Quote: كل الاشاوس كل المحاور اي زول عندو الهواناي دا التيتوك دا يوصل رسالتي دي للقايد...
انا البتكلم دا احمد الاغبيش.. احمد عيسي الاغيبش قايد المجموعة 105 محور الطينة عربيتنا 18... الناس الليوم دخلو الطينة وصلو رسالتي للقايد محمد حمدان دقلو دا من هنا بنقول ليك طظ فوقك وطظ فوق القضيه وطظ فوق ولاد العيين... وباق الناس وباقي المجموعات الفزو خلونا في الطينة... غيتونا دخلتونا في المحرقة انا.. انا عيشي الاغيبش.. انا عيسي الاغيبش والله دخلنا الطينة وسلمنا العربات والله الناس ديل استلموا العربات.. العربات الدخلوا الطينة دي ما مرقوا.. ما يكضبوا عليكم في القروبات عيال العييين... يكضبوا في القروبات حق الواتطساب كضضابين عيال العيين... اقسم بالله عرباتنا دي كولها خلاص خسرنا العربات.. انا قايد المجموعة 105 حسي دا مرق بي كرعيني (هههههههه) الضحكة دي من عندي انا. وديك النور حقا حسي يوم 21 يوم 21 يوم السبت حسي الساعة تسعا ونص انا بتكلكم معاكم من كلبس.. من كلبس.. من كلبس وحسي ندخل كلبس وديك الانوار خلاص نحن ياداب لحقنا كلبس. (طبعاََ يا بريمة الزول دا معرد وبي كرعينو نفسو قايم والاه انا بسمع في التسجيل وبكتب ليك والفديو الواطة ليل رفع الموبايل انوار كلبس تهتز من الجري ) (بنزلوا في صفحتي في الواتس وبجيب الرابط ) لكن والله عيال العيين الفلنقايات عيال المشتركة شالو منا العربات.. شالو منا العربات وخسرنا.. خسرنا خسارة شديدا والله عيال المشتركة ديل ما بتداوسسو.. يا محمد.. ولد دقلو وتاني بقولك طظ فيك زاتو كولكم فزيتو خليتونا عيال العييين .. حسي مرقنا ندخلوا كلبس وبالليل دا نبلغوا الحنينه... اقسم بالله تاني قضيتكم دا ما نداوسو معاكم عيال العيين كملتونا عيال العيين... اي زول يقولكم عيسي خلا عرباتا اي انا دي خليت العربات.. العربات دي سلمتهم لي ناس المشتركة..
ومرقتا بي كرعيني طظ فوقكم كولكم... (نكتفي بهذا القدر) الي ان نلتقي في الرابط
القايد المليشي احمد عيسي الاغيبش قايد المجموعة 105عربة 18 من محور الطينة يتحدث في تسجيل وهو داخل علي كلبس ومنها قال ماش الجنينه تاني مابداوس
02-22-2026, 10:28 AM
محمد حمزة الحسين محمد حمزة الحسين
تاريخ التسجيل: 04-22-2013
مجموع المشاركات: 2070
أنت ما زلت تنطلى عليك دعاية المشتركة طييط، يا ول أبا أستهدى .. أين الفاشر التى أكلوا فيها خشومهم، ثم بلعوا ألسنتهم! هاك الفيديو، أى لغة عربية هذه؟ هل هذه لغة القبائل العربية؟
أمن القبائل يبدو ما فيه رزيقات .. خلط لهجة الرزيقات مع لهجات أخرى نعرفها واضح وضوح عين الشمس ..
ونقول ليك الفلول سمعونا أسوأ من ذلك، موت الهمام القائد محمد حمدان دقلو ... ومنهم من أتانا بصورة لقبرة، الداعشى حسبو السنارى، الأشاوس قالوا إلاً كن تنبلعه الأرض منهم ..
قالوا دا صوت القائد أحمد عيسى الأغبيش .. الناس ديل رمضان ما جاء عليهم لسع ولاً شنو؟
أنتهت الفوضى، أقرعوا الواقفات مع ناس دولة 56م ---------------------------- واحد من أصحاب الأبل جاء ماشى بأبله وشاف الناس شاريين ملابسهم بتاعت غسيل العيد فى كل مكان قبل يوم العيد. سألهم عوووك، العربان مالهم "مصوبنين" خلقانهم؟ قالوا له باكر العيد .. قال عييييك، كنت داير لى فى رمضان تلاتة أيام!!!
المشتركة لسع رمضان ما جاء عليها زز كما يبدو!
بريمة
02-22-2026, 11:04 AM
Biraima M Adam Biraima M Adam
تاريخ التسجيل: 07-04-2005
مجموع المشاركات: 35387
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
محمد حمزة الحسين
اسماعيل عبد الله محمد
حيدر حسن ميرغني
ترهاقا
فيس بوك
تويتر
انستقرام
يوتيوب
بنتيريست