|
|
|
 Re: فيك فيك فيك (Re: Hassan Farah)
|
ياسلام عليك ياخي لو لم يكتب الراحل الهندي ولم يغني الراحل الكابلي سوي هذا الدوبيت لكفاهما
مساهر ليلك الطول نجومه هجوع
وغرقان قمره في جوه السحاب مصروع
بصارع فيك ضلام تمن سنينه سبوع
واراقب فجرك الآذن زمانه سطوع
وشايلك سيف نصر لا يطيش ولاهو بزوغ
ورابطك في حشاي من العطش والجوع
واسقيك مني دم ودموع
واوقد لك جحيم وشموع
واقش منك دموع الضيم على خدودك بتتحدر
واقبل فيك جبين مرفوع كراية النصر
| |
  
|
|
|
|
|
|
|
|
Re: فيك فيك فيك (Re: haroon diyab)
|
وبيرق عزة رفرف في ركاب فاتحين
واغسل لك تراب الهجرة باليدين
راجيك المجد مدخور لك سنين ودنين
من حبوبتك الوقفت ترد الدين
وتطرد حملة الباشا ومع الغازين
حليله مهيرة كاسرة التوب وحد الزين
**
ومن جدك بكبرفوق جبل سرغام
ودافن ضهره في كرري ومتكنتل ركاب ولجام
وسال في ايده سيف العود
ببعج بيهو كبدة وهام
وقبال دمه ما إرشح مع البارود
اكون شتت عليك اجسام
**
أجسام من غزاة ماقدروا اسبوك
ولاكشفولك المقنع ولا في الشينة ختوك
ولا حلولك احداقهم ولاهم قدروا ادنوك
ومما فاتوا لي هسع بدوروا رضاك واطروك
**
| |
|
|
|
|
|
|
|
|
|
Re: فيك فيك فيك (Re: haroon diyab)
|
وكيف انساك وذكراك لي دما هو عروق
ومما الهجرة حلت ليهو لابسك انتي عمة وطوق
وعايشك جوه وجدانه معايشة الحنين لي الشوق
وممزوجة فيك ممازجة اللسان لي الضوق
**
بشوفك في عيون النيل وفي الاطفال
وفي تاريخك الاخضر على الاجيال
وفي بحر الدمي اللسع بجم سيال
وفي مستقبلا واعد كبار وعيال
بشوفك بشري فيك شقق جبال ورمال
بترسم لي طريق نجم العشا الولوال
وتكشف فيك اسرارا كتار واهوال
**
والقاك حتى في رمش الغريب الضال
مهوم في اليمن لا الحامدي لا السلال
والاقيك في الخليج مشرورة حالك حال
واثكل فيك يبيعوك بي الدهب والمال
**
| |
|
|
|
|
|
|
|
|
|
Re: فيك فيك فيك (Re: haroon diyab)
|
ومابننساك عشان اطراك في الازمان
قريب منك قرابة الحدقة لي الانسان
وجايل فيك جولة الدم على الوردان
وقيمتك عنده زي قيمتك معاهو زمان
**
بعيشك هضة بتشارف تلال قيسان
ويحياك موية في دارفور تبل عشطان
واديم فيك من سنار ترع خزان
وادفق خيره بي عند الرهد بستان
واقول لي الدندر الغاضب كفاك جيشان
واسهر لي وليداتك اعشى الحاري والجيعان
**
منو الزيك ولد واستالد الاولاد
منو الزيك يجيبهم ديمة عشرة انداد
منو الزيك ببز الدنيا موية وزاد
منو الزيك ضروع وزروع ونيل مداد
منو الزيك بطان وغابة دون حداد
منو الزيك سهول وادي وجبال اوتاد
منو الزيك اصل موروث من الاجداد
منو الزيك جراتق دم قدام وجداد
قشى الدمعة يابت الرجال مابحكموك اولاد
**
بت الحر وام الحر واخت الحر
وست الضنبة مردوم بي وراهو بجر
ست الفي الخشش من العصير بنتر
ست الخيل وست الفي القلوب بنقر
وام الحلفو بيك وبي العذاب المر
مابختولك الشينة ومناحة كر
**
| |
|
|
|
|
|
|
|
|
|
Re: فيك فيك فيك (Re: haroon diyab)
|
اقتباس
منو الزيك ولد واستالد الاولاد
منو الزيك يجيبهم ديمة عشرة انداد
منو الزيك ببز الدنيا موية وزاد
منو الزيك ضروع وزروع ونيل مداد
منو الزيك بطان وغابة دون حداد
منو الزيك سهول وادي وجبال اوتاد
منو الزيك اصل موروث من الاجداد
منو الزيك جراتق دم قدام وجداد
قشى الدمعة يابت الرجال مابحكموك اولاد
دددددد++++++++++++++++++++++++
شكرا لك اخى الكريم هارون دياب
وطن حدادى مدادى
اللعنة على من يخطط لتقطيعه وتقسيمه
| |
|
|
|
|
|
|
|
|
|
Re: فيك فيك فيك (Re: haroon diyab)
|
تيلادك مسكر في الخزن محروس
هجليج واندراب ومهوقني وابنوس
ومن صمغ الهشاب سوي السنط ترتوس
ومن شدر التبلدي الموية كوس في كوس
ومن ضل النخيل الشمس دايرة تكوس
ومن حرب المطر فرع الحراز مدروس
ومن شوك السدر جيش السلم هكسوس
ومن زهر التبر البادية باقية عروس
وبي توب البرم سوي الطلح مبلوس
ومن شدر الاراك عطر الرعاش مبثوث
ومن سيف العشر جيش هكس صار مهروس
والدوام واج بقيف الابتراوي خروس
**
فيك الفيل وفيك العنزة والجاموس
وفيك التيتل اللبات قرونه تروس
وفيك الاصلة والدابي اب درق وجروس
وفيك ريل الودي البي ناله راتع اجوس
وفيك صقر الكواهلة العينو كالفانوس
وفيك فهود وفيك نور وفيك طاؤوس
وفي نيلك عشاري اشيل من الجاقوس
**
فيك الازرق البي عرفه هد القيف
وفيك الابيض الماش منطرح مابقيف
وفيك زهد المفازة الوعدو ماخليف
وفيك الاتبراوي اللي الشواطيء مخيف
وفيك الدندر البهجم هجمة السيف
وفيك الباسلام في الفشقة عامل هيف
وفيك سيتيت منبت من قناهو صريف
وفيك القاش بوري الرعدة
والصاعقة الداودو كيف
**
وفيك بحر الجبل حاقب عري الرجاف
وفيك بحر الغزال والجور وبحر زراف
وفيك سوباط ملولو زي دبيبا خاف
وفيك بحر العرب مليان نعام وزراف
وفيك بحيرة قال (نو) سيده ما الاسلاف
وفيك خور اب حبل شاقي البلد كشاف
وفيك تمت العظيم شايل الكليت والشاف
وفيك خور الدهب ذو الذكرى والاعراف
وعندك مقرناً حرم سواك ما انشاف
**
وعندك الف خور في الوادي والفين رافد
وحسبان الجزائر والجروف ماوارد
والنبرو الحبيب لي عودو سيدو اقالد
والساقية الحنين توريقها باكي وساهد
والبلدات ونجاضات حليلة فايد
وسمسم وام صقور وسهل قبوب ود زايد
وصقيعة ام بليل براقها قايم وقاعد
والمطر البكب اربع شهور ويدارد
وفيك قنبلية كمبو سته الوارد
وام سنات تغازل دوكة ماشه تحادد
اسفاي بقول لي الفشقة بهمك شارد
كونه الفار بقت ترع وجناين وموارد
**
| |
|
|
|
|
|
|
|
|
|
Re: فيك فيك فيك (Re: haroon diyab)
|
في غروبك ربوع خصبة وتبر مبهول
ووديان من عقيق مغسول مطر وسيول
وكثبان تابه بتطرز حواشي سهول
تجود بي الكركدي وصمغ الهشاب والفول
وتدي القنقليس طول الشهور والحول
فيك حفرة نحاس والصمغ والكول
والتور والخروف والناقة والكاتول
علي دينار كسب ليها الشرف والطول
ابو زكريا اداب العصاة زول زول
من وداي بكريت في ربوعها واجول
لي الكفرة وصحاريها العجاف الهول
**
وجبل مرة الشمخ جايب مناخ لبنان
وفجر من ينابيعه العجاب بستان
طارح عنبه والزيتون مع الرمان
وجاب من يافا تفاحا كبار ومكان
**
| |
|
|
|
|
|
|
|
|
|
Re: فيك فيك فيك (Re: haroon diyab)
|
في غروبك ربوع خصبة وتبر مبهول
ووديان من عقيق مغسول مطر وسيول
وكثبان تابه بتطرز حواشي سهول
تجود بي الكركدي وصمغ الهشاب والفول
وتدي القنقليس طول الشهور والحول
فيك حفرة نحاس والصمغ والكول
والتور والخروف والناقة والكاتول
علي دينار كسب ليها الشرف والطول
ابو زكريا اداب العصاة زول زول
من وداي بكريت في ربوعها واجول
لي الكفرة وصحاريها العجاف الهول
**
وجبل مرة الشمخ جايب مناخ لبنان
وفجر من ينابيعه العجاب بستان
طارح عنبه والزيتون مع الرمان
وجاب من يافا تفاحا كبار ومكان
**
| |
|
|
|
|
|
|
|
|
|
Re: فيك فيك فيك (Re: haroon diyab)
|
سلام حسن اخوى وضيوفك الكرام
ولعنة الله على الكيزان الذين مزقوا السودان ودمروه
من بشيرهم لحدى البرهان السجمان
لعنة الله على البرهان الظالم الجبان
اللهم عليك به وبأعوانه المجرمين
اللهم شتت شملهم وفرق جمعهم
اللهم أهلكهم عددا واجعلهم بددا
ولا تغادر منهم أحدا
اللهم عليك بهم فإنه لا يعجزونك
اللهم إنهم طغوا وبغوا وفسدوا وأفسدوا
ودمروا البلاد وأهلكوا العباد
اللهم خذهم أخذ عزيز مقتدر يامنتقم
ياجبار
| |
|
|
|
|
|
|
|
|
|
Re: فيك فيك فيك (Re: مهيرة)
|
لعنة الله علي الكيزان اخوان الشيطان واصنيعتهم الجنجويد والقحاطة الباعوا دم الشهداء في اتفاقية جوبا المشئومة
| |
|
|
|
|
|
|
|
|
|
Re: فيك فيك فيك (Re: haroon diyab)
|
ومن مليط مكربت شاقي دار الريح
نازل بارا ام فتنة بتسر وتريح
واتياسر على التيارة صوتها بصيح
ونوخ تقلي في السهل الكبير وفسيح
**
ومن تقلي ام برم شايل جبال النوبة
عامر بي برشم عريس الحوبة
جلجال والاحيمر نارهم ادفوبه
وين كجذوب وشامي الحارة بتسلوبه
**
وفي شروقك ربي العنافي قاطع تيهو
في ضهره الدغم دوباي حرارته وتيهو
وفي الشبرية راكبة حمامة بتغنيهو
مسدار اب شوارب ياخدو ويوديهو
**
امانة عليك بطانة اب سن بتسنى الكاعة
يوم اكلت كباد ساكت رخم وضباعه
يوم محمود وناس عوض الكريم سمساعة
واقفين في الشمش دايرين اغطوا شعاعه
في ضحوة عجاج وسيوفهم اللماعة
ياكلن في التراقي واقطعن في ضراعه
**
يا المعزوزة بي دمان وعضام ابواتنا
عارفنك مقريفة لي شراب قهواتنا
زغرتي يا ام شيوم خلي الندق نحساتنا
ونحاسب عقاب الجاتنا والما جاتنا
**
| |
|
|
|
|
|
|
| |
Hassan Farah
haroon diyab
Biraima M Adam
مهيرة
فيس بوك
تويتر
انستقرام
يوتيوب
بنتيريست