|
|
|
 Re: جوازات القحاتة ولائحة 2021 (Re: Hafiz Bashir)
|
ما فهمته من الوثيقة المرفقة ببوست شريف محمد عثمان أن حرمان بعض القحاتة من إستخراج الوثائق الثبوتية قد تم بناء للائحة القوائم والسيطرة الهجرية التي صدرت في سنة 2021 أثناء فترة حكومة حمدوك.
وبحسب ما فهمته أن لائحة 2021 كانت قد منعت استخراج الجواز من الذين تشملهم قوائم الحظر الأمني.
وبالتالي فإن لائحة 2021 هي التي انتقصت حقوق المواطنين في استخراج اوراقهم الثبوتية.
.
| |
 
|
|
|
|
|
|
|
 Re: جوازات القحاتة ولائحة 2021 (Re: Hafiz Bashir)
|
يا سلام يا حافظ، "المحقق كونان" وصل! حافظ ساب الحرب، وساب المجاعات، وساب السراويل العرّت الجيش، ومسك في "ورقة" داير يثبت بيها إنو (قحت) هي القلعت جوازات الناس قبل ما الكيزان يقلعوا البلد كلها.
إليك الرد السوداني الساخر والمفحم اللي بيكشف "اللف والدوران" بتاع حافظ:
يا حافظ.. قميص "حمدوك" ده أوسع من خيالك بكتير!
والله يا حافظ، مجهودك في "النبش" ورا اللوائح يستحق التقدير، لكن يا حبيبنا "اللفحي" ده بيكشف النوايا قبل ما يكشف الحقائق. داير تقنعنا إنو الحظر الأمني المطبق الليلة على السياسيين والنشطاء واللاجئين الضحايا، هو "هدية" من حكومة حمدوك؟
ركز معانا في "القانون" ده، بعيداً عن ليّ الأعناق
اللائحة ولاّ اليد الماسكة القلم؟ لائحة ٢٠٢١ دي كانت في بلد فيها "شبه دولة"، وقوانين هجرة طبيعية للسيطرة على المجرمين. لكن إنك تستخدمها الليلة عشان "تشرعن" حرمان مواطنين من حقهم الطبيعي في الجواز لمجرد إنهم ضد الحرب
ده اسمو "استهبال سياسي". اللائحة ما هي المنعت الجواز، "العقلية الأمنية الكيزانية" الماسكة الجوازات الليلة هي المنعت، وهي نفسها العقلية اللي انقلبت على حمدوك زاتوا بعد اللائحة دي بشهور!
حمدوك بريء براءة الذئب من دم ابن يعقوب: يا حافظ، إنت عارف والكل عارف، إنو الأجهزة الأمنية في ٢٠٢١ كانت هي "الدولة العميقة" الشغالة برأسها. جاي الليلة بكل بساطة تشيل "خيبات" اللجنة الأمنية وتعلقها في رقبة المدنيين؟
دي اسمها "رمتني بدائها وانسلّت".
المنطق "المشاتر": بمنطقك ده، لو الكيزان الليلة استعملوا "سواطير" كانت موجودة من زمن حمدوك عشان يقطعوا بيها رقاب الناس، حتقول لينا "والله السواطير دي اشتراها حمدوك في ٢٠٢١، يبقى هو المسؤول"؟
يا زول روق! العبرة باللي بيستخدم الأداة الليلة عشان يذل المواطن المهجّر والمشرد.
الخلاصة يا حافظ: إنت شغال "تلفيق" وراء "تلفيق" عشان تطلع القوى المدنية هي الغلطانة في أي حاجة، حتى في حظر الجوازات الـ بتطلع من مكاتب بورتسودان الأمنية!
بطل "دراما" اللوائح دي، وقول للناس الحقيقة- إنو "بلابصتكم" حولوا حق المواطنة لـ "جزرة" بيمسكوا بيها الناس من إيدهم الوجعاهم.
ما تحاول تغسل وش "السيستم" الأمني الوسخان بصابونة حمدوك.. الصابونة دي ما بتمشي في "الوسخ" التقيل ده
| |
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
سلام حافظ
ما تسميها بلائحة القحاتةمتي صدرت واقصد تحديدا في اي شهر من عام ٢٠٢١؟
ثانيا لوائح الحظر هناك ماهو اخطر منها صدر في حق الموقوفين والمسجونيين وهم الان. يسرحون ويمرحون لا تلاحقهم . العدالة ويسري ذلك علي المطلوبين للعدالة الدولية
قًوانين ولوائح البرهان. تقف وتحمي الكيزان. حتي من صدر في حقهم احكام او امر توقيف وإحضار
وبالمناسبة معظم الكيزان لم يحاسبو خارج دايرة القانون ولم يعذبو ولم يتعدي الثوار عليهم او علي أسرهم وممتلكاتهم وكانو يتمتعون باموالهم ويسيرون المظاهرات ويهاجمون. الثورة من خلال اعلامهم
| |
|
|
|
|
|
|
|
|
|
Re: جوازات القحاتة ولائحة 2021 (Re: كمال عباس)
|
| Quote: ما تسميها بلائحة القحاتةمتي صدرت واقصد تحديدا في اي شهر من عام ٢٠٢١؟ |
ما سميتها لائحة القحاتة،
إأسمها لائحة القوائم والسيطرة الهجرية لعام 2021.
لا يوجد مصدر لتحديد اليوم الذي اجيزت فيه اللائحة.
ولكن مشروع لائحة القوائم والسيطرة الهجرية تم اعداده في سبتمبر 2021 حينما كان عز الدين الشيخ علي منصور وزير للداخلية.
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
Quote:
إليك الرد السوداني الساخر والمفحم اللي بيكشف "اللف والدوران" بتاع حافظ
|
هههههههههه
مبالغة يا زهير عينك عينك
متعة والله
على فكرة اعمل حسابك الخوارزميات دي برضو عندها كوتة
محددة تقعد تتلحا كدا صبح وليل يوم ح تقول ليك انتهت الكوتة
بتاعتك وتاني ترجع لأصلك السمح خخخخ
أو تبقى عليك حكاية الغراب الحاول يقلد مشية الطاؤوس فلا عرف
كيف يقلدو ولا كمان استعاد مشيتو القديمة فبقى ينطط خخخخخ
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
سلام حافظ
أنا لا اتحدث عن مشروع اللائحة وانما عن اللائحة المجازة والمعمول بها
متي أجيزت ؟
هذا السوال مهم جدا لأنك تتحدث عن مشروع لايحة في سبتمبر ٣٠٢١وانقلاب برهان - حميدتي كان في اكتوبر٢٠٢١
تحديد مهم وتاريخ بالعمل باللائحة لايقل أهمية
| |
|
|
|
|
|
|
|
|
|
Re: جوازات القحاتة ولائحة 2021 (Re: كمال عباس)
|
Quote: أنا لا اتحدث عن مشروع اللائحة وانما عن اللائحة المجازة والمعمول بها
متي أجيزت ؟
هذا السوال مهم جدا لأنك تتحدث عن مشروع لايحة في سبتمبر ٣٠٢١وانقلاب برهان - حميدتي كان في اكتوبر٢٠٢١
تحديد مهم وتاريخ بالعمل باللائحة لايقل أهمية |
سؤالك عن متى أجيزت سؤال مشروع والتدقيق مطلوب.
حالياً بحثت في كل المصادر المتاحة ولم أجد تاريخ الإجازة.
وأتفق معك على اهمية تحديد تاريخ الاجازة.
سأواصل البحث واوافيك بالنتيجة.
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
انا ما عندي كوته محددة لاني مطور خورزميات يا شيخنا ودي شرحها يطول والمدي مفتوح ممكن اقعد اشتغل 24 ساعة وسبع ايام و366 يوم يا شيخ حافظ
وين بحثت في الغازته السودانية ما اضل ما تحكمون
| |
|
|
|
|
|
|
|
|
|
Re: جوازات القحاتة ولائحة 2021 (Re: زهير ابو الزهراء)
|
بعد البحث يا كمال لقيت أن اللائحة تم إعدادها في سبتمبر 2021
وتم التوقيع عليها من وزير الداخلية في يوم 12 اكتوبر 2021 وبدأ العمل بها من تاريخ التوقيع عليها.
يمكنك مراجعة الجريدة الرسمية رقم 1920 الصادرة يوم 10 نوفمبر 2021 في موقع وزارة العدل.
المادة التي تمنع السلطة المختصة من اصدار جواز السفر لم تم ادراجه في قوائم الحظر هي الفقرة 2 من المادة 14 من لائحة القوائم والسيطرة الهجرية،
ونصها كالآتي:
"مع مراعاة احكام المادة (17) من هذه اللائحة يجب على السلطة المختصة عدم اصدار أي جواز سفر لسوداني تم ادراجه في القوائم."
وبحسب نص هذه المادة يترتب على الإدراج في القوائم اثرين:
1. المنع من السفر
2. الحرمان من استخراج جواز السفر
الإدراج في القوائم من سلطات وزير الداخلية والإدارة العامة للجوازات والهجرة والجنسية.
لائحة 2021 اعطت السلطة التنفيذية صلاحيات واسعة في حرمان المواطنين من استخراج جوازات السفر.
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
تحياتي حافظ
والانقلاب كان يوم ٢١ اكتوبر وتقول ان. النشر تم في نوفمبر. بعد الانقلاب وبالتالي القضية تصبح غامضة. عندي
هل تم إعلان اجازة اللايحةً من مجلس الوزراء. ؟ ومتي ؟
ومن هو وزير الداخلية. والي اي جهة يتبع -؟ مش المكون العسكري ؟
ومن المسؤول عن تحديد المحظورين وقتها؟
ومن المسؤول عن الملف الأمني وقتها؟ جيش شرطة وجهاز امن ؟
وهل تمت فعليا عملية حظر إصدار جوازات او تجديدها. او التأشير. عليها في الفترة. مابين إجازة. اللائحة وسقوط حكومة حمدوك في ٣٥ اكتوبر من نفس تاريخ الإجازة ؟
من المعلوم ان الانقلاب. قام باعتقال مدنية وحدد حركتهم فهل استخدم هذه اللائحة ؟
وبعدين يا حافظ ليه ركزت علي الفحاتة. وحدهم ولم تشمل المكون العسكري والذي. بيده الملف الأمني والسلطات. التي. تتمتع بها السلطات الامنية ؟
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
تحياتي حافظ
والانقلاب كان يوم ٢١ اكتوبر وتقول ان. النشر تم في نوفمبر. بعد الانقلاب وبالتالي القضية تصبح غامضة. عندي
هل تم إعلان اجازة اللايحةً من مجلس الوزراء. ؟ ومتي ؟
ومن هو وزير الداخلية. والي اي جهة يتبع -؟ مش المكون العسكري ؟
ومن المسؤول عن تحديد المحظورين وقتها؟
ومن المسؤول عن الملف الأمني وقتها؟ جيش شرطة وجهاز امن ؟
وهل تمت فعليا عملية حظر إصدار جوازات او تجديدها. او التأشير. عليها في الفترة. مابين إجازة. اللائحة وسقوط حكومة حمدوك في ٣٥ اكتوبر من نفس تاريخ الإجازة ؟
من المعلوم ان الانقلاب. قام باعتقال مدنية وحدد حركتهم فهل استخدم هذه اللائحة ؟
وبعدين يا حافظ ليه ركزت علي الفحاتة. وحدهم ولم تشمل المكون العسكري والذي. بيده الملف الأمني والسلطات. التي. تتمتع بها السلطات الامنية ؟
| |
|
|
|
|
|
|
|
|
|
Re: جوازات القحاتة ولائحة 2021 (Re: كمال عباس)
|
Quote: والانقلاب كان يوم ٢١ اكتوبر وتقول ان. النشر تم في نوفمبر. بعد الانقلاب وبالتالي القضية تصبح غامضة. عندي
هل تم إعلان اجازة اللايحةً من مجلس الوزراء. ؟ ومتي ؟ |
الجريدة الرسمية هي جريدة رسمية تصدرها وزارة العدل
وتحتوي على المراسيم الدستورية والقوانين واللوائح والاوامر التشريعية خلال الفترة السلبقة لإصدارها.
العدد 1920 والذي احتوى لائحة القوائم والسيطرة الهجرية لسنة 2021 صدر في يوم 15 اكتوبر 2021 أي قبل الإنقلاب بإسبوع تقريباً.
وتم نشره في موقع وزارة العدل في يوم 10 نوفمبر 2021.
| Quote: ومن هو وزير الداخلية. والي اي جهة يتبع -؟ مش المكون العسكري ؟ |
وزير الداخلية الذي وقع على اللائحة هو الفريق جلال الدين الشيخ.
وزير الداخلية يتبع لرئيس مجلس الوزراء ولا يتبع للمكون العسكري.
دور المكون العسكري هو فقط ترشيح شخص للمنصب.
ولكن الوزير في عمله يتبع لرئاسة مجلس الوزراء.
| Quote: ومن المسؤول عن تحديد المحظورين وقتها؟ |
اللائحة حددت آلية الحظر من السفر وحددت عدد من الجهات التي يمكنها طلب الحظر.
بين هذه الجهات السلطة القضائية ووزارة العدل والنيابة العامة ومدير إدارة الجوازات وأي جهة أخرى يوافق عليها الوزير.
وهي بذلك تمنح الوزير سلطة غير محدودة في حظر الافراد ومنعهم من استخراج جوازات السفر.
| Quote: ومن المسؤول عن الملف الأمني وقتها؟ جيش شرطة وجهاز امن ؟ |
بحسب الوثيقة الدستورية فإن الشرطة هي قوات انفاذ القانون،
وتختص بحفظ الأمن وسلامة المجتمع وتخضع للسلطة التنفيذية وفق القانون.
Quote: وهل تمت فعليا عملية حظر إصدار جوازات او تجديدها. او التأشير. عليها في الفترة. مابين إجازة. اللائحة وسقوط حكومة حمدوك في ٣٥ اكتوبر من نفس تاريخ الإجازة ؟
من المعلوم ان الانقلاب. قام باعتقال مدنية وحدد حركتهم فهل استخدم هذه اللائحة ؟ |
بحسب اللائحة نفسها فإن القوائم والمكاتبات الخاصة بها تكون سرية.
لذلك لا علم لي ولا يجب أن يكون لدي علم بمن تم إدراجه في القوائم او أي مكاتبة متعلقة بهذا الشأن.
المهم أن اللائحة سارية في ذلك الوقت وتنفيذها يخضع لتقديرات الوزير.
Quote: وبعدين يا حافظ ليه ركزت علي الفحاتة. وحدهم ولم تشمل المكون العسكري والذي. بيده الملف الأمني والسلطات. التي. تتمتع بها السلطات الامنية ؟
|
أنا لم أذكر القحاتة او قحت أبداً كفاعل فيما يتعلق بهذه اللائحة، بل جاء ذكري لبعض اعضاء قحت كضحايا لهذه اللائحة.
أنا قلت أن لائحة 2021 التي انتقصت حقوق المواطنين في استخراج اوراقهم الثبوتية صدرت أثناء حكومة حمدوك.
وذكرت حكومة حمدوك لأن مجلس الوزراء وبنص الوثيقة الدستورية هو المسؤول عن ابتدار مشروعات القوانين والاشراف على انفاذ القوانين وإدارة جهاز الدولة
.
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
سلام يا طلحة
Quote: على فكرة اعمل حسابك الخوارزميات دي برضو عندها كوتة
محددة تقعد تتلحا كدا صبح وليل يوم ح تقول ليك انتهت الكوتة
بتاعتك |
المشكلة إنو الخوارزميات من هسه قدرت حددت مستوى زهير وبقت تكتب ليهو قدر عقلو.
شوف جنس التناقض والهردبيس دا
| Quote: لائحة ٢٠٢١ دي كانت في بلد فيها "شبه دولة"، وقوانين هجرة طبيعية للسيطرة على المجرمين |
| Quote: يا حافظ، إنت عارف والكل عارف، إنو الأجهزة الأمنية في ٢٠٢١ كانت هي "الدولة العميقة" الشغالة برأسها. |
هسه نفهم شنو من الورجغة دي؟
سنة 2021 كان في شبه دولة وقوانين طبيعية ول كان في دولة عميقة؟
ولائحة 2021 دي كويسة في زمن شبه الدولة ول ما كويسة لأنو اصدرتها الدولة العميقة؟
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
| Quote: المنطق "المشاتر": بمنطقك ده، لو الكيزان الليلة استعملوا "سواطير" كانت موجودة من زمن حمدوك عشان يقطعوا بيها رقاب الناس، حتقول لينا "والله السواطير دي اشتراها حمدوك في ٢٠٢١، يبقى هو المسؤول"؟ |
ههههههههههه
زمان الثعلب مدافع الهلال احرز هدف في مرماه في مبارة بين الهلال السوداني والاهلى القاهرى.
بعدها كانت في كل هجمة من الأهلي كان يور حارس مرمى الهلال يكورك لطارق احمد آدم: "يا طارق غطي الثعلب".
يا كمال غطي زهير.
المنطق المعاكس لمنطقي "المشاتر" استخدموهو الكيزان.
قالوا إنشاؤهم للدعم السريع زي الزول الزوع نخلة وشالت بلح.
جوا القحاتة عملوا من البلح عرقي.
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
Quote: وزير الداخلية الذي وقع على اللائحة هو الفريق جلال الدين الشيخ.
وزير الداخلية يتبع لرئيس مجلس الوزراء ولا يتبع للمكون العسكري.
دور المكون العسكري هو فقط ترشيح شخص للمنصب.
ولكن الوزير في عمله يتبع لرئاسة مجلس الوزراء. |
سلام حافظ بشير وضيوفه:
اللواء جلال الدين الشيخ جنرال عسكري قح وعمل مديرا لجهاز الامن خلفا لا اسامة مختار وكان ملحقا عسكريا للسفارة السودانية بالرياض تمت ترقيته الي رتبة فريق
وكان حاضرا في المهام الامنية التابعة لادارات جهاز الامن الوطني وبالتالي هو محسوب حرفيا في خانة العسكر كونه خريج كلية عسكرية الدفعة 31 وايضا محسوب علي جهاز
الامن والعمليات كونه وقف علي اداراة هذه الجهاز وهذا يعني ان الرجل لا علاقه له بالمدنية وظيفيا، وعندما انفجرت الحرب الرجل يقال انه فحط لمصر وهناك من يقول انه فحط الي اليونان حيث عبدالغفار الشريف،
اما اذا كنت تقصد جلال الدين الشيخ اخر غير هذا، فهذا موضوع اخر.
سؤالي قبل مواصلة النقاش ممكن تمدني بما يثبت بان الرجل كان وزيرا للداخلية في العام 2021 مع كامل الشكر؟
| |
|
|
|
|
|
|
|
|
|
Re: جوازات القحاتة ولائحة 2021 (Re: كمال عباس)
|
| Quote: وبعدين يا حافظ ليه ركزت علي الفحاتة. وحدهم ولم تشمل المكون العسكري والذي. بيده الملف الأمني والسلطات. التي. تتمتع بها السلطات الامنية ؟ |
حافظ بلبوسي صاحب غرض عامل فيها موضوعي ومحايد، بس فكره واضح من أسلوب كتاباته وردوده وزيو زي اخوانو مديدة قحت حارقاهو يلف ويجي على حمدوك وعامل رايح من مثلث الشر الكيزان والعسكر والملايش جنجويد وغيره الانتهو من البلد:) طيب العين وزير الداخلية عز الدين الشيخ والعندو سلطة عليه منو يامولانا؟ مش الانقلابي برهان ووراهو لجنة البشير الأمنية تحت اسم الدلع المكون العسكري؟
| |
|
|
|
|
|
|
|
|
|
Re: جوازات القحاتة ولائحة 2021 (Re: طارق عبد الله)
|
| Quote: طيب العين وزير الداخلية عز الدين الشيخ والعندو سلطة عليه منو يامولانا؟ مش الانقلابي برهان ووراهو لجنة البشير الأمنية تحت اسم الدلع المكون العسكري؟ |
أبداً ما مُش.
كل الوزراء بما فيهم وزير الداخلية عينهم حمدوك بصفته رئيس للوزراء بعد أن اختارته قوى الحرية والتغيير.
لا البرهان لا اللجنة الامنية لا المكون العسكري في مجلس السيادة كلهم ما عندهم سلطة لتعيين وزير الداخلية.
حمدوك اختار الوزراء من قائمة مرشحين رشحهم قوى الحرية والتغيير او المكون العسكري.
المكون العسكري ترشيخ فقط، حمدوك هو الذي اختار وعين وكان من حقه أن يرفض قائمة المرشحين برمتها.
| Quote: حافظ بلبوسي صاحب غرض عامل فيها موضوعي ومحايد |
بلبوسي لابس كرافته ول حايم بالعراقي؟😜
من ناحية الموضوعية أنا بسعى بقدر استطاعتي إني أكون موضوعي.
أما قصة الحياد، محايد من شنو؟ وليه اكون محايد؟
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
| Quote: المكون العسكري ترشيخ فقط، حمدوك هو الذي اختار وعين وكان من حقه أن يرفض قائمة المرشحين برمتها. |
بلاش دغمسه يا حافظ، النص الاصلي للوثيقة الدستورية لعام 2019 فقرة 15.1 ينص على الآتي: "يتكون مجلس الوزراء من رئيس وعدد من الوزراء لا يتجاوز العشرين من كفاءات وطنية مستقلة بالتشاور، يعينهم رئيس الوزراء من قائمة مرشحي قوى اعلان الحرية والتغيير، ويعتمدهم مجلس السيادة ، عدا وزيري الدفاع والداخلية اللذين يرشحهما الأعضاء العسكريون بمجلس السيادة" ونص الوثيقة الكاملة المعتمدة من وزارة العدل على الرابط:
https://wipolex-res.wipo.int/edocs/lexdocs/laws/ar/sd/sd023ar.pdf؟Expires=1766559307andSignature=G6P~IQC01BtTzXx4SEiTW6BIQ8xVZt57PQi74T-2Lhj6qyEE2CmWP9popYGMwTK2oVH0rZ5aahAf8rw18cNwawZNnqVsXugKKG3U2yML~cBkoXr45t~MKJZemFoaGSYVBh~8I2gsVcZCkG~v9M-c~T3tEt5vC159IONxr-sD-f941ouozSCuEqQthjGRd8W~pfxyhAY5kkhebGqVxKd7Sbge3eQKs5h1K9s~7AO7cgqdetPTaFt34DocIcgEhjYjjfu05UEoHn5eQqeYe4svCACGXQF7wAfOASWSeWfqWXz7GcD4CHL5CArM0SaMd9rRS5Owl4I3Vva2jrJ5b2PnMg__andKey-Pair-Id=K1QGBX7Y6FHYJNhttps://wipolex-res.wipo.int/edocs/lexdocs/laws/ar/sd/sd023ar.pdf؟Expires=1766559307andSignature=G6P~IQC01BtTzXx4SEiTW6BIQ8xVZt57PQi74T-2Lhj6q...ir-Id=K1QGBX7Y6FHYJN
يعني بالمختصر رئيس الوزراء فقط يعتمد اختيار المرشحين بدون خيار الرفض او حق المحاسبة، انتهينا من دي؟
ثانيا عز الدين الشيخ نفسه لم يظهر في الصورة مطلقا منذ انقلاب اكتوبر بسبب مواقفه المقاربة للثورة وصدامه مع البرهان بخصوص سحب حراسة وزراء الحرية والتغيير وكذلك تسعه طويلة وغيرها من المواقف التي دبرها الفلول لافشال المرحلة الانتقالية. لو انت قانوني وحقاني كده افتح لينا ملفات عادل بشائر الذي كان يرسل جنوده لقمع الشباب العزل ولا دور الشرطة في فض الاعتصام وتسهيل هروب المطلوبين للمحكمة الجنائية وغضها الطرف على مجازر كتائب البراء الداعشية الموثقة بالصوت والصورة وفرارها من مواجهة الجنجويد وحماية المواطن ولا ده كلو مابهمك طالما مافيهو قحت وحمدوك؟
نقطة قانونية ثانية برهان البتفصح ويمنح ويمنع ده صفته القانونية شنو؟ رئيس؟ لا مافي زول انتخبو رئيس مجلس سيادة مؤقت؟ كان ولما انتهت فترته عمل انقلاب عشان مايسلمها للمدنيين يعني باختصار ماعندو شرعية غير الامر الواقع ومافي طرف معترف بيهو رسميا كممثل للسودان وان كانوا يتعاملون معه بحكم الواقع لدرجة ماكان لاقي طرطور يقبل يكون رئيس وزراء بالسنين ولما جاء كميل فرح بيهو على أساس بطفي حمدوك لكن بقى ليهو وجع بدل يكون فزع والبركة في الاهطل الاعيسر الغشاهم بيهو
| Quote: بلبوسي لابس كرافته ول حايم بالعراقي] |
بلبوسي لابس كرفته معناها بتدي البلبسة بولش بتاع قانون وموضوعية لكن ده حنك بيش:)حكاية محايد دي انا بسحبها لانو توجهك واضح بالنسبة لي:)
| |
|
|
|
|
|
|
|
|
|
Re: جوازات القحاتة ولائحة 2021 (Re: طارق عبد الله)
|
حافظ بلبوسي صاحب غرض عامل فيها موضوعي ومحايد، بس فكره واضح من أسلوب كتاباته وردوده وزيو زي اخوانو مديدة قحت حارقاهو يلف ويجي على حمدوك وعامل رايح من مثلث الشر الكيزان والعسكر والملايش جنجويد وغيره الانتهو من البلد:) طيب العين وزير الداخلية عز الدين الشيخ والعندو سلطة عليه منو يامولانا؟ مش الانقلابي برهان ووراهو لجنة البشير الأمنية تحت اسم الدلع المكون العسكري؟
ددددددددددددددد+++++++
شكرا لك الاخ طارق
كل ما ذكرته حقيقة حافظ بلبوسى متخفى لكنه اتكشف
انا قبل ايام كتبت ان وفد وزارة الداخلية الذى وصل للسويد رفض تجديد جواز سفرى وعندما سالتهم ما السبب قالوالازم تجيب تاكيد موقع من جدك او جدتك بانك سودانى مع انى كنت قد ارسلت لهم صورا من اخر جواز وفيه كل المعلومات عنى وقد تم تجديده سابقا عدة مرات فى عهد حكم البشير فلم يقبلوا
لم اجد حلا فاتصلت على عمتى فاطمة عليها الرحمة فارسلت رسالة وبصمت عليها وتم تصديقها من قبل وزارة العدل فارسلتها الى المجموعة فى السويد ولم يردوا على حتى اليوم
سالت السفير فاعتزر وقال هذا الامر لا يخصه
ربى ينتقم منهم ومن يحاول ان يبرر جرائمهم
| |
|
|
|
|
|
|
|
|
|
Re: جوازات القحاتة ولائحة 2021 (Re: Hassan Farah)
|
تحياتي محمود الدقم
| Quote: سؤالي قبل مواصلة النقاش ممكن تمدني بما يثبت بان الرجل كان وزيرا للداخلية في العام 2021 مع كامل الشكر؟ |
المقصود الفريق عز الدين الشيخ علي منصور زي ما كتبته في مداخلة سابقة.
جلال الدين دي نزلت بالغلط.
وزي ما قال الزعيم الكبير مناوي: "مافي خطأ قاتل، عبدالفتاح عبدالوهاب عبدالبرهان، كلهم عبيد الله".😜
عليك الله يا الدقم ما تغيب وتعال ارفع مستوى الحوار دا
بدل المستوى التعبان بتاع زهير وطارق عبدالله ودكتور حسن فرح.
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
| Quote: يعني بالمختصر رئيس الوزراء فقط يعتمد اختيار المرشحين بدون خيار الرفض او حق المحاسبة، انتهينا من دي؟ |
يا طارق ياخي اجتهد شوية عشان النقاش يبقى مفيد وإنت ذاتك تستفيد.
رئيس الوزراء من حقه يرفض قائمة المرشحين التي تقدمها قوى الحرية والتغيير او التي يقدمها المكون العسكري.
وسبق أن مارس عبدالله حمدوك هذا الحق ورفض قائمة مرشحي قوى الحرية والتغيير للوزارات.
ومارس الحق برضو كمان في رفض قائمة مرشحي الحرية والتغيير لممناصب ولاة الولايات.
اول حكومة لحمدوك كان من المفترض يتم اعلانها يوم 28 اغسطس 2019.
ولكن تأخر اعلانها ليوم 5 سبتمبر 2019.
أمشي ابحث شوف ليه تأخر اعلان تشكيل الحكومة.
يا طارق ياخي النقاش والحوار المفيد ما بيجي بالصدفة،
بيجي بإجتهاد المتحاورين في تقديم حجج ومداخلات ذكية.
هسه بمجهود بسيط كان ممكن تبحث وتعرف تفسير المادة النقلتها من الوثيقة وكيف تم تطبيقها.
لكن الكسل خلاك تقطع ليك كلام خارم بارم من نص دقنوسك وتلصق.
| |
|
|
|
|
|
|
|
|
|
Re: جوازات القحاتة ولائحة 2021 (Re: كمال عباس)
|
عودة رييس الوزراء يعتمد او يرفض ولكنه في النهايةُلا يختار وزريردفاع او داخلية من عنده او بمحض ارداته يرفض ترشيح يعاد الترشبحً من قبل الجهة المرشحة ولكنه لايرفض الترشيح وبناء علي الرفض يختار بديل من عنده
حمدوك ليس مثل رئيس وزراء. في نظام برلماني يكون هو رييس وزعيم الاغلبية وبالتالي يقوم هو باختيار وزراء. الأخذ في الاعتبار وجود آلية ترشيح وزراء رسمية. ومقننة كما في حالة حمدوك -
فمثلا. بالنسبة لجماعة اتفاق جوبا هم يرشحون ثلاثة لحمدوك يقوم هو باختيار واحد منهم
حمدوك ىحكومة بوثيقة حددت كيفية اختيار الوزراء ومن يختارهم. ويرشحهم ومن اي جهة - مكون مدني او عسكري ثم جاء اتفاق جوبا وساهم في غل يده واتفاق الوثيقة كان بين قحت والعسكر لا بين حمدوك والعسكر كما هوً الحال بالنسبة للوثيقة الانقلابية التي وقعها حمدوك مع العسكر عقبدانقلاب اكتوبر ٢٠٢١
حاشية
وبالمناسبة
كل مأتم بعد انقلاب اكتوبر ٢٠٢١ هو نظام شرعي بنص ذات الوثيقة التي يستند عليها برهان فالوثيقة هي اتفاق وتواثق بين طرفين -قحت والعسكر ابعاد اورانسحاب اي طرف في الفترةوالانتقالية يعني سقوط الوثيقة وعدم شرعية من اسقطها
| |
|
|
|
|
|
|
|
|
|
Re: جوازات القحاتة ولائحة 2021 (Re: كمال عباس)
|
واعود واقولها بصراحةً
وبعد التأكيد علي اني كنت ضد الوثيقة والشراكة وكثيرا من مواقف وقرارات حكومة حمدوك
واختلفت واختلف بعد الحرب مع احزاب قحت
ولكن
قحت بعد الحرب وقبلها ارتكبت اخطاء سياسية واخلاقبة محاكمتها والحكم عليها يتم بواسطة الشعب والرأي العام عبرصندوق. الاقتراع وعبر المعارضةًوالنقد والتعبير وحق الاختلاف الان وفيما بعد
اي قضاء عادل او قانون عادل لايمكنه تخوين وتجريم قحت قانونيا ولا اعتقد ان هناك ارضيةوقانونية صلبة لمحاكمتها جنائيا
اما المكون العسكري بشقيه قيادة الجيش والجنحويد والكيزان فهم خونة ومجرمين وهم من تامر جنائيا علي الثورة وانقلب عليها انقلاب. بعد خيانة وتصل عقوبته للإعدام وهم من قتل الثوار امام القيادة ولا ننسي سابق مجازر دارفور
وسياسا اقول
انه وبعد انقلاب. اكتوبر ٢٠٣١ تعد كل القوي المدنية خارج الصورة
فقد حكم وتحكم المكون العسكري. في مقاليد السلطة ثم انقلب علي نفسه وأحال الوطن لخراب ودم وتشرد - وهم اما قد اعتدو علي الأبرياء والعزل وأما فشلو في حماية المدنيين والأبرياء والعزل وتركوهم للموت وهم تسببو في فشل الجيش في اداء مهامه وواجباته بإضعافه لصالح الجنجويد او بتقوية وتمكين الجنجويدوتقويتهم
وثن
| |
|
|
|
|
|
|
|
|
|
Re: جوازات القحاتة ولائحة 2021 (Re: كمال عباس)
|
ونواصل حديث الصراحة
اقول بناء علي ماتقدم وغيره وعلي الموقف من مبادي الثورة ومطالب الثوار والمعالم القانونية والجنائية العامة
اقول ان قحت افضل وبعشرات السنوات الضوئية من شفي المكون العسكري والجنحويد والبرهان ومن الكيزان
ولكن قحت اعدها اسوأ. او الأكثر تخلفا عن مبادي وقيم الثورة. والثوار وقوي الثورة الحية بعشرات السنوات الضوئية
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
Quote: يا طارق ياخي اجتهد شوية عشان النقاش يبقى مفيد وإنت ذاتك تستفيد.
رئيس الوزراء من حقه يرفض قائمة المرشحين التي تقدمها قوى الحرية والتغيير او التي يقدمها المكون العسكري |
لسه مواصل المراوغة يا حافظ؟ اوردت لك النص الاصلي والكلمات المحورية فيه هي يعينهم رئيس الوزراء فيما يختص بالمدنيين عدا وزيري الدفاع والداخلية واعمل خطين تحت يعينهم وعدا ديل عشان تعرف ان الوزيرين تحت جناح العسكر وان رئيس الوزراء يقتصر دوره على الاعتماد، بعدين حسستني ان برهان وناس الجيش بعرفو ولا بحترمو قانون يعني! ناهيك عن بنود الاتفاقية الاخرى التي منحت المكون العسكري صلاحية كاملة على الاجهزة الأمنية والعسكرية.
| |
|
|
|
|
|
|
|
|
|
Re: جوازات القحاتة ولائحة 2021 (Re: محمود الدقم)
|
سلام كمال
Quote: سلامو حافظ
اعتقد ان وزير الدفاع والداخلية يتم اختيارهما بواسطة المكون العسكري |
المكون العسكري دوره مثل دور قحت في ترشيح الوزراء.
ترشيح وزيري الدفاع من اختصاص المكون العسكري وترشيح بقية الوزراء من اختصاص قحت,
حمدوك هو الذي يختار الوزراء من قوائم المرشحين ويعينهم وديعتمدهم مجلس السيادة بعد ذلك.
حمدوك ليس له حق ترشيح الوزراء هو فقط إما أن يختار من قائمة المرشحين او يرفض القائمة.
مثلاً بعد وفاة وزير الدفاع جمال عمر قام المكون العسكري بترشيح اللواء ياسين إبراهيم ياسين واللواء عبدالرحمن عوض واللواء آدم محمود جار النبي.
حمدوك اختار اللواء ياسين إبراهيم من بين قائمة المرشحين وكان بإمكانه رفض كل القائمة وإرجاعها للمكون العسكري للتعديل عليها.
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
ولكن حمدوك لا يملك وحده اختيار وزير بمعزل. عن المكونين العسكري والمدني هو يختار من ضمن يرشحوهم وان رفض فرفضه لايعني. انه يملك إرادة حرة في الاختيار وانما. يعود الاختيار. وان توالي الاعتراض. للمكون العسكري في اختيار وزراء الداخلية والدفاع !!
فمسالة
انو حمدوك هو من اختار وزير الداخليةًا او الدفاع. يصور الأمر وكانما حمدوك يملك وحده حق الاختيار كما يحدث في الجمهورية البرلمانية
حمدوك مقيد ومحكوم في الاختيار فهو. يختار من باقة مختارة من قبل الاخريين ولا يملك هو من امره شيئا
وكان يجب الإشارة لهذا المعطي يفهم ان حمدوك وحده وبإرادته الحرة وبمعزل. عن اختيارات الجيش يقوم باختيار وزير دفاع مثلا
| |
|
|
|
|
|
|
|
|
|
Re: جوازات القحاتة ولائحة 2021 (Re: كمال عباس)
|
يا كمال المسألة ليست قاصرة على مسألة إختيار حمدوك للوزراء فقط.
ولكنها مسألة تعكس خلل هيكلي في نظام الحكم الانتقالي ووثيقته الدستورية، وما صاحب ذلك من عيوب تنفيذية.
لو أنك اطلعت على اللائحة ستجد فيها كم هائل من العيوب الجوهرية تمس صميم سيادة القانون وحماية الحقوق:
1. طريقة اصدار اللائحة يعكس خلل في المشروعية التشريعية،
حق دستوري أساسي كحرية التنقل واستخراق جواز السفر تقرره لائحة وزارية يوقعها وزير الداخلية فقط.
هذا المستوى الأدنى من التشريع يجعل اللائحة قابلة للتناقض المباشر مع الضمانات الدستورية والدولية للحقوق.
2. تمنح اللائحة سلطات واسعة ومطلقة تقريباً لوزير الداخلية والإدارة العامة للجوازات
في إدراج المواطنين في قوائم الحظر وحرمانهم من حقوقهم الدستورية في التنقل واستخراج جوازات السفر
بدون حتى وضع أي معايير موضوعية وواضحة للحظر.
3. لا تتضمن اللائحة أي نصوص تفرض رقابة قضائية مستقلة او برلمانية مسبقة أو لاحقة
على قرارات الحظر من السفر والحرمان من استخراج الجواز.
4. تخلو اللائحة من أي تقييد زمني تراتبي لفعالية قرارات الحظر.
فمثلاً، يجب أن يكون لقرار النيابة العامة (إن وجد) حد زمني محدد، وكذلك لقرارات الإدارة.
فحتى في أخطر القضايا الجنائية، يقيد القانون سلطة النيابة في حبس المتهم بحدود زمنية ضيقة،
ويجعل تجديد هذا التقييد حكراً على القضاء، ضماناً للحرية.
بينما تسمح هذه اللائحة بفرض حظر سفر غير محدد المدة، بناءً على قرار إداري بحت،
دون أي رقابة قضائية لاحقة أو حاجة لتجديد المبررات.
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
سلام تاني يا كمال
Quote: اقول ان قحت افضل وبعشرات السنوات الضوئية من شفي المكون العسكري والجنحويد والبرهان ومن الكيزان
ولكن قحت اعدها اسوأ. او الأكثر تخلفا عن مبادي وقيم الثورة. والثوار وقوي الثورة الحية بعشرات السنوات الضوئية |
اصلاً المقارنة بين قحت كمدنيين وبين العساكر سواء جيش او جنجويد في مسألة حكم الدولة لا تجوز.
لا تجوز مبداً وليس فقط تفضيلاً.
هذه مثل المقارنة بين خطأ يرتكبه الطبيب في التشخيص او العلاج وبين جريمة اللص الذي يسرق دواء من صيدلية.
مبدأً الدولة تحكمها مؤسسات مدنية تستمد شرعيتها من الإرادة الشعبية.
الجيش مؤسسة من مؤسسات الدولة لا يجوز مبدأً أن تحتكر السلطة بقوة سلاح موجه لصدر الشعب.
لذلك عندي أن الحكومة العسكرية مبنية على مبدأ خاطي وبالتالي لا يصح ولا يجوز تقييم أدائها في مقابل حكومة مدنية.
نقدي لقحت ولحكومتها لا يجب أن يُفهم في أنه تفضيل لحكومات العسكر.
نقدي لقحت هو تطلع لبناء مؤسسات حكم مدني وأحزاب افضل وقادرة على تطوير الدولة
وتجنيبها العنف والعمل على استقرار الدولة وتقدمها وازدهارها.
منذ الاستقلال ندور بين بين حكومات مدنية لفترات قصيرة تنقلب عليها حكومات عسكرية تمتد لسنوات طويلة
ثم تسقيطها ثورة شعبية متطلعة لدولة مدنية، ثم تعود الدائرة.
كسر هذه الحلقة يتطلب بناء مؤسسلت مدنية واحزاب قادرة على تمثيل وتجسيد الارادة الشعبية.
كثير من الحديث يدور حول اصلاح المؤسسة العسكرية كضمان لاستدامة الديمقراطية، لا أقلل من اهمية ذلك.
ولكن أرى أن اصلاح الاحزاب المدنية لا يقل اهمية.
كثيرون ممن يتفقون معي على مبدأ الدولة المدنية لا يتفقون مع نقدي وموقفي من قحت،
ذلك لأنهم يرون أن انتقاد ممارسة القوى المدنية وعلى مقدمتها قحت سيصب في مصلحة العسكر ومن يعيشون تحت مظلتهم.
واتفهم وجه نظرهم هذه واختلف معها.
أرى أن نقد وتقويم القوى المدنية وترسيخ مفاهيم مثل حقوق المواطنة
والمشاركة في صنع القرار وسيادة القانون والمساءلة والعدالة والإنصاف،
أرى أن هذا الطريق هو الذي يضمن ثبات الدولة المدنية واستدامة الديمقراطية على المدى الطويل.
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
- ياعزيزي حافظ بشير
لذا قلتها ووضعت مساحة كبيرة بين مبادي الثورة ومطالبها و" الثوار وقوي. الثورة الحية " من ناحية ومابين قحت وتجربتها وممارستها ومواقفها. في الكفة الاخري
- وعشان ظللنا نكرر أنا خلافنا الجذري والمبدئي مع الكيزان ومن انقلبوا علي الثورة وقتلوا الثوار وشاركوا في مجازر دارفور - ثم انقلبوا علي بعضهم. - ان خلافنا وصراعنا مع هولاء لايعني الربت علي كتوف ناس قحت ونقد تجاوزتهم متي اقتضت الضرورة هذا
وبالمناسبة التجاوزت دي لاتقتصر علي تجربة الحكم وانما علي مواقف ما بعد اندلاع الحرب - وخصوصا في الفترة الاولي
حاشية
وفي هذا السياق
برضو أنا شايف في اختلاف - اختلاف درجة وكم مابين قحاتة صمود وقحاتة تاسيس. فعلي الاقل رفضو شرعية الحكومة الموازية. ولم يعترفوا بها ولم يشاركوا. فيها !!
ً
وكذلك وعلي الرغم من تاريخ الجيش وتجاوزاته في الجنوب وفي حروب دارفور وغيرها من المواقف المخزية ومن بينها الاستعانة بالمليشيات
إلا انه وفي هذه الحرب تجاوزاته في هذه الحرب تجاه المدنيين تختلف اختلاف في الكم والدرجة. تجاوزات الجنحويد وانتهاكاتهم ويمكن امريكا التكنوقراط
ادانت الجنحويد. بجرايم ضد الإنسانية وتصفيات عرقية وجرائم حرب وإدانات الجيش بارتكاب جرائم حرب بالإضافة لإدانات. كبيرة للقوات التي يقودها وطبعا هذه تشمل. البراءة وكيكل وغيرها فتجاوزتها ايضا تحسب علي الجيش
لذا اقول ان هناك اختلاف في الكم والدرجة مابين انتهاكات الجيش الموسسة للمدنيين عن انتهاكات الجنجويد في هذه الحرب
ويمكن ان ذلك يعود الي معطي ان عناصر الجيش علي مستوي الجنحويد والرتب الصغيرة من جميع المكونات العرقية وخصوصا "…" وهم الأقرب للغبش والفقراء مما يجعلهم اقرب للغضب والتحسس من اي مساس بي ناسهم من تلك المكونات. او من الفقراء والغبش المنتمين لجميع الطيف الجهوي والعرقي
يعني مكرها أخاك لا بطل
يعني الموقف لابستن علي الاخلاقيات والقيم والمهنية بقدر يستند علي الحسابات العملية والموازنات الشخصية
| |
|
|
|
|
|
|
|
|
|
Re: جوازات القحاتة ولائحة 2021 (Re: كمال عباس)
|
| Quote: يتكون مجلس الوزراء من رئيس وعدد من الوزراء لا يتجاوز العشرين من كفاءات وطنية مستقلة بالتشاور، يعينهم رئيس الوزراء من قائمة مرشحي قوى اعلان الحرية والتغيير، ويعتمدهم مجلس السيادة ، عدا وزيري الدفاع والداخلية اللذين يرشحهما الأعضاء العسكريون بمجلس السيادة |
ما لقيت خطين اختهم ليك تحت عدا. ةختيت ليك خط واحد، ينفع؟
| Quote: اوردت لك النص الاصلي والكلمات المحورية فيه هي يعينهم رئيس الوزراء فيما يختص بالمدنيين عدا وزيري الدفاع والداخلية واعمل خطين تحت يعينهم وعدا ديل عشان تعرف ان الوزيرين تحت جناح العسكر وان رئيس الوزراء يقتصر دوره على الاعتماد |
'طارق ياخي ما تشوه الفترة الإنتقالية والوثيقة الدستورية أكتر من ما هم مشوهات
رئيس الوزراء هو رأس السلطة التنفيذية و ما ممكن يبقى جهة إعتماد.
كل الوزراء العشرين يعينهم رئيس الوزراء ويعتمدهم مجلس السيادة.
كل الوزراء ترشحهم قوى الحرية والتغيير عدا ا وزيري الدفاع والداخلية يرشحهما الأعضاء العسكريون بمجلس السيادة.
مافي زول عاقل بيقبل يكون رئيس وزراء ويسمح بجهة تفرض عليهو تعيين بعض الوزراء.
فرضيتك بتاعة إنو وزير الدفاع والداخلية تعينهم ليس تحت سلطة رئيس الةزراء فيهو تقليل وتشويه كبير للوثيقة الدستورية وهيكل الحكومة في الفترة الانتقالية.
ولو الوثيقة الدستورية بتدي جهة غير رئيس الوزراء صلاحية تعيين الوزراء وقحت قبلت بالوثيقة الدستورية، تبقى قحت اسوأ بكثير من ما نتصور.
فياريت ما تشوه الفترة الانتقالية وما تشوه الوثيقة الدستورية وما تشويه قحت القبلت بيها أكتر من ما هم مشوهات،
وما تبهت حمدوك بقبوله لرئاسة الوزراء تحت وثيقة ما بيقبل بيها عاقل.
| |
|
|
|
|
|
|
|
|
|
Re: جوازات القحاتة ولائحة 2021 (Re: طارق عبد الله)
|
| Quote: طيب اقتنعنا حمدوك وقحت كعبين ويستاهلوا الانقلاب عليهم |
منو القال كدا؟
| Quote: سؤال ساذج، ماهو الهدف من البوست؟ |
ما ساذج لكن سؤال سؤال زول ما قاعد يقرا ولا عندو استعداد يفهم وجهات النظر المختلفة.
لو بتقرا كنت لقيت هدف البوست مكتوب في واحدة من المداخلات.
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
Quote: ما ساذج لكن سؤال سؤال زول ما قاعد يقرا ولا عندو استعداد يفهم وجهات النظر المختلفة.
لو بتقرا كنت لقيت هدف البوست مكتوب في واحدة من المداخلات. |
تمام يعني ننتظر تحليلات قانونية منك حول شرعية برهان وحول فشل الجيش في اداء واجبه الرسمي ومجازر كتائب البراء وتمتع المطلوبين للمحكمة الجنائية الدولية بالعيش في مناطق سيطرة الجيش تحت بصر وحماية الاجهزة الأمنية؟ طبعا ده كلو نقطة من بحر تجاوزات قاتلة كلنا ندفع ثمنها قتلا وتشريدا وغيره، بس كفاية لو ناقشت لينا موضوع واحد من ديل بطل مضيع طاقتك مع قحت وحمدوك الغلابة :)
| |
|
|
|
|
|
|
|
|
|
Re: جوازات القحاتة ولائحة 2021 (Re: Hafiz Bashir)
|
كمان. ياحافظ
حمدوكً لم يكن يملك وبإرادة حرة وخيار شخصي تعيين وزراء من ماترشحهم وتعرضهم. الأطراف الموقعة علي الوثيقة الدستورية
لايملك. إرادة حرة. وخيار يجعله يختار ويعين. من خارج ما تختاره. وتعرضه اطراف الوثيقة. يعترض - يرفض ولكنه لايملك. خيار شخصي سوي مااختير له وما سيختار له !!
والوثيقة معيبة والشراكة. كارثة واتفاق جوبا كارثة الكوارث. حيث اعلن وبصراحة ووقاحة أنه إذا مانعارض بند في الوثيقة مع اتفاق جوبا. يوخذ بنصوص اتفاق جوبا
حمدوك لم يختار ولايمكنه كان ان يختار سوي ما اختاره غيره لو حتي ولو تواصلت سلسلة الاعتراضات. لشارع مدني !!
| |
|
|
|
|
|
|
|
|
|
Re: جوازات القحاتة ولائحة 2021 (Re: كمال عباس)
|
ما تقوله حنان حسن في هذا اللقاء عن عدم اختصاص النيابة في الحرمان من استخراج الاوراق الرسمية غير صحيح.
بحسب لائحة القوائم والسيطرة الهجرية لسنة 2021،
النيابة واحدة من الجهات التي لديها الحق في تقديم طلب حظر المواطن وحرمانه من استخراج الاوراق الثبوتية.
والطلب يتم تقديمه مباشرة لإدارة الجوزات والهجرة والجنسية دون أي دور للمحكمة والسلطة القضائية.
| |
|
|
|
|
|
|
|
|
|
Re: كادجوازات القحاتة ولائحة 2021 (Re: Hafiz Bashir)
|
كل عام وانت بخير اخ حافظ بشير
القضية الايامات دي مش عدم المام او اختصاص
وانما خلط بين امريين
الاول. هوُ حظر استخراج وثائق ثبوتية ومن ضمنها. جوازات سفر وهذا اجراء شاذ ومتعسف وغير اخلاقي. ولا انساني. ولا حتي يتماشي معظم التشريعات العادلة
ثانيا او الامر الثاني
هو الحظر من السفر " تملك جواز ساري وصالح - ولكن السلطات تحظر سفرك
وفعلا يا أحافظ السلطات القضائية تملك هذا الحق وتباشره في قضايا لا علاقة حتي بالسياسة - قضايا جنائية او حتي التي يخرج المتهم. فيها بضمان. ولكن السلطة القضائية. تحظر سفره واحيانا تتحفظ علي جواز او وثيقة سفره
وطبعا. احيانا تمارس السلطات الحكومية - سياسيا هذا الحق تحظر سفرك - لأسباب سياسيا واحيانا تعسفا وتصفية خلافات / ويتم هذا الحظر في منافذ السفر وفي اغلب الأحيان لاينزع الجواز ولايمنع استخراجه او تجديده
| |
|
|
|
|
|
|
|
|
|
Re: كادجوازات القحاتة ولائحة 2021 (Re: كمال عباس)
|
سلام يا كمال
لائحة القوائم والسيطرة الهجرية لسنة 2021 منحت السلطة التنفيذية (وزير الداخلية) وزارة العدل والنيابة العامة صلاحية فرض قيود شديدة القسوة،
كان من المفترض أن تكون ضمن صلاحيات السلطة القضائية وحدها.
حكومة البرهان تعسفت في استخدام هذه اللائحة ضد معارضيها.
تجب إدانة هذه الممارسة المتعسفة التي تحرم المواطن من حق من حقوقه الدستورية.
ولكن قبل إدانة الممارسة يجب إدانة اللائحة التي قننت هذه الممارسة.
| |
|
|
|
|
|
|
|
|
|
Re: كادجوازات القحاتة ولائحة 2021 (Re: Hafiz Bashir)
|
Quote: لائحة ٢٠٢١ دي كانت في بلد فيها "شبه دولة"، وقوانين هجرة طبيعية للسيطرة على المجرمين. لكن إنك تستخدمها الليلة عشان "تشرعن" حرمان مواطنين من حقهم الطبيعي في الجواز لمجرد إنهم ضد الحرب
ده اسمو "استهبال سياسي". اللائحة ما هي المنعت الجواز، "العقلية الأمنية الكيزانية" الماسكة الجوازات الليلة هي المنعت |
هل تتفق يا كمال مع ما كتبه زهير في المفتبس أعلاه؟
هل تتفق معه في أن اللائحة التي تمنح وزير الداخلية الحق في حرمان اي مواطن من استخراج جواز السفر بدعوى السيطرة على المجرمين هي تشريع مقبول في شبه الدولة؟
بينما يصبح كل الاشكال هو تطبيق نفس اللائحة تحت ظل حكومة أخرى ومعارضين آخرين؟
| |
|
|
|
|
|
|
|
|
|
Re: كادجوازات القحاتة ولائحة 2021 (Re: tabaldy)
|
Quote: سلام عليكم
بالنسبة للجهات المختصة الفقرة الأخيرة ك: أي جهة يوافق عليها الوزير
فقرة ما مفهومة، منو البقترح علي الوزير؟
صعب الزول يفهم الصياغة القانونية. |
سلام تبلدينا وشكراً جزيلاً على الملاحظة الدقيقة.
أتفق معك في أن هذه الفقرة من اللائحة غير دقيقة وفضفاضة.
ولكن أعتقد أن الفقرة تعطي الوزير صلاحية مطلقة في اضافة أي جهة بغض النظر عن الجهة التي تقدم الإقتراح الإضافة.
فالفقرة لا تقيّد صلاحيات الوزير بمقترح من جهات معينة،
بل تترك له الحبل على الغارب ليختار الموافقة على أي مقترح مقدم من أي جهة او من أي شخص.
أظن أن اللائحة تمت صياغتها على عجل،
وأن الجهة التي اصدرتها قصدت أن تمنح الوزير صلاحيات غير محدودة في اضافة جهات مختصة بالادراج في القوائم حسب حوجة السلطة التنفيذية.
| |
|
|
|
|
|
|
|
|
|
Re: كادجوازات القحاتة ولائحة 2021 (Re: Hafiz Bashir)
|
Quote: السلطات الرئيسية للمكون العسكري:
الأمن والدفاع: قيادة القوات المسلحة، وتحديد سياسات الدفاع والأمن، وحماية أمن الدولة والوحدة الوطنية.
حماية الوثيقة الدستورية: دور أساسي في ضمان تنفيذ واحترام الوثيقة الدستورية، وحماية الدولة.
إدارة القوات النظامية: الإشراف على شؤون الجيش، والشرطة، والأجهزة الأمنية الأخرى.
تحقيق السلام: العمل على تنفيذ اتفاقيات السلام، والتفاوض مع الحركات المسلحة غير الموقعة. |
القطية ما في الترشيح و التعيين, الشكالية في الاشراف و ودي العتة البتغاباها مولاكم هذا
| |
|
|
|
|
|
|
|
|
|
Re: كادجوازات القحاتة ولائحة 2021 (Re: جلالدونا)
|
سلام جلالدونا
| Quote: القطية ما في الترشيح و التعيين, الشكالية في الاشراف و ودي العتة البتغاباها مولاكم هذا |
يا النبي نوح!!!
اللهم لا تمحنا ولا تبلينا
يا اخوانا دا فهم شنو؟
يعني رئيس الوزراء وما مشرف على وزارة الداخلية؟😮
ما في أي نظام حكم في العالم وعلى مدى تأريخ الحكومات في العالم تكون في وزارة خارج سلطات رئيس الوزراء..
عشان نتجاوز النقطة ونخش في موضوع اللائحة،
خلوا كلام مولانا
وشوفوا كلام حمدوك نفسه ويبدو إنو كان عارف قصور فهم الناس الداعمنو.
بعيداً عن جهلك المدقع بانظمة الحكم وبالفقه الدستوري،
مشتاقين يا جلالدونا واريتك طيب وكل عام وإنت بخير.
| |
|
|
|
|
|
|
|
|
|
Re: كادجوازات القحاتة ولائحة 2021 (Re: Hafiz Bashir)
|
ياخي من الخلعة في تدني مستوى الفهم والمعرفة لمن نسيت اخت الرابط بتاع صورة المصدر النشر تصريح حمدوك في المداخلة اعلاه.
https://www.sudaress.com/bajnews/63623https://www.sudaress.com/bajnews/63623
| |
|
|
|
|
|
|
|
|
|
Re: كادجوازات القحاتة ولائحة 2021 (Re: Hafiz Bashir)
|
هههههها
- مولانا "الصابرات روابح ولو كان يجن قُماح (يعنى ريقهن ناشف من العطش)
- كويس كتابة جلال الدين دى ما وقعت فينى ، كنت طرت وإتحرقت زى أبو الدقيق
#بالمناسبة سلامات يا جلالادونا (بما أننا بقينا أصدقاء على خفيف جدا ) غاطس وين؟ - ليك مدة ما ظهرت
| |
|
|
|
|
|
|
|
|
|
Re: كادجوازات القحاتة ولائحة 2021 (Re: هدى ميرغنى)
|
تحياتي يا هدى
Quote: هههههها
- مولانا "الصابرات روابح ولو كان يجن قُماح (يعنى ريقهن ناشف من العطش)
- كويس كتابة جلال الدين دى ما وقعت فينى ، كنت طرت وإتحرقت زى أبو الدقيق |
زي نوع جلالدونا دا داير صبر انبياء.
دي حقارة من القحاتة والحمادكة كونهم يرسلوا لينا نوع جلالدونا عشان نقعد نعلمهم الابجديات.
ومن هنا اطالب بكري ابو بكر بإرسال رسالة للقحاتة والحمادكة بإن يخرجوا لنا نظراءنا.
يا جلالدونا ياخي قسم بالله أنا ما داير اتعالى عليك،
لكن كمان إنت بمستواك دا لو أنا ما اتعاليت عليك بكون ظلمت نفسي وبكون مرمغت المولنة في التراب.
😝
| |
|
|
|
|
|
|
|
|
|
Re: كادجوازات القحاتة ولائحة 2021 (Re: Hafiz Bashir)
|
*تصحيح لعبارة كتبتها فى مداخلة عاليه :
الصابرات روابح - و "الضائقات" يجن قُماح
#عشان الناس من جهات الشاعر والفنان ما تضرسهم العبارة الخطأ
……………………
#طبعا يا مولانا انت بالك طويل وعندك صبر واحتمال
#مولانا بمعنى قاضى suits you😀
| |
|
|
|
|
|
|
|
|
|
Re: كادجوازات القحاتة ولائحة 2021 (Re: Hassan Farah)
|
سلام دكتور حسن فرح،
شنو علاقة الفيديوالنزلتو بموضوع البوست؟
البوست يتناول لائجة القوائم والسيطرة الهجرية التي صدرت في سنة 2021 أثناء فترة حكومة حمدوك.
تلك اللائحة التي اعتدت على حق المواطن في استخراج جواز السفر،
بأن منحت السلطة التنفيذية صلاحية حرمان المواطن من استخراج جواز السفر.
المتحدث في الفيديو يدافع عن القحاتة ضد اتهامهم بأنهم تهاونوا في التحقيق ومحاسبة قتلة الثوار.
ويدافع عن قحت ضد اتهامها بأن لها دور في الحرب الحالية.
وهذين اتهامين وموضوعين لا علاقة لهم بموضوع البوست.
فياريت توضح المغزى من وضعك لهذا الفيديو في هذا البوست.
| |
|
|
|
|
|
|
| |
Hafiz Bashir
زهير ابو الزهراء
كمال عباس
طلحة عبدالله
محمود الدقم
طارق عبد الله
Hassan Farah
جلالدونا
هدى ميرغنى
فيس بوك
تويتر
انستقرام
يوتيوب
بنتيريست