|
|
|
 Re: جمل بشاشا (Re: عمر التاج)
|
هوووي يا عمر
ورجغت في الدعم السريع واللامارات والأشوسة الكشحت العرقي والقحاتة وكبيرهم حمدوك وبريمة والدقم ، ما شاء لك الورجغة ... قُلنا ماشي
كمان عاوز تنط في هرمنا الأكبر شعلة الوعي والإستنارة الأمير الكوشي عمود النور بتاع البورد
دي ما بتتبلع بتاتاً
-
يا لك من فلولي، ارهابي، نازي، ابارثيدي قن بدو الاعراب، قطعة شطرنج، مخابرات الخديوية
| |
  
|
|
|
|
|
|
|
|
Re: جمل بشاشا (Re: حيدر حسن ميرغني)
|
| Quote: كمان عاوز تنط في هرمنا الأكبر شعلة الوعي والإستنارة الأمير الكوشي عمود النور بتاع البورد |
لا اخلي عليك يا حيدر انه عمودكم ده لكن يولع أنا احيانا ببقى ماشايف حاجة ..
مش لأنه النور جهرني ، ولكن لأنه الضوء بتاعه كوشي اسود
من الله خلقك سمعت بضوء اسود؟
أنا في كل بوست بقرأ ليها دائرة مغلقة من العبارات فوق الزرقاء .. شى زرقة وشى قن عرب وشى ابارثيدي و أمون رع ..
عبارات لو أخذت كل كلمة لوحدها تشعر لها رنين ، لكن لما تقراها مركبة مع بعضها تجد نفسك ضائع في حلقة جُمل مفرغة .. وبالتالي تنطبق علي حالة الاستاذ في قصة الجمل الفوق ديك..
ومن هذا المنطلق ومن خلال هذا البوست أنا عايز أجي الشاشة في مركز شعلته ..
اما فهمت هو عايز يقول شنو في قصة جمله دي، او كمان احترقت كما احترق صاحبك زهير من نوره.
| |
|
|
|
|
|
|
|
|
|
Re: جمل بشاشا (Re: عمر التاج)
|
| Quote: فلولي، ارهابي، نازي، ابارثيدي قن بدو الاعراب، قطعة شطرنج، مخابرات الخديوية |
واحدة من بلدياتنا مشت للدكتور ولمن سالها مالك يا حاجة قالت له :
- قعورد
- أنا بسألك من مرضك ياحاجة ؟
- قلت لك قعورد
- ايوة طيب أنت مالك؟
- قعورد
- طيب يا حاجة ، أنت جيتي من البلد عندك شنو؟
- عندي غنماية وجداتين
- طيب الموجعك شنو؟
- مافي حاجة موجعاني اكتر من العشرة جنيه الدفعتها للبيت المطلوقة الانت مقعدها بره دي ..
- طيب أنت جيتيني هنا لشنو؟
- قعورد ..
الدكتور نادى للبت البرة وسالها المرة دي بتقول في شنو؟
قالت له بتقولك "قاعدة أورد" والوِردة هي الحمى ، يعني بالمختصر يا دكتور قالت لك عندها حمى..
اسة أنا في البوست ده عايز واحد يفسر لي كلام الجمل ده، يعني شنو قن أعراب، وشنو هي الخديوية السودانية، والكوشة دي محلها وين في السودان، وعلاقة المصطلحات دي ببوستاتي في المنبر ده شنو؟ وعلاقة الزبير باشا بحكومة كامل ادريس وأمون رع شنو؟ والفاشية النازية الابارثيدية هل عندها علاقة بالكيزان ام بالجلابة او بالزرقة؟
| |
|
|
|
|
|
|
|
|
|
Re: جمل بشاشا (Re: Bashasha)
|
نبدأ بموضوع مشروعك الاستراتيجي .. دولة كوش وأصل الانسان .
أنا كمواطن سوداني بعيش في القرن ال21
اتعرضت للانتهاكات والنهب من الدعم السريع الان
والاذى من الكيزان من قبل والغش من قحت ..
بفيدني شنو مشروعك الكوشي ده في نقاشات الازمة السودانية الحالية؟
| |
|
|
|
|
|
|
|
|
|
Re: جمل بشاشا (Re: عمر التاج)
|
| Quote: بفيدني شنو مشروعك الكوشي ده في نقاشات الازمة السودانية الحالية؟ |
كيف الكلام ده؟
انت قايل بنية الوعي التناسلي دي بتتمثل في الإنجاب بس
إدراك كفرد لذاتك كجزء من سلسلة أجيال ممتدة ، من كوش لوقتنا الحاضر ، بتعيننا على إيجاد حلول لازماتنا المستعصية في الحكم
مثلاً ، تتعرف على طربقة إدارة الدولة في كوش
-
لو مابتعرف تقرأ باللغة الكوشية ممكن نساعدك
| |
|
|
|
|
|
|
| |
عمر التاج
حيدر حسن ميرغني
Bashasha
فيس بوك
تويتر
انستقرام
يوتيوب
بنتيريست