نعم عنتريات السياسكلاشنكوف هي في الحقيقة غباء أو نرجسية وهي سبب الحروب التي اشتعلت في السودان لعقود من الزمان ودمرت وأهلكت الحرث والنسل وغاصت بالبلد إلى أعماق مستنقع التخلف والفوضى يعنى مثلا ما كان يضير اللخو مناوي لو احتفظ بتصريحاته العنترية في فمه بعد أن تمت الاستجابة لمطلبه بتعيين وزير من حركته المسلحة كما أراد هو ؟؟ لماذا يخرج إلى الاعلام مستأسدا تارة ومتعنترا تارة وهو يؤكد ( ما عندنا مرشح بترفض) ؟؟ لماذا لا يتعنتر السياسكلاشنكوف ضد بعضهم البعض في الغرف المغلقة وبعيدا عن كاميرات الاعلام ونظر ومسمع الشعب المغلوب والما عايز من الدنيا دي الا انو يعيش في أمن وأمان إلى أن يفتكرو رب العباد ؟؟ مناوي دا والزيو من عشاق الأكشن والعنترية شنو الرسالة العايزين يوصلوها للشعب السوداني؟؟ أنهم أقوياء و على كيفم العايزنو بعملوه ؟؟ أها طيب عرفنا فماذا استفاد هو واستفاد الشعب ؟ انتم أقوياء ومهابون ووجودكم في السلطة سيحلق بالبلد في فضاء النهضة والرفاهية والتقدم والازدهار وأية حاجة عشان بس ترضي غرورك وتنوم مبسوط وانت تتمطي والباقين خافوا واحنوا رؤوسكم وأدوكم العايزنو أها ان شاء الله تنور ليكم وتعمل ليكم أجنحة ملائكة . بس الله يرضى منكم ويخفف غضبو عليكم كفكفو عراريقكم وأبرزوا عضلاتكم وسنوا حلاقيمكم ضد بعضكم البعض بعيدا هناك في المكاتب لا من شاف ولا من درى من الشعب المسكين دا .
قد يتبع وقد لا خخخ
07-17-2025, 03:12 PM
Nasr Nasr
تاريخ التسجيل: 08-18-2003
مجموع المشاركات: 11414
مناوي مهرج يتصارع وأرجوزات آخرين علي حكومة لا حول لها ولا قوة يتصارعون علي جثة وطن كأحسن ما يكون تجار الحروب
الناس تموت بالدانات والشظايا والجوع والغربة وهم ولا خصاهم شغالين إمتيازاتي وإمتيازاتك وعرباتي وعرباتك وفللي وفللك وشقق القاهرة وتركيا وقطر ديل يا طلحة ما ناس عمار ديل ناس كان دار أبوك خربت شيل ليك فيها شلية والمصيبة أنهم هم من خربوا ويخربون دار أبوهم
07-17-2025, 05:14 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18570
مساء الخيرات يا ناصر حسبي الله ونعم الوكيل في ديل الواحد بدأ يفكر جاد أنو يجيب ليهو تلتين أربعين حمش ويربط لكل واحد كلاش في كتفو و5 تاتشرات ويعمل ليهو حركة مسلحة عشان تاني نشوق نوعية البحمروا لينا ومثبتننا ببنادقهم بدون سبب ديل بتعنتروا على منو
اللهم لا تمحنا ولا تلبينا في المحن والبلاوي العلينا اللهم أنت الرحيم الرحمن فأخرجنا منهم سالمين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طلحة عبدالله
Nasr
فيس بوك
تويتر
انستقرام
يوتيوب
بنتيريست