بشريات العام الجديد ، متزامنه مع الانتصارات الكبيرة في كردفان .
* افتتاح معمل استاك * افتتاح مستشفى الذرة * افتتاح مستشفى احمد قاسم بكل اقسامه * افتتاح مستشفى الصافية * افتتاح مستشفى ابن سينا * افتتاح مستشفى شرق النيل * افتتاح سوق بحري ودخول الكهرباء ليه * دخول الكهرباء لمناطق في الخرطوم وبحري وشرق النيل * افتتاح مجمعات الجمهور في شرق النيل والكلاكلة * عودة الهيئة القضائية و ٦ وزارات اتحادية * تشغيل عدد من الجامعات وبداية الدراسة فيها * تشغيل كل محطات المياه المركزية * تأهيل كباري وشوارع وانارتها * بداية تأهيل مستشفى الاسنان التعليمي الخرطوم * استعادة نظام الامدادات الطبية بالكامل.
دي امثلة بس لمجهود بقوموا به السودانيين عشان عارفين ما عندنا خيار غير انو البلد دي تفضل حقتنا ونقدر نعيش فيها بسلام ، البنعمل فيه ممكن يكون بدائي شديد لغيرنا لكن نحن العشنا الحرب والعارفين كنا وين وبقينا وين ولسة طموحين المجهود دة يعم كل السودان . وسنعمر بلدنا بايدينا . المجهودات دي بقوم بيها الشعب كامل مواطنين على مغتربين بلجان شعبية ومبادرات ووزارات ومحليات وغيرو والعقبات كبيرة والاختلالات في ، وكتيرة اكيد بس المهم الناس شغالة وما استسلمت لمشروع التركيع ولا حنبقى لقمة سائغة لوكلاء الاستعمار الجديد ، ولن نسمح للمغامرين على التاريخ ، ان يلعبوا بحياتنا ويستهتروا بها .
نحن الساس ، ونحن الراس . ونحن الدنيا بنيناها بيوت في بيوت . واسال جدي ترهاقا....
يد تحمل البندقية . ويد تبني وتعمر . وبكره احلي .
#غداً_نعود_حتماً_سنعود
نصر من الله وفتح قريب .
01-02-2026, 08:25 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 30211
صدقنى أنا ما شايف أى فائدة من وجود الخرطوم لنا كشعب ينشد الوحدة والسلام .. الخرطوم منبع الشر لنا كشعوب سودانية تنشد الحرية والسلام والمحبة.
لذلك أنا أقترحت العواصم الذكية البديلة، مثل دنقلا "عبق التأريخ"، ودامر المجاذيب، وبورتسودان ثغر السودان الباسم، وكسلا "توتيل والتاكا" والدمازين "عاصمة الدعة وجمال الطبيعة" ومدنى السنى، والأبيض "أب قبة فحل الديوم"، وكادقلى "الشموخ والتلال"، ونيالا البحير والفاشر أبو زكريا. وكل هذه المدن خططت لها لبناء معمارى يناسب البيئة المحلية لها وأثرها التأريخى والأنسانى. ثم ربط هذه المدن عن طريق الطرق الذكية التى تسهل حركة السكان والبضائع وتبادل المنافع.
فى المقابل الخرطوم مدينة إستعمارية، أسسها المستعمر لتحتكر السياسة ورأس المال وتكون مركز لقهر الشعوب السودانية وتجميع ثرواتها مما يسهل على المستعمر الأستمرار فى التعامل مع مركز موحد ليمتص ثرواتنا عن طريق عملاء محليين.
موقف ثابت لا يتزحزح .. أنا مع كل فجغ وجغم وتشليع للخرطوم طوبة طوبة .. ليس بسبب الحقد لكن من وجهة نظر علمية وعملية بحته. وسوف أحاجج عن موقفى كل سودانى حادب على مصلحة الشعوب السودانية.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hasheem Karouri
حيدر حسن ميرغني
Biraima M Adam
فيس بوك
تويتر
انستقرام
يوتيوب
بنتيريست