والله يا جماعة، أنا ما بعيداً عن صخب السياسة والمكايدات، القرار الأمريكي بتصنيف الحركة الإسلامية ومليشياتها كمنظمات إرهابية، نزل عليّ برداً وسلاماً من الناحية الفكرية والحقوقية قبل أي شيء تاني الفرحة هنا ما تشفي ، لكنها فرحة الزول الشايف الحقيقة أخيراً بدت تتكتب بلسان عالمي سنين ونحن بنقول إنو الدولة ما بتبنيها كتائب الظل، ولا المواطنة بتستقيم مع فكر بيقسم الناس لـ (مؤمن وكافر) أو (معانا وضدنا) القرار ده بالنسبة لي هو شهادة وفاة لعهد (التمكين) القام على أشلاء الحقوق العامة، وخطوة جادة لفك الارتباط المشبوه بين الفكر والبندقية ما ممكن تطالب بحقك في العمل السياسي وأنت شاهر سيفك في وش المخالفين ليك وما ممكن تدعي حماية الدين وأنت بتزرع الفتنة والحرابة في كل بيت سوداني ده انتصار لفكرة الدولة المدنية القائمة على القانون، ودعوة صريحة لكل القوى السياسية إنها تراجع حساباتها يا تمارسوا سياسة بـالمنطق والبرامج، يا الميدان ما بيشيل الأفكار الملقومة بالرصاص حقوق الإنسان بتبدأ لما تنتهي هيمنة المليشيات المؤدلجة، واليوم نحن خطونا خطوة كبيرة في اتجاه سودان نظيف من الإرهاب الفكري والعسكري عقبال ما نشوف وطننا معافى من كل "هوس"، وقائم على أكتاف الغبش اللي بفتشوا عن الأمان والعدالة
#السودان #حقوق_إنسان #لا_للإرهاب #الدولة_المدنية
03-09-2026, 08:52 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 30674
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير ابو الزهراء
حيدر حسن ميرغني
Biraima M Adam
فيس بوك
تويتر
انستقرام
يوتيوب
بنتيريست