وطنى يارمز الجمال والفجر السعيد لن نفرط فى حياضك ولن نحيد نبنيهو مجدك من جديد نمسح تمامآ صفحة الظلم العنيد
نبقى درقة ونبقى فرحة تسعد الناس الحزانى نغسل الدمع البسيل من عيون اطفال يتامى نبقى قبله ونبقى قبلة تمنح الود والسكينة والتشافى يلا يا كنداكة غنى فالسودان تعافى
على صوتك واملى فمك بالهتاف والزغاريد لا دساكر لا عساكر لا عصابات جنجويد
دمر الهمج اللعين كل اشكال الجمال الا ما بقدر يطال عزتنا او قيم النضال سودانا يا وطن المودة والجمال مهما ليل الظلم طال وتوشحت اجسادنا بالدم والنصال ضوء النصر بيشرق لا محال ينبلج الصبح يصرع كل اشباه الرجال فالنصر ات رغم قساوة التهجير عنوة للمنافى والشتات لا تأسى على ما فات فالنصر ات
الشمس رغم الليلة الظلماء حالكة السواد يسطع نورها يضوى الانام فيم الملام والنصر ات فيا شفاتة يا ثوار وكنداكات الوطن الكبير عزو ما تتفرقو بتاذو السودان بكل سمات ما بتنصفو الكلمات والما بعرف القيد ما بدرك معانى الحل فالعسكر للثكنات والجنجويد ينحل
09-22-2025, 06:09 AM
باسط المكي باسط المكي
تاريخ التسجيل: 01-14-2009
مجموع المشاركات: 5545
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ياسر الطيب عثمان
باسط المكي
فيس بوك
تويتر
انستقرام
يوتيوب
بنتيريست