زمااان في جماعة كانوا بيلعبوا حريق مطعم (بقروش )، في واحد قام بلغ فيهم و الشرطه جات كابستهم و شالو المعروضات: الكوتشينه و القروش و الكراس.
في المحكمه واحد قال لمولانا : يا مولانا انا ما بلعب معاهم لكن بزبط ليهم الحله و الجبنة، زول ونسه ساي يعني انا 😁 مولانا قال ليهو انت اسمك منو؟ قال ليهو اسمي انا محمد البشير يا مولانا ،، مولانا قام فتح الكراس وفتح كم صفحة منه، وقبل على محمد البشير و قال ليهو: انت حارق ٣ مرات ياخ 😁😅😂 ---- أها: الكيزان قالوا ما مشاركين فى حكومة الأمر الواقع ...كدى بعدين جيبوا كراسات الحريق - وفتشوها!!!!
؛😁😁😁؛
06-21-2025, 12:17 PM
قصي محمد عبدالله قصي محمد عبدالله
تاريخ التسجيل: 02-28-2014
مجموع المشاركات: 4519
أخطر مافي التعينات الحكومية من أعلى منصب لأدنى منصب حكومي هو تعيين أصحاب الوطنية المطمبجة أجنبية (حملة الجوازات والجنسيات الأجنبية). ديل بيكون جنيه للسودان وأربعة جنيهات لحسابه في البلد الأب - حيث مستقبله واسرته. لذلك يجب وضع شرط التنازل عن الجواز والجنسية الأجنبية كشرط أساسي ورئيسي لأي تعيين حكومي، فهما أكبر الأبوب التي يدخل تدخل عبرها العمالة والخيانة العظمى، لابد من سودانيين وطنيين خالصين وصافين ونقيين من اي شوائب انتماء آخر حتى يكونوا حريصين على البقاء والاستقرار أكثر من حرصهم على كيفية الفرار و الهروب (إذا دعى الداعي).
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
قصي محمد عبدالله
فيس بوك
تويتر
انستقرام
يوتيوب
بنتيريست