|
|
|
 Re: كلام غريب لعضو المنبر andquot; عادل عبدالعاطي (Re: الصديق الزبير)
|
سلام اخ الصديق الزبير و التحية للاخ عادل عبدالعاطى,
منطق الاخ عادل فعلا غريب, حيث يرى استمرارية الحرب ضرورية و يرى ان التفاوض بين الطرفين فيه خيانة للذين ضحو بأرواحهم.
استمرارية الحرب معناها استمرارية الموت و زيادة عدد الضحايا سواءا من الموت المباشر او معاناة الاحياء.
حتى لو بأمكانك قتل 1000 من الطرف الاخر ف بالتأكيد ذلك الطرف ليس مكتفا و بامكانه قتل 100 من الطرف الاخر, هنا زاد عدد الضحايا و لم تحقق العدل للضحايا الاوائل.
المنطق يقول بالتفاوض لايقاف القتل و المعاناة و من ثم استخدام القانون لاخذ حق الضحايا.
| |
 
|
|
|
|
|
|
|
|
Re: كلام غريب لعضو المنبر andquot; عادل عبدالعاطي (Re: Mahjob Abdalla)
|
عادل عبد العاطي ما عندو اي مبدأ
نحن ما نسينا حملته المسماة بـ (حملة سودان المستقبل)
والتي كان ينوي ان يترشح ضد البشير بموجبها في ٢٠٢٠
قبل ان تعاجلهم ثورة في مقتل وتنتهي من دوره الكومبارسي الذي كاد
ان يجير به دورة رئاسية اخرى للمجرم البشير
لو كان اهله محاصرين فعلا لما نادى باستمرار الحرب
ولكن حاله كحال البلابسة
عليهم لعنة الله والملائكة والناس اجمعين
| |
|
|
|
|
|
|
|
|
Re: كلام غريب لعضو المنبر andquot; عادل عبدالعاطي (Re: نصر الدين عشر)
|
إذا كان ما سمعه الأستاذ عادل عبد العاطي صحيحا، بأن بعض " القيادات العليا
للكيزان يهمسون للبرهان بأن يتفاوض يصل لاتفاق مع الجنجويد يعيد فيه ندويرهم
في السلطة و القوات المسلحة السودانية، و أن البرهان مساعديه بدأوا يلينون
لهذا الرأي الأعوج ، فأنا أتوافق مع مدلول كلام الأستاذ عادل عبد العاطي ببنسبة 100%.
| |
|
|
|
|
|
|
|
|
|
Re: كلام غريب لعضو المنبر andquot; عادل عبدالعاطي (Re: wedzayneb)
|
سلام اخ طارق الفزارى,
التفاوض معناه حتما ح تكون فى تنازلات و على احسن التقديرات ح يجوك (البرهان و حميدتى) كما كانو من قبل. طبعا لو فى امكانية تدويرهم داخل القوات المسلحة افضل من انو يكونو جيشين مستقلين. المهم دى تفاصيل لكن الاهم هو ايقاف الحرب.
بالنسبة "للذين يهمسون فى اذن البرهان من الكيزان", السنا نحن معشر الشعب السودانى من يطالب بأيقاف الحرب, اذن, اذا انضم الكيزان اخيرا لهذا المطلب, طوالى نديهم الكريديت و ننسى انو نحنا الذين طالبنا بأيقاف الحرب قبلهم و طوالى نرجع نحن نبقى ناس (بل بس و لا لايقاف الحرب). كيف يستوى هذا الكلام!
| |
|
|
|
|
|
|
|
|
|
Re: كلام غريب لعضو المنبر andquot; عادل عبدالعاطي (Re: Mahjob Abdalla)
|
| Quote: المنطق يقول بالتفاوض لايقاف القتل و المعاناة و من ثم استخدام القانون لاخذ حق الضحايا. |
طبعاً بتفق مع رأي شيخي محجوب.
أنا مع التفاوض الذي يفضي لحلول توقف الحرب نهائياً وتنزع القدرة على إعادة اشتعالها.
ورغم إختلافي مع عادل عبدالعاطي الذي يرى أن النهاية الوحيدة المقبولة لإنهاء الحرب هي القضاء التام على الدعم السريع،
إلا أنني اتفهم رأيه ولا أستغربه.
رأي عادل عبدالعاطي ليس غريب وهو رأي الكثيرين ممن اكتوا بنار الحرب.
أيقاف الحرب يحتاج توسيع مساحة حرية الرأي وتفهم وتقبل الرأي المخالف.
| |
|
|
|
|
|
|
|
|
|
Re: كلام غريب لعضو المنبر andquot; عادل عبدالعاطي (Re: Hafiz Bashir)
|
اهم حاجه في الحرب دي مايزت الصفوف...
صف وطني وصف عنصري....
الصف العنصري يدعم الحرب وقت انتصارات الجنجويد وانتشارهم الذي اطلقوا عليه سيطره والان ينادون بوقف الحرب رحمةََ به وبهم لان مشروعهم متعلق بهم.
وصف وطني يدعم الحرب ليس حباََ في الحرب وانما كرخا ان تترك جذور الحلفا لتبتق تاني اشد واقوي.
الحلفا نبات شرس لو لم تقتله من جذوره يعود اكثر انتشارا.
| |
|
|
|
|
|
|
|
|
|
Re: كلام غريب لعضو المنبر andquot; عادل عبدالعاطي (Re: Mahjob Abdalla)
|
أخي الحبيب: Mahjob Abdalla;
كلامي واضح لا ثغرة فيه تستدعي التفاعل معه بأسلوب ال hairsplitting:
إذا تأكد صحة ما تناهي لسمع لازميل المحترم عادل عبد العاطي من كلام،
فإن جاء على لسانه هنا بتملهي موقفي الثابت الذي ظللت أردده هنا
في منبر سودانيزاونلاين للنقاش، و طبقا لشعار ثورة دسمبر 2023م:
. " الجنجويد ينحل ". تطورات الأحداث الآن استوجبت أن يكون " الحل "
للجنجويد بقوة السلاح حتى يستسلموا مرغمين أو نقضي علي المحاربين منهم،
و استطال أمدها، و إن بقي نهاية المشوار جندي واحد يحارب من قبل القوات المسلحة السودانية
و المستنفرين الذين يقاتلون في صفها. و لف سبيل لإعادة تدوير الجنجويد
سياسيا و عسكريا بعد كل الإنتهاكات و الجرائم البشرة التي ارتكبوها
في حق المواطن السوداني المدني البريء، و الممتلكات الخاصة و العامة.
لعل الله قد اصطفانا للقضاء المبرم على الشر المتجسد في عصبة الجنجويد الباغية.
| |
|
|
|
|
|
|
|
|
|
Re: كلام غريب لعضو المنبر andquot; عادل عبدالعاطي (Re: ترهاقا)
|
سلام للجميع~
#فى البداية أتساءل كما الاخ ترهاقا "الغريب شنو؟" ، حيث ان صاحب الخيط لم يبادر برأيه فى البداية
#تحياتى أخ حسن فرح: عادل عبد العاطى ليس عضوا بالشيوعى وكمان كان مدور ضد الشيوعى بشدة فى هذا المنبر ولفترة طويلة
…………………………………………………
#ااتفق مع الأخ محجوب فى جزء من تعليقه وهو وقف الحرب بالضرورة ولكن مفاوضات واتفاق يرجع البرهان+حميدتى لا لا ثم لا
#واتفق تماما 'بالطبع ' مع اضافة مولانا : | Quote: أيقاف الحرب يحتاج توسيع مساحة حرية الرأي وتفهم وتقبل الرأي المخالف. |
#الحرب سيوقفها الشعب السودانى :
ما تستغربوا ، شوفوا الحصل مثالا فى حرب السنتين ومحاولات الابادة ، أوقفها ا
شعب البلدين برفضهم استمرارية الحرب ، وتجاوب العالم معهم
#أيضا الشعب السودانى الصامد منذ البداية رافض لهذه الحرب التى لا تعنيه وحتى انضمام الشباب لم يكون قرارا سهلا من جانبهم او جانب أهلهم ، هولاء ملح الارض ان جفت وان كانت غنية ليس لهم إمكانيات النزوح أو البقاء هو رغبتهم بالتمسك بالوطن وبالتالى حفظه وان كان من دون سلاح وياما تعرضوا للتعذيب وكثيرا من الشباب استشهد وهم يتمسكون بمنازلهم لا غير
#الكلام كثير ولعدم الاطالة أختم بمقولة الأخ ترهاقا :
| Quote: ما كفاية،،،، لازم يتأدبوا هم على الفلول ويتختو في وضعهم الطبيعي |
#العسكر للثكنات والجنجويد إلى زوال
#ومافى مليشيا بتحكم دولة
| |
|
|
|
|
|
|
|
|
|
Re: كلام غريب لعضو المنبر andquot; عادل عبدالعاطي (Re: هدى ميرغنى)
|
اما الكيزان ان وُجدوا بالسودان وما سافروا زمااااان إلى خارج السودان ما يتنفشوا - هم مجرد شباب من بين الشباب السودانى يدافعوا عن وطنهم ، لا أكثر ولا أقل ولا فضل لهم ولا أحقية وما يفكروا فى امتيازات
#أولا اؤكد : ضد الاحتجاز وغيره من ممارسات خارج القانون إذا قام به الجنجاكيزان أو الكيزان
#لكن مهم الإشارة إلى انه :
#كلما ما يحاول كوز يقول انهم عملوا أو عملوا خيرا للسودان ، يصمتوا سريعا وما ينسوا موقف الكوز انس عمر القال قبل الحرب ما فى أرجل منهم وظهر الفرق بينه وبين الشباب السودانى الشجاع ممثلا فى موقف الشهيد محمد صديق
#أما الجنجاكيزان - فلهم أمثلة فى الباشا طبيق، حسبو ، كيزان لندن ،ميلانو وهنا فى المنبر وعنفهم اللفظى ومسلطين الوحوش على الارض لقتل الشعب السودانى
#يعنى قصة "لا للحرب" دى مكنة قديمة وأكدها مستشارهم محمد المختار (دا جاية عليه فى بوسته المخصص "الغزالة")
#كان فى البداية ناس عزت+المهرى وكوز لندن وغيرهم عندما كانوا يسيطروا على الخرطوم ، كانوا عايزين المفاوضات
#وكان عزت+المهرى ينادى ويهاتى بعدم استنفار أبناء الوسط والشمال ودا شئ محير
#عارفين ليه ، لأنه الجنجاكيزان قعدوا واشتغلوا مع العسكر الكيزان وعرفوهم جبناء وغير متواجدين وقدر الشايلين حيلهم كان انضموا للدعم السريع وهربوا من يوم الجنجويد هجموا على مطار مروى ، عشان كدا كان الجنجويد يوقفوا أى شاب او زول كبير فى الشارع ويتهموه انه فى الجيش
#مسألة الضباط المنضمين للدعم السريع وبعدها غادروا كان رددها فى اليومين الأولى للحرب كل من حميدتى ومستشاره وقتها🤑
#عزت+المهرى ، بعد لقائه الشهير مع القناة العبرية ، بانهم يتعرضوا للإبادة ، دارت الأيام وقال ديل ما بيعرفهم ، كان بيعرف "الملمعين شوية" الكانوا متواجدين بالخرطوم وناس السفاح على يعقوب بحسب أشارته
#وكمان أضاف فى لقائه مؤخرا مع دكتور عزام انه الجماعات البتحارب دى ، شباب قاعدين ساكت و فى ما معناه دا مصدر رزق ليهم
#وما ننسى كان خايف على أبناء الوسط والشمال - يا له من جلابى 😀 (
| |
|
|
|
|
|
|
|
|
|
Re: كلام غريب لعضو المنبر andquot; عادل عبدالعاطي (Re: هدى ميرغنى)
|
لم استمع ولا اريد ان اسمتع الي ماذا قال عبد العاطي مع احترام وجهة نظره
لكن طال الزمن او قصر سوف يجلس البرهان مع تأسيس رغما عن انفه كما
جلس اليومين ديل مع صمود
وقبل قليل طالعت تصريح لمسعد بوليس يقول فيه ان ترامب طالب بانهاء الحرب في السودان فورا
- ابحث عن التأكيد - ترامب بعد انحناء حم. ا.س. وأنهت الحرب مع تل ابيب وبعد تفكيك حزبالة والجها د وقصقصة اجنحة الايرانيين لم يتبقي له الا الاخونج وعلي راسهم ابالسة السودان
والان ابالسة السودان يتطاقشون فيما بينهم وراو ان حمدوك ارحم لهم من التعايشي.
المهم ننتظر ونشوف
| |
|
|
|
|
|
|
|
|
|
Re: كلام غريب لعضو المنبر andquot; عادل عبدالعاطي (Re: الصديق الزبير)
|
| Quote: ااتفق مع الأخ محجوب فى جزء من تعليقه وهو وقف الحرب بالضرورة ولكن مفاوضات واتفاق يرجع البرهان+حميدتى لا لا ثم لا |
سلام اخيتى هدى,
طبعا تلك ليست وجهة نظرى و لا ما اريده ان يحدث, بل هى قراءة لمالات ما سيحدث لان ايقاف الحرب (و ليس السلام) سوف يأتى من الخارج و ناس الخارج عندهم ساعة حيث المبعوث الخاص دائما مقاول بمبلغ معين لانجاز مهمة ما و اضافتها لـ سى فى بتاعهم.
ح يتعامل معاهم بنظام العصابات يختهم فى طربيزة و يخت مسدس لاى واحد فى راسو انهم يوقعو و (الجزرة) هى المناصب تحت الطربيزة زاتها.
قولى يا لطيف و قولى (سلفاكير و مشار).
| |
|
|
|
|
|
|
|
|
|
Re: كلام غريب لعضو المنبر andquot; عادل عبدالعاطي (Re: Mahjob Abdalla)
|
| Quote: رأيي يا أستاذة هدى ، هو أن " عادل عبدالعاطي غير متسق مع ما يدعو له ، وأنه ليس له مبدأ أو قواعد أخلاقية ينطلق منها أو يرتكز عليها ، فقط هو مع مصلحته وغاياته الشخصية حيث تكون ، وهذا هو الشيء الغريب - حيث سؤالك . |
سلام أخ صديق ~
إذا كانت كتابتك التوضيحية هذى تعنى أن المتحدث دا فيه كل هذه الصفات عاليه ، لكن الآن صار إنسان افضل ،يتكلم وينحاز للغالبية من الشعب السودانى - عدا المناداة باستمرارية الحرب طبعا
#ليه ما تديه the benefit of the doubt - ويكون كلام ما غريب ،حيث انه وضح فيه تماما المصيبة الوقعت على السودان من كيزان وجنحاكيزان وتبعات تقوية الجنجويد …
………
#عارف يا أخ صديق الما كان غريب شنو؟ مواقف دكتور النور حمد الذى انفعل وقال حميدتى اعتذر وكمان قبلها قال - الدعم السريع ما بيطلع من البيوت ، يطلع منها كيف هو أخذها بالقوة
…اها يا دكتور النور حمد ، الشعب السودانى سمع كلامك وطلعهم من منازله ، بالشجاعة وقوة لا تشابه قوتهم🤑
#اقول ليك مواقفه ما غريبة ليه، لأنه شفت فيديو قبل ثورة ديسمبر وهو ينهر برضه فى ندوة وقال الناس ما تطلع مظاهرات ، تنتظر انتخابات 2020
…ما فى زول سمع كلامه والناس طلعت وأزاحت رأس السلطة وواصلت نضالها لو ما العوارض ، وجاء الدكتور مع آخرين واستلم ثورة الشعب
#والآن أظنه عندهم معهد فى بلاد الخواجات او الامريكان ومعاه ناس نصر الدين عبد البارى بعد تلك اللمة فى نيروبى
………………
#مهم شوية:
…الغريب جدا عندى موقف الأستاذة أسماء محمود، كانت حاضرة فى ساحة أعتصام القيادة العامة ، كانت حضور مهيب بعد انقلاب البرهان+حميدتى ، الحجل بالرجل مع الأستاذة أميرة الجزولي
…الآن الغريب جاء: الحرب مدورة ، أشوف ليك نفس الأستاذة أسماء محمود فى إثيوبيا وكمان تابعوها بتحريف الهتاف
"ياعزة انتى الساس ، شرفك محال ينداس"
…عملوها ام قرون، ما عارفاها وصلت نيروبى ولا لا🤑
…وجاءت الأستاذة بثينة تروس وقتها فى واحد من مقالاتها الراتبة بجريدة الميدان ، الجريدة الناطقة بإسم الحزب الشيوعى السودانى ، مقالاتها لا تتوقف أبدا ولا لأسبوع واحد ، كتبت مقال فيه أو عنوانه يشير لذاك النداء المُحٓرف
| |
|
|
|
|
|
|
|
|
|
Re: كلام غريب لعضو المنبر andquot; عادل عبدالعاطي (Re: هدى ميرغنى)
|
تحياتى وسلامى أخى العزيز محجوبنا~
يا سلام ، عجبتنى كلمة "اخيتى" دى كيف ، انها نداء حنينا، صادقا نتبادله كثيرا مع الأهل لك التقدير والمودة والشكر
Quote: طبعا تلك ليست وجهة نظرى و لا ما اريده ان يحدث, بل هى قراءة لمالات ما سيحدث لان ايقاف الحرب (و ليس السلام) سوف يأتى من الخارج و ناس الخارج عندهم ساعة حيث المبعوث الخاص دائما مقاول بمبلغ معين لانجاز مهمة ما و اضافتها لـ سى فى بتاعهم.
ح يتعامل معاهم بنظام العصابات يختهم فى طربيزة و يخت مسدس لاى واحد فى راسو انهم يوقعو و (الجزرة) هى المناصب تحت الطربيزة زاتها.
قولى يا لطيف و قولى (سلفاكير و مشار). |
فاهماك يا محجوب أخيى
وللأسف تحليلك صحيح تماما ، لكن الشعب لازم يقيف وقفة قوية وكلمة موحدة ويعلن "ما عايزهم"
#نقول ليهم شيلوهم زى ما زمان شالوا المخلوع نميري ، اضافة كمان ديل نهبوا نهبا ثقيلا ، يعنى كثير من البلاد تكون عايزاهم بسبب ما نهبوه من السودان
#بس كمان برضه ما نسكت ، لا بد من المحاسبة، عشان ما تلف السنين ويرجعوا حتى ولو على حال البائس المخلوع نميري الرجعوه الكيزان
#بقول يا لطيف ، لكن شوف حال سلفا كير ومشار كيف !
| |
|
|
|
|
|
|
| |
الصديق الزبير
Biraima M Adam
ترهاقا
Hassan Farah
Mahjob Abdalla
نصر الدين عشر
wedzayneb
Hafiz Bashir
محمد حمزة الحسين
mohmmed said ahmed
هدى ميرغنى
محمود الدقم
فيس بوك
تويتر
انستقرام
يوتيوب
بنتيريست