|
|
|
 Re: عدد من الدول الأوروبية بدأت بسحب الجنسية � (Re: محمود الدقم)
|
يعني بالعربي كدا يا محمود الدقم اوربا صادرت من اللاجئين حقهم في حرية التعبير عن آرائهم السياسية تجاه ما يحدث في بلدانهم.
ومن هنا ولقدام أي سوداني تجنس بجنسية اوربية عبر اللجؤ بقى رأيه السياسي لا يعتد به
لأنه صادر تحت تهديد دولته الاوربية بسحب الجنسية منه او جرجرته امام المحاكم.
هسه يا الدقم شككتنا في موقف رئيس وزراء حكومة تأسيس،
إحتمال يكون تطرفه في معارضة دولة 56 هو فقط محاولة لإرضاء دولته الاوربية،
ومحاولة منه لإبعاد أي شبه قد تسحب منه الجنسية الاوربية.
| |
 
|
|
|
|
|
|
|
|
Re: عدد من الدول الأوروبية بدأت بسحب الجنسية � (Re: Hafiz Bashir)
|
لا ياأستاذ حافظ
الدول الأوربية لم تصادر حق اللاجئين فى حرية التعبير!
الدول دى اكتشفت إنه اللاجئين ديل كذابيييين وقدموامعلومات كاذبة
فى طلبات اللجوء ، وقوانين الدول دى تعتبر الكذب فى أوراق رسمية
جريمة، وماعندهم فقه التقية الذى سنه الكيزان للوصول للحكم!
وقع ليك؟
تحياتى
| |
|
|
|
|
|
|
|
|
Re: عدد من الدول الأوروبية بدأت بسحب الجنسية � (Re: مهيرة)
|
| Quote: الدول دى اكتشفت إنه اللاجئين ديل كذابيييين وقدموامعلومات كاذبة |
لا لا ما وقع لي يا دكتورة.
وما وقع لي لأنو موضوع البوست ما مسألة الدول الاوروبية اكتشفت إنه اللاجئين ديل كذابيييين،
وكمان دي ما هي الرسالة المقصودة من البوست دا كما هو ظاهر في العنوان.
ولأنو كلامك دا تبسيط غير واقعي للمشكلة.
ما في جديد في قصة إنو الدولة المانحة للجنسية تسحب منك الجنسية إذا اكتشف إنك كذبت وقدمت معلومات كاذبة في طلبك للجوء
دي ممارسة قديمة.
وبالتأكيد إنت كطالب لجؤ بتكون عارف الكلام دا،
لأنك لما قدمت طلبك بتاع اللجو بتكون وقعت على اقرار بإنك قدمت معلومات صحيحة
وبالتالي بتكون عارف إنو لو ثبت إنك كذبت في إقرارك بالضرورة ينهار طلبك وكل وما ترتب عليه من حقوق تالية.
الجديد الذي يحمله البوست بعنوانه هو أن الدول الأوروبية بدأت سحب الجنسية او الإقامة من طالبي لجوء بسبب التطبيل اللاحق لأنظمتهم.
ودا بيعني أنو الدولة الاوروبية المانحة للجنسية ممكن تسحب منك الجنسية بسبب موقف لاحق من للنظام في بلدك
وليس بناءاً على صدق او كذب الرواية التي بسببها منحتك حق اللجؤ.
وبمعنى آخر أن البلد المانح للجنسية يشترط عليك البقاء على موقف وفكر سياسي معين.
الاشكالية في محاكمة طلب اللجؤ بناء على موقف لاحق فيها عدة اشكاليات حقوقية:
اولاً: الفرضية الاساسية هي إنو الدول الاوربية لا تمنح الجنسية والمواطنة كمكافأة على حسن السير والسلوك السياسي،
الجنسية الاوروبية حق تكتسبه بالإقامة بعد حصولك على الحماية كلاجئ.
وبالتالي الدولة المانحة للجنسية ما مفروض تمارس رقابة على موقف المتجنس بجنسية اكتسبها كحق لاحق لحمايته من قبل الدولة المانحة.
الجنسية إذا مُنحت، يفترض أن تكون بحقوق كاملة، بما فيها الحق في تغيير وتقلب الرأي السياسي والتعبير عن التغيير.
ثانياً: المواقف السياسية ما ثابتة ولا ثنائية بمعنى مع او ضد،
ونفس الشخص ممكن يكون معارض لنظام دولته الاصل في صراع داخلي
وداعم لنفس النظام إذا تعرضت دولته لغزو خارجي.
وثالثاً: لأنو كأثر جانبي، سحب الجنسية بناءاً على موقف المواطن من نظام دولته دي بتخلق ثقافة خوف لدى المجنسين،
حتى عند اللاجئين الصادقين ذوي المواقف المعقدة، لأنهم حيشعروا بأنو جنسيتهم مشروطة بموقف سياسي محدد.
وبالتالي كل حملة الجنسيات الاوروبية الذين نالوها عبر اللجؤ بيبقى موقفهم السياسي غير موثوق به كموقف وطني،
لأنو فيه شبهة عدم اكتمال الارادة لأنه جزئياً هو موقف مدفوع بحرصهم على التمسك بجنسيتهم الاوروبية.
لو ما وقع ليك ما مشكلة لأنو دي ثقافة حقوقية قد غيبتها المواقف السياسية عند كثير من الناشطين السودانيين هذه الايام.
| |
|
|
|
|
|
|
|
|
|
Re: عدد من الدول الأوروبية بدأت بسحب الجنسية � (Re: Hafiz Bashir)
|
يا حافظ هداك الله، الفهلوة والفذلكة على الفاضي ما جايبة حقها إطلاقاً. الموضوع واضح، والأدلة أمامك. صحف أوروبية عنونت ما كتبته أنا في البوست -المصدر الثاني-، ولو إنجليزيتك تعبانة ومرهقة للغاية استعن بشات جي بي تي.
اللاجئ الذي وصل إلى أوروبا أو كندا حيث تقيم أو أمريكا، الخ. يقدّم لجوء وفق أربع معطيات:
لجوء سياسي انطلاقاً من اضطهاد عرقي – اضطهاد سياسي – اضطهاد ديني – اضطهاد جنساني نوعي يتعلق بنوعه كمتحوّل مثلاً.
فبالتالي عندما يتم منحك حق اللجوء السياسي وليس الانساني، ثم لاحقاً الجنسية، فالدولة المانحة تفترض فيك المصداقية والجدية وتصدّق أنك مضطهد سياسياً، وأنك جئت تبحث عن الأمان، لأنك واجهت ظروفاً تعيسة غير إنسانية انتهكت حقوقك المدنية في بلدك الام.
لكن هذا الشخص نفسه شحما ولحما الذي قال إنه قد انتهكت حقوقه المدنية في بلاده، هو نفسه خرج في مظاهرات عارمة يهتف (جيشون واحد شعبون واحد)، وهو نفسه خرج مثلاً يمجّد ويقدّس كتائب متطرفة دينية كانت قد قتلت اهله كما قال، وهو نفسه قال: تم هتكه ومتكه وسحله. من نفس النظام الذي هو الان
يخرج يزغرد وينبح له وباسمه، فكيف تصفق وتطبّل لجهات هتكت كرامتك وتكذب علينا؟ هذا هو موضوع البوست، فأنا مش عارف انت بتلت وتعجن في شنو يا هداك الرب؟ ومن منعك في حق التعبير اصلا؟ لكن عليك يا حافط ان تفرق بين حرية التعبير وحرية التبعير!!
| |
|
|
|
|
|
|
|
|
|
Re: عدد من الدول الأوروبية بدأت بسحب الجنسية � (Re: محمود الدقم)
|
ثانياً – من قال ليك إن الدول الأوروبية تراقب طالب اللجوء السياسي؟ الدول الأوروبية لديها أجهزة أمنية ولديها أخصائيين في جرائم السايبر والجريمة العابرة، ولديهم كلمات مفتاحية محددة لو أنت بتستخدمها باستمرار ممكن يبحثوا عنك: أنت منو وموضوعك شنو؟ وليه بتبحث عن هذه الكلمات اللوغاريتمية باستمرار؟ هل أنت باحث؟ طالب بتحضر دراسات؟ ولا زول مجرم؟؟ وكيف رصيدك البنكي بزيد بنسبة فيروسية وأنت ما بتدفع ضرائب؟ الخ.
معظم تحقيقات دوائر الهجرة الأوروبية ضد بعض المخالفين تأتي من مصادر مناوئة سياسياً من نفس الجالية، فمثلاً بعض أبناء دارفور فتحوا بلاغات ضد الربيع عبدالمنعم، ويقال إن الشرطة باشرت تحقيقات، وآخرين كتبوا مثلاً عن الربيع عبدالمنعم، وبالتالي توفرت المعلومات وكانت التحركات من قبل هذه الأجهزة ومن حقها، لأنهم جنّهم وجن الكضب، خصوصاً وطالب اللجوء قد استمتع بكافة حقوقه المدنية من سكن ودراسة وعلاج لمدة خمس أو عشرة أو عشرين سنة، وفي النهاية طلع كضيضيب، فلازم التحقيقات والسجن والإبعاد بعد الغرامة، وفوق كل ذلك طالب اللجوء عندما ذهب وأدّى القسم أدّاه على الإخلاص وقول الحق والدفاع عن قيم البلد التي أنت فيها، ومن ضمنها عدم الغش والاحتيال. فكيف تقول أنت مضطهد من نظام بلدك وبعد نيلك الجنسية تهتف: تعيش الديكتاتورية التي قتلت نصف مليون شخص؟ هذا الشخص ليس كذاباً بل ربما يشكل خطراً على الأمن القومي لهذا البلد الأوروبي، لذا لابد من البتر.
More than easy matter, Buddy
| |
|
|
|
|
|
|
|
|
|
Re: عدد من الدول الأوروبية بدأت بسحب الجنسية � (Re: محمود الدقم)
|
الدقم يا اخوي أنا أصلاً ما ممكن أكون متوقع منك تفهم كلامي عن الحقوق،
هو إنت لو عندك فهم للحقوق كان بقيت دعامي؟ّّّّ!!!!
المهم: علي نحت القوافي من معانيها *** وما علي إن لم يفهم الدقم.
مشكلتك يا الدقم مافهم الفرق بين حماية اللاجي وبين حق المواطنة (الجنسية).
الجنسية الاوربية او الكندية او الامريكية لا تُمنح بسبب الاضهاد في بلد الاصل.
الاضهاد في بلد الاصل سبب لمنح الحماية المكفولة باللجوء.
أما حق المواطنة او الجنسية فهي حق مكتسب بالإقامة لفترة زمنية والتزامات أخرى تحددها قوانين الدولة المانحة للمواطنة.
فالمقيم الذي الذي يقبل بقوانين البلد ويشارك في بنائه يصبح طرفاً في عقد اجتماعي جديد
والجنسية هي تعبير قانوني عن عقد اجتماعي متبادل بين الفرد المجنس والدولة
المواطنة المتحصل عليها بالإقامة تترتب عليها كافة الحقوق والتزامات التي في العقد سواء كانت المواطنة بسبب اللجؤ او العمل او غيرها.
من بين هذه الحقوق حق تبني الافكار الآراء السياسية.
ودا حق من الحقوق الأساسية والحريات الإنسانية وركيزة أساسية لأي مجتمع ديمقراطي.
يتساوى في الحق دا كل مواطن سواء نال الجنسية بالميلاد او بالإقامة التابعة للجوء او بغيرها.
واطيد فهم مثل هذا الحق وتقديسه لا يمكن أن يتوفر عند من ينتظر حميدتي يجيب ليهو الديمقراطية ضر كدا بس.
| Quote: Eritreans lose their Norwegian citizenship for falsely claiming they fled from from Eritrean regime. |
ترجمتها: الإريتريون يفقدون الجنسية النرويجية بسبب تقديمهم ادعاءات كاذبة بأنهم هاربون من نظام الحكم في إريتريا.
سبب فقدانهم للجنسية النرويجية أنهم كذبوا في طلبات لجوئهم في الوقت الذي تقدموا فيه بتلك الطلبات،
وليس بسبب مواقفهم وافكارهم التي تبنوها لاحقاً.
أي ارتري نال الجنسية النرويجية بإقامة قانونية مبنية على طلب لجوء بمعلومات صحيحة،
لو عايز بكرة يطلع في نص شوارع اوسلو ويكورك بأعلى صوت "عاش الرئيس اسياس افورقي"
يطلع طوالي وما في فرد زول يقدر يهبش دنسيته وجواز سفره.
أي زول ثبت إنو كضب في طلب اللجوء بتاعو، حتتسحب منو الجنسية. سواء كان حالياً معارض للنظام او داعم للنظام في السودان.
أي زول ما كضب في طلب اللجوء بتاعو، ما حتتسحب منو الجنسية. سواء كان حالياً معارض للنظام او داعم للنظام في السودان.
| Quote: جيشون واحد شعبون واحد |
يا اخوي دا كان واحد من هتافات الثوار الذين اسقطوا نظام عمر البشير.
أي بريطاني سواء من اصل سوداني ونال الجنسية البريطانية باللجوء او من اصل هندي او اسكتلندي
لو عايز بكرة يطلع في نص لندن ويقول "جيشون واحد شعبون واحد"،
يطلع طوالي ولو الحكومة البريطانية هبشت حق مواطنته يجي يكلمني اجرجرها ليهو في المحاكم واطلع ليهو تعويض.
وبدل الفارغة البتسوي فيها دي يالدقم شوف لي زباين وحقك برة.
| |
|
|
|
|
|
|
|
|
|
Re: عدد من الدول الأوروبية بدأت بسحب الجنسية � (Re: Hafiz Bashir)
|
قلت كيف؟ أنا ما فاهم الفرق بين حماية اللاجئ وحق المواطنة بالجنسية؟
يا زول قول بسم الله، أصلاً مجال الهجرة دا شغلي 18 سنة، وآخر زمن تجي أنت يا حضرت
المستثار وتبيع المويه في حارقة السقاين كمان؟؟ مش شايف نفسك عصرت علينا شوية؟؟
أنت لسة أصلاً ما فاهم المطر صابة وين يا فندم؟ أنا هنا لا أتحدث عن حماية اللاجئ الواصل لأوروبا، ولا أتحدث عن من بشير العندو جواز كندي بصفته لاجئ، أو حافظ بشير
الذي نال الجنسية الكندية بصفته طالب دراسات عليا أو دخل كندا ونالها بعد وظيفة ،
أنا هنا بتحدث عن شخص ما دخل أوروبا ومنح حق اللجوء، وكانت مرافعاته القانونية انه قد انتهك وسهك وسحق واغتصبوه اغتصاب جماعي وداير معونة نفسيه، وبعد سيرته النظيفة وعدم ارتكابه جريمة واستوفي الشروط المستحقة قانونيا لنيل الجنسية في هذا البلد الاوروبي او ذاك نالها، أو نال الإقامة،
أنا عن هذا الموضوع بتكلم يا حضرة المحامي. و انت تتلكم عن المهاجرين قانونيا ودخلوا تلك البلاد بفيزا وعبر المطار وبحقهم يا فندم كل الحقوق ان يصفقوا ويطبلوا للطغيان ويمشيو ينومو .
أوانا والبوست والحضور الكريم بتحدث يا فندم عن عبدالله الدخل بالسنبك أوروبا بصفته لاجئ،، ومن نال الجنسية احقاً بقي يهتف: عاش بشة، وعاش البرهان، وجيشون
واحد شعبون واحد، ولسع الاستبداد والطغيان اللهو احد ضحاياه ما زال قائما في بلاده فدا انت بالنسبة ليك عاااااااااااادي؟ يعني دايرني اجيب ليك زبائن من النوع دا عشان ادخل السجن يا حضرة المحامي 🙁🙁؟
عشان كدا انا قلت ليك: عليك أن تفرق بين حرية التعبير وحرية التبعير، لأنك للأسف عندك فيهما كك شوية،
اخيرا الدقم كان دعامي يعني بكون خايف منك مثلا او من البرهان قائدكم؟ حافظ كتر من شراب الموية الدافئة بالصباح كويسه لتهدئة الاعصاب..
| |
|
|
|
|
|
|
|
|
|
Re: عدد من الدول الأوروبية بدأت بسحب الجنسية � (Re: محمود الدقم)
|
Quote: أوانا والبوست والحضور الكريم بتحدث يا فندم عن عبدالله الدخل بالسنبك أوروبا بصفته لاجئ،، ومن نال الجنسية احقاً بقي يهتف: عاش بشة، وعاش البرهان، وجيشون
واحد شعبون واحد، ولسع الاستبداد والطغيان اللهو احد ضحاياه ما زال قائما في بلاده فدا انت بالنسبة ليك عاااااااااااادي؟ |
يهتف عاااااااادي زيو وزي أي زول نال الجنسية بأي طريقة أخرى
.طالما هتافه تعبير عن موقف سياسي وما بيشكل جريمة في حد ذاته يهتف زي ما عايز وبأعلى حس.
إذا هتافه بيشكل جريمة فهو جريمة لو هتف به الشخص النال الجنسية كلاجئ او الشخص النال الجنسية كمهاجر للعمل.
كلهم في الحتة دي وااااااحد.
عبدالله الدخل بالسنبك أوروبا بصفته لاجئ بسبب تعرضه للاضطهاد من النظام في السودان
واتقبل طلب اللجوء بتاعو وبعدها نال جنسية الدولة الاوربية،
بعد نال الجنسية اصبح مواطن عادي من حقه تبني أي موقف سياسي.
وطالما دعم النظام السوداني ما بيعتبر جريمة بالنسبة للمواطنين الآخرين
يبقى من حقو زيو وزي بقية المواطنين يغير رايو ويبقى داعم للنظام السوداني.
في النهاية الجنسية وااااااحدة والحقوق المترتبة عليها واااااحدة.
وعبدالله لو لقى سنبك يجيبو كندا واتقبل كلاجي واكمل المدة القانونية من الاقامة وبقية الشروط ونال الجنسية
عندو نفس الحقوق بتاعة مولانا حافظ بشير الدخل كندا عبر الFederal Skilled Worker Program
نصيحة ليك يا خبير مجال الهجرة:
لو عندك غبينة مع عبدالله داير تفشها، أمشي بحبت كيس اللجوء بتاعو وأثبت إنو كضب.
لكن قصة تمشي تفتش إنو هسه رأيو وموقفو السياسي شنو، دي ضياع زمن وما بتفش غبينتك.
| |
|
|
|
|
|
|
|
|
|
Re: عدد من الدول الأوروبية بدأت بسحب الجنسية � (Re: Hafiz Bashir)
|
⛔يا حضرت المستثار، الدقم كان بفش غبينتوا في عبدالله كان يعمل نايم، ومطنش ويطنش ويخلي عبدالله يجوط عاليها سالفها وبالنهاية يتم القبض عليه من قبل السلطات الاوروبية بحجة الغش والتضليل في تقديم معلومات لجوءه، ويسحبوا منو اقامتو
وجنسيتو وبورتسودان جاااااااااااااك سانكا.
لماذا افتح بوست واجيب واعطي دروس خصوصة للبسوي والما بسوي!! يا قوم كيف تفكرون!! لكن زيد من الناس اخذ الجنسية كلاجئ سياسي ولاحقا بقي يطلبل ويرقص ويهتف لمن انتهك حقوقه، بختلف يا حضرة المحامي، والموضوع ما بالضرورة تكون معاك شهادة قانون من الجامعة او من الخلاء.
النص التالي ورد في موقع وزارة الداخلية البيريطاينة يتناول موضوعنا:
...الترجمة..
[عندما يكون واضحًا أن الشخص لم يعد بحاجة إلى الحماية (انتهاء الحاجة).
عند ظهور أدلة تثبت أن الوضع قد مُنح بناء على معلومات مضللة أو غير صحيحة (الإلغاء).
عندما يرتكب شخص جريمة خطيرة جدًا ويشكّل خطرًا على المجتمع أو يمثل تهديدًا للأمن القومي بحيث لم يعد يستحق الحماية (السحب).]
Quote: it is clear that someone no longer needs protection (cessation)
evidence emerges that status was obtained by misrepresentation (cancellation)
someone commits a particularly serious crime and constitutes a danger to the community or represents a threat to our national security such that they no longer deserve protection (revocation) |
اخيرا الدقم ما عندو الحق يمشي يحقق او يسال انو انك قضيتك الشخصية السياسية شنو في الهوم اوفيس-وزارة الداخلية دائرة الهجرة- دا شغل بتاع موظفي الهجرة والشرطة ووكالات مكافحة الار.ه.ا..ب، بشكل عام الموضوع يحتاج لبعد قانوني وانساني
واخصائي علم الجريمة وحقوق الانسان وقضاء ومحاكم واستنئاف للبت في الموضوع من جذوره لكن الخداع والغش حبلوا قصير جدا.
| |
|
|
|
|
|
|
| |
محمود الدقم
Hafiz Bashir
مهيرة
طارق عبد الله
Zakaria Fadel
فيس بوك
تويتر
انستقرام
يوتيوب
بنتيريست