|
|
|
 Re: في ازراء سودانيز اونلاين (Re: Nasr)
|
عييييييييييييييك!!!
معقولة؟
انتا من معجبي المريض، العار، النقروفوبك، ع ع ابراهيم؟
البنمط الافارقة اي "الزرقة" ك"منحلين" اخلاقيا، مقارنة باسيادو، مستعبديه، بدو الاعراب، البمثلو قمة الاخلاق بالنسبة ليهو؟
| |
  
|
|
|
|
|
|
|
|
Re: في ازراء سودانيز اونلاين (Re: Bashasha)
|
سلام و تحية اخي الحبيب محمد وسيد احمد و لضيوفك الكرام التحية و التقدير
بوست جميل عجبني و انشاء الله لو ربنا سهل حا تكون عندي فيه مداخلة شحمانة في الويك اند.......
لقدام
| |
|
|
|
|
|
|
|
|
|
Re: في ازراء سودانيز اونلاين (Re: بكرى ابوبكر)
|
في البداية تحياتي لاخي محمد سيد أحمد لك مني كل التبجيل
وهذا قولي وشهادتي في هذا المنبر مجروحة منذ 2006 وأنا أكتب هنا، وأشهد أن سودانيز أونلاين لم يكن مجرد موقع أو مساحة كتابة، بل كان مدرسة بالمعنى العميق للكلمة
مدرسة في احترام الكلمة، وفهم قيمة الخبر، وصقل المهارة في الحوار والكتابة.
الذين يستخفون بهذه التجربة ويلوكون عبارة "ديل اتعلموا السياسة في سودانيز" يجهلون أن السياسة ليست في الكتب الجامدة وحدها، بل تُتعلم في الممارسة، في الاحتكاك بالآخر، في النقاش المفتوح
وفي صقل المواقف أمام تيارات الرأي المتعددة.
سودانيز أونلاين جمعنا بأسماء كبيرة وفاعلة في الثقافة والفكر والسياسة: من محمد المكي إبراهيم وعبد الله علي إبراهيم إلى فضيلي جماع والخاتم عدلان وبشرى الفاضل وغيرهم
إلى جانب أجيال جديدة وجدت هنا منبرًا مفتوحًا للتجربة والتعبير.
إلى الذين يرمون سودانيز أونلاين بسخرية "تجمع أنصاف مثقفين"…
أنتم، في الحقيقة، تفضحون أنفسكم أكثر مما تنتقصون منّا.
نحن هنا منذ سنوات، نتجادل ونتعلم ونخطئ ونصيب، ونخرج من كل نقاش أوسع أفقًا وأشد وعيًا.
السياسة، والفكر، والثقافة، لا تُكتسب من مقاعد المكاتب الوثيرة ولا من مؤتمرات الفنادق، بل من الميدان الحقيقي للكلمة، حيث تتقاطع الآراء وتتولد الأفكار.
سودانيز أونلاين كان وما يزال مختبرًا حيًا للفكر السوداني، نافذة على الوطن حين ضاقت بنا الحدود، وجسرًا ربط المغترب بالمقيم.
الذين يسخرون منّا، ربما يخشون مواجهة فضاء لا يمنحهم امتياز السلطة ولا يعترف بألقابهم الجوفاء.
أما نحن، فقد تعلمنا أن الكلمة مسؤولية، وأن الحوار مع المختلف أشرف من التصفيق للمتفق.
وأخيرا أقول
هنا…
حيث الحروف تصير أوطانًا،
والأسماء تتحول إلى وجوه من لحم وذاكرة،
هنا كتب محمد المكي حلمه،
وغنّى فضيلي جماع للوطن،
وتنفس الخاتم عدلان حريةً لا تموت.
هنا…
كسرنا جدران الصمت،
وحملنا أخبار الوطن في أكفّنا،
هنا تصادقنا،
واختلفنا،
وتعلمنا أن السياسة ليست شتيمة،
بل شرف الكلمة،
وأن صداقات البورد
أبقى من ضجيج العابرين.
ولك ودي وأحترامي
| |
|
|
|
|
|
|
|
|
|
Re: في ازراء سودانيز اونلاين (Re: زهير ابو الزهراء)
|
سلام زهير
لك التحية وانت واحد من الأسماء المهمة في الموقع
مقولة امبرتو ايكو
عن أجهزة التواصل وكيف اتاحت الفرصة للحمقا
تستخدم كثيرا للهجاء وضرب المثل
ولكنها...اغفلت ان هذه المنابر هي برلمان مفتوح دون أجهزة رقابة ودون وصاية رئيس تحرير
| |
|
|
|
|
|
|
|
|
|
Re: في ازراء سودانيز اونلاين (Re: Nasr)
|
سلام محمد
طبعا اكتر حملة عدوانية ضد سودانيز اونلاين
كانت بسبب الدور الكبير للموقع في فضح نظام الإنقاذ
ولكن
أيضا شارك في الحملة بعض من المثقفين ونعتوا الموقع باعتباره منبرا للعامة
| |
|
|
|
|
|
|
|
|
|
Re: في ازراء سودانيز اونلاين (Re: mohmmed said ahmed)
|
الوهم البقولوا منبر عامة بقصد الاستهزاء والسخرية
ديل وين وصفوا لينا محل ورجغتم دي عشان بصفتي
من العامة لا أقبل جنس مخلوق يتريق أو يقل أدبو على
حتى لو كان جمع هرقل وشمسون وهولاكو في شخصية
واحدة
مع الاعتراف ان المنبر جمع فيما جمع بعض المتنمرين
والنرجسيين والشايفين نفسهم والعاملين فيها كاتلين (الجداد)
وخامين ما تحتو وطالعين في جبل عالى عشان يشوفوا
الناس صغار وهكذا وهكذا
النوعية دي من المخاليق تسببوا بطريقة أو أخرى في
وضع المنبر كتختة تنشين للبسوى وما بسوى عشان
يتعلموا فيهو التنمر وقلة الأدب لأنو وحسب متابعتى
المنبر فيهو نوعين من الناس البتعرضوا للتنمر والسخرية
والتحقير
واحدين طبعهم مسالم وما عايزين مشاكل وديل بياخدوها
من قصيرا ويهاجروا ( فقد المنبر للسبب دا قامات ومبدعين)
وواحدين عندهم الكمدة بالرمدة ( مثال العبد لله) وبردوا
الوسخ بأوسخ منو وهكذا وهكذا
وفي الحالتين دا ما في مصلحة المنبر بالتأكيد ( كونو يفقد
قامات ومبدعين بسبب التنمر أو يستمر ساحة للعراك اللفظي
المتبادل)
........
افتخر بانو ابتدعت ترياق لمواجهة المتنمرين الشاتمين
النرجسيين الخ الخ الخ بالرد عليهم بنفس سلوكهم الما كويس
لا عندي حاجة بخاف منها ولا كمان عامل فيها زول مثالي
واللا عندي قيمة بتمنعي من رد الاعتداء بحجة الكلام دا
ما بشبهنى الخ الخ الخ الوهم دا ... واعتقد انو الأسلوب
نفع إلى حد كبير لانو شايف بعض الكانوا متعففين من رد الاعتداء
بدأوا يمارسوا الأسلوب دا ( رد الاعتداء) مع المعتدين بعد ما
تيقنوا أنه لا حل إلا الدفاع ورد الاعتداء أو هجر المنبر ففضلوا
التعامل بالأولى .
المهم
عاش منبر سودانيز أون لاين والخزي والعار
وموية نار في رأس من يستهزأ به ويقل أدبو عليهو
والسلام عليكم ورحمة الله
مخلصكم المارق للربا والتلاف إلا مع الكويسين
طلحة عبدالله طه
| |
|
|
|
|
|
|
|
|
|
Re: في ازراء سودانيز اونلاين (Re: طلحة عبدالله)
|
سلام طلحة
جوقة المعادين لسودانيز جراب حاوي
فيها من كل شكل ونوع
طبعا المنبر كساحة مفتوحة بحرية كاملة
اكيد فيهو جوانب وشخصيات وممارسات سلبية
ولكن المحصلة
الموقع لعب اداور سياسية واجتماعية وثقافية عظيمة لا تنكر
| |
|
|
|
|
|
|
|
|
|
Re: في ازراء سودانيز اونلاين (Re: mohmmed said ahmed)
|
تحيات وتقدير حبيبنا محمد سيد احمد وانت تعافر في سبيل خلق بعض من التوازن بمنبر سودانيزاونلاين والذي كاااان كما ذكرت
أما الآن فهو منبر التيار الكيزاني العريض (كل أنواع الكيزان الظاهر من الدواعش ومن الكيزان الأصليين والمتخفي خلف الأقلام التي تدس السم في المقالات الأنيقة والكلمات التي ظاهرها الطهر وباطنها الزيف وسوء القصد) هذا المنبر أضحى بوقا لنافخي كير الحرب ..... الله المستعان
| |
|
|
|
|
|
|
|
|
|
Re: في ازراء سودانيز اونلاين (Re: Abdalla Gaafar)
|
سلام عبد الله
الموقع ساحة مفتوحة فيها كل التيارات السياسية
طبعا الكيزان لهم وجود في الموقع من سنوات طويلة
يطرحون أفكارهم ويتم الرد عليهم
في عهد الإنقاذ أوقفوا الموقع اكثر من مرة
بعد الثورة خفت صوت الكيزان
ولكن بعد الحرب ارتفعت أصواتهم مرة أخرى
الحوار بالكلمات مقدور عليه
| |
|
|
|
|
|
|
|
|
|
في الازدراء علي سودانيز اونلاين (Re: mohmmed said ahmed)
|
سلام و تحية اخي الحبيب محمد مرة اخري و لضيوفك الكرام التحية و التقدير
...الاخبار والتوعية......الخ و تبادل الخبرات هذا ما سعي له الموقع منذ انشائه بالاضافة انه الشجرة التي نستظل بظلالها في الصحاري التي نسكنها رغم المسافات الجغرافية بيننا.....
المهم في ناس ربطوا الازدراء علي الموقع بمؤسسه ...ويقولون .... يااخي مديرو زول ساي ما صحفي و كيسو فاضي ....كانوا انا من اقول للاعضاء ماذا يكتبون...نعم انا و اعوذ بالله من كلمة انا زول ساكت/عادي و ما صحفي ولا كاتب ولا ادعيت انني مثقف.....الخ و لا عندي علاقة بالصحافة لكن تعلمت من سودانيزاونلاين كل شي في عالم الصحافة و الادب و تاريخ السودان...الخ....واخرون يقولون بكري كان زول رمتالي في ضهر التور(دي بعرفها ناس الزمن الجميل بالجميلة)و مقطع ساكت ....طيب المشكلة وين ،واتشرف ان اكون من اسرة كادحة،فوالدي رحمه الله لا بروف ولا عالم ولا مثقف لكنه عامل بسيط في سوق الله اكبر وافتخر به...الخ...وناس يقولوا ليك دي موقع صاحبه شيوعي ولا جمهوري ما عارف مع انني ما عندي اي علاقة حزبية او عقائدية و اتشرف بان اكون شيوعي او جمهوري...الخ يا اخي انت اكتب لتوعية الناس و لو عندك حاجة مفيدة او تجربة ناجحة اكتبها لينا عشان يستفيد منها القراء و الاعضاء و انسي بكري وادارة الموقع ........
نحن كلنا لو سودانيزاونلاين ما كان زول سمع بينا ولا نتعلم ما تعلمناه منها في كل المجالات...و اليوم غالبية أصدقائنا في مواقع التواصل عرفناهم منها و اكثر من صداقاتنا القديمة في المدارس و الجامعات منها... واخرون قدموا بيها لجوء وعملوا بيها اقامات ...الخ. و لولاها كنا عشنا وحدة غريبة و جنون في الصحاري و المدن الموحشة التي نعيش فيها.....
يا اخي دي صحبة و علاقة عمرها اليوم حوالي ٢٥ سنة....
يعني لأزول تكون مثقف او من طبقة معينة او دكتور علشان تدير موقع.....
| |
|
|
|
|
|
|
|
|
|
Re: في الازدراء علي سودانيز اونلاين (Re: mohmmed said ahmed)
|
سلام للجميع
شخصيا بزدى سودانيزونلاين
وبلعن مؤسسه واليوم البقيت فيه
عضو منبر لانى انطسيت في دماغى
وتزوجت زميلة منبر والان ابننا امير
عمره عشرة سنوات واحيان كتيرة لمن
الفها معاها بقوليها برجعك منبر بكرى ماكان
مالاقيتك وبلمقابل صديقنا الفنان محمد السنى
كل مايشوف امير يقول له انت حاتطلع مثقف
وسياسى محنك لان امك وبوك التقو في منبر سودانيز
اقوم اقول للسنى يعنى شنو حايطلع زى الرطانى بشاشة تبا له
| |
|
|
|
|
|
|
|
|
|
Re: في الازدراء علي سودانيز اونلاين (Re: بدر الدين الأمير)
|
هههه
اها شفت يا الامير النعم دي كيف
اتذكر جلستنا في منزلكم العامر واحتفاء البورداب عند زيارتي للدوحة
عاوزين نعرف كم زواج تم بين بورداب
بعرف زواج عبير خيري وسناري
وزواج نهال كرار ودكين
تاني منو
بشاشا قريبنا امسحا لينا في وشنا
| |
|
|
|
|
|
|
|
|
|
Re: في الازدراء علي سودانيز اونلاين (Re: mohmmed said ahmed)
|
سلام واحترام للأخ محمد سيد أحمد
وللمتابعين الكرماء
أولا التحية للأخ بكري والشكر بعد الله له أن أتاح للكثيرين الفرصة للكتابة التي كان من الصعوبة يوما ما أن تجد
منصة متاحة للكتابة..
ثم يُحمد لسودانيز اونلاين أن جمّعت الكتاب والقراء ليتشاركوا في الهم العام السوداني وليتبادلو الآراء.
في المقابل كانت سودانيز اونلاين فرصة للكثيرين لمتابعة الأخبار والتحليلات المتعلقة بالشأن المحلي..
كما كنت فرصة لمعظمنا للاستفادة مما يُكتب مما مكن الكثيرين وأنا منهم من أن يكوِّن حصيلة كبيرة من
المعلومات والاستفادة لتحسين أسلوبه في الكتابة.
من ناحية أخرى لا جدال أن سودانيز اونلاين في وقت سابق كانت تعج بكتابات ونقاشات راقية وكان أعضاؤها
من كبار الكتاب والشعراء والدبلوماسيين والأدباء والنقاد.. وجميعهم استفادوا من هذا المنبر أو بآخر..
ولكن مع مرور الأيام بدأ هؤلاء يتناقصون وبدأت الكتابات تفقد رونقها وصارت المشاركات باهتة..وسادت المنبر
كتابات ضعيفة أو بائسة أو تميل لأن تكون متسمة بالقبلية والعنصرية( قد يكون ذلك انعكاسا لما في الخارج)..
كما صارت كثير من النقاشات تميل للشخصنة و السطحية والتنمر وأساليب فرد العضلات المخجل وعدم احترام
الرأي الآخر وعدم قبول الآراء المخالفة والإصرار على فرض الرؤى الشخصية وعدم ترك مساحة للتعبير بحرية.
لذلك انسحب الكثيرون وتواروا تحسبا لأي احتكاكات لاداعي لها واحتراما لأنفسهم وتجنبا للتشاكسات الغبية.
لذلك انعكس كل ذلك في الآراء حول الأداء في سودانيز اونلاين.. الملاحظ أن قسم ( آراء حرة ومقالات" يكتب فيه
الآن كتابات راقية ومحترمة ويشار فيه كتاب ذو مستويات عالية.
لو كان لي أن أبدي رأيا فاعتقد أن الإدارة يمكنها أن تعالج كثيرا من البثور التي تشوه من صورة المنبر.
هذا رأي حاولت أن أُضمِّنه وجهة نظر بكل صدق ودون تزويق.
لصاحب المنبر الشكر والتقدير
وللجميع فائق الاحترام
| |
|
|
|
|
|
|
|
|
|
Re: في الازدراء علي سودانيز اونلاين (Re: محمد عبد الله الحسين)
|
مهمد سيد اهمد، امبس:
ار اندادي بجنا؟
لو ما بتعرف "اندادي" فمعذور، معليش ما حنترجم!!
لو لقيت وكت عندي مشروع بوست عن الاصل السوداني لي فن المسرح.
متي ما لقيت وكت حنتصل بيك للمشاركة في تناول جوانب اول مسرحية في تاريخ البشرية، او يا ريت، ياريت، كمسرحيين سودانيات، وسودانيين تتولو مشروع انتاج وتقديم المسرحية دي، ياريت، بالذات في وكت زي ده تحديدا!!
السيد بكري امين الموقع:
جا الوكت المنبر ده ينتقل للعمل!
نعم "سودانيزاونلاين" نعم "صول" SOL نعم "الروح" هو الانسب لتولي مشاريع كهذه في كل المجالات، كتمهيد للبعث القادم لاشك، باذنه تعالي!
| |
|
|
|
|
|
|
|
|
|
Re: في الازدراء علي سودانيز اونلاين (Re: محمد عبد الله الحسين)
|
سلام محمد
الموقع كان في بداياته من القنوات القليلة المتاحة
بعد تجدد وسائل التواصل الحديثة من فيس واتساب ويوتيوب
فضل البعض التعامل معها وابتعدوا
نعم اتفق معك في وجود مناوشات وصراعات وخلافات وكتابات ليست ذات قيمة
ولكن في المحصلة النهائية الموقع يظل يحتفظ أيضا بكتابات رصينة وتحليلات في موضوعات سياسية وثقافية واجتماعية جيدة
| |
|
|
|
|
|
|
|
|
|
Re: في الازدراء علي سودانيز اونلاين (Re: mohmmed said ahmed)
|
سلامات محمد سيد أحمد وشكرا على افتراع هذا الخيط ~
#يوم الجمعة بإذن الله حأكتب مداخلة شحمانة (الحقوق محفوظة للكاتب الأديب😀 باشمهندس بكرى)
#معليش لو ممكن أزف التهانى الصادقة لأخى بدر الدين بمناسبة زواج مهاد (عاشت الأسامى)
*ممكن امسحها إذا حتلخبط الخيط ومقصده
| |
|
|
|
|
|
|
|
|
|
Re: في الازدراء علي سودانيز اونلاين (Re: mohmmed said ahmed)
|
احكي ليك على سبيل المناسبة قصتين عجيبات محمد سيد أحمد – من القصص الألف، والتانية شهيد عليها بكري أبو بكر\اب صلعة شخصياً لو تساعده الذاكرة:
القصة الأولى:
زمان وحتى تاريخ اليوم بتجيني كمية من الاتصالات تستغرب إصرار أخوك على النشر في سودانيزأونلاين، كوني مصنف تعسفياً – وغصباً عني – برا وبري من صنف الرجرجة والدهماء.. الحمد لله😅
وعليه واحد من الناس الكُبارات جدا قال لي بالحرف: أنا مغرم بكتاباتك (شكرا يا حاج) لكن ما بقرأ الموقع دا (سودانيزأونلاين) مقاطعه.. وطلب مني أنشر في أي مكان تاني.. شوف جنس الحقارة دي!.
رديت عليه بالإنجليزي بالكلمة المعروفة ديك.. معليش الواحد مرات بطلع من طورو 😅
القصة الثانية:
التانية من الألف.. بريئة في ظاهرها.. لكن في حقيقتها أخبث.. بالذات من الأطراف الخلفية.
في الفترة 2017–2018، بعد ظهور نتيجة بحث الحقيبة والزحمة الصاخبة الحصلت حول قرارات البحث والحقيبة زجل وناس قالوا قال مسروقة (الدنيا قامت وما قعدت).
كان في واحد من الشباب شغال معاي مساعد (زول ممتاز) ومعلن إنه معاي في الفضاء العام.
يوم اتصل بي وقال لي: ما تنشر في سودانيزأونلاين مجاناً، لا البحث ولا غيره.
سألته: ليه؟
قال لي إنه عرف من فلان الفلاني (شخصية معروفة جدا) أن بكري بدفع لناس محددين يكتبوا عنده (بتاع ناسات)، وإنه عندو ملايين الدولارات من الإعلانات.
طيب؟
قال لي: إما بكري يوافق على النشر بقروش، أو نحن ما ننشر عنده (المرة دي هو معاي في مركب واحد).. في حتات بتدفع.
أنا شخصياً ما كنت عايز قروش من النشر.. ولا مرة في حياتي طلبت قروش زي ناس كتيرين ومن اي جهة كانت.. بل رفضت بعض العروض لانني عايز حريتي واشتري دماغي.
المهم هو قال عايز.. لانه في الأصل شغال معاي متطوع.. ضغطني ضغطة شديدة معناها: يا أدفع أنا، يا يدفع بكري.
المهم، اتصلت ببكري واتونسنا زمنها ونسة سمحة وعرفت الحال دون سؤال.. وفي النهاية أنا دفعت للشاب ولعدد من المتطوعين معاي.
وظللت أنشر في سودانيزأونلاين لأنها كانت – وما زالت – الأولى والأبقى.. والمحببة عندي.
ولأن عندي ولاء ليها، وفي الحقيقة لحدي اليوم ما في منبر أهم منها.
وين الباقيين؟
وين المنابر التانية الناجحة؟ الناس كلها مشت بحر السوشيال ميديا.
أخوك بشتغل هنا وهناك كلما حانت الفرص.
وين المثقفين السودانيين؟
وين السياسيين الناجحين؟
وين الشعب العربي وين المركز وين الهامش وين الشعب الأفريقي؟
وين البلد ذاتها وين؟!
الخلاصة
القصة دي في النهاية مجرد حسادة سودانية في نظري وغيرة شريرة.
الموقع دا محارب من الإقليم ومن العالم، ومن الحكومات ومن الأحزاب السودانية شمال ويمين.. لأسباب حقيقية أو وهمية.. دي حقيقة أخوك على علم بها دقيق.. وعد!.
ونحن واقفين هنا – بما نملك – في التمام والعدة والعتاد الممكن مع سودانيزأونلاين وسيدنا وولدنا بكري أبوبكر ومن معه من الإدارة أي كانو.. ومن والاهو.. محبه لهم وإحترام.
وأنا شخصياً جاهز أتبرع ماديًا (مساهمة شهرية للموقع.. شوية.. بس دليل إخلاص ومحبة وولاء) .. مافي زول طلب كدا انا البقترح ان امكن.. الموقع محارب ومحاصر، وهو مهم جداً.. ما زال وسيظل.. المطلوب: أن نكون عمليين.. تحيات
محمد جمال الدين حامد
| |
|
|
|
|
|
|
|
|
|
Re: في الازدراء علي سودانيز اونلاين (Re: محمد جمال الدين)
|
سلام محمد جمال
معاداة سودانيز اونلاين
قائمة طويلة ومتنوعة
منها اصحاب الموقف السياسي ضد الموقع
منها الذين يتعالون على الموقع و ولا يحترمون حرية التعبير للجميع المثقف والمتعلم والكاتب والهاوي
في سنوات الانقاذ كانت سودانيز مركز ازعاج كبير للسلطة
في لقاء تم في دبي.. تحدث والي دارفور في ذاك الحين كبر
قلت له ان قوات طيران الجيش هلجمت وحرقت قرى في دارفور ويوجد فيديو في سودانيز فيه طيار يخاطب زميله قبل القصف
من خلفي جلس رجل كبير في السن قال هو اعلامي في الاذاعة السودانية
سمعته يقول سودانيز اونلاين موقع بتاع صعاليك ساي
| |
|
|
|
|
|
|
|
|
|
Re: في ازراء سودانيز اونلاين (Re: mohmmed said ahmed)
|
والله الموقع الوحيد الديمقراطي الفدرالي الالاشتراكي الواعي في كل السودان
والوطن الوحيد الذى لازال يشبه السودان والسودانيين
ومتابع من العرب والعجم
ولو كان اهل الخساسة في السياسة في السودان بتابعو الموقع ده ما كان جات القردة تلهو في السوق
ويا بكوري بس نزل قوائم الشرف للذين مرو من هنا ستجد السودان الحقيقي وحتى نمولي كمان
في سودانيين لحدي هسة ماسكهم حراق روووح ساكت علي الفاضي
تكون دكتور عشان شنو والدكاترة والبروفسرات في السودان اكثر من المزراعين
والدراسات العليا لا قعد تزيد وعي ولاذكاء حاملها.
في ناس ما شفت الجانب الاخر من نهر سودانيز اون لاين البورد الانجليزي
غايتو مفروض لحدي 2025 يكون بقى فضائية او اذاعة موجهة للشعب السوداني ...النخب المخستكة الفيها اتعرفت
كن بكري ابوبكر فقط البعرفك من زمن البركس والفول العدس
وقل الله ثم ذرهم في خوضهم يلعبون
المهدية الثالثة بتطلع من هنا
| |
|
|
|
|
|
|
|
|
|
Re: في ازراء سودانيز اونلاين (Re: adil amin)
|
سلام واحترام مرة أخرة أخ محمد سيد أحمد
أحد أسباب الإزراء ولعله السبب الرئيسي نوع المداخلات الهزيلة التي يقوم بها المدعو بشاشا
فمثل هذه الممارسات جعلت الكثيرين يتركون الكتابة في المنبر وجعلت الكثيرين يوصفونه بالتدني في طرح الموضوعات
وهذه حقيقة لا جدال حولها.. الموضوعات الجادة والقيمة قليلة مقارنة بغثاء من المكايدات والتربص والأساليب المتدنية
التي لا تليق. وتصرفات بشاشا خير دليل على ذلك وهي مثال حي وأنتم تطرحون الموضوع.
| |
|
|
|
|
|
|
|
|
|
Re: في ازراء سودانيز اونلاين (Re: محمد عبد الله الحسين)
|
Alamin Bushari
سودانيز اونلاين سودان مصغر
منبر للوعي والثقافة والاستنارة ... والتعايش والاخلاق والعلاقات جمعنا بكل تنوعنا الديني والفكري والثقافي والاثني والعرقي ..
كان وما زال منبر حرا يكون الانتماء له بالفكر والعلم والادب لا بالوساطة او الجهوية او القبلية
شكرا يا ريس ... ولو علي انا اعمل ليك تمثال كبير في مطار الخرطوم الدولي
37w
Reply
Hide
Edited
Atif Omer
خياركم في سودانيزأونلاين خياركم في وسائل التواصل الاجتماعي...
حقا لقد كان سودانيزأونلاين وطن من لا وطن له وصوت من لا صوت له ....
مدرسة تعلمنا فيها التحاور الذكي مع أذكى أبناء السودان ...
و وطن جمعنا بأنبل أبناء السودان ...
كانت كل ضروب المعارف متاحة للجميع إلا من أبى ...
جامعة تخرج فيها أنبه أبناء السودان ....
تميز ربانه بحكمة عميقة إذ كرس جهده في الارتقاء ( فنيا ) بالمنبر ولم يتدخل في مداخلات الأعضاء إلا بالقدر اليسير الذي يحافظ على انضباط واحترام الموقع وفي هذه فقد كان مهندسا نبيها وقاضيا عادلا ....
لقد أكرمنا الموقع بصداقات حقيقية مع أفاضل وفضليات لا نزال نتمتع بها وامتدت هذه الصداقات لتصبح روابط أسرية ....
الشكر من بعد الله تعالى للأخ الحبيب بكري الذي هيأ لنا كل هذا والشكر والمحبة لزملاء ذلك العهد النضير ......
37w
Reply
Hide
Edited
Muhammed Babiker Abdullah
أقف متضامنًا مع الصديق المهندس بكري أبوبكر، مؤسس موقع سودانيزاونلاين، في وجه أي ازدراء أو تقليل من شأن هذا الصرح العظيم.
هذا الموقع لم يكن مجرد منبر إلكتروني، بل كان واحدًا من أهم المساحات التي زعزعت هيبة نظام البشير وفضحته أمام المجتمع السوداني والعالم، وأسهمت في بث الوعي السياسي والفكري في زمنٍ كان فيه الصوت الحر مهددًا بالقمع والإقصاء.
كان لي الشرف أن أكون من الكتّاب الراتبين في مجال السياسة عبر سودانيزاونلاين لسنوات، وهناك تعرفت على قامات من ساسة وأدباء وشعراء سودانيين، فأغنى ذلك معارفي ومنحني صداقات وخبرات أعتز بها ما حييت.
سودانيزاونلاين كان، وما يزال، وسيبقى أحد أهم المواقع السودانية، وفضاءً حقيقيًا لتبادل الأفكار والخبرات، وللتواصل بين السودانيين رغم تباعد الجغرافيا وتشابك المنافي.
كل التقدير للمجهود الذي بذله بكري أبوبكر منذ أكثر من ربع قرن، وللأثر الذي تركه هذا الموقع في حياتنا العامة والخاصة.
💙
Taha Elkhalifa Taha
36w
Reply
Hide
Omeralfaroug Sheikhaldeen
غايتو من اطيب مخاليق الله القابلوني بكري ابوبكر ده..مع انو ما اتعارفنا معرفة حقيقية او اتقاطعنا في مواقف مشتركة..لكن اييييي زول غير بكري ابوبكر ده كان صاحب سودانيز اون لاين كان اققققل شي بقا وزير ومتطنقع وسلام الله ما يديهو للناس..
لكن بكري ابوبكر من شدة ما زول طيبان وزاهد في حاجاتو ما كان شغال بالحاجة دي نهااائي..
37w
Reply
Hide
Abubakr Ahmed Abbas
الشيء البميّز الكتابة في سودانيزاونلاين وأفتقده في الفيسبوك؛ إنو كان عندي أعداء هناك كفاية بما يسمح لي بكتابة قويّة ومبدعة.
يا أخي، بتكتب ليك وسط ناس شايلين ليك عِصيهم!
الفيسبوك إشاعة
37w
Reply
Hide
Edited
Ibrahim Elmahdi
لن نوفي سودانيزاونلاين حقها ما حيينا، لقد علمتنا حب الوطن بلا نهاية، والتاريخ والموسيقى والادب واللغة والاجتماع....الخ، وكانت منارتنا السياسية حين كانت أمواج الباطل وظلامه تحجبان عنا الحقيقة، وكان الظلاميون يرتعدون خوفا منها، كانت محظورة في السودان في ايامنا، وكنا نجتهد ايما جهد لنصل إليها، لنتقوت من موائدها العامرة التي حفظت علينا سلامة وجداننا وحب الوطن، إن حق سودانييزاونلاين علينا نحن الجيل الذي نشأ في ظلام الإنقاذ كحق الأم على ابنائها..
فشكرا لك باش مهندس بكري..فسودانييزاونلان نيل آخر في السودان.
36w
Reply
Hide
Edited
Omar Alhag
·
سودانيز اونلاين .. التي نحب..لم يكن مجرد موقع اسفيري..بل سودان مصغّر باختلاف المشارب السياسية والثقافية.. ولكنه متماسك وقوى تعلمنا منه الكثير..وكان له تأثير كبير علي الواقع السياسي والإجتماعي والثقافي..وكان بمثابة مرجع لقياس الرأي العام في قضايا كثيرة
تعرض للحجب والتهكير مرارا وتكرارا.. خرج من حيز الاسافير واصبح مجتمع يتلقي فيه البورداب وش لوش في مناسبات إجتماعية مختلفة..اما سيد الحوش شاطر ومهذب ومابخبر زعل.
37w
Reply
Hide
Fadil Abbas
Aatif Abdalla ظللت كاتبا راتبا في عذه الاصدارة اامحترمة منذ نيف وعقدين وما ترددوا في نشر اي من مقالاتي. كما تعلمت منها الكثير وفوق كل ذي علم عليم. فيااخ بكري لا تهمك شنشنات الرجرجة فنحن معك قلبا وقالبا. الفاضل عباس محمد علي.
37w
Reply
Hide
Farahat Mohamed Ahmed Sayed
شكرا كتير باشمهندس بكري ابو بكر
علي كل حال لك ان تفخر بانك أسست موقع ادي دوره تماما تجاه الشعب السوداني كله ولا ينكر هذا إلا. الناس الكانو ضد الشعب واستنارته
نحن فخورين بهذا الموقع واداه في زمن كانت فيه وزاره الثقافه والإعلام من المتفرجين
شكرا بكري ابو بكر
لو الموقع دا كان يعني بأمر دوله تانيه
كنت اليوم بطل قومي
36w
Reply
Hide
DrAbdallah AL-Taher
يا حبيبنا Bakri Abubakr جاهل من يظن أن سودانيز أون لاين هي منتدى إلكتروني فقط، هي مدرسة بل هي مجتمع، يرتبط أفراده بمحبة ومواطنة ... الكثير من الأصدقاء عرفناهم في سودانيز أونلاين ولا تزال روابط الصداقة بيننا ممتدة... كانت متنفسا للتعبير الحر ... وكانت لها سطوة وحضور في الساحة السباسية والثقافية والأدبية.... الكثير من الأسماء بدأت الكتابة في سودانيز أونلاين ثم انطلقت إلى وسائل النشر الأخرى ... برزت مصطلحات مثل "مسرح الكتابة" كما كان يحلو للعزيز المحسن الخالد، وظهرت أفكارا وسطية قدمت أنموذجا للمثقف الواعي.
يا حبيبنا بكري سودانيز أونلاين كانت تيارا للوعي وتحتاج أن تكتب عنها دراسة لمساهماتها الكبيرة بين المثقفين السودانيين ...
كن بخير.
37w
Reply
Hide
حمزاوي حمزاوي
موقع ومنتديات سودانيز اون لاين ذلك الوطن والمظلة التى جمعت السودانيين بين عامل بسيط وبين بروف وبين مفجوع ومنتقم وطبال وحزين والكل قضيتهم السودان ذلك الوطن فتعانقنا وتصافحنا مع بشاشة ومنعم سليمان وبشرى الفاضل وودقاسم وعجوبة ودينق وادروب وكباشي ونجاة وتراجي وداليا وخلقنا وطناً ووجدنا أنفسنا فيها وتحاورنا في قضايا وطننا
عليه طالبنا ان يكون للبورداب دور في قحت والحكومة فلم نجد مجيباً فما زلنا ندعوا
موقع ومنتديات سودانيز اون لاين نموذج لوحدة السودان والشكر والتقدير لاخونا بكري أبوبكر (ابوصلعة) بنى البيت والسكان أبدعوا
نواصل
37w
Reply
Hide
Osama Abdelgalil Ali
كل التقدير والمحبة للاخ الصديق بكري ابوبكر وللموقع الرائد سودانيزاونلاين الذي انشأه وأشرف على نجاحه..💐
36w
Reply
Hide
المواطن معاويه عبيد الصايم
ي زول غصبا عنك شيوعى وجمهورى وكمان من الخلفايا
37w
Reply
Hide
Amin Abuali
سلامات يا مدير🌹
أنا زاتو ما عارفك بترد للناس من طرف لييه؟؟😂
سودانيزاونلاين مدرسة من لا مدرسة له والله بخت الكتب فيها وسجل اسمه بين فطاحلتها
أنا شخصيا قاعد اختها في ال سي في بتاعي قبل شهادات الجامعة😂 😍
Bakri Abubakr
37w
Reply
Hide
Amani Sabir
من اهم الواقع السودانية للتوعية والتنوير ومتابعة الاخبار بكل أنواعها
سودانيز كانت وطن وحوش سوداني كبير
الشكر لسيد الحوش او كما قال
37w
Reply
Hide
Abbas Hamza
شهادتي في سودانية أون لاين مجروحة
عندما كان كلاب امن الكيزان يصادرون الأخبار كان موقع سودانيز اونلاين هي النافذة الوحيدة لنشر اخبار الوطن وفضح نظام المتأسلمين القتلة والمجرمين
كان هذا الموقع نافذة حيةً لنشر الوعي وتثقيف الناس في زمان التعتيم الكيزاني البائس
تبا للقلة والمجرمين تبا للكيزان
37w
Reply
Hide
Nagerabi Saif
شهادتنا فى الاخ بكرى مجروحة لا تلتفت للخلف هذا هو المتوقع و حالة عامة تكون شهدت على صور مماثلة من المحن السودانية
37w
Reply
Hide
على اسماعيل
يكفى ان سودانيز اونلاين كانت و نا زالت منبر لمن لا متبر له،،
بكرى ابوبكر أدار الموقع بحرفية و نزاهة ومحبة، شكرا اخى بكرى ابوبكر ،، قسما بالله لا نستطيع اعطائك حقك ،، معليش الما بعرف يشيلك بدفقك
37w
Reply
Hide
شمس ساتي
يكفى انها سودانيز اون لاين
36w
Reply
Hide
Fatma Sulaiman Gazali
سودانيزاونلاين موقع يشكل أيقونة للمعرفة وكان صوت من لا صوت له مقالاتنا وأعمدتنا كانت تنشر في سودانيزاولاين حينما تصادر صحفنا وتمنعنا أجهزة أمن نظام الإسلاميين من الكتابة في موضوعات معينة.
يكفي يا أستاذ بكري إنك مدير لموقع سودانيزأونلاين منبر المناصرة والدعم لكل من واجهتها ديكتاتورية البشير بجورها وقهرها.
أبناء الناس العادين أشرف من كثيرين عاشوا على حاسب التجار والمزارعين والكادحين .
37w
Reply
Hide
Abdo Dirar
سودانيز اون لاين.. كان وطننا البديل.. وواحتنا الممراحة.. ومنبرا لنشر الوعي والاستنارة في زمان العسس وكبت الحريات.. لا يقدح فيه إلا ناكرا للمعرفة ولا ينقص من قدره رأي الجهلاء.. كان سودانيز اون لاين مساحة حرة للرأي والرأي الآخر ومهبطا لوحي الكتاب والأدباء والشعراء وشعلة متقدة بالثقافة والسياسة والممارسة الديموقراطية.. تعلمنا منه الكثير وجمعنا بنخبة النخبة من الوطنيين الأحرار...
أما انت يا بكري فشهادتنا فيك تماثل شهادتنا في سودانيز أون لاين.. جزاك الله عنا خير الجزاء وبارك الله فيك..
"ودرملية"
37w
Reply
Hide
Edited
المواطن معاويه عبيد الصايم
ستظل سودانيز اون لاين ويستمر النضال ي ريس:.كن بخير:دوما
37w
Reply
Hide
Osama Babeker Goota
يا ريس برااااك شفت .. اروع واعظم استفتااا .. سودانيز كانت رئتنا ونفاجنا للبلد في صحاري التيه .. القومة لييييك Singawi
37w
Reply
Hide
Hanadi Fadol
منير سودانيز اون مدرسة السياسة والاعلام والعلاقات الإنسانية
بوردابية وافتخر.
37w
Reply
Hide
Edited
فتحي برير
الحبيب بكور لي الفخر و عظيم الشرف بأنني زاملتك يومآ و انا مثل كتيرين غيري سعيد و فخور بما حققته من إنجاز عظيم. أعداء النجاح كثيرون يا صديقي فلا يزيدنك جهلهم و سؤ نواياهم الا مزيدآ من الإبداع. لك و لسودانيز اونلاين التحية و التجلة
37w
Reply
Hide
Author
Bakri Abubakr
فتحي برير
تعرف يا دكتور نحن العايشين في الصحاري لو لا سودانيزاونلاين كنا عملنا الحاجة الكنت بتعملها في اليابان عندما كنت طالبا و تعاني الوحدة وهي ان تترك رسالة تلفونية في تلفونك و تمشي تسمعها. …..ههههههه
سعيد جدا بتواصلك و شهادتك
37w
Reply
Ahmed Elgurashi
كان لي الشرف في الكتابة في هذا الموقع المتميز ، من خلاله استطعت التوثيق لاغاني الحقيبة وأغاني الحماسة ، واصبحت هذه الكتابات مرجعل للباحثين عن المعلومات والحقائق في تاريخ أغاني الحقيبة ، وهي مشروع كتب تكاسلت عنها لأسباب كثيرة ، الشكر والتقدير للاخ المهندس بكري أبوبكر لاتاحته لنا هذه الفرصة . من خلال هذا الموقع تعرفنا على الكثير من الاخوة والذين صاروا أصدقاء واحباء لنا .
37w
Reply
Hide
Omar Badawi
سودانيز اون لاين تعني بكري اايوبكر
35w
Reply
Hide
Abdalla Shams
وماذا أقول أو أضيف، وقد كفاني الأصدقاء، الزملاء ورفاق درب سودانيز كل مشقة، وأعطوا الموقع وصاحبه ما يستحقان من تقدير ومن عرفان، وكما قال دكتور بشرى الفاضل، فقد فاق دور الموقع ما قدمته وزارة الثقافة في بذل الوعي والمعرفة والمعلومة الثرة الصحيحة. ممنونين وشاكرين لك الصديق باشمهندس بكري على كل ما قدمت وما بذلت من جهد وعرق وتعب ورهق، حتى أتممت بناء هذا الصرح العظيم الفخيم والتليد. شكراً ياخ
37w
Reply
Hide
Edited
Zoelyed Suliman Mustafa
لولا سودانيز اون لاين لما كنا معروفبن ، وهذا نكران الجميل ، سوف نرد له في الموقع ، وكل من ينكر الجميل فهو حاسد .
37w
Reply
Hide
Edited
Hala Imam
سودانيز اونلاين صرح حقيقى يمثل الوطن بكل اطيافه ... شكرا بكرى أبوبكر
37w
Reply
Hide
Yasser Mansour
سودانيزاونلاين كان واحة ضوء في زمن الظلام...جمع كل الوان طيف المجتمع السوداني بفضل مجهودات المهندس بكري وبفضل جهود أعضائه...
37w
Reply
Hide
مجاهد يوسف البشير
سوداني اون لاين موقع بمثابة وطن
تعلمنا منه الكثير
به منتديات لا مثيل لها
كل التحايا لك اخونا بكري ابوبكر وكامل الاحترام والتقدير
37w
Reply
Hide
Amani Alagab
شكراً الاخ العزيز المناضل بكري ابوبكر الوطني االغيور على منحك لي بطاقة عضوة في منبر سودانيز اونلاين الصرح الوطني والذي اعتز وافتخر به .. سودانيز اونلاين مدرسة في السياسة والتاريخ والفن، منصة تعلمنا منها الكثير وتعرفت من خلالها على الكثيرون/ات الذين/ات اعتز بهم/ن وبصدقاتهن/م .. كل التحايا والتقدير لك ولسودانيز اونلاين ..
37w
Reply
Hide
Edited
عمر دهب
يكفي ان حوشكم الكبير قد جمع كل البلد من كل طيف تحيه وتقدير ياريس .
36w
Reply
Hide
Edited
Yaseen Habeeb Nora
حبيب نورة
شكرن كتيرن ❤️
36w
Reply
Hide
Mukashfi Eltaher
سودانيزاون لاين
موقع جمع كافة السودانيين بمختلف مشاربهم وثقافاتهم واتجاهاتهم
والتحية لك كما يحلو للاخوه بتسميتك سيد الحوش والريس
تاني لك التحية
Bakri Abubakr
37w
Reply
Hide
Hosham Sheikh Eldin Gibreel
يا سلام عليك يا ريس والله لن ينسى السودان فضلكم 🙏
37w
Reply
Hide
قصي محمد عبدالله
تحياتي وتقديري للجميع،،
المنبر مافيه كلام، أرض دولية عابرة للقارات خصبة وصالحة للزراعة طوال أيام السنة، كل واحد يمتلك مفتاح الدخول إليها يقدر يزرع فيها ما يراه مناسبا،، ويحصد منها ما يريده،، وهنالك أيضا مساحات للمشاركات دون تسجيل عضوية. وما لا يستفاد منه، يستفاد من ضده.
37w
Reply
Hide
بت اسماء ناهد ادم
·
احنا كشعب خارج البص ماذا يوجد هنا
37w
Reply
Hide
عزّام فَرَح ود قَدْرِية
بت اسماء ناهد ادم ما فاتك حاجة، ده عمود على شاكلة "دكان ود البصير" ذكريات وحكاوي ديناصورات، نوستالجيا وكده
37w
Reply
Hide
Nazar Yousif Eltahir
لا تلتف إلى النقد الذى يتكئ على عصاتى التوريث والصفوية المتخيلة
keep up the good work, God bless 🙌
37w
Reply
Hide
متوكل محمد علي
لك التحية أخي بكري ...وفرت منبرا لكل من لا منبر له....سودانيزاونلاين ستبقى جزءا من تاريخ السودان الحديث... وهذا بفضل جهدك ومثابرتك وحيادك...اتمنى أن يعود للمنبر ألقه
37w
Reply
Hide
Afaf Bilal
سودانيز اونلاين ارض النضال والمعارك والكفاح
37w
Reply
Hide
Elrashied Alimam
كفيت ووفيت
ويا بكري اهل مكه ادري بشعابها .!
37w
Reply
Hide
معاوية بشارة
سودانيزاونلاين مدرسة تعلمت منها الكثير .
37w
Reply
Hide
حامد بدري
بكري لو اترشح لرئاسة السودان وشكل حكومة من موقعو الان يدير البلد دي لي بر الامان
سودانييز بحر معرفة ونشر للوعي والثقافة
37w
Reply
Hide
عباس الدسيس الشريف
القدمتو انت للوطن كبير من خلال الموقع للمعرفه والوعي ولازال الموقع في رسالته تواضعك بخليك ترد علي من هب ودب وهذه شيمة الذي يعطي بدون مقابل للوطن وهذا في حد ذاته درس
37w
Reply
Hide
Abdalla Babikr
يا بكري يخوي يوم شكرك ما يجي
إذا ما عملت اي شي غير انك لميت أسر في وليداتها الطفشو منها لكفاك
أنت بكري أبوبكر
37w
Reply
Hide
Adil Amin
سودانيز اون لاين افضل انجاز اعلامي ديمقراطي حر للسودانيين عبر العالم.
وافضل انجاز للسودانيين في امريكا ومفروض يكون بقي فضائية.الان.
No photo description available.
37w
Reply
Hide
Mohammed Hassan Ibrahim
سودانيزاونلاين وكفي ...
محبات وتقدير يا هندسة
37w
Reply
Hide
Edited
Abdalla Babikr
37w
Reply
Hide
Huzaifa Ibrahim Hassan Ibrahim
سودانيز اونلابين منبر حر وراقي جدا وتعرفت فِيَھ علـّۓ ناس كثر واتعلمت منه ادب المناقشه واستماع الرأي الأخر وكله سوداني وافتخر وربنا يديكم جميعا الصحه والعافيه ودمتم ذخرا للوطن
37w
Reply
Hide
Dalia Hafiz
يكفيك فخراً أن سودانيز أون كانت الأعلى سقفاً في حرية الرأي والتعبير في أيام ازدهارها ❤️ بل وكانت منصة للممارسة العملية للديمقراطية! ولا يعيبها أو يعيبك اطلاقا أن البعض لم يكونوا مؤهلين بعد لهذه القدر من الحرية!
37w
Reply
Hide
Izzeldin Osman
👍
37w
Reply
Hide
نورالدين عبدالمجيد سعيد
37w
Reply
Hide
نورالدين عبدالمجيد سعيد
تحية وتقدير بكري ابوبكر....ولسودانيزاون لاين...دمت بخير
37w
Reply
Hide
Sabir F. Hamad
بكل صراحة سودانية اونلاين كان ومازال منبرا مفتوحا للرأي والرأي الآخر ..
37w
Reply
Hide
عزّام فَرَح ود قَدْرِية
نعم موقع سودانيزأونلاين مدرسة، لكن الذي أدى لتدهوره أن ترك صاحب الموقع Bakri Abubakr ساكن أريزونا إدارة الموقع للمدعو الجنوسوداني الأمريكي دينق بوت، لا يجوز في موقع كتب فيه د. منصور خالد، والخاتم عدلان، أن يديره أجنبي مساعد طباخ في قاعدة أمريكية.
37w
Reply
Hide
Alsadiq Siddiq Salman Abujaz
دا اسمو الحقد الاسود، قتل شخصية الناجحين بالحديث عن أشياء شخصية لاتهم القاريء في شيء. قدمت لنا سودانيزاونلاين على طبق من ذهب وكان دوحة الثقافة والفكر ، الذين انتقدوا شخصك الكريم أرادوا النيل منك ولكن هيهات
37w
Reply
Hide
Anwar Alsheikh
سودانيزاونلاين عالم جميل راقي ادمنته لما فيه من معرفه بكل ما احتاجه من معلومات وتبادل خبرات ثم كان تتويج وحصاد ذلك أن تعرفت علي افضل الاخوه والاحباب من خلال بورداب العالم شكرا لك بكري والقومه ليك
37w
Reply
Hide
حسن إبراهيم حسن الأفندي
أعوذ بالله من نكران الجميل والمثل يقول ألما بتلحقه جدعه...سودانيز اونلاين فخر كل سوداني شريف مؤكدا أن من ينشر له في هذا الموقع يعتبر رائد متميز
37w
Reply
Hide
Yosif Ibrahim
رد جميل وموفق الاخ بكرى لكم التحايا والتقدير . لكل تجربة ناجحه حسادها وافتكر انت كنت من رواد هذه المواقع الأوائل وكان الموقع ولا زال يقدم الكتير. ما عارف مع زحمة الحياة لو قدرت حان الان الوقت لان تجدد وتحدث فى الموقع لكى يجذب المزيد خاصة مع الذكاء الاصطناعي هنالك امكانية لتحديث وخلق طفره خاصة فى البحث عن الحقائق ممكن نتواصل على الخاص لتوضيح اكتر
37w
Reply
Hide
Author
Bakri Abubakr
Yosif Ibrahim صديقي الجميل دكتور يوسف لك الشكر و التقدير و انشاء الله بيناتنا تواصل
شكرا يا حبيب للاهتمام و التداخل
37w
Reply
Hisham Habani
الاخ بكري ابوبكر مناضل وطني محترم ويكفيه فخرا ان له شرف الريادة لاهم موقع اسفيري سوداني على الاطلاق وسطر اسمه في سجل الخلود خندقا وطنيا صلبا للنضال وعبره تعرف الوطن على ثلة من اشرف المناضلين الذين كانت سودانيزاونلاين وطنهم وخندقهم للزود عن قضية الوطن وعبرها كانت بهم صوت الوطن وسوطا على ظهور و( جعبات) الكيزان اولاد الحرام.
37w
Reply
Hide
Saif Aldawla Kamil Mohammed
Hisham Habani الناظر هشام هباني كفيت ووفيت ...
37w
Reply
Hide
Edited
Atif Abdelrazig
يا عزيز ي بكري لك ألف تحية وجزيل الشكر علي إدارتك الحصيفة سودانيز اون لاين ، الذي أصبح منبراً لألوان الطيف السوداني ثقافياً وسياسياً واجتماعياً.
37w
Reply
Hide
Tarig Babikir
ما في زول إتهمك بأنك كوز او فلول يا بكري؟ طبعا يمكن إتهامك بالشي وضده.
Well Done Applause Sticker
37w
Reply
Hide
Zainelabdin Abderahman
تحية لك الأخ بكرى كفى ان قدمت مساحة للرأي شاركت فيها كل التيارات الفكرية في السودان و تظل مساحة متقدمة رغم التغييرات التي تحدث.. فالتاريخ يذكر الفاعلين و المؤثرين في الرأي و الحدث .. لا تغضبك الهوان
37w
Reply
Hide
Sabri Elshareef
موقع حفر اسمه بمداد من الاخلاق والاحترام
سودانيز اون لاين
كان موقع من لا موقع له رجل أو امراة
في زمن القهر وانتشار الصحافة الصفراء،
صحافة الانقاذ الوطني وليس إنقاذ وانما دمار الوطن والانسان
صحافة السودان الحديث وقدمت اسوا سودان تيه وغيهب.
بكري ابوبكر
يستحق التكريم والاشادة ومنحه اعلي ما في الكون
إذ اهتم بقضايا شعب عذبته وقمعته وقفلت امام ابناء وبنات الوطن كل أبواب الرزق وأبواب الاستقرار ...
بكري قدمنا الي اهل الوطن وعرفونا واشتهر كثير منا بسبب هذا الموقع
موقع يعكس سودان التنوع والتعدد والثقافة والسياسة
فيه أقلام لم نقرا لها في اي صحافة من قبل
حقيقة بكري ابوبكر
يستحق التكريم
ولا ازال اتمني ان نكرمه ونبجله ونعزه
فهو من ابناء السودان الذين استطاعوا النجاح في امريكا
ببناء اسرة ناجحة
محبتي لك ولو لاك لما ازداد معرفتي للناس
37w
Reply
Hide
Saif Aldawla Kamil Mohammed
Sabri Elshareef ياصبري تعرفنا علي بعض وبقينا أصدقاء وأهل ... وجلستنا في منزلك بمعية الفنان الأستاذ طارق أبوعبيدة ودكتور طراوة ومحمد يس خليفة وبقية العقد الفريد كانت ثمرة معرفة وخوة سودانيزاونلاين....بكور له فضل كبير علي هذا الصرح العظيم
37w
Reply
Hide
Abdullah Osman
..
هكذا دائماً هم أعداء النجاح.
سرْ فإن خطواتك الواثقة تسحق طغيانهم✌🏻
37w
Reply
Hide
Aatif Abdalla
على مدى أكثر من خمسة وعشرين عاما ظل منبر سودانيز أونلاين المتنفس الأول والنافذة الرحبة التي أطللنا منها على عالم الكتابة. هناك تعلمنا كيف نصوغ الفكرة، وكيف نصغي للرأي الآخر، وهناك أيضًا احتدم النقاش وتبارت العقول وتصارعت الرؤى، ليظل المنبر بحق ساحة حرة للأفكار وميدانا مفتوحا للتعبير. من من لا يذكر ذلك الجدل والحوار بين الدكتور أبكر آدم إسماعيل وبين السنجق عن صراع المركز والهامش، أو الروائع التي كان ينثرها محسن خالد والكتيابي وحسن الجزولي وقصص وحكايات مصطفى مدثر وفيها اقتربنا من صروح مثل فضيلي جماع وبشرى الفاضل.
لم يكن "سودانيز" مجرد موقع على شبكة الإنترنت، بل كان ذاكرة جماعية ودفتر يوميات للأمة السودانية، بل ومنصة قدمت للعالم كثيرا من الكتاب والمبدعين الذين أصبحوا اليوم ملء السمع والبصر، ولولا هذا المنبر لما سمع بهم أحد.
التحية والتقدير للمهندس الأستاذ بكري أبوبكر، الذي أدار هذا الصرح بكل مهنية واحترافية وصبر، وحافظ عليه حيا نابضا رغم كل الصعاب.
سودانيز أونلاين لم يكن فقط منبرا للنقاش، بل كان بيتا كبيرا جمعنا رغم تباعدنا، وأرشيفا حيا لأحلامنا وأوجاعنا وذاكرة وطن في زمن العاصفة.
شكرا بكري Bakri Abubakr
37w
Reply
Hide
Elkazim Mohamed
في فترة طويلة كانت متنفسنا للصحافه الحرة
37w
Reply
Hide
Elsadig Elzain
سودانيزأونلاين هي المؤسسة بعد جامعة الخرطوم مباشرة التحية لبكري أبوبكر.
37w
Reply
Hide
الرفاعي عبدالعاطي حجر
لولا سودانيز ربما لن تكون هناك بين السودانيين علاقات مثلما هي عليه اليوم، نعود مرة أخرى، لكن لذلك الحين اقول ما قدمته جامعة سودانيز اونلاين لم تقدمه اي مؤسسة في تاريخ السودان
37w
Reply
Hide
Edited
Tayeb Mustafa Ibrahim
الرفاعي عبدالعاطي حجر شكرا للزعيم الرفاعي الذي عن طريقه نلت عضوية سودانيزاون لاين
37w
Reply
Hide
Wad Fattna Bit Abshouk
Bakri Abubakr
طب نفسا يا صديقي.. دور سودانيزاونلاين، وقبلها سودان نت، وسودان فورم، وما تلاهن من مواقع كانت سباقة في تقديم وجه السودان الثقافي والسياسي والاجتماعي لعالم السايبر اواخر القرن الماضي والالفية الثانية، لا يمكن انكاره في تثوير وتثقيف الاجيال، وربطهم بهموم الوطن والمجتمع، وكل من يدعي غير ذلك فهو مكابر..
يكفيكم فخرا ان كنتم اول من (قش الدرب) لكل الاجيال اللاحقة قبل ان يصحو العالم لفكرة التواصل السيبراني..
تحياتي وكن بخير
37w
Reply
Hide
Gasìm Almhdawey
سودانيز اون لاين وصاحب الامتياز ورئيس التحرير[ بكرى ابو بكر] من الاهمية بمكان
ندوة مركز الاهرام للدراسات السياسية والاستراتيجية كانت عن الموقع .. وصاحب الفكرة ..
سودانيز اون لاين مؤسسة ومن يدير هذه المؤسسة بالضرورة رجل له مقدرات وقدرة على الادارة
37w
Reply
Hide
Edited
Abduljalil A. Halim
يا بكري يااخ كما يقول أهلنا ان شاء الله يوم شكرك ما يجي..
فسودانيز اون لاين كانت ممارسة ديمقراطية كاملة الدسم.. ومدرسة تعلمنا فيها جميعا من بعضنا البعض.. فلا يستطيع ان يتجاوز اثرها في المشهد السياسي السودان خلال العقد الأول والثاني من الالقينات الا مكابر .. المنبر العام كان رصة ومنصة انطلق منها كثير من الكتاب الأدباء والسياسيين والناشطين الاجتماعيين..
nadus2000
37w
Reply
Hide
Abduljalil A. Halim
عدت لهذا البوست لأقول يا بكري انت مازول ساي. انت سيد الشي زاتو. وصاحب المنصة ... فانت أخي العزيز اطول قامة من ملاك بعضو غالب صحف وجرايد الانقاذ التي ملات ساحات الاعلام ضجيج وكذبا..عصر الغيهب وما زالت.. ولم تقدم من الوعي مثقال ذرة مقارنة بما قدمه المنبر الحر.. . فكلنا نذكر تلك الصحف والتي اسسها مقطوعي الطاري من أموال الشعب السوداني دون ان يقول لهم "ناس ساي" ورؤساء تحرير خلاء ..
36w
Reply
Hide
Saif Abayazid
يا بكرى يا أخوي عملك يتحدث عنك وكفى به ردا على هؤلاء.
والناس البتكلموا عنك سلبا حتى لو كنت ملاك نازل من السماء فلن تقنعهم بغير ما يرون لأنهم أصلا أظلمت قلوبهم فأظلمت عليهم رؤية الأشياء.
37w
Reply
Hide
Dr.Mohamed Tirab
من السوء بمكان نكران جميل مهما كان صغيرا
يكفي سودانيزاولاين انها باكورة الاعلام الاسفيري السوداني،،، بل عرابها وابتكارها،، وفي عالم الملكية الفكرية لا يستحق منتج بشري " أدبي أو مادي صناعي " حق البراءة الا في ان تكون الجدة،احدى أشراطها، ولا تكون الجدة الا بنت ابداع،،، وتحت عباءة الابداع تكون الجرأة لاقتحام الجديد فكفى ان يكون الباشمهندس بكري أبوبكر مبدعا،،،
جلنا- من يكتب اليوم هنا- شهادتهم مجروحة،،،فجلنا خريجي المنبر العام لسودانيز اولاين
لك التحية اخي بكري Bakri Abubakr
دمت مبدعا،،،دمت بكل الخير
37w
Reply
Hide
Edited
Abuobeida Ali Abdullah
ما قدمته يا بكري لا ينكره إلا من في عينه رمد !!! ومازال عطاؤك مستمرا
37w
Reply
Hide
كمال سالم
فعلا لقد تعلمنا السياسة والادب والثقافة من سودانيز اون لاين الذى كان وطن من لا وطن له بعد ان شردتنا اجهزة امن الكيزان واصبحنا فى المنافى ولولا سودانيز اون لاين لكنا الآن ( نطقع فى الشوارع ) .
شكرا للرجل الجميل المهذب الباشمهندس بكرى ابو بكر الذى لم يمن غلينا يوما واحدا او يحسسنا بانه صاحب الموقع .
تحياتى لكل الزملاء اعضاء المنبر ( البورداب ) اينما وجدوا .
37w
Reply
Hide
Edited
الزمن الجميل
هناك مثل سوداني يقول الكلب ينبح والجمل ماشي .. فما اكثر الكلاب الرابضة في ليالي الحرب الحالكة ، تسمع الاصوات الناشذة وهي ترفع عقيرتها تريد ان تتطاول بالنباح الحقيقة ظنا منها ان ذلك يغير مسير قافلة.
باشمهندس بكري ابو بكر كما نطلق علية إسم (الرئيس) هذا يعني انه كان قائد السفينة وهذه السفينة تحمل كبار الكتاب والادباء الصحفيين والشعراء اذاعات تلفزيونات كانت تتلقى المعلومات والمصادر من هذا الموقع سودانيين وغير سودانيين
سودانيز اون لاين كان هو وما زال البيت الكبير لجميع ابناء الوطن كيزان وشرفاء ابناء الوطن.ومن لا يعرف بكري ابو بكر وموقع سوداني اون لاين لعبت وسائل التواصل الاجتماعي، وعلى رأسها سودانيز اون لاين دورا كبيرا في الثورة السودانية التي انطلقت في عدة ھبّات حدثت وكان ما يدور سرا وفي وضح النهار من عمل خيري لا يمكن حصره مجموعات تقاسمت الأدوار للعلاج والدواء وإيجاد وظائف والصرف على يتامى وأسر معتقلين قضوا شهورا في بيوت اشباح كان نقطه التقاء لكل ابناء الوطن وكان بكري ابوبكر هو رائد وقائد هذه السفينة أما عن العضوية والذين كتبوا على صفحات سودانيس اون لاين في كافة المجالات السياسية والفنيه والرياضية والأدبية والإجتماعية والتاريخية ولا أستثني مجالا فقد كانت عضوية جمعت كل القمم في تلك المجالات .
يحيى ابنعوف
37w
Reply
Hide
Edited
Abdalla Mahmoud
بالرغم من البعد الجغرافي لكن الموقع قرب المسافات و عرفنا على مثقفين و مفكرين و ساسة و فتح لنا ابواب كثيرة للتعلم و الاستفادة.
🙏🏼
37w
Reply
Hide
هاجر التهامي ياسين
والله سودانيز منبر ما ساهل تعرفنا عليه منذ امد بعيد بس حظنا كان دائما البلووك
لكن برضو بنقراه لانه صراحة فيه حاجات قيمة و مفيدة
37w
Reply
Hide
Alaeldin Nassar
سودانيز اونلاين. التقيت في رحابها قلوب و انتقلت لارض الواقع فكونت اسر. اذكر احتفاءاتنا بزيجات بين عضوات و اعضاء و شاركناهم بواكير مواليدهم. أتذكر رقاع الدعوة الاسفيرية كدعوة لحفل بهيج على البالطوك. بما في ذلك زواجي شخصيا.
كما ان بداية معرفتي بزوجتي كانت عبر متابعتها لكتاباتي في المنبر.
ياخي يصعب حصر محاسن سودانيز اونلاين.
37w
Reply
Hide
Mohammed Sayed Fadle
أنظر،هناك من يلعن الضوء، يا إبن الملوك،لقد تواضعي كثيرا.
37w
Reply
Hide
ياسر علي نايل
سودانيز اونلاين كانت نبراساً لإضاءة الطريق وكانت هي المتنفس الوحيد والأخبار والمقالات والكُتاب بمختلف الإنتماء
37w
Reply
Hide
Bushra El-Fadil
لا أبالغ إن قلت إن سودانيز أون لاين قامت بدور أكبر من دور وزارة الثقافة والإعلام في بلدنا حين كانت تلك الوزارة صوتاُ للحكام الشموليين الذين دمروا البلد وأن المهندس بكري أبوبكر كان ربان سودانيز أون لاين الماهر المتسامح مع حتى من يجنون عليه.التحية لك يا بكري. bushralfadil@gmail.com
37w
Reply
Hide
ضياء بابكر
غير ان منبر سودانيز أون لاين كان Intellectual property
يحسب للباشمهندس بكري Bakri Abubakr .
فقد كان بحق منتدي جمع الافكار والاستنارة وجمع روابط واخوة البورداب...بصورة متقدمة علي مجالس النواب و صالونات الأدب والتراث والفن.
37w
Reply
Hide
Nagi Salih
يا هندسه سلامات ياخ ..ياخ هو في زول لسه بعد كل متغيرات العصر دي بفتكر انو بملك المعرفه والعلم والثقافه ؟ ياخ خير دليل الحاصل في بلدنا دي هسه ؟؟ ياخ زي ما بقولوا الشباب انسي بس ولا تزعل روحك يا حبيب ..ده جدال عقيم ساي
37w
Reply
Hide
Zaina Zaineen
اعظم صرح ديمقراطي
37w
Reply
Hide
Inti Osman
سيد الحوش سلام🌹
#سودانيز اون لاين كان يمثل لنا الوطن و الحياة
كان و ما زال وطنا مصغراً و موحداً لكل الناس من مختلف أنحاء الوطن
الله يعزك و يرفع شأنك
37w
Reply
Hide
Nahid Bashir
سودانيز اون لاين مدرستنا الاولى..
كمية الاصدقاء بنفخر بيهم لي هسه
شكرا بكري ابوبكر🥰🥰😇🥰
37w
Reply
Hide
Boko Osman
ياسلام على سودانيز اونلاين
وعلى منتسبيها الجميلين
كنا بنقضي فيها ساعات طويلة وقراءة كل البوستات وتعلمت منها الكثير
وعرفت فيها ناس في قمة الروعة
دم بخير يا رمتالي لووولز يكه
37w
Reply
Hide
عوض عبدالرحمن كشاح
37w
Reply
Hide
عوض عبدالرحمن كشاح
والله أنا افتخر ب عمي وبن عمي وكل زو نعمه محسود
بالتوفيق يا الحبيب
37w
Reply
Hide
Atif Makkawi
شخصياً لا يمكن أن أنسى المنبر العام لسودانيزأونلاين فقد تعلمت منه كثيراً فشكراً للجميع و على رأسهم الباشمهندس بكري
37w
Reply
Hide
Buthina Terwis
عارف يا بكري للاسف ما اتربينا كفاية علي ادب التواضع حين صنيع المعروف وينقصنا ادب الاختلاف باحترام وكثير من معايب السلوك
ولكنك صنعت مدرسه اعلامية حين خيم الظلام علي الوطن اتحت مساحة تواصل اجتماعي كنت بها من السابقين لكل ما تلاها ربطت بين اناس علي قول اهلنا في المبالغه حوا وآدم لا يجمعا بينهم
المهم ابقي طيب والقافلة سايره ولا تعباء بسقط المتاع!
37w
Reply
Hide
Malik Suleiman
دعك عن سودانيز اونلاين وما قدمته من وعي وتثقيف وتنوير لعدد لا يستهان به من السودانيين فأنت قبل كل شيء انسان بكل ما تحمل الكلمة من معنى وابن اصول وهذا يكفيك فخرا، فهذه شهادة مجروحة من شخصي الضعيف الذي يشاركك الاقامة في مدينة واحدة في ولاية اريزونا .. متعك الله بالصحة والعافية والعطاء اخي بكري.
37w
Reply
Hide
Yassir Eltigani
فعلا شجرة 🌴 نستظل بها Bakri Abubakrمنذ العهد البائد 🙏🏽
37w
Reply
Hide
Yousef Alneel
لي عودة للرد على الزول دا وقع ماسمي
37w
Reply
Hide
Hafiz Hamid
والله يصعب علينا التحدث عن مآثر بكري الشخصية ، فهو صديق عزيز ونعرفه منذ ايام الجامعة كان اكثرنا نبلا وانسانية ،، في سبيل استمرار منبر سودانيا اونلاين انفق الكثير من ماله وزمنه بل احيانا كثيرة يفضل متابعة ادارة المنبر اكثر من مصدر رزقه ، خلال الإنقاذ كان المنبر العدو رقم واحد لدى جهاز الامن وتعرض لكثير من التهديد والوعيد ثم لجؤوا لحيل اخرى ومغريات وكلها فشلت امام عزيمة وصلابة بكري ،،،
اما المنبر فيصعب رصد ماثره ، فهو أكاديمية انسانية و معرفية ومدرسة وطنية في الحوار عال القيمة ، لقد صقل المنبر مهارتنا المعرفية وتخرج منه اكثر ابناء السودان نبلا ووعيا وانسانية، اعتقد منبر سودانيزاونلاين يعد احد اهم إنجازات النخب السودانية في صناعة الحوار وأسس لمكتبة معرفية ضخمة في كل المجالات حتى التقنية والطبية .
معليش حبيبنا بكري من أساء إليك او أسرتك لا يعرفك وغالبا يكون عمى البصيرة هو السبب .
الله غالب ،،، الله غالب
37w
Reply
Hide
Hala Abubakr
زي ما بقولو حبوباتنا العارف عزه أنوم قفه
37w
Reply
Hide
Osama Khalifa
الحبيب بكري
العارف عزو مستريح
37w
Reply
Hide
Muzamil Khairi
شكراً بكري ابوبكر .. ⚘️
37w
Reply
Hide
أبوعبيدة محمدالأمين
ربنا يتقبل ما قدمتم لوطنكم وشعبكم
37w
Reply
Hide
Kamal Hassieb
صلاح هاشم السعيد
37w
Reply
Hide
Siham T. Elmujamar
ياااااا صديقنا واخونا بكري انا لو اتكلمت عن ما قدمته سودانيزاولاين لي انا براي كده ..ما ح نخلص قريب.. الله يبارك ليك في كل مجهوداتك و سلامات تصلك تلقاك بخير
37w
Reply
Hide
Nagat Elamin
اصلا االبني كجة لازم يتفهوا إنجازات الغير
سودانيزاونلاين دي كانت حياة لناس كتار وفيها اتعلمنا فيها حاجات كثيرة جدا افنينا فبها زهرة حياتنا
كانت اول حاجة بنفتحها الصباح واخر حاجة بنشوفها بالليل
اهدتنا اصحاب وصاحبات ما منظور مثالهم
وكذلك تعاركنا مع كميات من الناس وفيها عرفنا نكشف الكذب والحقيقة
الاتعلمتوا في سودانيزاونلاين ما اتعلمته في جامعة
وشكلتنا معاك في محلها 😂
37w
Reply
Hide
Edited
A Latif Bakri
سودانيزاونلاين هي مرحلة مابعد كل شهادة دراسية من الابتدائية وحتى الأستاذية وهي مرحلة تبدأ فيها مرحلة تعليمية من جديد مهما كان مؤهلك الأكاديمي،،
بكري ابوبكر كان يدير كل هذه المؤسسة بإحترافية عالية، صحيح كان بنجض الناس في الباسيورد لكن كان حقاني وواعي وتحس فيه بأنه صديق لكل فرد هو عضو في المنبر،،
شكراً جزيلاً يابكور وربنا يجعل الخير الفي المنبر ثقلاً في موازين اعمالك وكل صداقاتنا الان او معظمها هي علاقات البورداب أنا حلوا 🌹🌹
37w
Reply
Hide
الصادق صلاح عوض
بكور .. استمر يا غالي .. لك والمنصة الرائدة الحب والتقدير العميق .. شهادتنا فيك مجروحة كما ذكر الحبيب طه جعفر
37w
Reply
Hide
Berberawy Hanien
شكرا بكرى لكل مساحات الحريه التي منحتنا لها عبر سودانيز اونلاين.. وعلاقات اخويه وصداقات ما زلت شامخة متواصله حتى اليوم.. اخوك.. من بورداب الرياض.. اول تجمع لبورداب العالم
37w
Reply
Hide
نوفل عبدالرحيم
دور سودانيز اون لاين في الحياة السياسية والثقافية والاجتماعية لا ينكره الا مكابر ، والفضل في ذلك بعد الله تعالى يعود اليك .
لك التحايا ولكل الذين زاملناهم وعرفناهم في البورد لاكثر من 20 عاما
37w
Reply
Hide
Edited
Tayeb Mustafa Ibrahim
شفت كيف! ديل حالتم بعض خريجي مدرسة سودانيزاونلاين بدافعوا باستمامتة عن مؤسس هذا الصرح الذي لعب دورا هاما في فترة من فترات السودان ومنها انطلق الكثيرون نحو الشهرة والمنجزات المختلفة....كل الحب والتقدير للاخ المهندس بكري ....
37w
Reply
Hide
Fatehelalim Abuelgasim
أنت يا بكري مدرسة في الصبر والتحمل، وزول خلّى آلاف الناس يلقوا صوتهم وصحبتهم من خلال الموقع.
ربنا يديك الصحة والعافية ويبارك فيك، وخليك زي ما إنت، زول بسيط، نضيف، وما بتحمل ضغينة.
وأنا على يقين إنو التاريخ يومًا ما حيسجل إنو كان في زول اسمو بكري أبوبكر صنع مساحة فريدة للسودانيين حول العالم.
كل التحية والتقدير ليك.
37w
Reply
Hide
إعلام حشد الوحدوي
سودانيز اون لاين كانت وستظل صوت من لا صوت له، الرائع بكري أبوبكر لك التحية والاجلال، فتاريخك وتاريخ سودانيز اونلاين يشهدون لك. 🌺
37w
Reply
Hide
Salah Shareef
يا باشمهندس. تجربتي مع سودانيز اون لاين من تاريخ ميلادها كانت هي المتنفس في ظل القهر. وتلاقح الأفكار هي. البوتقة شكرا لك. كنت ومازلت عادلا وديموقراطيا في إدارتك وفتحك لمساحة. فكرية وسياسية. للكل
شرنوبي
37w
Reply
Hide
Edited
Taha Elkhalifa Taha
شهادتي في بكري مجروحة لكن بكري من أعظم الرجال الذين عرفتهم
37w
Reply
Hide
Taha Elkhalifa Taha
Muhammed Babiker Abdullah
شوف العواليق ديل زعلوا حبيبنا الغالي بكري عبد الرحمن ابوبكر
37w
Reply
Hide
عبداللة محمدالحسن
شكرا sudaneseonline بك الناس اهتمت بمشاكل بلدها وكان بها الحوار والمعرفة
شكرا بكري
37w
Reply
Hide
Ahmed Gallob
سودانيز اون لاين يكفيها فخراً أنها مدرسة علمت وخرجت الكثيرين ولا زالت وهي بالإضافة لذلك منبر وصالون اجتماعي ثقافي إنساني بحجم الميديا والاسافير في كل الكرة الأرضية والفضاء الاسفيري َلاشك أن ذلك خلق أثر كبير غير محدود.
37w
Reply
Hide
Taha Elkhalifa Taha
يا بكور لا تهتم بهؤلاء الرعاع . انت خريج كلية العلوم جامعة الخرطوم في عام ١٩٨٨م . كنت نعم الزميل و نعم الصديق و اخو اخوان . عرفتك دروب النضال و عرفنا عنك الشرف الرفيع و نقاء السريرة و حسن الخلق . قل لهؤلاء الرعاع انك من ارومة العبدلاب العظماء و أنه من بين اهلك شعراء الوطن الكبار ادريس جماع و محمد محمد علي . ابوك أبونا و امك امنا يا بكري . أحزنني هذا الكلام و جرحني . انت مثقف و متعلم و مثقف عضوي و رجل مميز نحبه و نحترمه و نقدره اكبر تقدير. و الله يا بكري و انت تعلم أن من يرشك بالماء نرشه بالدم. اديني اسماء و الله سأحول حياتهم لجحيم هولاء الاراذل
37w
Reply
Hide
Hafiz Angabo
سودانيز اونلاين مدرسة ومنبر ادى -وما زول- دورا مهما لم يستطع اي منبر اخر منافسته او الاقتراب منه، حتى الصحافيين ورؤساء التحرير كانوا يعتمدون عليه
ادرته بكل احترافية وما زلت، كل التوفيق يا ريس
37w
Reply
Hide
الأمين عبدالرحمن عيسى
ردك جميل .. رد إنسان فاهم ومتواضع.. ذكرتني بالمرحوم محمد أحمد السلمابي وقد صار في أوائل السبعينات رقما لا يدانيه أحد في النجاح في كل المجالات فحاول أحدهم أن يقلل من شأنه بأن يذكره بانه كان جرسونا في يوم من الأيام فرد عليه السلمابي قائلا .. أنت لا تعلم يا أخي لقد كنت شيئا أقل من جرسون.. لقد وصلت جرسون هذه بعد مشقة وتعب.. هكذا هم الرجال العظماء .. دمت يا أخي
37w
Reply
Hide
Khalid Abdulrahman
سلامات يابكري وعساك طيب ياخ
والله ياحبيب انا الاتعلمتو في سودانيزاونلاين ما اتعلمتو في الجامعة والاصدقاء الاتعرفت عليهم عن طريق سودانيزاونلاين الي الان هم اعز الاصدقاء ربنا يجزيك عنا كل خير ويوفقك
عمك تنقو بالقديم
37w
Reply
Hide
Bakri Mosbah
شكرأ لك ولي مجهودك وكفي
بكري مصباح
37w
Reply
Hide
Saif Aldawla Kamil Mohammed
حبيبنا بكري أبوبكر
سودانيزاونلاين عرفتنا بإخوة أعزاء من شتي بقاع العالم وبقينا أخوة وأصدقاء نزور بعض ونفقد بعض ولك القدح المعلا في ذلك ...الرحمة والمغفرة لمن فقدناهم من الصحبة والعشرة الطيبة ولك الود والتقدير يا بكور...
37w
Reply
Hide
عبد الرحيم المبارك
تحية وتقدير سيد الحوش الوسيع
37w
Reply
Hide
Mukashfi K. Bashir
تحية وتقدير ... شكراً دائماً م. بكري
37w
Reply
Hide
Mohamed Mahjoub
يا بكري سودانيزاولاين رقم لا يمكن تجاوزه.. حصلت فيه قفزات وتطورات كبيرة وأخطاء كبيرة،وباعتبار انه فتح جديد للسودانيين في عالم الاسافير واي تجربة زي دي ممكن يتم انتقادها ولكن من يشتم ويقلل من شان الناس هو الكيسو فاضي..حتى الآن مكتبات سودانيزاولاين مرجع لكثير من الأحداث.. شكرا لانك جعلت هذا ممكنا
37w
Reply
Hide
Ahmed Abdallah
أشهد بأنك من أكثر الناس خلقا ووعيا وانك أديت رسالة من أنبل الرسائل نشرت الوعي و محوت التغبيش وكانت سودانيزاونلاين متكأ و ينبوعا نهل منه الجميع
37w
Reply
Hide
Mohammed Seedahmed
شكرا بكري
موقعك كان منبر ديمقراطي. قدم خدمات جليلة
تحملت الكثير وادرت الموقع باحترافية. وكنت تقابل الانتقادات بصبر وسماحة
37w
Reply
Hide
Majeedo A Mohamed
37w
Reply
Hide
Mattar Gadim
بوردابي وافتخر
37w
Reply
Hide
Ehab Eltayeb
اوفيت وكفيت يا زعيم Bakri Abubakr
وسودانيزاونلاين محطه مر بها الكثير من السودانيين استفادوا وافادوا وتزودوا بالمعلومات والمعرفه والصداقات واخبار الوطن والتواصل الاجتماعى
لك التحيه وحق اختراع هذه البوصله التى جذبت ووجهت وافادة الجميع
37w
Reply
Hide
Majeedo A Mohamed
media0.giphy.com
MEDIA0.GIPHY.COM
media0.giphy.com
media0.giphy.com
37w
Reply
Hide
Adal House
يا بشمهندس العالم الأن منغمس في الذكاء الاصطناعي؛ قبل هذه المرحلة كان العالم الفضائي ايضاً يتحكم في مسيرة التواصل و التفاكر و الإبداع. موقعك وبجدارة كان وطن لمن لا وطن له. انا شخصيا تعرفت بجيل كامل عبر الموقع و إنفتحت على وثائق و كتابات و مبدعين لم أكن اتوقع أن أنفتح عليهم دون هذا الموقع العملاق. شكر لك م. بكري انك كنت ومازالت بيننا مساحة للتواصل و التعرف.
أخيك
إبراهيم إدريس
37w
Reply
Hide
الصادق المهل أحمد
37w
Reply
Hide
Abduldayim Seed Ahmed
بكري ابو بكر الزول الظريف .. كفاية انك في قلوبنا من يوم عرفناك اسفيريا وما اتقابلنا مطلقا ...
37w
Reply
Hide
Mohamed Alamin Mohamed Gumaa
باختصار شديد بكري زي الضوء حجوج وابو العلاء وبابكر نهار وباقي الخيرين الذين تبرعوا ببناء المدارس
هو فتح لينا مدرسة اسفرية ونحن اتعلمنا وتتطورنا والمدرسة بقت مدارس وجامعات وتخصصات مختلفة
دي القصة
37w
Reply
Hide
Abrahoma Abdalla
أصلا الحقد والحسد هما المسيطران علي بعض الناس الان فأمضي ولا تلتفت مادام انت راضي فيما حققته ومادام لم تضر احد .
37w
Reply
Hide
Author
Bakri Abubakr
شكرا لكم جميعا ولكل من اتصل بي
وهذه شهادات تاريخيّة في حق موقع سودانيزاونلاين Sudaneseonline
فأنتم من بناءها راكوبتها قشة قشة و شخصي الضعيف ما كان علي ان أجي انظفها و ارشها ليكم بالموية فلكم الشكر و التقدير فردا فردا و اسف أنني لا اقدر ان ارد عليكم فرادي…….
36w
Reply
Edited
المواطن معاويه عبيد الصايم
Bakri Abubakr وتوقف العبد لله الفقير ...سودانيز دى ي ريس دولة مكتملة الاركان ..يديك ي العافيه ي ريس
36w
Reply
Hide
Hamad Abdelghaffar Omer
يا بكري شكرا ياخ
تعلمنا الكثير في سودانيزاونلاين
36w
Reply
Hide
Hamad Abdelghaffar Omer
ما تباصر لينا حكاية قفلة المنبر مننا دي
36w
Reply
Hide
| |
|
|
|
|
|
|
|
|
|
Re: في ازراء سودانيز اونلاين (Re: بكرى ابوبكر)
|
الأخ محمد سيد أحمد
تحايا سامقة
شكرا على هذا البوست الفخيم، الذي يقيم محتواه في حنايا اعضاء هذا المنبر الشامخ، وها انت تفتح نوافذه وابوابه لكى تندلق كلمات من اعماق حنايا الشكر والتقدير للاخ العزيز /بكري ابوبكر لفتح هذه النافذة التي تحمل اسم السودانيين كلماتا ومعنى،
معظم السودانيين في مهاجع الغربة ، كان وسيظل هذا المنبر متكئا وسندا لكل سوداني ، ففي غربتهم وطن يطل بكل الزخم،، وفي الوطن يربت على كتوف الامل ، و في لحظات اخرى ترنو الذكريات وتطل مشبعة بنفحات الامل
سودانيز اونلاين،
جسدت معاني الانتماء من خلال مواضيع شتى
ثم معاني الحوار الراقي حتى في خضم الصراعات الداخلية بالوطن المأزوم
باسم هذا الملتقى، اجتمع المغتربون ، ودلقوا ما يرقد في خبايا النفوس
اجتمعوا بكل الوان الطيف السياسي و الانتماء القبلي والفكري
الأخ بكري
هذا قليل من كثير،
لك التحايا ، والتحايا لكل عضوات وأعضاء هذا المنبر الوطن
حفظكم الله
| |
|
|
|
|
|
|
|
|
 Re: في ازراء سودانيز اونلاين (Re: محمد الحسن حمدنالله)
|
Quote: محمد المكي ابراهيم- عبد الله علي ابراهيم- فضيلي جماع- عجب الفيا- الخاتم عدلان- عبد الله بولا- بشرى الفاضل- عبد الخالق السر- كمال عباس- محمد المشرف-تماضر-
|
شكرا محمد سيد أحمد لهذا البوست النوعي لحد ما
وشكرا لكل المتداخلين بإضافاتهم
والتحية لمداخلة بكري المدرسة التي مازالت مستمرة
لكن بالمقارنة حتى لنماذجك المختارة التي عرضتها يا صاحب البوست, وأظنك قليل المداخلات ههنا إلا نوعيها في هذا المنبر!
هل هؤلاء يمثلون قمة المفكرين والمثقفين السودانيين الذين انزوا عن المنبر, أم لكونك محصور في هؤلاء أو أبرزتهم دوائر الإعلام الرسمي فقمت باعتمادهم وطرحهم في مشرحة سودانيز لننصف صحة أكبادهم؟
هل بهذا البوست تقر لهذة الفرنجة أن يعدلوا من سروجهم ثم ليركبونا كرة أخرى بنقدك لهم كصفوة ؟
لا أجد فيهم واحدا أضافة شولة لكتاب الوطن الكبير! كلهن أنصاف حرفيين للمعرفة.
لماذا عندما تطرح ظاهرة صحيحة تطرح متركشة وبضع سودانية ؟!
| |
|
|
|
|
|
|
|
|
|
Re: في ازراء سودانيز اونلاين (Re: آدم صيام)
|
شكرا بكري رفد البوست بكل هذه التعليقات المنصفة لسودانيز
شكرا محمد الحسن
شكرا قريبي ابوجهينة
شكرا ادم صيام
الاسماء التي ذكرتها نماذج اخترتها يمكن ان يختار كل شخص ما يروق له من اسماء لادباء وكتاب ومفكرين
انهم لم يضيفوا شولة دا شوت ضفاري لامن غلط
| |
|
|
|
|
|
|
|
|
|
Re: في ازراء سودانيز اونلاين (Re: أبوبكر عباس)
|
سؤال يا ريس بكري؛
كيف مستقبلاً سوف تبقى مكتبة سودانيزاونلاين موجودة ومتاحة للقراء بعد زمن طويل جداً؟
حالياً البحث عن المواضيع عبر محركات البحث فيهو صعوبة، كذلك البحث داخل البوستات عن المداخلات المفيدة للموضوع المعني يتطلب جهد كبير.
| |
|
|
|
|
|
|
احدث المقالات بسودانيزاونلاين اليوم
| |
mohmmed said ahmed
Nasr
Bashasha
بكرى ابوبكر
زهير ابو الزهراء
طلحة عبدالله
محمد عبد الله الحسين
بدر الدين الأمير
هدى ميرغنى
محمد جمال الدين
يحي ابن عوف
ابو جهينة
محمد الحسن حمدنالله
آدم صيام
فيس بوك
تويتر
انستقرام
يوتيوب
بنتيريست