شوق الدِّريب مين عَطَّشو وعِشيشْنا داك دا منو الرديء النَّكَّشو وْوَدَّاهو جنب القيف نهار خلاو وحيد حايرات عينيهو اطششو مرَّت ليالي الريد سريع صلوات قلوبنا اتغبشو ما كنت حاسب الحب جحيم أو مستحيل فيهو الرجوع خاطر خطيواتنا المشو ما أتعسَك يا قلبي ما أقسى اللحيظات الغِشو كانت دروس كانت عِبَر كانت سحابات بَشْبَشو خلوني أحلم بالحياة أغني أرسم تقاطيع وَشْوَشو وألحان رقيقة غرام سعيد ساقيات قلوبنا الإنْتَشو بس ضَلَّمَتْ فجأة الشموس وسرحْتَ في دنيا العناد سرق الزمن مني المشاعر أهداني كل الليل سُهاد والعمر إنهَدَّ سَدَّ الباب وفات واتكسرت جواي حروف حِزْنَت مدن عينيا إِنْشَقَّتْ صفوف وحتى صَفْو البشريات إطاقشو ما باقي شِي لَمْلِمْ جراحك يا قَلِبْ أقسى أبداهو المشي دي الدنيا دايما تِتْقَلِبْ لا خلت الشين لا السمح يا دنيا يا وجع اختشي
عبدالماجد موسى/ لندن
07-26-2026, 10:22 PM
عبدالماجد موسى عبدالماجد موسى
تاريخ التسجيل: 10-10-2005
مجموع المشاركات: 690
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالماجد موسى
فيس بوك
تويتر
انستقرام
يوتيوب
بنتيريست