا واوع تشيل جنوبى حتى كان شتّرنا خليك متزن مهما العدد كترنا والعدل التسوى الليلة بكره حضرنا والظلم الكعب ياهو ده الفورنا وشتت شملنا وهرد الكبد ومصّرنا ما تسويه بى جاى ياهو ده الكّسرنا بيزعلوا ناس حميدة والقلوب المرنه وبتطفش خلق جات تشوف منبرنا أدينا كلام جميل ، نبداه من باكرنا ونستبشر عديل يا بختنا استبشرنا وندعو مسا وصباح مافينا من يهكرنا نجيب تغريد كمان وتجى تشكرنا بناديها البطل الألفة فى معسكرنا وود شداد زمان سمّاكا يا منبرنا والفاضل صديقو وزولن اسمه ترنا وكل احباب زمان البفقدوا لى اترنا قالوا كلام جميل وحبهم أسّرنا قاعدين فى الفؤاد مهما مشينا وسرنا دايرين رجعتم ، ده النحن ليه أشرنا يا رب يا كريم تحفظ عيال منبرنا والبلد العظيم سودانا ده الكبرنا علمنا الصبر ، ياما معاه صبرنا كيف نتخلى عنو لو فى غنى وفى فقرنا السودان نشوفو أحلى من سكرنا ومهما بعدنا عنو ، ومهما فكرنا ما بنسيب حماه وبنعادى من عكرنا تجتمع القلوب لمن تكون فى مصيرنا ونتفاكر سوى شان طيره ما تطيرنا فى هذا المكان يعلو شان منبرنا ويتفق الجميع مافى من يقهرنا عشان خاطر الوطن الليه نحن سهرنا وعشان بكرى الجميل الليه ما اتنكرنا نعالج مشكلاتنا والعندو راى يخبرنا كأسنان المشط وبالمسطرة اتسطرنا مافيش من ينافح أو يغير سيرنا او يتعالى فينا ويسوى روحو اميرنا كلنا للوطن مقدار ويعلو قدرنا وحديث التقوى واضح للبجى يكابرنا واختم بالصلاة للمصطفى الخبرنا بى آى الكتاب سحر القلوب وسحرنا هشام يهديها ليكم يا شباب منبرنا تكون ميزان عديــــل ، لكل أمرنا
وكل ما يرد على يا عبدو زول ، ان شاء الله يلقى مرادو الا الحاسد الفقرى اخير ليه يزح منى ، ويكون فى رقادو لا فاضين نضيع وقتنا معاهو وماممكن ابدن هذا اسعادو بدور النيتهم طيبة وقلوبهم صافية زى طيبة اهلنا زمان وبترادو
سألت الله سبعين دور عشان بس عبدو واصحابو ويدى كمان عشره ادوار ولدنا الاسمو صلحابو وربنا بيقبل الدعوات لما تقيفو فى بابو دعاء الرجز يا عبدو يجوز مادمت فى رحابو كما قالوها لينا زمان شيوخ فى وردهم ذابوا وباب الرحمة يوت فاتح للعاصين وللتابوا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يازولyazoalيازول
mohsin_alsla7aby
فيس بوك
تويتر
انستقرام
يوتيوب
بنتيريست