|
|
|
 Re: مستشار الرئيس الأمريكي - استبعدنا قوات ال� (Re: زهير ابو الزهراء)
|
اتخيل يا زهير البتكلموا عن الانتهاكات دي هم نفسهم الرفضوا لجنة تقصي الحقائق التي كانت بصدد المجيء للتحقيق في نفس الانتهاكات التي يتحدثون عنها
الدعم السريع كان ابدى موافقة لحضور هذه اللجنة
دي متاجرة الانتهاكات المزعومة وليس اثبات حقائق وانصاف المظلومين ، على قول اخونا ايمن عثمان
| |
  
|
|
|
|
|
|
|
|
Re: مستشار الرئيس الأمريكي - استبعدنا قوات ال� (Re: حيدر حسن ميرغني)
|
يا حافظ…ربنا يهدي الجميع، وما في زول فوق الخطأ ولا النقد.
لكن خليني أقول ليك حاجة بكل احترام الصحافة يا صديقي ما شُغلة للترضيات، ولا بتتقاس بدرجة رضا الناس من آرائي، ولا بانحيازي لجهة على حساب جهة
الصحافة شُغلها تكشف، تسأل، وتفكك… مهما كانت النتيجة مُزعجة للبعض
وحقيقة انا ما شاغل صحفي الان في مستوي صحفي بكتاب مقال راي يومي فقط
إذا كلامي أغضبك، فدا حقك الكامل
لكن ده ما دليل على سوء الصحافة…
بل دليل على إنو في كلام مُزعج لدرجة إنو بيحرك الغضب
أنا ما بكتب عشان أُرضي الجيش أو أدافع عن الدعم السريع أو أسترضي السياسيين
أنا بكتب لأنو في بلد بيتكسر قدامنا، وفي ناس بتموت، وفي حرب بقت تُدير كل حياتنا
ولو الصحافة ما وقفت في الخط الفاصل بين المعلومة والدعاية…
ما حتكون صحافة، وحتتحول لطبالين حرب… ودي آخر حاجة السودان محتاجها الآن
فيا حافظ،
الخلاف ما عيب، والانتقاد حق،
لكن محاولة إسكات أي صوت ما عاجبنا…
دي أكبر مشكلة قادت السودان للحروب والانقلابات.
وأنا مستمر في الكتابة…
مو عشان أنا ح ايد، لكن عشان البلد محتاجة صوت خارج الصفوف العسكرية والسياسية صوت مجنون وحقيقي
وإنت برضو حقك كامل تنتقد، لكن ما حقك تحدد لشخص تاني شنو "شغلته"
الواحد ما ينصب نفسو حاكم علي الناس ويحد من حريتم
خليك قريب… وخلينا نختلف بأدب.
| |
|
|
|
|
|
|
|
|
|
Re: مستشار الرئيس الأمريكي - استبعدنا قوات ال� (Re: زهير ابو الزهراء)
|
Quote: ولو الصحافة ما وقفت في الخط الفاصل بين المعلومة والدعاية…
ما حتكون صحافة |
كونك ما قادر تفرق بين المعلومة والدعاية دا يا هو ذاتو البخليني اقول ليك ما عندك حس صحفي.
خبرك غير صحيح،
ومافي مسؤول امريكي، لا مستشار رئيس لا غيرو، قال الكلام المزعوم دا.
رأيك ما عندي شغلة بيهو.
لكن إنت كصحفي عليك التحقق من الاخبار قبل نقلها.
رأييك إنت حر فيهو ورأيك قابل قابل للنقاش والاتفاق او الاختلاف معه..
الخبر عبارة عن معلومة، يا تكون صحيحة او كاذبة.
وخبرك المنقول في البوست دا خبر كاذب.
| |
|
|
|
|
|
|
|
|
|
Re: مستشار الرئيس الأمريكي - استبعدنا قوات ال� (Re: muntasir)
|
يا زهير
الكل بعلم انك منحاز للدعم السريع وكل كتاباتك تدل على انك دائما بتدافع عن الجنجويد وبتحاول
بقدر الامكان تبرئهم من الجرائم الفظيعة التي ترتكبها مليشيات الجنجويد ولم نقرا لك يوما انتقادا
واضحا لجرائم الجنجويد ....
...والله اننا نحترم كتابات محمود الدقم على الرغم من انحيازه الواضح للجنجويد الا انه وعندما ترتكب
مليشيات الجنجويد احدى الجرائم الفظيعة نجده ينتقد تصرفات الجنجويد ويطالب القادة الميدانيين
اجراء تحقيق وتوقيع العقوبة على المتفلتين الذين يسيئون لسمعة مليشيات الجنجويد ...
...وبما انك صحفي محترف يا زهير فيجب عليك ان تكون محايدا عند نقلك للاخبار ...لانك دائما تنقل الاخبار
التي تسئ للقوات المسلحة وتسر مليشيات الجنجويد التي شردت شعب السودان وجعلتهم يتسولون لقمة
العيش في دول الجوار....
| |
|
|
|
|
|
|
| |
زهير ابو الزهراء
Hafiz Bashir
حيدر حسن ميرغني
wedzayneb
السر عبدالله
Biraima M Adam
نصر الدين عشر
فيس بوك
تويتر
انستقرام
يوتيوب
بنتيريست