|
Re: أفضل وزير مالية مر على السودان هو دكتور جب (Re: Biraima M Adam)
|
Quote: أنت محتاج لسلطة زي سلطة نميرى .. بتاعت العدالة الناجزة .. يجلدوك لم تمشى حفيان. |
أهو البرهان سبط الشيخ حفيان شندي ما قصر جلدكم وهردكم هرد وخلاكم تمشو حفايا أما نميري فنعم رغم صوفيته غرر به الكيزان فطبق ما ظن أنه عدالة سماوية وقد كانت كيزانية لأن قطع يد السارق لا تحل لحاكم يسكن في قصر مرفه وشعبه جائع فمن يريد أن يطبق الحدود الشرعية الإسلامية فليكن مثل من طبقها كالنبي صلي الله عليه وسلم والأربعة زهدا وايثارا وعدالة أما هذا البغض للشعب السوداني وحب جلده كوزنة تربيت أنت عليها وجلافة وعنصرية رضعتها وترعرعت فيها
| |

|
|
|
|
|
|
Re: أفضل وزير مالية مر على السودان هو دكتور جب (Re: منتصر عبد الباسط)
|
تعرف يا منتصر .. في مجالات عادي جدا تلقى فيها زول رايو مشاتر لكن في النهاية بتلقاها مجالات الحاكمية بتاعتها تتعلق بالاذواق... في الكورة مثلا ممكن تلقى في زمننا مريخابي واحد كل مليون ممكن يقول رمضان حبني ده احسن لاعب نص في تاريخ المريخ .. المهم تقوم تندهش من الكلام ده جدا وتعاين للمشجع ده من فوق لي تحت في محاولة تقييم: الزول ده مالو؟ لكن في النهاية بتمشي الموضوع عادي باعتبارو مسألة خاضعة للمزاج وفي ناس اصحاب امزجة غريبة جدا ..
لكن انت مالك يا منتصر؟ مش في مسالة جبريل دي .. رغم قلبه الهوبه التاريخية الفوقها لكن كل ارائك فيما يحدث تجعلك كمن يتحدث من وطن سوداني موازي في كون موازي معكوس الاقطاب تماما وبحيث يكون الصواب هو الخطأ والخطأ هو الصواب.
| |
 
|
|
|
|
|
|
Re: أفضل وزير مالية مر على السودان هو دكتور جب (Re: محمد حيدر المشرف)
|
عشان أعرف أنك جاد في كلامك دا علق يا محمد الأشرف على كلامي عن من وين جاب ابراهيم البدوي كتلة نقدية لمرتبات مضاعفة خمسة إضعاف إذا فعلا كان هناك شح في الكتلة النقدية؟! ولماذا حبس الكيزان العملة في البنك المركزي؟ ولماذا ضاعف البدوي المرتبات؟ وما هو اثر ذلك في التضخم الذي حدث وخلق أزمة في المعيشة؟ إذا لم تجيب يا محمد الإشرف يبقى أمشي تابع أخبار كورة القدم كلامي دا زول بتابع كورة قدم ما مؤهل يفتي فيهو ههههههه
| |

|
|
|
|
|
|
Re: أفضل وزير مالية مر على السودان هو دكتور جب (Re: الصديق الزبير)
|
سبحانه امون رع!
عقلية هذا المخلوق، المدعو منتصر حقيقة تحير!!
السودان الان تحول الي مملكة مليشيات، عصابات، شبكة جريمة منظمة، وابشع نموذج لي شبكة مليشيات الجريمة المنظمة دي هو هذا الفاسد، الرقيع، الوضيع، الكويز، القبلي، العشائري، المتخلف الاسمو جبريل هذا، الحول وزراة بي اكملا الي حاكورة خاصة بافراد اسرتو حصريا دعكم من افراد قبيلتو!!
لهذا الكل، نزل الميدان يقاتل، للفوذ بي وزارة!
اكبر شبكة جريمة منظمة الان، هي ماتسمي "ديش" المكوشة علي اكثر من 80% من اقتصاد البلد، بالوكالة، تحت الطربيزة، انابة عن مخابرات مخدميها، مؤسسيها، احفاد الغزاة، المصريين!!
كل السودان الان تحول الي عصابات، مليشيات، جريمة منظمة، قبلية نعم "قاقنسترز"!!
| |
 
|
|
|
|
|
|
Re: أفضل وزير مالية مر على السودان هو دكتور جب (Re: منتصر عبد الباسط)
|
Quote: لو قلت " اسوأ وزير مالية مر على السودان " - كان ممكن نتفق معاك ، لكن أفضل وزير مالية - دي والله جبتها قوية عديل 🤣🤣 |
تفضل وأذكر الأسباب التي جعلته أسوا وزير مالية؟! الفترة التي قضاها جبريل تعادل أكثر من اربعة أضعاف الفترة التي قضاها ابراهيم البدوي الذي تولي المنصب في وقت مثالي ومع ذلك تدهور العملة الذي حدث في عهد البدوي رغم قصر فترته اكثر من الذي حدث في فترة جبريل رغم صعوبة التحديات واكثر من سنتين حرب وانهيار دولة أسألة تكشف غباء القحاطة ومكر وخبث ودهاء الكيزان من وين جاب ابراهيم البدوي كتلة نقدية لمرتبات مضاعفة خمسة إضعاف إذا فعلا كان هناك شح في الكتلة النقدية؟! ولماذا حبس الكيزان العملة في البنك المركزي؟ ولماذا ضاعف البدوي المرتبات؟ وما هو اثر ذلك في التضخم الذي حدث وخلق أزمة في المعيشة؟ رد كان تقدر يا الصديق الزبير!!!
| |

|
|
|
|
|
|
Re: أفضل وزير مالية مر على السودان هو دكتور جب (Re: منتصر عبد الباسط)
|
😂😂 والله حكاية عجيبة !! 😂
قالوا : وليس يصح في الأذهان شيء إذا احتاج النهار إلى دليـــــل ** * لكن ، ما مشكلة ، هاك :
* من الأسباب الرئيسية التي تجعل جبريل إبراهيم أسوأ وزير مالية مر على السودان - ممارسة الفساد وسرقة ممتلكات المواطنين والدولة، والعمل على بيع سيارات المواطنين المحترقة كخردة لشركة مصرية دون وجه حق، واستحوذ على ممتلكات الدولة مثل كابلات النحاس دون شفافية أو لجنة مختصة، مما يُعد أكبر عملية سطو وسرقة في تاريخ السودان الحديث. هذا بالإضافة إلى فشله في إدارة الملف الاقتصادي وتدهور العملة السودانية وارتفاع التضخم ، ما أدى إلى تفاقم الأوضاع المعيشية للمواطنين. ** * لكن داير اقول ليك ، أنا عندي - بعد الثورة ، ما حصل تغيير حقيقي ، فقط حصل تبديل وجوه ، لكن نفس النظام استمر في النهج والوجود ، واظن إنت تعلم ذلك - عِلم اليقين . * حكومة حمدوك - تم خنقها خنق ، إلى أن ذهبَت . * وابراهيم البدوي - إقتصادي ، ما سياسي ، وحاول ما وسعته الحِيلة - إنقاذ إقتصاد السودان في فترة توليه الوزارة ، لكن واجه عنَت شديد من الدولة العميقة . * أما زولك ال إنت هسي بتقول عليهو أفضل وزير مالية مر على السودان ، دا - خلفيته السياسية معروفة - من الساقية وللبحر . * وياريت تثبت كلامك دا - أنو " أفضل وزير مالية مر على السودان " ؟! * ما يكون إنشاء ساكت .
| |

|
|
|
|
|
|
Re: أفضل وزير مالية مر على السودان هو دكتور جب (Re: الصديق الزبير)
|
بالنسبة لبيع العربات خردة للمصريين وهي ملك خاص لمواطنين لم يوجد شاهد واحد على صحتها ولو عندك شهود عيان وفيديوهات أو خطابات مختومة من الوزارة هات بالنسبة لتقطيع وحرق ونهب كوابل الكهرباء والتلفون دي بلا أدنى شك جريمة منسوبة للجنجويد الدعم السريع فلو السلطة صادرت بعضها من أيدي الجنجويد فوزارة المالية يحق لها التصرف فيها كمال عام طالما لا تصلح للاستخدام مرة أخرى في خطوط الإمداد الكهربائي على أن توفر وزارة المالية كوابل جديدة بدلا عنها مع ما تم سرقته من قبل الدعم السريع من محولات وكوابل فهذه مسئولية وزارة المالية لابد ان تقوم بها ولكن من وين؟! الله يعين وزارة المالية في هذه المرحلة الخرجة الذي خربة الجنجويد ضخم وإعادته كما كان باهظ التكلفة و الإمارات ما وصلنا معاها مرحلة دفع التعويضات يا أيها الجنجويدي الصديق الزبير ال
| |

|
|
|
|
|
|
Re: أفضل وزير مالية مر على السودان هو دكتور جب (Re: منتصر عبد الباسط)
|
Quote: وابراهيم البدوي - إقتصادي ، ما سياسي ، وحاول ما وسعته الحِيلة - إنقاذ إقتصاد السودان في فترة توليه الوزارة ، لكن واجه عنَت شديد من الدولة العميقة . |
لم ترد علي ما فعله البدوي وما تسبب في كارثة اقتصادية وتضخم بسبب مضاعة المرتبات لخمسة وستة أضعاف!!!! إذا كان فهمك متواضع لهذه الدرجة في مسألة كهذه فيما تسبب في التضخم وكيف حدث الاضخم ودور ضخ الكتلة النقدية بأضعاف مضاعفة في يد الطبقات المستهلكة كالموظفين والمعلمين ودور هذا في زيادة التضخم بشكل كارثي مما أحدث غلاء ومصاعب في العيش! وهذا الجريمة التي فعلها هي التي تسببت في طرده من الوزارة إذا كنت انت هذا حالك فبأي فهم حكمت على الدكتور حبريل؟!
| |

|
|
|
|
|
|
Re: أفضل وزير مالية مر على السودان هو دكتور جب (Re: منتصر عبد الباسط)
|
السلام عليك منتصر .
اوافقك علي كل حرف كتبته ، وأأيدك ميه الميه . وزير المالية جبريل ابراهيم ، الرجل المناسب في المكان المناسب " وقد تحدثت انت عنه بما يكفي ، واعطيته حقه " ..
اما كلام الناس الطير ديل ، زي الزبير ،وغيره ، فهم لايعرفون عنه شى ، وكل مايقولونه ، نقلوه من الميديا ، دون اي اثبات . وهذا كلام فارغ .
يا اخي اقول ليك حاجة . مايبيع كان باع !! الرجل وزير ماليه ومن حقه التصرف واعطاء توجيهاته لتنفيذ مايراه مناسب . والعاجبوا عاجبوا والماعاجبوا يجي بورسودان ، ويقول ليه عملت كده ليه .
ناس تنظر في الفاضي وماعارفه سجمها .،،،
تحياتي لك فقط يامنتصر ،،،
| |

|
|
|
|
|
|
Re: أفضل وزير مالية مر على السودان هو دكتور جب (Re: منتصر عبد الباسط)
|
د. جبريل له خبرات كتيرة .. كبير الشحادين لحركة العدل والمساوة المتمردة، يشحد في أى مكان في العالم. برضوا شفشافي كبير، أي زول في مناطق زغاوة وقت الحرب إما تدفع من محصولك أو يرسل عصابة تهمبت كل شيئ.
دكتور جبريل، ربما هو أفضل وزير مالية في دولة "كليبتوقراطية" .. "الدولة المجرمة"، "دولة العصابة". بالجد.
بريمة
| |
    
|
|
|
|
|
|
Re: أفضل وزير مالية مر على السودان هو دكتور جب (Re: Biraima M Adam)
|
ي منتصر * إنت جهجهتَ الناس ياخي - في المنبر دا 🤣🤣 * ما معروف شايت لـ وين ؟! * صايتها كلها 😂 * تجغمس بس 😂 ** * بتقول إنك بتحارب في الكيزان ، وواقف ضدهم . * طيب ، الزول ال هسي فاتح ليهو بوست حدادي مدادي - بإسمه دا ، وشغال تطبل ليهو - يطلع شنو - في رايك ؟! * عارفو ؟ وللا ما عارفو ؟! 🤔
| |

|
|
|
|
|
|
Re: أفضل وزير مالية مر على السودان هو دكتور جب (Re: الصديق الزبير)
|
وبالنسبة لموقفي الشخصي - ي منتصر ، من الحاصل الآن في بلدنا دا ، أنا مؤيد للكُتلة المدنية والعسكرية المكونة لما يُسمى بـ " تأسيس " ، ديل شايف مخرَج البلد على يدهم - إذا قُدِّر لها أن تخرُج من الورطة ال دخلَت فيها دي . * دا موقفي بوضوح - عشان ما يجي زول يوصمني بأي شيء تاني - إنت أو غيرك . * وهو موقف مواطن فقط - لا أكتر ولا أقل .
| |

|
|
|
|
|
|
Re: أفضل وزير مالية مر على السودان هو دكتور جب (Re: منتصر عبد الباسط)
|
لا ي حبيب كلامك غلط ، ما صاح ، دي تأويلات من راسك بس . * تحالف تأسيس فيهو مجموعات مدنية وعسكرية ، ما الدعم السريع براهو ، وإنت عارف الحتة دي - فـ بالله خليك أمين ومنطقي وموضوعي . * ثم ثانياً كل من ارتكب جرم يُحاسَب ، دا مفروغ منه . * وكلامي ليك واضح ، قلت ليك شايف المجموعة دي ساعية لإخراج السودان من الورطة ال دخل فيها دي ، الجماعة ديل " تأسيس " - غايتهم سودان يسع الجميع - تحت شعار " حرية ، سلام ، عدالة " . * الكلام دا واضح ، ما بيحتاج تأويل . * شلة بورتوكيزان رافضين الكلام دا ، رافضين سودان يسع الجميع ، رافضين جيش واحد ، مهني ، قومي ، بعيد عن العمل السياسي - دا مرفوض عندهم ، دايرين سودان يتحكموا فيهو هم ، ومؤسسة عسكرية تكون تحت يدهم إلى الأبد ، يستخدموها لأجندتهم ومآربهم . * مجموعة تأسيس برنامجهم واضح ، وهدفهم واضح . * كل من أجرم في حق الشعب السوداني - يُحاسَب ، سواءً عسكري أو مدني . * نقطة سودان جديد .
| |

|
|
|
|
|
|
|