|
|
|
 Re: البشير.. لماذا يريدون إخراجه الآن؟ (Re: طارق عبد الله)
|
| Quote: هل نحن أمام ملف طبي فقط؟ |
دا سؤال مهم جداً يا طارق عشان نقدر نقييم موقفنا الأخلاقي من سفر البشير للعلاج.
هل في تقييم طبي مستقل لحالة البشير الصحية ومدى كفاية الامكانيات الطبية داخل السودان ومدى الحوجة للعلاج في الخارج وما يوفره من فائدة طبية جوهرية غير متوفرة في السودان؟
بعد الاجابة على السؤال، وإذا ثبتت الحوجة للسفر،
بعدها ممكن نشوف الاشكالية الاخلاقية بين حق البشير في العلاج المناسب وبين ضمان العدالة والمساواة بين المعتقلين.
الموقف الأخلاقي يتطلب مننا احترام حقه في العلاج المناسب،
بدون ما يكون عندو امتياز على غيرو من المعتقلين وذلك بتطبيق معيار واحد على كل المعتقلين والمحبوسين في ظروف طبية مماثلة،
وكمان برضو عدم حرمانه من العلاج بسبب اعتقاله في انتظار محاكمته.
| |
 
|
|
|
|
|
|
|
|
Re: البشير.. لماذا يريدون إخراجه الآن؟ (Re: طارق عبد الله)
|
| Quote: ضحايا الصالح العام والتمكين ممن خسروا اعمالهم ووظائفهم وثرواتهم نتيجة مواقفهم السياسية او سياسات حكومة البشير الهوجاء والعشوائية مطالبين ياكلوا النيم وهم يرون صاحب المأساة يذهب للعلاج بالخارج معززا مكرما؟ مابتجي ودي ماعدالة |
يا طارق دا تفكير انتقامي ما تفكير حقوقي.
البشير محبوس في انتطار محاكمة بتهمة الجرائم التي راح ضحيتها مئات الالاف إن لم يكن ملايين من الشعب السوداني.
ويجب أن تتم محاسبته ومعاقبته على الجرائم التي ارتكبها.
لكن لمن يجي الكلام عن حق المتهم في العلاج المقارنة ما بتنفع تكون بين الضحايا وبين المتهم.
نفرض واحد من الضحايا ما لقى حق حبوب الضغط بسبب سياسات البشير، هل ممكن نقول نحرم البشير من حبوب الضغط عشان يتعادل مع واحد من الضحايا؟
كونو سياسات البشير تسببت في اضرار للمواطنين دي جريمة يجب أن يتحاسب ويتعاقب عليها البشير.
لكن العقوبة لازم تكون منصوص عليها في القانون،
ومافي قانون بينص على عقوبة حرمان المتهم من العلاج.
فما تلخبط بين العدالة في حق البشير في العلاج كحق انساني وبين الرغبة في الانتقام.
نحترم حق البشير في العلاج ونطالب بتطبيق معيار واحد على جميع المعتقلين والمحبوسين في ظروف طبية مماثلة،
البشير ما مفروض يلقى امتياز بسبب صفته كرئيس سابق ولا بسبب ثروته وقدرته المالية لتحمل تكالبف العلاج.
أصلاً إذا كنا بنفتش للعدالة، الدولة مفروض تتحمل نفقات علاج كل المحبوسين بما فيهم البشير،
ومفروض توفر العلاج المناسب لكل المحبوسين حسب قدرة الدولة المالية وبالتساوي للجميع.
البشير محبوس بسبب اتهامات تصل عقوبتها للإعدام،
والقانون السوداني يمنع الافراج بالضمانة في حالة المتهمين بجرائم تصل عقوبتها للاعدام.
يبقى البشير ما ممكن يفرج عنه بالضمانة.
ولكن عدم الافراج لا يمنع الحق في السفر من اجل العلاج إذا استطاعت الدولة عمل ترتيبات مع الدولة المستقبلة.
بحيث تسمح الترتيبات بالسفر المؤقت للعلاج مع استمرار الاحتجاز.
| |
|
|
|
|
|
|
|
|
|
Re: البشير.. لماذا يريدون إخراجه الآن؟ (Re: صديق مهدى على)
|
| Quote: منذ شهور البشير فى الدوحة شوف ليك بوست آخر يا طارق هههههه |
سلام يا صديق،،، ماعندي معلومات اكيدة بس احساسي ان اثارة هذا الموضوع في هذا التوقيت ما عفوية وعندها سبب وحتى قلت في ردي على حافظ انو الموضوع احتمال اتنفذ مسبقا وردك يؤيد ذلك، وبكرة نشوف البشير ينضم الى حملة المجد للبندقية وحسابات البلابسة تشغل الاسكربت بتاع دموع التماسيح على انجازات ثورة التعليم العالي وهيئة التصنيع الحربي وسد مروي، وطز في العدالة واصلا كل الهوجة دي انتقام الكيزان من الشعب السوداني للقيام بالثورة.
| |
|
|
|
|
|
|
|
|
|
Re: البشير.. لماذا يريدون إخراجه الآن؟ (Re: Hafiz Bashir)
|
Quote: ولكن عدم الافراج لا يمنع الحق في السفر من اجل العلاج إذا استطاعت الدولة عمل ترتيبات مع الدولة المستقبلة.
بحيث تسمح الترتيبات بالسفر المؤقت للعلاج مع استمرار الاحتجاز. |
ههههههههههه،منتظر ترتيبات زي دي من البرهان الوسخان ولا من عربان الخليج ولا السيسي او اردوغان؟ نحن مابنتكلم عن سويسرا او النرويج او نيوزيلندا
| |
|
|
|
|
|
|
|
|
|
Re: البشير.. لماذا يريدون إخراجه الآن؟ (Re: طارق عبد الله)
|
| Quote: منتظر ترتيبات زي دي من البرهان الوسخان ولا من عربان الخليج ولا السيسي او اردوغان؟ نحن مابنتكلم عن سويسرا او النرويج او نيوزيلندا |
أكيد طبعاً ما منتظر من البرهان،
لكن منتظرك إنت يكون عندك فهم وتصور جيد للعدالة.
وأكيد أنا ملم تماماً بكيف تُدار الامور في السودان،
ولكني اتطلع لأن يكون من يطالبون بالتغييرلديهم فهم افضل من ذاك الذي للبرهان.
| |
|
|
|
|
|
|
|
|
|
Re: البشير.. لماذا يريدون إخراجه الآن؟ (Re: Hafiz Bashir)
|
Quote: لكن منتظرك إنت يكون عندك فهم وتصور جيد للعدالة.
وأكيد أنا ملم تماماً بكيف تُدار الامور في السودان،
ولكني اتطلع لأن يكون من يطالبون بالتغييرلديهم فهم افضل من ذاك الذي للبرهان |
هناك مقولة تنسب للأديب الصربي ايفو اندريتش الفائز بجائزة نوبل للآداب ونصها: "عندما يتساوى الجميع في القوة، يمكننا الحديث عن العدالة. لكن حين يمسك أحدهم بالسوط والآخر بالقيود، فإن العدل ليس سوى وهم يُباع للضعفاء." فهمت قصدي يا حافظ؟
| |
|
|
|
|
|
|
|
|
|
Re: البشير.. لماذا يريدون إخراجه الآن؟ (Re: طارق عبد الله)
|
| Quote: "عندما يتساوى الجميع في القوة، يمكننا الحديث عن العدالة. لكن حين يمسك أحدهم بالسوط والآخر بالقيود، فإن العدل ليس سوى وهم يُباع للضعفاء." |
جماهير الشعب السوداني قادرة إنها تنزع السوط من البرهان وتديك ليهو يا طارق عشان ترميهو في مزبلة التاريخ.
لكن الخوف من إنك حتجيبب سوط تاني وتبقى نموذج تاني للبرهان لمن تبقى القوة في يدك.
وما حيغلبك في الوقت داك تلقى ليك مقولة لكاتب ما صربي وما فايز بجائزة نوبل عشان تتحجج بيها لمن نتكلم ليك عن العدالة.
| |
|
|
|
|
|
|
|
|
|
Re: البشير.. لماذا يريدون إخراجه الآن؟ (Re: Hafiz Bashir)
|
Quote: جماهير الشعب السوداني قادرة إنها تنزع السوط من البرهان وتديك ليهو يا طارق عشان ترميهو في مزبلة التاريخ.
لكن الخوف من إنك حتجيبب سوط تاني وتبقى نموذج تاني للبرهان لمن تبقى القوة في يدك.
وما حيغلبك في الوقت داك تلقى ليك مقولة لكاتب ما صربي وما فايز بجائزة نوبل عشان تتحجج بيها لمن نتكلم ليك عن العدالة. |
بطل استهبال يا حافظ :) الشعب السوداني والثورة تعاملوا بطريقة متحضرة مع الكيزان ومنحوا البرهان فرصة عمره لتبييض سجله الأسود وليكتب اسمه بالذهب في تاريخ السودان لكن مرمي الله مابترفع، وشفنا النتائج انو التعامل المدني الانساني مع طرف لايؤمن بالقانون والعدالة وفي نفس الوقت ماسك قوة الدولة العسكرية والامنية والقضائية والمالية والاعلامية بيده سذاجة دفع السودان ثمنها غاليا وهي عموما درس مفيد للمستقبل حول ضرورة اقصاء اي كيان لايؤمن بأبجديات الممارسة السياسية من تداول سلمي للسلطة والفصل بين الحكومة ومؤسسات الدولة وغيرها من البديهيات وطبعا الكلام ده مابنطبق على الكيزان اللي هم غرغرينا مافي علاج الا بترها، ولو فيهم باقي خير مفروض يعتذروا للشعب ويعتزلوا السياسة حتى يصفوا افكارهم من التطرف بشكل قاطع لا لبس فيه ويخضعوا بالكامل لقواعد اللعبة السياسية مثلهم مثل غيرهم حتى بعدين نتكلم كلام القانون والعدالة السمح ده.
| |
|
|
|
|
|
|
|
|
|
Re: البشير.. لماذا يريدون إخراجه الآن؟ (Re: طارق عبد الله)
|
| Quote: الشعب السوداني والثورة تعاملوا بطريقة متحضرة مع الكيزان ومنحوا البرهان فرصة عمره لتبييض سجله الأسود وليكتب اسمه بالذهب في تاريخ السودان لكن مرمي الله مابترفع، وشفنا النتائج انو التعامل المدني الانساني مع طرف لايؤمن بالقانون والعدالة وفي نفس الوقت ماسك قوة الدولة العسكرية والامنية والقضائية والمالية والاعلامية بيده سذاجة دفع السودان ثمنها غاليا وهي عموما درس مفيد للمستقبل حول ضرورة اقصاء اي كيان لايؤمن بأبجديات الممارسة السياسية من تداول سلمي للسلطة والفصل بين الحكومة ومؤسسات الدولة وغيرها من البديهيات وطبعا الكلام ده مابنطبق على الكيزان اللي هم غرغرينا مافي علاج الا بترها، ولو فيهم باقي خير مفروض يعتذروا للشعب ويعتزلوا السياسة حتى يصفوا افكارهم من التطرف بشكل قاطع لا لبس فيه ويخضعوا بالكامل لقواعد اللعبة السياسية مثلهم مثل غيرهم حتى بعدين نتكلم كلام القانون والعدالة السمح ده. |
كلامك دا علاقتو بموضوع نقاشنا شنو؟
| |
|
|
|
|
|
|
|
|
|
Re: البشير.. لماذا يريدون إخراجه الآن؟ (Re: طارق عبد الله)
|
| Quote: الأولى انو كلام العدالة المثالي |
اصلاً العدالة مبدأ مثالي وأي كلام عنها لازم يتكلم عنها بشكل مثالي.
القانون حاجة تانية ومدى عدالته خاضع للتقييم.
| Quote: التعامل بالقانون يكون لمن يكون في مؤسسات نزيهة ومحترمة تضمن العدالة |
والمؤسسات دي حنبنيها على ياتو فهم ؟
فهم إنو العدالة ممكن تكون عندها نتائج عكسية دا ول عندك فهم تاني؟
وكون الخصم هو الحكم والقاضي هو الجلاد سبب لمقاومة الوضع ده،
ما مبرر لقبول منطقه.
ولمن إنت تقبل المنطق دا بيبقى ما فرق بين المستقبل البتعمل من اجلو وبين الوضع دا.
لو رجعت قريت كلامي كويس بتلقى إنو ما فيهو أي تساهل مع البشير،
وتطبيق القانون على البشير بيحترم حقه في العلاج بما لا يخل بالقانون ولا بمبدأ العدالة.
| |
|
|
|
|
|
|
احدث المقالات بسودانيزاونلاين اليوم
| |
طارق عبد الله
Hafiz Bashir
صديق مهدى على
فيس بوك
تويتر
انستقرام
يوتيوب
بنتيريست