(adsbygoogle = window.adsbygoogle || []).push({});السلام عليكم ورحمة الله وبركاته انا انسانه قمته في بيت تجاري واسره شغاله في مجال التجارة ببن السودان ويوغندا في مجال البن والشاي وبين جنوب السودان و وسط السودان في المحاصيل الزراعيه دا كان عندو تأثير كبير جدا في توجهي ما كان في مساحه اغطي بيها شغفي وحبي في التجارة وانا داخل السودان مع تربية الاولاد وانشغال ابوهم الدائم ربنا أراد نطلع من السودان لتعليم الاولاد وهنا بدت رحله مختلفه مرهقه متعبه تعرف على سوق جديد دوله متعنصره في مجال اللغة عقبات كثيره كونا فريق علشان نكتشف الأسواق وكان أكبر داعم كنا بنطلع من بعد الضهر بنرجع 10 م شايلين اوذان وبنمشي مسافات طويله على رجلينا بدينا كل واحده في مجال منفصل اتوفقنا وكل واحده اسست شغله وبديت على السودان واجهتنا مشاكل كثيره قدرنا نتخطاها ونلقى ليها حول توفيق من ربنا لحدي ما جات الحرب وانتهى معاها راس المالابدا ما وقفته بديت من مصر ب تركيا ومن مصر ل فرنسا و الجزائر وكندا وأمريكا والسعوديه بدعم من شريك مصري برأس المال والمجهودبعديها اسسته اول بيت سوداني مع شركاء (البيت السوداني) في تركيا ودا كان سبب معرفة الناس و اداني دعم معنوي كبيروبديت خطوات مختلفه تفكير خارج الصندوق علشان اقدر أوسع تجارتي وكنت اول سودانية تفتح متجر في ترنديول تركيا وكنت مرجع لكتير من الرائدات ودخلته مجال التصنيع من أضيق باب واتخصصته في الاحذيه النسائية المقاسات الكبيره من 39....45ولقت قبول ممتاز الحمدلله رب العالمين وصنعته اول قميص رجالي ب البراند الخاص جوده عاليه عاليه ومنها بديت اصنع بالطلب وممكن أضيف اللوقو الخاص لأي تاجر أو شركةوسجلته شركه خاصه في تركيا علشان شغلي يكون بصورة رسميه وبشتغل ون لاين علشان اوفق بين البيت والاولاد والشغلوحاليا اضفته خدمه استقبال التجار و تقديم الساعده في مجال التصنيع داخل تركيا من حجز الفندق والتنظيم وترتيب الأسواق(مجال القماش والتصنيع)بقدم استشارات في مجالي (حجز مقدم)وحاليا بديت مشروع الرجعة للسودان بدعم التجار بتصفيات المحلات الكبيره بأسعار تتماشى مع السوق السوداني مع الجوده في المنتجات المعروضةوهذا الفضل من الله
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ابتهال العبيد
فيس بوك
تويتر
انستقرام
يوتيوب
بنتيريست