|
|
|
 Re: هل تصرفى صحيح ..موقف محرج مع احد اعضاء المن (Re: النصرى أمين)
|
تحياتي وتقديري،
الناس أمزجة،
لكن اعتقد لاداعي لربط الأحداث المذكورة بانقطاعه عنك،
ولم يكن الاكل والشراب مقياس، ، وانما المقياس بنوع الترحيب سماحة او سوءا،
حسب رايي ما كان في داعي لهذه القصة، او ان يتبادر الى ذهنك رابط بين ما تعتقدانه
تصرفخاطئ واختفاء صاحبك،
وكان تسال عنه مباشرة باسمه وتتفقده طالما ان اللقاء الأخير انتهى بطريقة راقية.
| |
 
|
|
|
|
|
|
|
|
Re: هل تصرفى صحيح ..موقف محرج مع احد اعضاء المن (Re: قصي محمد عبدالله)
|
اهلا قصى
والله مافى علاقة بين إختفاءه و القصة
آلاف من اعضاء المنبر اختفو على مر السنين
الحادثة بالظبط ليها 15 سنة يعنى حسب قوانين الارشبف الأمريكي يمكن
الح
الحديث عنها .....
سؤالى الحقيقه فى حته صغيرة ....هل مفروض كان نطلع من المطعم و نمشى واحد تانى...
برضه فى جزئية مهمة لازم الزول يسال ضيفه عن شروطه فى المطاعم قبل ان تعزمه
يعنى لو جيت بلدكم و عزمتنى اكلات بحرية يشيل مسدس و اديك طلقة ....
برضه لازم الناس تنتبه لمن تزور ناس او يزوروها ناس انه فى ناس عافييين
نرة زرنا واحد اخونا و معاى صاحبى..جابو لينا عصير ليمون طازج
صاحبى رفض يشرب..اضطريت اشرب كبايته منعا للاحراج
لمن سالته قال لى بامتعاض تعصر لى ليمونة ؟
الناس فعلا امزجة لكن التعامل معاهم يحتاج شوية حكمة
| |
|
|
|
|
|
|
|
|
Re: هل تصرفى صحيح ..موقف محرج مع احد اعضاء المن (Re: النصرى أمين)
|
اهلا حبيبنا النصرى
صدفة والله بين بوستك و امس الجمعة
امس الجمعة فى رياض الخير
عزمنى احد الاحباب باعتبار ان اولادى مسافرين
و قال لى : تعال نتغدا مع بعض بكرة الجمعة ف البيت
و اردف مباشرة : اها ناكل شنو ؟ عندك حاجات محددة
اما ف المطاعم فالخيارات متعددة
.... بالمناسبة نحن من انصار العزمة ف البيت للتعارف الاسرى و الالفة و جو الاسرة الخ
اعتقد انك ما قصرت و لا حرج و لا تثريب عليك ههههههههه
و ربنا يلمك ف ضيفك
و ربنا يجعل بيوتنا و قلوبنا عامرة بالخير و المحبة
مودتى و تقديرى
... و نامل من ناس الاتيكيت يورنا اكتر و اكتر عن فن التعامل و العزائم
| |
|
|
|
|
|
|
|
|
|
Re: هل تصرفى صحيح ..موقف محرج مع احد اعضاء المن (Re: محمد بدرالدين)
|
اهلا محمد
بالله انت فى الرياض ؟
تقريبا انا كل سنة و التانية بنط بهناك
فهى ثامن مدينة فى قائمة المفضلة لدى طبعا فى الشتاء..
اعنقد الزمن اتغير و هامش الاريحية و الحالة واحدة بدا ينكمش ..الضغوطات على التاس كتيرة
و الناس بقت متوترة شوية و ارضاءهم بقى صعب ...
والله انا بقيت لو داير اتصل بزول بالجوال برسل رسالة خطية اساله اذا عنده زمن لمكالمة سريعةة
ااما حكاية الاكل دى ..الناس لازم تنتبه ليها شديد ..حتى لو عزمت زول لازم تسأله يحب شنو...
قبل تمانين سنة كنت شغال ديليفرى فى كنتاكى فرايد شيكين ..نهاية اليوم ناس المطعم ادونى جردل مليان
شلته و جريي بيه لواحد صاحبى شديد ..لمن وصلت اكتشفت انه بيقرف من الدجاج و ريحة الدجاجة واسم الدجاج
ده اول درس لى لكن لم استفد منه
| |
|
|
|
|
|
|
|
|
|
Re: هل تصرفى صحيح ..موقف محرج مع احد اعضاء المن (Re: النصرى أمين)
|
تحياتي النصري والمتداخلين
يا رجل انا لمحت ليك اكتر من عشر مرات في مداخلاتي معاك .. وانت عملت رايح
الحقيقة انا كنت جعان وميت من الجوع ... مع انك ماشاءالله طلبت لنفسك تقريبا 4 او 5 طلبات
انت نسيت تذكر انك طلب فاصوليا ومعاها ملوخية بالاضافة للانت ذكرتهم
حسيت انك خايف من مسالة الدفع عشان كدة انا دفعت حسابك في المطعم
وفي الكافيه برضو دفعت حق المشروبات و(التحلية) الانت طلبتها
.واضطريت اشرب القهوة على بطني الفاضية
انا كان بهمني مقابلة اعضاء المنبر وهم غالين جدا عندي .. والمسالة في حلاوة اللقاء.
| |
|
|
|
|
|
|
|
|
|
Re: هل تصرفى صحيح ..موقف محرج مع احد اعضاء المن (Re: Ahmed Yassin)
|
Quote: تحياتي النصري والمتداخلين
يا رجل انا لمحت ليك اكتر من عشر مرات في مداخلاتي معاك .. وانت عملت رايح
الحقيقة انا كنت جعان وميت من الجوع ... مع انك ماشاءالله طلبت لنفسك تقريبا 4 او 5 طلبات
انت نسيت تذكر انك طلب فاصوليا ومعاها ملوخية بالاضافة للانت ذكرتهم
حسيت انك خايف من مسالة الدفع عشان كدة انا دفعت حسابك في المطعم
وفي الكافيه برضو دفعت حق المشروبات و(التحلية) الانت طلبتها
.واضطريت اشرب القهوة على بطني الفاضية
انا كان بهمني مقابلة اعضاء المنبر وهم غالين جدا عندي .. والمسالة في حلاوة اللقاء. |
بريمة
| |
|
|
|
|
|
|
|
|
|
Re: هل تصرفى صحيح ..موقف محرج مع احد اعضاء المن (Re: Ahmed Yassin)
|
سلام واحترام أخى النصرى والتحية للجميع~
#اولا : يا اخ النصرى بما إن زمن الدسدسة والغتغيت المفروض يكون انتهى - تصرفك ما صحيح كله كله ، لما لقيته ما عايز طوالى تخلى المطعم السودانى ليوم تجئ براك بمزاج 😀 وكمان صاحبك تصرفه ما صحيح ، زول متفلهم يعنى …
#ثانيا: الموسيقار احمد يسن ما ممكن تمشى من غير وداع وترجع من غير سلام ، وكم فتحنا بوستات (على ما أعتقد 🤔) للسؤال عنك ودكتورة نعمات
فى غيابكم غير المقبول
#انت فاكر الدنيا مدنية😀 -الحقوق محفوظة للشاعر القدال عليه السلام
| |
|
|
|
|
|
|
|
|
|
Re: هل تصرفى صحيح ..موقف محرج مع احد اعضاء المن (Re: هدى ميرغنى)
|
Quote: ثانيا: الموسيقار احمد يسن ما ممكن تمشى من غير وداع
وترجع من غير سلام ، وكم فتحنا بوستات (على ما أعتقد 🤔)
للسؤال عنك ودكتورة نعمات
فى غيابكم غير المقبول
#انت فاكر الدنيا مدنية😀 -الحقوق محفوظة للشاعر القدال عليه السلام |
والله شاكر ليك مواقفك وسؤالك يا بت ميرغني
وعارفك ما بتقصري ..
ما زي النصري ..
| |
|
|
|
|
|
|
|
|
|
Re: هل تصرفى صحيح ..موقف محرج مع احد اعضاء المن (Re: Ahmed Yassin)
|
اهلا احمد يسن
...
تعرف بتذكرنى بعضو المنبر xyz ...
قبل اكثر من عشرة سنين ..كنت انا قاعد براى فى البيت ..فاتح مباراة مسخنة فى البيسبول.
فجاة جرس الباب ضرب ...عاينت برقراق ستارة الشباك
لقيتو اخونا xyz ...عملت مجنون ..اتصل و ترك رسالة ..افتح الباب يا سقيل...شايفك
وراء الستارة ....
طبعا مافى كلفة بينه و بينه عشان كده اتصرفت كده ..
لكن بصورة عامة الناس ما تزور بعض بدون مواعيد...
المهم يا احمد يسن .مافى كلفة ...اوعدك لو جيت كالقرى منى عزومة فى افخم مطعم
باختيارك
بعدين ضيفى صاحب البوست زول راقى جا كالقرى لموتمر مهم ....لو كان قريعتى راحت كنت اتصرفت
بطريقه مختلفة
| |
|
|
|
|
|
|
| |
قصي محمد عبدالله
محمد بدرالدين
Ahmed Yassin
Biraima M Adam
هدى ميرغنى
فيس بوك
تويتر
انستقرام
يوتيوب
بنتيريست