|
|
|
 Re: بسمة ضد أشجار النيم (Re: عبدالماجد موسى)
|
بسمة ضد أشجار النيم
رَسَمَتْ سفر
غَنَّتْ قصيده بدون كلام
نَسَجَتْ حُزُن
حَضَنَتْ حرف خانق ألم
جُواو سهام متورِّمه
هزت عرش قلبي الفطيم
في الساقيه
والريف المدن
والله ما زادت علَيْ
غير لمحه واحده مغرِده
مختوم عليها بخط جحيم
سري وأليم
تفسيرا كان وعد السنين الجرحن
أو كمان شتلةْ غرام
معقود عليها أمل عفيف
نواره بت عبدالعظيم
الرايقه كان إسمها دلال
أو ابتسام
أو كمان نجوى وفَنَنْ
كل الأسامي عليها لايقه
مقاسا فِطري مع الجمال
دا حنان وَرِيف
وكل الصفات تِتْلَقَّا فيها
وتحرس عيون النيل عينيها
السمحة مخلوقةْ نجاه
لمسةْ شِفا
وْرَفَّةْ مسا
وقبلةْ حياه
وأنا الغريق
رويان جمال وعطشان لُقا
فاقد مراسيك يا طريق
دايخات خطاي مُتْلَفِّته
وماسك حبال ود الشَّقا
تبعدني ليه أنا يا وطن؟
وإنت شاهدي
يا الشاهد الوحيد
لي كم زمن
أرعى النجوم لو كانو ميه
أميِّز نِداها وأفرزا
وشايف براك
دي جروف حشاي تتسلى في أنفاسي كيف
تغلي وتعربد
تشوي أشواقي العنيدة وتهرسا
وتسألني كيف !
راجيني أنسى؟
أروح كمان !
يرضيكا أبقى يتيم مرافي؟
أشقى فْ هواها الإنسكبْ عشان كل الطيوف الحايره ديك
تخطف سريع
تِتْلَقَّفا !
وأبدا السلالم والسفر !
واكتب عناقيد من جديد
أو أحكي لليل عن لوعتي
بحبر سراب
صَفحةْ غرامي الإنْكَتَبْ
| |
  
|
|
|
|
|
احدث المقالات بسودانيزاونلاين اليوم
| |
عبدالماجد موسى
باسط المكي
اسماعيل عبد الله محمد
فيس بوك
تويتر
انستقرام
يوتيوب
بنتيريست