Quote: التحالف المدني الديمقراطي لـقوى الثورة -صمود
التحالف المدني الديمقراطي لقوى الثورة (صمود) تصريح صحفي التقى وفدٌ من تحالف (صمود) ضمّ كلًا من الباشمهندس خالد عمر، ود. بكري الجاك، والأستاذة نجلاء كرار، بسعادة السفير توماس شيب (Thomas Schieb)، رئيس المكتب التنفيذي لمنظمة حظر الأسلحة الكيميائية (OPCW)، وذلك بمدينة لاهاي. ناقش الوفد ضرورة تشكيل لجنة للتحقيق والمتابعة بشأن استخدام القوات المسلحة السودانية للأسلحة الكيميائية في عدة مناطق خلال الحرب الدائرة في البلاد. وأطلع الوفدُ سعادةَ السفير على وجود تقارير موثقة ومدعومة بأدلة مادية من مناطق مختلفة في السودان، بما في ذلك حالات لبعض الضحايا الذين يخضعون حاليًا للعلاج خارج السودان. من جانبه، وعد السفير بدعم جهود جمهورية ألمانيا الاتحادية داخل منظمة حظر الأسلحة الكيميائية فيما يتعلق بملف استخدام الأسلحة الكيميائية، رغم التعقيدات الإجرائية التي تواجه المنظمة، والمتمثلة في ضرورة الحصول على أغلبية كافية داخل المجلس التنفيذي لإرسال فريق ميداني للتحقق وجمع الأدلة. كما أشار إلى أهمية ممارسة الضغط على القوات المسلحة السودانية وحلفائها من المليشيات لعدم استخدام هذه الأسلحة في المستقبل، وتقديم مستخدميها للمساءلة متى ما توفرت الإرادة السياسية واكتملت التحقيقات. بكري الجاك الناطق الرسمي باسم التحالف المدني الديمقراطي لقوى الثورة (صمود) ٢٦ يناير ٢٠٢٦
02-05-2026, 04:23 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8479
Quote: Mutasim Agraa's Post Facebook · حين دقست صمود - ما زالت الفيران والاسماك والبامية في خطر: يبدو أن صمود لم تكن تدرك أنها لا تملك صفة تتيح لوفدها حق طلب تحقيق بواسطة منظمة حظر الأسلحة الكيميائية. حسب اتفاقية الأسلحة الكيميائية، يقتصر حق طلب التحقيق فقط علي الدول الموقعة علي الإتفاقية أو الأمين العام للأمم المتحدة. المنظمات غير الحكومية، وجماعات المجتمع المدني، وغيرها لا يمكنها طلب بدء تحقيق حول الأسلحة الكيميائية بشكل مباشر. ولكن يمكنها جمع الأدلة ونشرها والضغط على الدول الموقعة أو الأمم المتحدة لطلب إجراء تحقيق رسمي. وهذا الضغط يتم مع الدول الموقعة وليس مع الرئيس التنفيذي لمنظمة حظر الأسلحة الكيميائية كما فعلت صمود. وهذا هو السبب الذي حدا برئيس المنظمة إلي القول لوفد صمود بان المنظمة ستنظر بعين العطف لمجهود دولة ألمانيا بشان ملف الأسلحة الكيمائية في السودان - ما يعني يا جماعة هوي أنتو ما عندكم صفة قانونية لتقديم مثل هذا الطلب فهذا حق الدول الموقعة والامين العام للامم المتحدة فقط. نتمني أن تقوم صمود بواجبها المنزلي قبل أن تجي ناطة جوز في قضية شديدة الخطورة علي معاش المواطن والإقتصاد الوطني والمسار السياسي.
02-05-2026, 06:00 AM
طارق عبد الله طارق عبد الله
تاريخ التسجيل: 06-30-2016
مجموع المشاركات: 668
الناس والبهائم والبيئة تموت بالكيماوي ✔️مامشكلة، بل بس!.... صمود تشارك الوقائع والادلة وتكشف الحقائق ✖️ خونة، ماعندهم حق وزيتنا في بيتنا وجيشون واحد شعب واحد والناس البتموت دي مرتزقة من تشاد وما محتاجين نحافظ على البيئة للاجيال القادمة لأنو دي معركة الكرامة عايزة تضحيات!
المهم قالوا الفي بطنو حرقص براهو برقص
02-05-2026, 11:46 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8479
Quote: الناس والبهائم والبيئة تموت بالكيماوي ✔️مامشكلة، بل بس!.... صمود تشارك الوقائع والادلة وتكشف الحقائق ✖️ خونة
في البوست دا تحديداَ ما في زول جاب سيرة الخيانة غير الحرقص الكبير الفي بطنك يا طارق.
أما عن الناس والبهايم البتموت يا طارق فجنس كضبة زي دي نقول إنك ممكن تتحيل إنها تشيل في الاوروبيين، لكن كونك تتحيل إنها ممكن تشيل فيني أنا فدي يا إما سذاجة منك او حقارة منك بي واستخفاف بعقلي. عندي الالاف من الاهل والمعارف قاعدين في الخرطوم وفي انحاء متفرقة من السودان، ممكن احسب ليك اكتر من عشرين زول من معارفي مات برصاص الدعم السريع او في معتقلات الدعم السريع، لكن ما سمعت بفرد زول مات او غنماية زول ماتت بالكيماوي.
خليني أنا، لو إنت عندك معارف في الخرطوم اسألهم عن الخطر الهدد حياتهم، هل هو بندقية الدعم السريع ول كيماوي الجيش؟ كيماوي الجيش دا موجود في مواقع الانترنت بس لكن جوة السودان مافي مواطن جاب سيرتو. صمود في جولتها الاوروبية ربنا ما فتح عليهم بكلمة عن بندقية الدعم السريع، وجارين يتكلموا عن الاسلحة الكيميائية المزعومة. لصالح منو صمود بتغض الطرف عن بدقية الدعم السريع وبتسوق لقصة الكيماوي دي؟
02-05-2026, 01:22 PM
محمود الدقم محمود الدقم
تاريخ التسجيل: 03-19-2004
مجموع المشاركات: 14520
يعني يا شيخ حاظ ما عندك معارف او حتي سودانيين ساااي ماتو برصاص وسكاكين البراء وجيشون واحد والمشتركة في العاصمة المثلثة؟ طبعن الكيمياوي الفي مليط الذي احال مياة الابار الجوفية الي لون ارجواني وكتل اللابل والبشر والعيال وسمم العجزة دا كان بخور تيمان🤣؟ بخصوص الكيمياوي وكدا هذه مجرد كمشة من طرف الكيس.. 👇👇👇👇👇👇👇👇👇👇👇👇👇👇👇👇👇👇👇👇
120 دليل لاستخدام الكيماوي في الحرب.
الفديو اعلاه للدكتور عزام عبدلله طبعن هناك بعض الناس صنفوا بقبضوا دراهم😊 المهم عزام قدم تعريف علمي عن الكيمياوي لكل من القي السمع وهو شهيد. اما اطنان الفيران الماتت في نهر عطبرة واثارت الرعب فاغلب الظن تكون الفيران دي قامت بتفعيل نظرية الانتحار الجماعي..
ولدينا مزيد...
02-05-2026, 02:02 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 11333
يا استاذة هدى ودكتور حافظ انتو جاهلين ولا شنو؟ السودان قضيتو انو جيش. الفلول والاخواني استخدم السلاح الكيماوي ضد مواطنيه اسواء من استخدام صدام حسين للسلاح الكيماوي في القرية الكردية الواقعة في شمال العراق (حلبجة) والاهواز وضد الايرانيين في شبه جزيرة (الفاو) فإذا اتفق العالم معنا في هذه القضية (المحورية ) سيعود السودان احسن مما كان وترفع جميع العقوبات التي فرضت عليه لاستخدامه للسلاح الكيماوي وهذه قضية مصيرية لن نحيد عنها يا حظك يا (الدعم الصريع ) لك انصار يحاربون معك دون حياء او واعز ضميري باسلحة نافذة قاتلة
02-05-2026, 02:33 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6733
مولانا سلاما حتى مطلع نصر الشعب ويتواصل~ #شكرا على الإضافات القيمة ……طارق يا طارق ، انت جيت هنا
#الجلبى كان شاطر فى علم الرياضيات ما خلى شى ، لكنها الشفقة التى لا ترحم وكمان عنده ظهر من جانب أسرته والعنده ظهر ما بينضرب على بطنه ، يعنى مثلا خالك عمك يكون كوز عادى تعارض الكيزان لكن ما بيقنعوا منك ولن يصيبوك بالأذى الجسيم وكمان يعزموك فطور رمضان الأخير #أو زى قصة عبد المنعم سليمان داك وظهره حميدتى ، قال حميدتى بيحفظ الجميل لأنه نفى عنهم أو بالأصح زور إن الجنجويد لم يشاركوا فى مجزرة فض الإعتصام #أيضا السعى وراء الكاش الذى يقلل النقاش مصيبة، حيث أن الجلبى أُتهم فى قضية إنهيار بنك أردنى #المهم قال يسابق الشعب العراقى قبل ما يسقطوا الحكم بقوة "الجماهير" وصمودها - جرى يتواصل مع المجتمع الإقليمى والدولى🤔 مثال ايران والأمريكان #كان بيقبض من الأمريكان ما يفوق ال ٣٥٠ ألف دولار سنويا ، للمعلومات التى يزوّدهم بها - عن بلاده الشاعر العراقى ،بدر شاكر السياب قال عن أمثال ذاك الجلبى إنى لأعجب كيف يمكن أن يخون الخائنون أيخون إنسانا بلاده؟ إن خان معنى أن يكون فكيف يمكن أن يكون؟ المهم الجلبى لما فشلت كل مساعيه ،سعى سعيا حثيثا ومدفوعا عشان يثبت انه بلاده مليانة سلاح كيماوى وبيولوجي #المهم ساعات مطولة وأيام الأمريكان المسئولين وقتها ، ينشروا ويقنعوا فى مجلس شيوخهم والمجلس الآخر ، حتى أدوهم الضؤ الأخضر لضرب العراق لأنها بتستعمل الكيماوى😈 #لجان تطلع ولجان تنزل طلع ما فى أى سلاح كيماوى ، لم يجدوا شئيا #قدم وزير دفاعهم أو نائبه بعدها بسنين اعتذارا مطولا، ولكن بعد إيه ، بعد تدمير البلاد وتشريد أهلها
#أواصل فى قصة المجموعة التى معمول لها عملا (الحقوق محفوظة لمولانا) وسعيهم الحثيث بعد أن فشلت كل عمائلهم الأخرى وحتى بُغ بُغ بُغ ما خلت خالد سلك يخجل على نفسه ويقيف شوية
02-05-2026, 02:45 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8479
Quote: يعني يا شيخ حاظ ما عندك معارف او حتي سودانيين ساااي ماتو برصاص وسكاكين البراء
كلامي واضح ومحدد. "ممكن احسب ليك اكتر من عشرين زول من معارفي مات برصاص الدعم السريع او في معتقلات الدعم السريع، لكن ما سمعت بفرد زول مات او غنماية زول ماتت بالكيماوي." "كيماوي الجيش دا موجود في مواقع الانترنت بس لكن جوة السودان مافي مواطن جاب سيرتو." وكلمة مواطن في الجملة الأخيرة دي مقصود بيها مواطن مدني، وللأمانة الجملة فيها عدم دقة، والمقصود أنني لم اسمع مواطن يتحدث عن خطر يواجهه هو شخصياً بسبب السلاح الكيميائي. بينما هنالك الملايين الذين ثحدثوا بشكل مباشر وغير مباشر عن تهديد سلاح الدعم السريع لحياتهم.
02-05-2026, 02:59 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8479
سلام يا هدى طبعاً الجلبي ذاتو امريكا قلبت عليهو في النهاية بسبب المعلومات المضللة القدمها ليهم عن الاسلحة العراقية وبسبب افشاء معلومات امريكية سرية للايرانين.
الجلبي زي ما قلتي كان شاطر فى علم الرياضيات وبرضو شاطر في إنو عارف يخاطب منو ويقنعو بموضوع الاسلحة العراقية. ناسنا ناس صمود ديل مطالبتهم لمنظمة حظر الأسلحة الكيميائية بتثبت جهلهم وعجم معرفتهم بتوجيه خطابهم.
02-05-2026, 05:09 PM
محمود الدقم محمود الدقم
تاريخ التسجيل: 03-19-2004
مجموع المشاركات: 14520
أبداً يا الدقم، ما عندي زول من معارفي سمعت بيهو مات برصاص وسكاكين البراء. وطبعاً مستحيل اقول ليك إنو ما في سودانيين ماتو برصاص وسكاكين البراء، لأنو أنا ما ممكن اكون ملم باسباب موت كل السودانيين فرداً فرداً.
عشان نرجع النقاش للموضوع: أنا هنا ما موضوعي ما إذا كان في ناس ماتو برصاص البراء او لا ولا موضوعي ما إذا كان الجيش استخدم سلاح كيميائي او لا. موضوعي: هل صمود التي تدعي تمثيلها للشعب، هل بحديثها عن سلاح الجيش الكيميائي وتغاضيها عن بندقية لدعم السريع في جولتها الاوربية، هل صمود مثلت الشعب السوداني بأمانة وهل حملت حقيقةُ هموم ومخاوف المواطن السوداني؟
02-05-2026, 05:46 PM
محمود الدقم محمود الدقم
تاريخ التسجيل: 03-19-2004
مجموع المشاركات: 14520
Quote: وطبعاً مستحيل اقول ليك إنو ما في سودانيين ماتو برصاص وسكاكين البراء،
هذا الجواب الذي اريده منك وتشكرات😊 بقية الاسئلة افضل من يجيب عليها هم انصار صمود بالمنبر بالرغم من انك انت ذاك تجاهلت في مقدمة البوست جرائم البراء والجيش وبقية الملايش ضد الشعب وركزت علي الدعامة، لا اتحدث عن اقربائك، بل عن الشعب!!!
02-05-2026, 05:47 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 11333
هذا هو السؤال يا دكتور الذي يقف عنده انسان السودان ا
Quote: هل صمود التي تدعي تمثيلها للشعب، هل بحديثها عن سلاح الجيش الكيميائي وتغاضيها عن بندقية لدعم السريع في جولتها الاوربية، هل صمود مثلت الشعب السوداني بأمانة وهل حملت حقيقةُ هموم ومخاوف المواطن السوداني؟
02-06-2026, 02:24 AM
طارق عبد الله طارق عبد الله
تاريخ التسجيل: 06-30-2016
مجموع المشاركات: 668
Quote: موضوعي:هل صمود التي تدعي تمثيلها للشعب،هل بحديثها عن سلاح الجيش الكيميائي وتغاضيها عن بندقية لدعم السريع في جولتها الاوربية،هل صمود مثلت الشعب السوداني بأمانة وهل حملت حقيقةُ هموم ومخاوف المواطن السوداني؟
سلام يا حافظ ١- صمود لم تدع يوما تمثيلا للشعب، ولو عندك شي ماعارفينو من مصدر موثوق ياريت تكسب فينا أجر وتورينا ٢- ادانات صمود لانتهاكات الطرفين مليشيا الدعم السريع والجيش ومليشياته المساعدة متاحة على قنواتها الرسمية وعلى الميديا عموما، كلام تغاضت ده تجني ولا عايز ادانات مفصلة على مقاس البلابسة من نظام كيكل مجرم وقت انضمامه للمليشيا وبطل قومي لما فك التسجيلات؟ الانتهاكات مدانة مهما كان مصدرها وصمود ادانت انتهاكات الطرفين بنفس القدر ٣- ما اظن في هم اكبر للمواطن السوداني من ايقاف الحرب وصمود الفصيل السوداني الوحيد الساعي في هذا الاتجاه، الباقي اما مع الحرب او عامل أطرش ولا عايز تسمع كلام فارغ زي البرهان يقول لينا تحرير دارفور ودحر المليشيا بالنهار وفي الليل يتفاوض مع نفس المليشيا تحت سوط مسعد بولس؟ صمود اقيم من كده بالمناسبة رغم اوجه القصور فيها ولا كان بالنسبة ليهم ساهل جدا يضعوا يدهم في يد البرهان او حتى الدعم السريع لكن اختاروا الدرب الصعب ودي حاجة تدعو للاحترام بصرف النظر عن اي عوامل اخرى.
Quote: استاذة هدى ودكتور حافظ انتو جاهلين ولا شنو؟ السودان قضيتو انو جيش. الفلول والاخواني استخدم السلاح الكيماوي ضد مواطنيه اسواء من استخدام صدام حسين للسلاح الكيماوي في القرية الكردية الواقعة في شمال العراق (حلبجة) والاهواز وضد الايرانيين في شبه جزيرة (الفاو) فإذا اتفق العالم معنا في هذه القضية (المحورية ) سيعود السودان احسن مما كان وترفع جميع العقوبات التي فرضت عليه لاستخدامه للسلاح الكيماوي وهذه قضية مصيرية لن نحيد عنها يا حظك يا (الدعم الصريع ) لك انصار يحاربون معك دون حياء او واعز ضميري باسلحة نافذة قاتلة
سلام واحترام أخى أستاذنا على~ كلامك صحيح …لو شاهدت الفيديو الفيه خالد سلك ، لما سألوه عن حميدتى كمية بُغ بُغ بُغ بُغ لما وشه يرجف، دا يورى أنهم مسيرين من جهات بعينها لأجل مقاصد لازم يحققوها وإلا ، الله أعلم يكون عليهم شنو
02-07-2026, 03:40 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6733
Quote: طبعاً الجلبي ذاتو امريكا قلبت عليهو في النهاية بسبب المعلومات المضللة القدمها ليهم عن الاسلحة العراقية وبسبب افشاء معلومات امريكية سرية للايرانين.
الجلبي زي ما قلتي كان شاطر فى علم الرياضيات وبرضو شاطر في إنو عارف يخاطب منو ويقنعو بموضوع الاسلحة العراقية. ناسنا ناس صمود ديل مطالبتهم لمنظمة حظر الأسلحة الكيميائية بتثبت جهلهم وعجم معرفتهم بتوجيه خطابهم.
سلامات مولانا ~ أيوة حافظ، الجلبى نهاية جاسوس متكاملة ، فى التاريخ القديم والحديث الجاسوس والعميل لما يقنعوا منه يفطسوا …مثال الإسمها نجوى قدح الدم (يا له من إسم مخيف) ،، أو يتأكدوا انه خلاص راح فيها …والإسمه أبو شباب ،نفس الطريق والنهاية …مجموعة قحت أو كانت مسمياتها دى بحسب كلامك عملوا ليهم عمل ، لأنهم مجرد مُخبرين ليس إلا ومراسيل ينفذوا المطلوب منهم من غير ذرة من الحياء #يكون ما.قبلوا على الأمريكان لأنه أمريكا قفلت دروب المنظمات ، عشان كدا بقت المصادر مختلفة 🤫 …………… ### خالد سلك - واحدة من قرى الجزيرة هجم عليها الجنجويد وتسمم أهلها والموضوع معروف وإنتشر ، ناس قحت ..صمود ، صمت مخجل
02-07-2026, 04:06 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6733
Quote: [١- صمود لم تدع يوما تمثيلا للشعب، ولو عندك شي ماعارفينو من مصدر موثوق ياريت تكسب فينا أجر وتورينا
كلامك صاح لا تمثل غير نفسها ومن تمثله🤑🤑 🤑 وما عندهم علاقة بواقع السودانين ما …تكون ما نسيت كلام ناس سلك لما دخلوا الحكومة وتخلوا عن الإتفاق بعدم المشاركة ، قالوا لأنه دى فرصتهم ، الإنتخابات ما حتجيبهم
من الجانب التانى ، You are barking up the wrong tree …البتحاور فيهم ديل ولا كيزان وشايفين كيكل مجرد traitor وما يأتى معها من عمائل مجافية للأخلاق والإنسانية ، لو كان مع الجنجاكيزان أو مع الكيزان ، لو فى مكانك تمشى على وسائل التواصل وتكلمهم ، ما تضيع مجهودك فى مولانا ولا فى غيره …من حقك تدافع عن مجموعة بعينها وبالمقابل من حق الناس تنتقدها ، لأنهم مجموعة لافة ويدعون وينشرون معلومات عن السودان مجافية للحق والحقيقة …والعجيب ، خالد سلك عنده مشكلة وبما انى لا أعرف علم النفس ما حأقول السبب ليه خالد سلك يُكثر وكمان أحيانا يفتتح حديثه مرددا "فى الحقيقة ، فى الحقيقة ، فى الحقيقة" وينطق بعدها كلاما لا يمت للحق بشئ، ومنو الأداه معرفة الحقيقة وكمان المطلقة!
02-07-2026, 09:00 AM
طارق عبد الله طارق عبد الله
تاريخ التسجيل: 06-30-2016
مجموع المشاركات: 668
Quote: ما …تكون ما نسيت كلام ناس سلك لما دخلوا الحكومة وتخلوا عن الإتفاق بعدم المشاركة ، قالوا لأنه دى فرصتهم ، الإنتخابات ما حتجيبهم
مرحب هدى،،،قرار مشاركة ممثلي الحرية والتغيير في الحكومة الانتقالية تم بالتشاور بين مكوناتها المختلفة وكان بهدف حماية الثورة بعد ظهور مؤشرات سوء نية العسكر وكذلك الاستفادة من التمثيل في المنظومة (ولو كان محدودا ومحاصرا بمؤامرات العسكر والفول) لتحقيق جزء من أهداف الثورة ولولا مشاركتهم ما كان اشتغلت لجنة ازالة التمكين ولا تحقق الاصلاح الاقتصادي واسقاط ديون السودان واعادته عضوا فاعلا في الاسرة الدولية بعد عقود من وصمة الارهاب التي ورثها من حكم الكيزان، لو انت مؤمنة بالثورة ما اظن الكلام ده فايت عليك وليست المشاركة طمعا في السلطة كما صورتيها واصلا لو كانت المناصب هدفهم لا كان في انقلاب البرهان اساسا وكانوا مستمرين ليوم الليلة.
Quote: البتحاور فيهم ديل ولا كيزان وشايفين كيكل مجرد traitor وما يأتى معها من عمائل مجافية للأخلاق والإنسانية ، لو كان مع الجنجاكيزان أو مع الكيزان ،لو فى مكانك تمشى على وسائل التواصل وتكلمهم ، ما تضيع مجهودك فى مولانا ولا فى غيره…من حقك تدافع عن مجموعة بعينها وبالمقابل من حق الناس تنتقدها ، لأنهم مجموعة لافة ويدعون وينشرون معلومات عن السودان مجافية للحق والحقيقة…والعجيب ، خالد سلك عنده مشكلة وبما انى لا أعرف علم النفس ما حأقول السبب
ردك بشبه كلام الكيزان بامتياز 😂 الكوز ماعندو مشكلة مع مبدأ الانتهاكات نفسه بس تكون تخدم خططه، يعني كانوا زعلانين من كيكل عشان اخد جانب المليشيا مش عشان متورط في انتهاكات ولما تاب على قولتهم اشتغلت مكنة عفا الله عن ماسلف ومافي زول سأله ليوم الليلة، ولا ليه ما اتحاسب؟ وبرهان زاتو الوهط الجنجويد وقائد الجيش الشرد امام المليشيا وترك المواطنين لقمة سائغة لها الحاسبو منو؟. المشتركة زمان متمردين واجانب وهسي سودانيين والصورة بالعكس مع الدعم السريع زمان حارسنا وهسي مرتزقة وكلو من تحت راس نفس الزول! انني طبعا عارفة لو حميدتي تاب الليلة البلابسة حيعملوه نبي الله الخضر وكل الكلام الفات ده حيروح شمار في مرقة فبلاش تعملوا لينا قلبكم على الشعب وانتو قضيتكم السلطة بس يابلابسة. النقطة التانية هستيريا الكيزان على حمدوك وسلك سببها بسيط وهو الوعي والمبدأ الذي لايعرفونه، يلا هم اتعودوا كل زول عندو سعر والسلطة دي سمحة وبتجيب راس اجعص جعيص ويلقوا ناس لاسرقوا ولا قتلوا ولم يستجيبوا للاغراءات والترهيب وحملوا على عاتقهم السعي لاطفاء حرب اشعلها من انقلبوا عليهم رحمة بالوطن وشعبه وترفعوا عن القضايا الشخصية وخاطبوا الطرفين مباشرة وحذروا من مخاطر التدويل وكلو بدون فائدة وامكانيات ضعيفة الا ان رسالة لا للحرب على الأقل خلقت وعيا شعبيا بعبثية الحرب ودي حاجة ماساهلة، باختصار الكيزان مابفهموا المواقف دي ولا بعرفوا يتعاملوا كيف مع اصحابها وده المجننهم وخلى راسهم يضرب متعودين ناس عينات اردول ومناوي حدهم قروش وسفريات وخلاص!!
كدا عوقتهم يا طارق. عوقتهم لأنك كدا نزعت منهم أي شبهة لشرعية مخاطبهم لمؤسسات اجنبية. الشرعية الوحيدة لمخاطبة مؤسسات اجنبية بتجي بتفويض ليهم من الشعب السوداني بالحديث عن مشاكله وعن معاناته. إذا إنعدم التفويض دا يبقى أي تنسيق بينهم وبين دولة او مؤسسة اجنبية ببقى مجرد خيانة لا يمكن تبريرها.
Quote: ادانات صمود لانتهاكات الطرفين مليشيا الدعم السريع والجيش ومليشياته المساعدة متاحة على قنواتها الرسمية وعلى الميديا عموما، كلام تغاضت ده تجني
أنا قلت خلال جولتهم الاوروبية. ما جبت سيرة قنواتهم الرسمية ولا جبت سيرة الميديا. الجولة الاوروبية بتعاتهم دي ركزت على حاجتين: 1. محاولة اقناع الاوروبين بأن الجيش يسيطر عليه الاسلاميون، وأن الحركة الاسلامية حركة ارهابية. او بمعنى تاني أن الجيش السوداني تنظيم ارهابي. 2. محاولة الترويج وتضخيم أن الجيش استخدم سلاح كيميائي في الحرب وبالتالي مطالبة المجتمع الدولي للتدخل وفرض عقوبات على الجيش السوداني.
02-07-2026, 01:10 PM
طارق عبد الله طارق عبد الله
تاريخ التسجيل: 06-30-2016
مجموع المشاركات: 668
Quote: عوقتهم لأنك كدا نزعت منهم أي شبهة لشرعية مخاطبهم لمؤسسات اجنبية
منظمة حظر الأسلحة الكيماوية هي منظمة دولية وليست دولةيا حافظ ولا يوجد قانونا مايمنع مخاطبة اي فرد او مجموعة لها وصمود لم تتحدث باسم الشعب السوداني رغم ان المجتمع الدولي يعترف بها باعتبارها الممثل الشرعي للثورة السودانية ولا انت قايل انقلاب البرهان حيمشي اونطة ساي والناس تتناسى حقيقته؟ لو هو فرض واقع معين بالقوة في السودان مامعناها حيعترفو بيهو برة.
Quote: الجولة الاوروبية بتعاتهم دي ركزت على حاجتين: 1. محاولة اقناع الاوروبين بأن الجيش يسيطر عليه الاسلاميون، وأن الحركة الاسلامية حركة ارهابية. او بمعنى تاني أن الجيش السوداني تنظيم ارهابي. 2. محاولة الترويج وتضخيم أن الجيش استخدم سلاح كيميائي في الحرب وبالتالي مطالبة المجتمع الدولي للتدخل وفرض عقوبات على الجيش السوداني.
الاوروبيين كاشفين الملعب يا صاحبي وما محتاجين صمود تقنعهم وبخصوص السلاح الكيميائي أرجع فيديوهات الدقم فوق وده حالتو من طرف الكيس زي ماقال ليك ونفس الكلام ينطبق على نفوذ الكيزان على الجيش وانها حركة ارهابية ده كلام راعي الغنم في الخلا عارفو خليك من دول لديها أجهزة استخبارات مهنية ومحترفة ومراكز تحليل معلومات متطوره وغيرها. صمود قامت بالزيارة لتسليط الضوء على معاناة شعبنا والاثر المدمر لمثل هذه النوعية من الأسلحة والذي يحتاج عونا لا يملكه السودان
02-07-2026, 01:49 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 35631
Quote: الاوروبيين كاشفين الملعب يا صاحبي وما محتاجين صمود تقنعهم وبخصوص السلاح الكيميائي أرجع فيديوهات الدقم فوق وده حالتو من طرف الكيس زي ماقال ليك ونفس الكلام ينطبق على نفوذ الكيزان على الجيش وانها حركة ارهابية
Quote: صمود قامت بالزيارة لتسليط الضوء على معاناة شعبنا والاثر المدمر لمثل هذه النوعية من الأسلحة والذي يحتاج عونا لا يملكه السودان
يعني يعني الاوربيين كاشفين الملعب وعارفين الجيش استخدم سلاح كيميائي لكن جاهلين بالأثر المدمر للسلاح الكيميائي؟ وهل لدى صمود تفويض من شعبكم لطلب العون من الدول الاوروبية لرفع معاناة شعبكم؟
Quote: منظمة حظر الأسلحة الكيماوية هي منظمة دولية وليست دولةيا حافظ ولا يوجد قانونا مايمنع مخاطبة اي فرد او مجموعة لها
منو القال دولة يا طارق؟ أنا قلت مؤسسات اجنبية ومؤسسات دي بتشمل الدول والمنظمات وغيرها. ومنظمة حظر الاسلحة الكيميائية منظمة دولية تخاطبها الدول ولا تخاطبها المجموعات او الأفراد. أما الدول الاوروبية وغيرها من الدول فالقانون الجنائي السوداني قد حدد ما يشكل جريمة وما لا يشكل عند التعامل مع دولة اجنبية. وحكاية إنك يا طارق تتخيل إنو أي زول من حقو يتصل بأي دولة اجنبية ويونسها عن السودان دون ضوابط للونسة دا جهل منك بالقانون.
02-07-2026, 03:11 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8479
Quote: الموت ياهو الموت كان بى كيماوى كان بى اسلحة الدعم السريع ناس كذابه وبى وشين تانى ما بتقوم ليهم قايمة ….
أميرة العزيزة السلام والتحايا والمودة طبعا~ أيوة المجموعة دى والمدافعين عنهم زى الزول البيورغ فوق دا ، منافقين ولا يعرفوا الحق ومنحازين ومسيرين #لا خير فيهم، زولهم الفوق دا قال عنهم كلام صاح - لا يمثلوا الشعب السودانى #حقيقة لا يمثلوا الشعب السودانى وكل هدفهم الما عنده جواز أجنبى فيهم يستفيد من الحرب ويتحصل على جواز أجنبى #لما كل حيل تلك الدول ما قدرت تبيد الشعب السودانى وتحتل أرضه وتسرق موارده ، رسلوهم بقصة الكيماوى دى… ………… أميرة، شفتى فيديو خالد سلك لما المحاورة سألته عن جبريل إبراهيم ، إتكلم بطلاقة وما خلى لجبريل فرضا ناقص #لما سألته عن حميدتى وشه قلب وبقى يطلع فى أصوات بُغ بُغ بُغ وجضومه يرجفوا …مقطع متعة شديد ، كل ما أكون عايزة أضحك أشغله وأعيده مرات …معقولة زى ديل عندهم وش يقابلوا الشعب السودانى تانى
02-07-2026, 05:31 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6733
Quote: مرحب هدى،،،قرار مشاركة ممثلي الحرية والتغيير في الحكومة الانتقالية تم بالتشاور بين مكوناتها المختلفة وكان بهدف حماية الثورة بعد ظهور مؤشرات سوء نية العسكر وكذلك الاستفادة من التمثيل في المنظومة (ولو كان محدودا ومحاصرا بمؤامرات العسكر والفول) لتحقيق جزء من أهداف الثورة ولولا مشاركتهم ما كان اشتغلت لجنة ازالة التمكين ولا تحقق الاصلاح الاقتصادي واسقاط ديون السودان واعادته عضوا فاعلا في الاسرة الدولية بعد عقود من وصمة الارهاب التي ورثها من حكم الكيزان، لو انت مؤمنة بالثورة ما اظن الكلام ده فايت عليك وليست المشاركة طمعا في السلطة كما صورتيها واصلا لو كانت المناصب هدفهم لا كان في انقلاب البرهان اساسا وكانوا مستمرين ليوم الليلة.
طارق كل الممكن أقوله عنك ، برئ براءة منقطعة النظير ، والخيط دا عن سلوك قحت العجيب فى سعيهم الخبيث والمدفوع لتلفيق قصة الكيماوى دى زيهم زى الجلبى العراقى …والغريبة نفس سلوك الجلبى ، ما عارفة الناس دى جيناتها واحدة كيف! …الجلبى حلف وقسم قال قصده من عمائله ما كرسى سلطة ، عارف عمل شنو طوالى نط وإستوزر بمجرد ما لقى "فوضى" ودا بالضبط العملته مجموعة قحت …ومن براءتك المتزايدة ، إقتصاد إيه الصلحوه ، ناس حمدوك ، تقصد الواصلوا فى خرابه …قصة رفع السودان دى : حمدوك، هبة وحميدتى شالوا أى مليم من إيد الغلابة عشان يدفعوه لبلاد مقابل عمل لم يرتكبه الشعب السودانى، جاء وزير الخزانة الأمريكانى وجروا ناس حمدوك ، هبة ونصر الدين عبد البارى ، ومضوا المطلوب وتصوروا ومضوا على إتفاقية أبراهام - تكون شفت الصور يومها …لجنة التفكيك ، القروش وينها ، المفروض لحظيا أى قرش شالوه يرجع للشعب السودانى ، ما تجئ تقول لى الكيزان خوفوهم وقلعوها منهم ! ……………… ###اما حول عودة مجموعة قحت زى ما الإنقلابين ساقوا حمدوك وزير بعد إنقلاب حميدتى+البرهان #معقولة تكون نسيت مقولة خالد سلك قال لو ندهونى طوالى برجع إشتغل ، لكن …حمدوك ما ناداه ، حمدوك كان عايز ياسر عرمان بس …………………………+ أخيرا يا طارق كلامك الأخير من مداخلتك الفوق ، ما مستوى محاور أرد عليه، بمجرد ما اللغة تنحدر وتدخل فيها كلمات لا تليق بمستوى الحوار ، فلك دينك ولى دينى، …دق الطار تبعك كما تريد
02-07-2026, 05:31 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 35631
مولانا ~ شاهدت تخريج دفعة طبيبات وأطباء يستلموا فى شهادات التخصص ، وجها لوجه فى السودان ، ما مرقوا من البلد …فرحانين ، إمتحنوا ونجحوا ويمارسوا مهنتهم فى نص الكيماوى المالى البلد دا😀 #وكان مغالطنى فى الكيماوى أسال أشباه الجلبى، هم يسعون فى بلاد الخواجات🤑
02-07-2026, 06:42 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6733
خالد سلك عدم الجواز الاجنبى كان تاعبو شديد والفلس وعربيتو المكسرة ال duster خاصة بعد ما ضاق البرادو حقت مجلس الوزراء بى أنوارا البنفسجية والسلطة والقروش خليهم ياخدوا الجوازات ويقعدوا قبلهم زى ما قال الكاهن مافى ليهم محل ليهم فى السودان
02-15-2026, 09:11 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6733
سلامى وإحترامى أخى أستاذنا على~ لك التقدير على الإضافات القيمة … لما حمدوك وقحت عاملين فيها وزراء ، والوضع الإقتصادى متأزم ، طلعت واحدة من المظاهرات ومشوا لحمدوك أو حاولوا يصلوا القصر عشان حمدوك يشرح أو يفسر التدهور الحاصل ، طلع ليهم واحد من الحراس تبعه او أيا كانت وظيفته إسمه حاتم قطان قاليهم حمدوك ما فاضى، وبعد شوية العسكر رش الحشود المسالمة بمبان وحمدوك وجماعته الجاببتهم الجماهير دى ، قاعدين يتفرجوا ، دا طبعا غير الرصاص الحى فى مظاهرات قبلها …ليه ناس سلك وغيره ماا قالوا دا سلاح كيماوى وقتها !
02-15-2026, 09:23 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6733
Quote: خالد سلك عدم الجواز الاجنبى كان تاعبو شديد والفلس وعربيتو المكسرة ال duster خاصة بعد ما ضاق البرادو حقت مجلس الوزراء بى أنوارا البنفسجية والسلطة والقروش خليهم ياخدوا الجوازات ويقعدوا قبلهم زى ما قال الكاهن مافى ليهم محل ليهم فى السودان
تحياتى ومودتى العزيزه أميرة، بالضبط كدا يا أميرة، وبما انه الخواجات عملوا اللجؤ صعب، هم لازم يتبطحوا زيادة ويخدموا مصالح اى جهة تسهل ليهم الجوازات الأجنبية حتى لو خراب السودان المجموعة دى وأمثالها تقول حميدتى عليه السلام كان عارفهم يوم كتب:
Quote: آهٍ من رفع المصاحف بالرماح الاجنبية المعاطف اجنبية العواطف اجنبية الجلاليب اجنبية الدولايب اجنبية الدهاليز اجنبية المساير اجنبية والخوازيق عربية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هدى ميرغنى
Hafiz Bashir
طارق عبد الله
محمود الدقم
Ali Alkanzi
Amira Hussien
Biraima M Adam
فيس بوك
تويتر
انستقرام
يوتيوب
بنتيريست