سلام واحترام للجميع عارفك داخل عاوز تعرف راي في الشهادة ديك ، المقصود هنا الشهادة الثانوية السودانية و بصراحة استفزني و أغاظني اهدا البرهان عربية لأولى الشهادة السودانية هذا العام و البلد تمر بظروف اقتصادية أرهقتنا نحن المهاجرين/المغتربين و اهلنا بالداخل..... يا اخي ما معقول واحد يكون حاصل في المواد العلمية و الاخري فوق ٩٠ و وحاصل علي ٤٩ في العربي و التربية الاسلامية و يعتبر راسب منطق عجيب و معوج.....
في امريكا ما في حاجة اسمها الاول و الطيش و القبول في الجامعة يعتمد علي المهارات الرياضية،الفنية و الاكاديمية....والعمل الطوعي في الحي ....الخ....
القبول في الجامعات النخبوية الامريكية(MIT,Harvard,Berkley,Standford,Yale...ect) التي تفرّخ العلماء والقادة يعتمد علي -امتحان القدرات SAT and ACT وهو امتحان شامل في الرياضيات و اللغة الانجليزية -الانشطة غير المدرسية مثل الرياضية ، الفنية و المشاركة في العمل الطوعي في الحي او المدينة مثل العمل في اطعام المشردين،حملات النظافة...الخ -مقالة تكتب فيها اهدافك من الالتحاق بالجامعة و رويتك المستقبلة للمجال الذي سوف تدرسه ....الخ.... يا ريت تغير وزارة التربية و التعليم السودانية الاسلوب العقيم و القديم في الشهادة السودانية بالنسبة للنجاح و الرسوب.... يا اخي ما معقول تحصل علي شهادة رسوب اذا قديت عربي و دين ،يا اخي اكثر حاجة عذبتي في امتحانات الشهادة السودانية المعلقات ، البلاغة و كتاب الجهاد في الاسلام و الزكاة و بالرغم من ذلك جبت حق الحكومة بس !!!!...يا ربي كتاب الجهاد في الاسلام و المعلقات لسع في المقررات....
الله يسامحك يا بكري أخوي أنا قلت الغلاء الفاحش دا خلى الزول دا صبأ ولا شنو!
على حسب قراءتي -والله أعلم - ان البرهان نسخة أهلية من البشير وسيستمسك بطلاشة (العرديب والكركدي وسيارة لقبة وسيارة لأول الشهادة) باعتبارها مشاريع قومية ورصيد سياسي ليحكم بيها التلاتين سنة القادمة! زي تجربة الزول البتعولق لمن فاتته الطيارة لكن حينها, لا أظن سيبقى وطن حتى يحكمة بعقلية الأهالي!
09-19-2026, 05:36 AM
جلالدونا جلالدونا
تاريخ التسجيل: 04-26-2014
مجموع المشاركات: 9954
هلا بكري نظام الشهادة ده من مخلفات الاستعمار بس لو سألنا انفسنا بريطانيا شغالة بي نفس النظام ده الاجابة لاهم شغالين بنظام التقييم المتراكم و اساسه A B C F من سنة اولي لي نهاية الثانويةل لازم تكون ناجح في كل المواد بعد داك التقييم المتراكم الصحيفةالجنائية العمل الطوعي السلوك الاجتماعي النشاط الاجتماعي النشاط الرياضي كل هذه التقييمات مرصودة بواسطة متخصصين في كل مجال تم الثانوية و اعلنت النتيجة نخش على السكولار شب و دي مرحلة التحفيز و هو نوعان بندفع ليك مصاريف الجامعة و اقرا لينا كده و يوم التخريج تستلم وظيفتك و منهم بيقوليك ندفع ليك قروش الجامخة و اقرا التقراهو و شق طريقك ممكن اتكلم عن الطلبة و الطالبات الما جاهم اسكولارشب و نظام الكلية و الجامعة و دخ موضوع طويل يطول شرحه الرمة البرهان لانو كايس كسب سريع اداها عربية لكن لو اعلن عن تكفل الدولة بالعشرة الاوائل بكل مصاريف دراستهم لنال بعض الاحترام بس لحكمة يعلمها الله ما قادر يتخطى مرحلة جهولة ام سكاس لعنة الله عليه في الدارين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بكرى ابوبكر
آدم صيام
جلالدونا
فيس بوك
تويتر
انستقرام
يوتيوب
بنتيريست