|
|
|
 Re: ابونمو سفير في الخارجية السودانية بقرار م (Re: زهير ابو الزهراء)
|
صديقي العزيز ابو الزهور
ليك وحشة غصة في الحلق
أضحكتني من الصباج
وانا سايق سيارة
طريق ابوظبي العين
عبارات مضحكة ومزلزلة
تخليك تفك الدركسون
وانا جاري بسرعة 140 كم/ساعة
والطريق عذب وجذاب
بين المنحنيات ،
وأشجار النخيل
تلوح بأكفها إشراقة ،
وبلسماً
،،،،،
عزالدين عباس الفحل
ابوظبي
| |
  
|
|
|
|
|
|
|
|
Re: ابونمو سفير في الخارجية السودانية بقرار م (Re: زهير ابو الزهراء)
|
السيد ابو الزوز
تحياتي
انا ما ببدلكم بمناصب ولا ببدلكم بكراسي سلطة ابدا ابدا يااااااخ 😊مستحيل دا يحصل ..
ابو نمو قبل توقيع سلام جوبا كان في السعودية رئيس عمال والشغل ما عيب طبعن، لكن مشت معاه و بقي وزير، والان سفير
طبعن يا ابوالزوز في عملية تشريح وتشليح وتفكيك لجماعة مناوي اليومين ديل، وحركة مناوي الان في طريقها الي ان تصبح راكوبة خريف، ابونمو وزير
وبتاع المعادن داك الكان عاطل في لندن الان اصبح وزير معادن و موكبه 10 سيارات، والمصريين راضين منه علي الاخر، وحالة تمرد في صفوف مناوي ومناوي
زاتو ترك طريق الكفاح وتحول الي ناشط في منصة اكس
شاكر لك البوست، لكن زي ما قلت ليك انا بس في سودانيز اونلاين دي الي اللحد نجغجق في الكيزان ليوم الدين
احتراماتي
| |
|
|
|
|
|
|
|
|
|
Re: ابونمو سفير في الخارجية السودانية بقرار م (Re: محمود الدقم)
|
يا حودة يا حبيب، والله بالغت فينا! يعني هسة قنعت من كراسي السلطة والوزارات والمواكب العشرية دي بالعربات والتشريفة الرهيبة ؟
ياخ نحن زاتنا ما دايرين مناصب، بس دايرين 'حظ' أبو نمو دا! الراجل قلبها من 'من عاطل عادي الي لـ 'سعادة السفير' في رمشة عين
دي طبعاً ما (ضربة حظ)، دي (ضربة جوبا) زاتها!
أما حكاية (راكوبة الخريف) دي، فإنت بالغت فيها.. الراكوبة على الأقل بتظلل، لكن الجماعة ديل بقوا زي (تطبيق إكس)؛ ضجيج وتغريد والواقع 'خلا' دا
وبعدين بتاع المعادن ده، لندن دي الظاهر كانت (فترة إحماء) بس، عشان يجي يفتش الذهب هنا بموكب يغطي عين الشمس.
خليك معنا في (سودانيز أونلاين) يا صديقي، على الأقل هناك (النجغجقة) ببلاش وما محتاجة تصريح من المصريين!"
لك الود يا صديقي
| |
|
|
|
|
|
|
| |
زهير ابو الزهراء
عزالدين عباس الفحل
حيدر حسن ميرغني
محمود الدقم
فيس بوك
تويتر
انستقرام
يوتيوب
بنتيريست