|
|
|
 Re: كهنة الماركسية في السودان-هل يحمي andquot;الهر (Re: زهير ابو الزهراء)
|
مقطع
| Quote: تمثله منصة كاهلة مات الابداع فيهم وتتعامل بفلتر خارج الموضوع قمة الصلف القيادي |
ما هو انت عارف!!!!!
منصة تقارب أعمارها الثمانين عاما ماذا تتوقع ؟؟؟
الامريكان بيقولوا
You cannot teach an old dog new tricks
وبالعربي
لا يمكن أن تعلم كلبا عجوزا حيل جديدة
قريبك دا كم مرة طلبناه للحوار معنا هنا وهو عضو قديم بالمنبر
فإستنكف وأبي
| |
 
|
|
|
|
|
|
|
|
Re: كهنة الماركسية في السودان-هل يحمي andquot;اله (Re: عبد الله حسين)
|
| Quote: لقد قدمت هذه الندوة الحزب الشيوغي في واضحة انه محاصر و تمثله منصة كاهلة مات الابداع فيهم وتتعامل بفلتر خارج الموضوع قمة الصلف القيادي اعلمو يارفاق أن الجماهير صانعة التاريخ.. أم شاهدة زور! |
Quote: ما هو انت عارف!!!!!
منصة تقارب أعمارها الثمانين عاما ماذا تتوقع ؟؟؟
الامريكان بيقولوا
You cannot teach an old dog new tricks
وبالعربي
لا يمكن أن تعلم كلبا عجوزا حيل جديدة
قريبك دا كم مرة طلبناه للحوار معنا هنا وهو عضو قديم بالمنبر
فإستنكف وأبي |
صحي الاختشوا ماتوا
| |
|
|
|
|
|
|
|
|
|
Re: كهنة الماركسية في السودان-هل يحمي andquot;اله (Re: زهير ابو الزهراء)
|
يبدو لي يا عبد الله إنك ما فهمت المثل الكتبته انا صاح
ليس المقصود وصفهم بالكلاب
لكن المقصود القول أنهم كهول وكبار سن وعصيين علي التعلم
مثلما أنه يعجزك أن تعلم كلبا عجوزا حيلا جديدة
يعجزك أن تعلم عواجيز الحزب الشيوعي حقائق جديدة
فركز معانا في حكاية إنه قيادة الحزب من الكهول والكهول خالص
من ثمانين وإنت طالع
وأسال معي إين شباب الحزب وليه ما يدوهم فرصة عشان يقودوا
يجددوا دماء الحزب ويسمعونا كلام جديد
بدلا من عواجيز الحرب الباردة والإتحاد السوفيتي العظيم
| |
|
|
|
|
|
|
|
|
|
Re: كهنة الماركسية في السودان-هل يحمي andquot;اله (Re: Nasr)
|
احسست بالاحباط
من مداخلة فتحي فضل
يتحدث عن ماض سحيق
عن زيارة بريجنيف وشوين لاي للسودان في بداية الستينات
ويركز معظم حديثه عن الدور الخارجي في الحرب
لم يتحدث عن ما يجب فعله من اجل ايقاف الحرب
يتحدث عن الحركة الجماهيرية
والحركة الجماهيرية تعطلت تماما بسبب الحرب
لا يمكن ان تعقد اجتماع
لا يمكن ان تشكل نقابة
لا يمكن ان تقعد مخاطبة جماهيرية
يمكن لاي مستنفر ان يتهم اي شخص بتهمة التعاون ويقوده للمشنقة
في مثل هذا الواقع يرفض فتحي فضل المحاولات الدولية لايقاف الحرب
| |
|
|
|
|
|
|
|
|
Re: كهنة الماركسية في السودان-هل يحمي andquot;اله (Re: أبوبكر عباس)
|
Quote: يا لك من ناصح أمين يا عبد الله حسين كنت أتمني ان تترك نفاق الساسة وتدلنا علي طريق الفلاح والصلاح
ونتعلم كيف ندير شئؤن حياتنا بما يرضيك
ومن منا فوق الضعف الانساني وتجلي ربي الكامل ذو الاجلال والاكرام و
ها انت تقع في نفس وحل التوصيف مثلي وتحاول أن تكون الاكثر نزاهة مني
وملعون المنافق في كل كتاب وفضاء |
يا زول بطّل الجقلبة واللولوة
ذي وذيك وبتاع
سب الناس بأعمارهم
هو دلالة على فراغ الراس والكراس
بعدين إنت ذاتك ستجد من يسبك بعمرك
وإنت ذاتك ستكبر وتسقط أسنانك
ولن تجد ما تمضغ به اللقمة
فهل الكبر مدعاة لسب الناس
لو كان كذلك فلتسبوا أبائكم وأمهاتكم
ولا ديل عندهم كهولة مختلفة
بعدين إنت هايج كده مالك
وعناوين كبيرة ماركسية وصراع طبقي
ده كلو عشان لم يجيبوا على سؤالك
مبالغة ...
| |
|
|
|
|
|
|
|
|
|
Re: كهنة الماركسية في السودان-هل يحمي andquot;اله (Re: عبد الله حسين)
|
Quote: يبدو لي يا عبد الله إنك ما فهمت المثل الكتبته انا صاح
ليس المقصود وصفهم بالكلاب
لكن المقصود القول أنهم كهول وكبار سن وعصيين علي التعلم
مثلما أنه يعجزك أن تعلم كلبا عجوزا حيلا جديدة
يعجزك أن تعلم عواجيز الحزب الشيوعي حقائق جديدة
فركز معانا في حكاية إنه قيادة الحزب من الكهول والكهول خالص
من ثمانين وإنت طالع
وأسال معي إين شباب الحزب وليه ما يدوهم فرصة عشان يقودوا
يجددوا دماء الحزب ويسمعونا كلام جديد
بدلا من عواجيز الحرب الباردة والإتحاد السوفيتي العظيم |
غايتو كما قال المثل
لا تصارع الخنازير في الوحل
شفت كيف يا نصر الشهير بمحمد عباس
لقد أصبحت خنزير عديل
فاوعى تكورك
عوقني يا حكم
مثلك دا البخلي ما يتفهم شنو
فيزياء ولا كيمياء
مثلك واضح وضوح الشمس
المثل: كلب - عجوز - لا يتعم شيئا جديدا
المنصة: فتحي فضل وصدقي كبلو - عجائز - مات الإبداع فيهم/ لا يتعلمون شيئا جديدا
المثل = المنصة
الكلب = فتحي فضل وصدقي كبلو
لا يتعلم شيئا جديدا = مات الإبداع فيهم/ لا يتعلمون شيئا جديد
فشنو بطّل استهبال وفهلوة وأركز
وبعدين إنت شن دخلك تنظيمياً في حزب ليس عضو فيه
أن تكون قيادته من كبار السن أو من الجن
إنت عليك فقط عليك ببرنامجه
كما هي العلاقة بين الناس والحزاب في كل العالم
ولا نسمع اسطوانة الوصاية والتحشر في العمل الداخلي للاحزاب
الا في السودان
إنت يا نصر لم تتعلم من وجودك في هذا المنبر
ولم تتعلم من وجودك في أمريكا
وهنا أرد اليك بضاعتك كاملة غير منقوصة
You cannot teach an old dog new tricks
في أمريكا القاعد فيها دي
مش تم انتخاب ترامب العام الماضي وهو يبلغ من العمر 78 عاما أي على أعتاب الثمانين
من قبل أكثر من 77 مليون أمريكي
هل كل هؤلاء وهم ساكت وسذج بخصوص عمر من صوتوا له وأنت عبقري زمانك
بترديد أوهام وترهات العمر الفارغة
بعدين خلي دا
هل تعلم أعمار أعضاء الكونغرس ومدة بقائهم في الكونغرس
في أمريكا القاعد فيها سيتنق ساكت دي
وجايي تتفاصح في الحزب الشيوعي وأعمار قيادته كأنك مكتشف الذرة
هاك احصائية سريعة أعلم أنك لم تسمع بها
لأنك لو سمعت بها لما عيّرت الناس بأعمارهم
مثال أمريكي للأمريكي:
هارولد روجرز
مجلس النواب
العمر87
حوالي 44 عامًا (منذ 1981) في الكونغرس
ماكسين ووترز
العمر86
حوالي 34 عامًا (منذ 1991) في الكونغرس
ستيني هوير
العمر85
حوالي 44 عامًا (منذ 1981) في الكونغرس
جيمس كلايبورن
العمر 84
حوالي 32 عامًا (منذ 1993) في الكونغرس
نانسي بيلوسي
العمر84
حوالي 38 عامًا (منذ 1987) في الكونغرس
بدون خجل بعيّر الناس ويمارس التمييز عليهم بسبب عمر
وفي نفس عامل فيها ديمقراطي وبتاع حقوق انسان
لدرجة الوقوف مع اخوان مصر
هاك الديمقراطية ووحقوق الانسان دي ...
وخليك مع نقل مقالات رشا جنجويد التي لا يكتبها الا شخص مصاب بانفصام سياسي
لا تعرف يساره ما كتبت يمينه
فهذه هي مقدراتك
| |
|
|
|
|
|
|
|
|
|
Re: كهنة الماركسية في السودان-هل يحمي andquot;اله (Re: عبد الله حسين)
|
يا خي الموظف لمن يصل ٦٥ سنة بياخد معاش وبيبطل يشتغل ويعمل ليه كرسي قماش قدام البيت
يتفرج علي الطالعين ونازلين
داير ليك ناس في التمانين والتسعين يقودوا حزب سياسي
عبد الخالق لمن كان في قيادة الحزب لم يتعدي عمره ال ٢٤ عاما
وكذلك كانت القيادة معه
العمل السياسي عايز طاقات ذهنية وأخري جسدية مهولة للتفكير والحركة
وما اظن عجايز الحزب ديل بيقدروا عليها
المهم
عشان حوارنا يكون مفيد بسأل سؤال
أين هم شباب الحزب وليه ما بدوهم فرصة يقودوا ؟؟؟؟؟؟
| |
|
|
|
|
|
|
|
|
|
Re: كهنة الماركسية في السودان-هل يحمي andquot;الهر (Re: زهير ابو الزهراء)
|
Quote: الحزب الشيوعي السوداني فيهو حاجة عجيبة؛
مواقفه السياسية بالرغم من ظهورها مشاترة لكن دائماً تلعب دور الرمانة،
بوزنوا الوضع السياسي،
العجائز ديل والله ما ساهلين
يعني هسّ في الحرب دي موقفهم والموقف الوجودي للزغاوة هو المنع البلد تتفرتق
حيّ الله كهول الحزب الشيوعي |
لا لا يا ابوبكر .... انت هنا بتحاول تجد مخرج للموقف المخزي الذي اتخذه الحزب الشيوعي من ثورة الشباب في ديسمبر. موقفهم لا علاقة له بالحرب فقد اتخذوه قبل الحرب.
دون سبب واضح يبرر كراهيتهم للمجموعة التي سموها (قحاتة) غير انهم يرونهم (ناس الهبوط الناعم) للخلاص من الكيزان لان رؤية الحزب الشيوعي هي الخلاص الجذري او يتم قطعهم من جذورهم. تمادى الشيوعيون في معاداة القحاتة وصار العدو الاول لهم الآن هو حمدوك وخالد سلك ودولة الامارات التي تناصرهم والتي تمثل الاستعمار الجديد بدلأ عن بريطانيا وامريكا..
ثم استفحلت كراهية حمدوك وصارت مرض نفسي او عقلي جعلتهم يرتمون في حضن الكيزان يبادروا بالدفاع عنهم وعن جيشهم باسم الدفاع عن السودان من الغزو الجنجويدي الذي يقوده الزول المتخلف عربي الشتات القادم من مالي والنيجر والذي لا يعرف يستخدم الحمام ويعمل FLUSHING مثل طلاب جامعة الخرطوم زمان، وكمان يسكن كافوري والرياض ويركب عربات انفنيتي فكيف زول تاجر حمير وابل يصير في مكان عمر بشير الجياشي المثقف القال للناس ازرعوا البامبي عشان نصنع السكر.
لا اعرف سبب تضامن الحزب الشيوعي مع الكيزان وصاروا اكثر تشددآ مثل المجموعةالشيوعية التي تشكر حركات دارفور المسلحة وتقول (مشتركة فوق). اذا انتصرت المشتركة فوق سيصرخ الشيوكوزي مناديآ الحقونا يا جنجويد تعالوا احموا النساء في خدورهن واحموا العرض والضرع والزرع من مليشيا الزغاوة القادمة من دويلة تشاد الاستعمارية.
| |
|
|
|
|
|
|
|
|
|
Re: كهنة الماركسية في السودان-هل يحمي andquot;اله (Re: Zein Abdalla)
|
أولاً، لا أحد أساء فهم مثلك، بل أنت من حاول تجميل إساءة واضحة بعبارة تفسيرية لاحقة
المثل الذي استشهدنا به — You cannot teach an old dog new tricks — هو في أصله يحمل معنى التعميم على أساس العمر، سواء قصدت الكلاب حرفياً أم مجازاً
المشكلة ليست في الحيوان، بل في القياس الذي يسلب الإنسان قدرته على التطور لمجرد تقدمه في السن.
ثانياً، قولك إن القيادات "عجائز لا يتعلمون جديداً" هو حكم قيمي لا برهان عليه
السن في ذاته ليس معياراً للجمود، كما أن الشباب ليس ضماناً للإبداع
التاريخ مليء بأمثلة لكبار سن أحدثوا تحولات فكرية عميقة، ومليء أيضاً بشباب كرروا خطاباً مستهلكاً
ثالثاً، استدلالك بالولايات المتحدة وأعمار أعضاء الكونغرس لا ينقض الفكرة بل يؤكدها
المجتمعات الديمقراطية لا تحاكم السياسيين بأعمارهم، بل ببرامجهم وأدائهم
وهذا هو جوهر النقاش الذي دعوتُ إليه- تقييم البرامج، لا الأعمار
أما تحويل النقاش إلى توصيفات من قبيل "خنزير" و"استهبال" و"فهلَوة"، فذلك انتقال من ساحة الحجة إلى ساحة الشتيمة، وهو انتقال لا يقوّي موقفاً بل يضعفه
رابعاً، مسألة الاهتمام بالشأن الداخلي لأي حزب ليست وصاية
في الفضاء العام، كل حزب يعرض نفسه للنقاش والنقد طالما يطلب ثقة المجتمع
النقد السياسي ليس عضوية تنظيمية، بل حق عام
وأخيراً، النقاش حول تجديد القيادات ليس تمييزاً عمرياً، بل سؤال سياسي مشروع
كيف تتجدد الأحزاب؟
كيف توازن بين الخبرة والتجديد؟
كيف تفسح المجال للكوادر الشابة دون إقصاء الخبرة؟
هذه أسئلة في علم السياسة، لا في حديقة الحيوانات
إن أردت نقاشاً فكرياً فمرحباً به
أما إن كان المطلوب هو التراشق، فذلك باب لا أطرقه
من الافضل ان تنصرف لاهتماتك بدل البطولة الاسفيرية هذه .
| |
|
|
|
|
|
|
|
|
|
Re: كهنة الماركسية في السودان-هل يحمي andquot;اله (Re: زهير ابو الزهراء)
|
Quote: يا خي الموظف لمن يصل ٦٥ سنة بياخد معاش وبيبطل يشتغل ويعمل ليه كرسي قماش قدام البيت
يتفرج علي الطالعين ونازلين
داير ليك ناس في التمانين والتسعين يقودوا حزب سياسي
عبد الخالق لمن كان في قيادة الحزب لم يتعدي عمره ال ٢٤ عاما
وكذلك كانت القيادة معه
العمل السياسي عايز طاقات ذهنية وأخري جسدية مهولة للتفكير والحركة
وما اظن عجايز الحزب ديل بيقدروا عليها
المهم
عشان حوارنا يكون مفيد بسأل سؤال
أين هم شباب الحزب وليه ما بدوهم فرصة يقودوا ؟؟؟؟؟؟ |
يا زول بطّل استهبال
طبعا ما عندك إجابة
لأن الأمثلة الأمريكية تدحض خزعبلاتك العمرية
وخلتك ذي الأسطوانة المشروخة
وقال شنو
عمر 65 ومقدرات ذهنية وحلاوة طحنية
طبعا إنت يا نصر
ترى العالم بسطحية غريبة
لو فكرت شوية وشغّلت مخك
وسألت نفسك سؤال
لماذا يصرون ويقننون سن المعاش في الخدمة العامة بسن معينة
بينما الأمر مفتوح للسياسيين
والإجابة هي ليس ما يعتقد نصر
أن السبب المقدرات الذهنية
لأن لو كان السبب المقدرات الذهنية
فالأولى بتحديد سن التقاعد هو السياسي
لأنه يمكن أن يصبح رئيس دولة أو وزير
أي مسؤول عن شعب كامل
بينما الموظف هو مسؤول عن شركة أو قسم في شركة
أي أن تأثيره محدود جدا في نطاق عمله
إذن السبب في تحديد سن المعاش في الخدمة العامة
هو أن الناس يريدون ذلك
ليعيشوا حياتهم وليس قضاء عمرهم كله في خدمة وإغناء غيرهم
لذلك نرى النقابات تطالب بتخفيض سن التقاعد
بينما الحكومة تصر على رفع سن التقاعد
وكذلك الناس يناضلون من أجل تخيض أيام العمل
بينما المخدمين يعملون على زيادتها
شفت كيف يا نصر بتاع الكلاب
قال شباب قال
| |
|
|
|
|
|
|
|
|
|
Re: كهنة الماركسية في السودان-هل يحمي andquot;اله (Re: عبد الله حسين)
|
متى يمتلك الشيوعيون شجاعة الاعتراف؟
ليس اعترافاً تكتيكياً عابراً تحت ضغط اللحظة، بل مراجعة فكرية وأخلاقية عميقة لمسالب التجربة وأخطائها منذ التأسيس وحتى اليوم
المشكلة لم تكن يوماً في “النية الثورية”، بل في العجز المزمن عن مساءلة الذات. فالحزب الذي رفع شعار النقد والنقد الذاتي، مارس في كثير من محطاته نقد الآخرين أكثر مما نقد بنيته، وأدار خلافاته الداخلية
بروح تنظيمية مغلقة، لا بروح فكر حيّ قابل للتجدد
السؤال المؤلم هو هذا: لماذا لم يُسَوْدِن الحزب الماركسية بقدر ما سعى إلى إسقاطها على الواقع السوداني كما هي؟
لماذا ظلّ الفكر الوافد مرجعاً أعلى، بينما ظلّ المجتمع السوداني مادةً للتطبيق لا شريكاً في الإنتاج النظري؟
سودنة الفكر لا تعني تشويهه أو التخلي عنه، بل تعني مساءلته على ضوء التاريخ المحلي، البنية الاجتماعية، التعقيد القبلي، التدين الشعبي، الاقتصاد الريفي، وتركيب الدولة ما بعد الاستعمار
لكن ما حدث في كثير من المراحل كان العكس لاتمت سودنة الشعارات، لا المنهج , وتحوّل الاجتهاد إلى التزام حرفي بنصوص ومرجعيات صيغت في سياقات أخرى
ومنذ الميلاد وحتى اللحظة، ظل الحزب أسير مفارقة قاسية , يتحدث عن التحرر، لكنه متحفظ في تحرير بنيته , يدعو إلى الديمقراطية العامة، بينما يتردد في تعميمها داخله.
ينتقد المركزية السياسية للدولة، ويحتفظ بمركزية تنظيمية صلبة لا تعترف بسهولة بالخطأ ,
الاعتراف بالأخطاء التاريخية — من تقدير المواقف السياسية، إلى إدارة التحالفات، إلى طبيعة العمل السري، إلى القراءة المتعجلة لبعض اللحظات الانقلابية ليس إضعافاً للحزب، بل شرط نضجه
أما الاستمرار في تعليق كل الانكسارات على شماعة “الظروف الموضوعية” و”تآمر الخصوم”، فهو هروب من مسؤولية التجربة نفسها
الكِبَر الفكري أخطر من الهزيمة السياسية لعن الله التعالي علي الاخرين بحجة انتم المفكرين والاعلم منا , فالهزيمة يمكن أن تعلّم، أما الكِبَر فيمنع التعلّم
السؤال إذن ليس: هل كان الحزب مهماً في التاريخ؟
بل: هل يملك شجاعة أن يعترف بأنه أخطأ في بعض فصوله؟
وهل يستطيع أن ينتج يساراً سودانياً من داخل الواقع، لا من هوامش الكتب؟
متي تكون لحظة الصدق هذه هي الفاصل بين حزب يعيش على ماضيه، وحزب يجرؤ على صناعة مستقبله.
| |
|
|
|
|
|
|
|
|
|
Re: كهنة الماركسية في السودان-هل يحمي andquot;اله (Re: زهير ابو الزهراء)
|
نحكي ليكم نكتة عن أخر أيام الإتحاد السوفيتي
بعد أن ما برزنيف مات، كل سنة يحبيوا واحد من العواجيز عشان يبقي رئيس
ما يتم سنة ويموت
حوالي ٣ او اربعة
في جنازة الأخير في مواطن داير يدخل محل تشييع الجثمان فسألة الحرس إنت عندك تصديق للدخول
قال ليه لا أنا عندي تذكرة سنوية
أحترمت شديد سليمان حامد وهو قائد تاريخي للحزب الشيوعي السوداني
إنه بعد عمر معين وأظنه في منتصف السبعينات قال بعد دا كفاية عمل سياسي وقال ندي فرصة للشباب
و دا المتوقعنه من ناس صديق يوسف الدق في التسعين وفتحي فضل الفات التمانين وكذلك صدقي كبلو
ويظل السؤال المهم
ليه ما بتدو الشباب فرصة لأن يقود الحزب الشيوعي ؟؟؟؟؟
| |
|
|
|
|
|
|
|
|
|
Re: كهنة الماركسية في السودان-هل يحمي andquot;اله (Re: Nasr)
|
نصر ~
ما عرفت قصتك مع الأعمار دا شنو ، أكيد سامع بالتفرقة بسبب العمر ، كدى شوف قوانين إنجلترا مثلا لعام 2010 ، و امريكا التفرقة بسبب العمر للناس فوق الأربعين تجرجرك فى المحاكم
# نجئ لمثالك بعد الشخص الوصل الكم وستين ونزل المعاش وقعد فى كرسى قماش فى خشم الباب ، ما عارفة انت عايش فى ياتو عهد وحتى الشخص المعاشى الوصفته دا ،رغما أنها دى ياها قدر حد امكانياته ما عايز زيادة لكن سعيد ومستمتع يكون بعد سنين من العمل بنى البيت وربى العيال وأصبح جد مستمتع بحياته
#لكن فى أنواع كثيرة غيره :
#مثلا العاملة او العامل البسيط المعاش عنده رفاهية وخاصة لو ما كان شغال فى الخدمة المدنية او حتى أحيانا يكون عامل فى مؤسسة وبرضه المعاش الفيه راتب معقول يكون أمنية بالنسبة ليه، مثال بسيط جدا :الغفراء وغيرهم فى المستشفيات والمدارس وبعض المؤسسات غير محسوبين عندك
#لانه فكرتك مبنية على بلاد معينة ، مثال بلاد الخلايجة، مريحين ناسهم خمسينات ينزلوا معاش مجيه، الصين ايضاً ، شايفاهم بقوا زهجانين من القصة دى، ألمانيا كم وخمسين ممكن تخلى العمل وتعيش معزز مكرم
#الدول الرأسمالية سن الستينات اى لما يصلو السن الممكن يدوهم فيها جزء من قروشهم الإستقطعوها منهم العمر كله
أما المثال عن رؤساء الروس دا عجيب ، يا ما فقد الشيوعى أعضاءً وهم فى سن الشباب
#خارج الموضوع: هسه شوف حميدتى ، خمسيني أظنه - أصغر من المعاه كلهم ، والآن يفتشوا فيه بالفتاشة لكن الوصول ليه صعب (الحقوق محفوظة لمسعد بولس)
#فى غالبية البلاد ما فى زول يقول لشخص انزل المعاش ، طبعا فى السودان عندهم الحاجة دى مش تقديرا ولهم ما يستحقون ، لكن إجبارا ، كان عايز أو ما عايز
#نهاية الخدمة لا تعنى أبدا العجز وخاصة الفكرى ، إضافة فى فرق كبير بين موظفى الدولة والشركات من جانب وبين أعضاء الأحزاب من الجانب الآخر وخاصة حزب ذى الشيوعى ولا فيه مرتب ولا إستحققات معاش
# الأحزاب ما عندك فيهم دخل ، وحتى لو ترشحوا على كيفك تديهم صوتك أو تختار غيرهم
#يعملوا ندوة برضه غير ملزم بحضورها أو الاستماع ليها
#فى أمثلة كثيرة جابها الأخ عبد الله فوق ، أضيف عليها بيرنى ساندرس الثمانيني ، أكبر مؤديه صغار السن، فى ترشيحاته واكتساحاته كان لصغار السن النصيب الأكبر ولما إتخابث الديمقراط عليه عشان يجيبوا الزول العايزنوا للرئاسة ، أقنع الشباب الصوتوا ليه ينحازوا للمرشح الديموقراطي
……………
نصر ~
مالك مع الحزب الشيوعى السودانى ، الواعى زرقاء اليمامة ، ممكن ترجع لمداخلات الأخ أبو بكر فوق للتأكيد
#الأعضاء كبار أو صغار طالما أنهم قادرين على العطاء يواصلوا والشغلانية عندهم ما بالتعيين
#دكتور مصطفى خوجلى جاء للدكتور حسن فرح بخبث كدا قال ليه بعد دا نحن المفروض نمش ونخليه للشباب
#دكتور حسن فرح رد عليه بهدوئه المعهود : الناس انتخبتنا وجابتنا - إلا يشيلونا لكن ما بهرب من المسئولية
……………
الغريبة يا نصر عندك كان مساجلات واختلافات قديمة فى هذا الموقع ، مع شخص كتب :
#انه الشيوعى يخلى الكبار مجرد أفندية وكتبة، زى تعيين كدا ، كان ردك عليه فى ما معناه "فريق كورة ما بينتخبوه كدا"
| |
|
|
|
|
|
|
|
|
|
Re: كهنة الماركسية في السودان-هل يحمي andquot;اله (Re: هدى ميرغنى)
|
والله يا صديقي نصر متعك ربي بالعافية النص الذي قبل مكتوبي هذا اري فيه الرد قوي في تفكيك فكرة العمر = العجز و لكنه ضعيف في معالجة سؤال التجديد السياسي
التمييز العمري مرفوض، نعم وكمان الجمود التنظيمي أيضًا مرفوض
من ينقذ الحرب من هؤلا النفر ويعيد للحزب الحياة في كل مفاصله بدون بدون ادوبة ومنشاطات عبر مجايلة عميقة تتفهم قيمة الشباب
وما أبغض ان تنقل تجربة حتي بكل تفاصيلها الحميدة والغير حميدة
عسي من يدرك كلامي يقول ليهم عوووووك
| |
|
|
|
|
|
|
|
|
|
Re: كهنة الماركسية في السودان-هل يحمي andquot;اله (Re: هدى ميرغنى)
|
سعدت بمداخلتك يا هدي وقد طمتيني شوية وأنا ذاتي سبعيني
مما دخلت في الستين طوالي أعتزلت لجان الجالية ولجان الخدمات وكل أشكال التنظيم
وقد سعدت بما فعلت
طلعوا لينا شباب احسن مننا كتير ونشيطين وهميمين
اذا الحزب الشيوعي فرحان بقيادة العجايز وما داير يدي شبابه فرصة
فألف مبروك عليه
هي كانت نقطة فرعية هامشية
كنت سأسعد أكثر لو أنني تجاورت مع الشيوعيين في الاستراتيجيات والتاكتيكات وفي الخطاب السياسي وفي مناهج العمل الفكري
وفي وحدة قوي اليسار أم وحدة قوي الثورة
كنت سأسعد لو أن منهم من يتحاور معنا ويفيدنا ويفيد باقي الناس
ما زلت انتظر مثل ذلك
زمان كان في شيوعيين مثقفين في هذا المنبر مستعدين للحوار
إين ذهبوا؟؟؟؟؟
أين أنت يا أبو ساندرا ويا أحمد طراوة ؟؟؟؟؟
| |
|
|
|
|
|
|
|
|
|
Re: كهنة الماركسية في السودان-هل يحمي andquot;اله (Re: Nasr)
|
Quote: زمان كان في شيوعيين مثقفين في هذا المنبر مستعدين للحوار
إين ذهبوا؟؟؟؟؟
أين أنت يا أبو ساندرا ويا أحمد طراوة ؟؟؟؟؟ |
سلام نصر~
كان دا مناك الأثنين الكانوا متماهين معاك، مع التقدير والإحترام لهما ، دا طلب متواضع شديد مقارنة بالعديد من أعضاء الشيوعى، مثالك ديل مع الإحترام تانى ليهم ، لايمثلوا الحزب الشيوعى السودانى، وكان مغالطنى أمشى أتبنهم😀
#ملاحظة:يبدو انك مهموم جدا بالشيوعى ، تكون قصة "الرِجل الشبحية" ونحن ما عارفين !
بطريقتك دى تقول لى عادل ربنا يطراه بالخير ، لقد واصلت مع الشيوعى فى الخصومة ولكن لم ولن أصل لهزيمتهم …
………
#نصر،
يعنى قصة الشخص أبو كرسى قماش دا تعبير عن حالك. سبعيني ما كثيرة شديد بطل الكسل ، وكان ما قادر على العمل اليدوى ، خلى خصومتك للشيوعى وركز جهدك فى تقديم خدمات مثال: أعمل حصص حتى لو تدريس لغة ورياضيات للشباب وغيرهم
#من الظواهر الجديدة عند الشباب ، حينادوك بيها "يا خال" ، ويزيدوا عليها "يديك العافية"
#احتمال كبير الحرب الضروس دى تكون طيرتها ليهم من رأسهم.
| |
|
|
|
|
|
|
احدث المقالات بسودانيزاونلاين اليوم
| |
زهير ابو الزهراء
Nasr
mohmmed said ahmed
أبوبكر عباس
Zein Abdalla
هدى ميرغنى
فيس بوك
تويتر
انستقرام
يوتيوب
بنتيريست