بين حسن اسماعيل وحسن طرحة

Quote: Rasha Awad [10 يوليو] ظهر المدعو حسن طرحة في قناة الزرقاء معلقا على فيديو بثته شبكة عاين عن التنمر ضد النساء في وسائل التواصل الاجتماعي وزعم ان هدفنا من الحديث هو الاسترزاق ، وطبعا قمة البجاحة ان يتحدث حسن طرحة عن الاسترزاق! يعني انت لما لبست طرحتك( ودا كلامك ما كلامنا والطرحة تبرى وتستبرى ولابسات الطرحة منهن مناضلات وشهيدات ) لما لبست طرحتك ومشيت بقيت وزير في حكومة البشير مشيت عشان شنو غير انك تسترزق؟ ولما مشيت الاصلاح والتجديد مع مبارك الفاضل مشيت لشنو غير الاسترزاق؟ ولما تم طرد الاصلاح والتجديد من محل الرزق الم تقفز الى حاجة اسمها حزب الامة شنو كدا ما عارفة كل ميزتها انها صنددت في وزارات الانقاذ ورفضت الخروج مع قائدها مبارك الفاضل حرصا على الاسترزاق؟! وهسة البهلوانيات والخيابة الفارغة البتسوي فيها في قناة الزرقاء دي هدفها شنو غير الاسترزاق ودي اصلا وسيلتك الوحيدة المتبقية لانو البرهان طبعا ما اظن يعملك وزير خوفا من النحس الذي الحقته بالمخلوع. كل واحدة من المتحدثات في الفيديو عندها مهنة بتسترزق منها بطريقة محترمة ، من غير شهادات زور ومن غير قلة قيمة زي الانت بتعمل فيها لنفسك دي! عيب لما راجل طويل عريض يسترزق من انو يقعد امام شاشات التلفزيون لمطاعنة النسوان باشكالهن وباعمارهن ويشتمهن بفاحش القول كما تفعل انت ( والاسكرينات قاااااعدة وحتمشي المحكمة في الوقت المناسب) ونحن لو بتاعين استرزاق بالمعنى المبتذل كان الطريق الاقصر والاسهل امامنا هو طريق الكيزان واعلامهم وقنواتهم، حيث الاموال تتدفق بلا حسيب او رقيب والمهارة الوحيدة المطلوبة هي خلع برقع الحياء

Quote: دا موقف شندي يا قحاتة محل الثلاجات يا قحاااتة والله الثلاجات دي الي كان تشغل بي اظنينك الكبار ديل كيزان مواهيم 😄😄 أويس قال حيهدد القحاتة بالمعتقلات وثلاجات الموز 😂🍌 يا زول خف علينا شوية. الناس كانت متوقعة تسمع خطة ولا حل لقت نفسها في جولة بين الثلاجات والمخازن 😄