" />
/>
الناس تلحق الشمالية الربيع بقيادة متحرك استلم الدبه وقال متحرك إلي شندي-فيديو- الناس تلحق الشمالية الربيع بقيادة متحرك استلم الدبه وقال متحرك إلي شندي-فيديو-
الناس تلحق الشمالية الربيع بقيادة متحرك استلم الدبه وقال متحرك إلي شندي-فيديو-
مرحبا Guest
اخر زيارك لك: 10-18-2025, 11:08 PM الصفحة الرئيسية
المشاطة الربيع يقود متحرك الى الدبة وشندي ههه والله هانت الربيع العمره ما مسك كلاش في يده جاء طوالي وركب قائد متحرك أنتهى زمن ناس جلحة والبيشي وعلى يعقوب وجاء عهد المشاطة والله ليكم حق تضعوا السلاح ياناس شندي وتمشوا زراعتكم
06-14-2025, 04:00 PM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
اربعة مناطق حيوية يفترض علي الجيش لو كان عندنا جيش ما يفرط فيها حتي لو انطبقت السموات علي الارض : اولا- منطقة الفولة العسكرية لانها كان بتحمي ليك ناقل النفط لكن جيشك عررررد ومرقها في الميرم ومن الميرم جري دنقاس من غير توقف حتي اقترب من اويل بدولة جنوب السودان ثانيا-منطقة الميرم بغرب كردفان منطقة حدودية مع جنوب السودان الان البضائع وغيرها تدخل وتخرج واخر تعاون تجاري بين الدعم السريع والجنوب وانت يا داقس لسه مع حميتي ربوت وحميتي بعاتي ثالثا-مناطق عدة في النيل الازرق رابعا- المثلث الرابط بين ليبيا ومصر والسودان جيشك والمرتزقة من المشتركة عرررود ودخلو مصر والان يا موهوم يا مفلس الدعم السريع قالها بالواضح للمخابرات المصرية كل الموارد التي تم ايقافها منكم الان متاحة لدخول مصر تعاون علي اعلي مستوي يعني ملايين الدولارات ستدخل لخزينة الدعم السريع بالمقابل ستستفيد مصر من موارد السودان وارد غرب السودان من صمغ ومواشي ودهب وكلو شفت حميتي بفكر كيف خائب الرجاء؟
06-14-2025, 04:33 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 34306
ول أبا الدقم، الربيع قال هو علي مقربة من الدبة .. وقال أنه يريد دخول شندى .. وعلل ذلك أن الدبة بها البلح والدوم، بينما هو ينوى علي منقة شندى. والربيع طمأن أهل الشمال أنه لن يعامل الناس إلاً وفق كتاب الله وسنة نبيه.
بالأمس، الأستاذ علي ميرغنى، قال أن الخوف والتوجس والهلع تسود منطقة الدبة والخناق وحلفا .. وأن الناس "بقجوا" وأغلقوا متاجرهم وحملوا أموالهم ونفائس ممتلكاتهم وغادروا.
---------------------- اللهم أنصر الأشاوس .. نصراً عزيزاً وأحفظ ول أبا الربيع وصحبه.
بريمة
06-14-2025, 04:58 PM
عمر التاج عمر التاج
تاريخ التسجيل: 02-08-2008
مجموع المشاركات: 5775
والمدرعات كيف ؟ ما جاينها تانبي؟ أولاد ام زقدة وبالمناسبة تمر عليكم اليوم الذاكرى الاولى لهلاك على يعقوب القال ماشي يحرر الفاشر سنة كاملة وبعدها ام قرون ملصت لباسها، وابقرون ملص، والسافنا ملص، وتراجي ملصت، والمشاطة الربيع ده زاتو ملص .. بالله جيبو لينا النداء بتاع ال٢٤ ساعة لناس الفاشر بصوت الربيع .. تهديد جميل ياخ أها الفاشر كيف يا أولاد الضيوف؟ . . المثلث ده بالمناسبة اكبر شرك ليكم بعد شرك مدني وحاتجوا بكرة تتباكوا تقولوا اتورطنا فيه اما الشمالية وشندي دي فما حا تلقوا فيها غير العقارب والدوابي وانتوا كمان ما بتعرفوا تعوموا .. صاح؟
06-14-2025, 05:18 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 34306
يا بريمة الجنرال حميتي كلاموا الاخير واضح قال حنوصل الدبة ومروي ودنقلا والبلابصة أنصار كرتي أهداف مشروعة والناس المواطنيين ما تقفل محلاتها تقعدوا في بيوتكم الان الدواعش والفلول شغالين رقيص من شدة الخوف معسكرات السلاح الايراني والايرانيين ببورتسودان كلهم مشو لقعر الجحيم. وعتاد ايران تاني مافي. والمصريين فكرو ولقو موضوع البرهان ضياع زمن وشغالين مع الدعم السريع في المثلث بزنس تقيل الناس تصبر وتبل الصبر...جيش تاسيس جايكم جايكم..نقطة سودان جديد.
الركب الميمون ده ماشي الشمالية لشنو ؟ شايف حتى على مستوى القيادة فى إصرار شديد على بلوغ / دخول الشمالية ، فعشان شنو بالضبط ؟ الإجابة على السؤال ده بالمناسبة مهمة شديد ومفيدة حتى لقيادة الدعم السريع. فياريت لو عارف تجاوب حتى لو إجابة منقولة
تحياتي،،
06-15-2025, 01:56 PM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
هلا وليد طه الوفد الميمون ماشي الشمالية يبل البلابسة والدواعش والاخونج الذين تسببو في الاذي الجسيم للدولة السودانية منذ العام 1955 وللان قطع دابر عبدة نظام الملالي واجب وطني
06-15-2025, 02:08 PM
Bashasha Bashasha
تاريخ التسجيل: 10-08-2003
مجموع المشاركات: 27713
أغلب الشمال صدقنى لا يستطيع حتى الداوعش والبلابسة و الاخونج الحقيقيين العيش فيه
أنت و الجميع يعلم بأن المذكورين أعلاه يصبحوا فى آخر قائمة (المبلولين) إن لم يغيبوا تماما بمجرد دخول الدعم السريع الى أى منطقة وسرعان ما يتصدر المواطن المسكين (قائمة البل) و دونك ما حدث فى كل المناطق التى دخلها الدعم السريع . هل ما زال الدعم السريع فى ذات موقفه ومبدأه فى إحلال الديمقراطية أم أن الموقف قد تغير ؟ ده سؤال مهم جدا إن لم يكن الاهم. يا محمود كلنا يعلم أن بل "البلابسة و غيرهم بشتى اوصافهم " هى مجرد فرية و أن ما تضمره النفوس هى الحقيقة .
إنسان الشمال عايش على الكفاف وزيو وزى غيرو سوى كان فى الغرب او الشرق او الجنوب ودي حقيقة أنا عايشتها بنفسى ، ليس لديه ثروة و لاموارد يمكن السعى وراءها . عندما كان الناس يسافرون على الإسفلت فى طريق نيالا كاس زالنجي كنا نسافر عبر الصحراء لأكثر من 28 ساعة لبلوغ دنقلا نعبر خلالها رمال الباجة ويتوه بعضنا فى الطريق ، وعندما كانت نيالا و الأبيض مضاءة الشوارع كنا فى أغلب قرى الشمال بالكاد (نحضر المسلسل) بعدها يحل الظلام حتى إستطعنا بالعون الذاتي رمى العمدان حتى يأتينا التيار الكهربائي وجل مشاريعنا التنموية هى بجهد أبناء القرى المغتربين . الشمال يا سيدي لم يستأثر بأى ثروة حتى يواجه بهذا العداء . عندما يتحدث الربيع قلحديثه دلالات مختلفة غير تلك التى يصرح بها عبد الرحيم و إن كنت توالى الربيع فيما يقول فأنت تضمر ما يضمره أظن ولا أتمنى ذلك فللرجل أحقاد شخصية (رغم إخونجيتو) . و لا أظن أن (مشية الشمال) يمكن ان يقصد بها الصحراء الكبرى - التى هى أكبر مساحة فى الولاية - حتى إن إجتمع بها كل بلابسة واخونج الكون
فياااا محمود مواطنى الشمال البسطاء لا يستطيعون مدكم بقائمة من الكيزان و الاخونج حتى يشتروا أمنهم وسلامتهم وأغلبهم لا يعرف حتى ما هية دولة 56 هذى !
Quote: أفاد عدد من المواطنين بتعرضهم للاعتقال على يد الأجهزة الأمنية وأفراد الجيش وقوات الحركات المسلحة المشتركة عند مدخل مدينة الدبة بالولاية الشمالية شمالي السودان، عقب قدومهم من مناطق دارفور وكردفان.
وأوضحوا أن الاعتقالات جرت بعد تفتيش دقيق لهواتفهم باستخدام أجهزة متطورة، بالإضافة إلى فحص مستندات الهوية الشخصية، والرقم الوطني، وجوازات السفر.
وقال محمد عماد الدين، وهو أحد المعتقلين السابقين، لـ”دارفور24″، إن الأجهزة الأمنية المتمركزة عند البوابة الغربية للدبة تصادر هواتف الركاب القادمين من دارفور وكردفان، وتخضعها للفحص عبر جهاز يسترجع الرسائل المحذوفة من تطبيق واتساب، إلى جانب الفيديوهات والصور، ثم تُباشر التحقيق مع أصحابها وتحتجزهم عند الاشتباه في محتواها.
وأشار عماد الدين إلى أن السلطات وجدت في هاتفه فيديوهات متعلقة بأطراف النزاع، رغم تأكيده أنها تم تحميلها تلقائيًا عبر واتساب، إلا أنه تم تحويله إلى مقر الاستخبارات التابع للواء 73 بمدينة الدبة، قبل نقله إلى معتقل الفرقة 19 في مروي، حيث خضع للتحقيق لمدة 21 يومًا، وأُفرج عنه لاحقًا بعد التحقق من هويته والبحث عن تفاصيله من جهات أخرى.
وأضاف: “العشرات لا يزالون رهن الاعتقال لنفس الأسباب، نتيجة لاحتواء هواتفهم على صور ورسائل وفيديوهات، دون اتخاذ إجراءات قضائية واضحة بحقهم”.
بدوره، أيّد معتقل آخر يُدعى محمد آدم رواية عماد الدين، مشيرًا إلى أنه احتُجز لنفس الأسباب لأكثر من شهر، قبل أن يُفرج عنه بعد التأكد من عدم وجود مواد تُشكّل دليلًا قانونيًا ضده.
من جانبها، قالت نون كشكوش، عضو مجموعة “محامو الطوارئ”، لـ”دارفور24″، إن هذه الإجراءات التعسفية تُمارَس منذ بداية القتال المسلح في البلاد.
وشددت على أن تفتيش الهواتف واعتقال المواطنين يحدث خارج الإطار القانوني، دون أوامر صادرة عن النيابة العامة، مما يُعد انتهاكًا صارخًا للخصوصية.
وأكدت كشكوش أن السلطة في إجراءات التفتيش والاعتقال يجب أن تُمارَس فقط عبر الجهات القضائية المختصة، مشيرة إلى صدور أحكام قضائية في بعض الحالات، وتوقيف أشخاص في نقاط التفتيش بسبب صور تظهر ارتدائهم زي قوات الدعم السريع، دون منحهم حق الدفاع أو اتباع الإجراءات القانونية السليمة.
ولم يتسنَّ لـ”دارفور24” الحصول على تعليق رسمي من الجيش السوداني أو القوة المشتركة بشأن هذه الوقائع.
( دارفور 24 )
06-19-2025, 11:20 AM
Yasser Ali Yasser Ali
تاريخ التسجيل: 01-22-2018
مجموع المشاركات: 70
بالله هم قعد يمشو عشان يبلو الكيزان ؟ دا استهبال منكم و الله لانه هم ذاتم كيزان و يا ريت تبقوا واضحين الحرب دي ما ضد الكيزان و لا حاجة شوف اي حتة دخولها امسك من الخرطوم و انت ماشي البحصل شنو ؟ نهب و قتل و اذلال للمواطنين
06-19-2025, 09:43 AM
walid taha walid taha
تاريخ التسجيل: 01-28-2004
مجموع المشاركات: 4264
Quote: .الوفد الميمون ماشي الشمالية يبل البلابسة والدواعش والاخونج الذين تسببو في الاذي الجسيم للدولة السودانية
مش لما تبلوا الكيزان البلوكم في الخرطوم والجزيرة وطردوكم وملصوكم لباساتكم اول؟
الربيع ده بالذات لو قالوا له الشمالية خالية من السكان ما ماحايفكر يمشي عليها لأنه كان عايش في عطبرة في وكان بياكل الكسرة بالويكة والعدس كل يوم في بيت ناس عادل عبد اللطيف وحسين منصور وعارف انه اغلب اهل الفكي مدني الكان فيها بيت عذابة التنظيم بتاعه ما عندهم غير صالون جالوص موية زير وأكيد تحت تحت بقنع في الكلاب انه الشمالية ما زي الخرطوم والجزيرة، لا فيها عمارات ولا عربات ولا تلفزيونات يشفشفوها مواطني الشمالية زي ماقال هالكهم فرقهم من ناس المقابر انهم بياكلوا البلح وسمهم فاير والبجيهم غير المقابر ما عندهم لديهم حاجة يكرموهم بيها.. بتذكر ونحن طلاب جات واحدة من حنكوشات الخرطوم تشوف الكلية في الدامر (عاصمة الولاية) ، وكانت مباني الكلية مطلة على المقابر ، البنت اتصلت على اهلها وقالت لهم تجوا تسوقوني الان من هنا قالوا ليها في شنو؟ قالت ليهم : (الناس هنا نصهم ميتين ونصهم عايزين يموتوا) وواحد من جماعة الربيع ديل جابوه مرة معتمد في ابوحمد، لف يومين وركب عربيته وهاك بالخرطوم قالوا له الجابك شنو؟ قال لهم علي الطلاق البلد ديك لو ربطوا فيها الحمار يقطع حبله ويشرد .. بتذكر وانا طالب مشينا في الاجازة زيارة للشمالية نتفقد اهلنا هناك، وقلنا الا نلفها قرية قرية ، طلعتنا من بربر خشينا في وادي بتاع رملة تلاتة يوم ما مرقنا منه، ناس المحلية انقذونا بترتر وقالوا لينا ترجعوا قلنا الا بعد نقابل معتمد المنطقة دي ونجلس معاه شوية ، ركبونا مركب ودخلونا في جزيرة اسمعها شري قالوا دي احسن مدينة في المنطقة، بتاع المحلية دخلنا بيت قديم كده نحن قلنا خرابة الا هو قال ده بيت اثري مطل على النيل قال بستضيفو فيه ضيوف المنطقة ، اول ما دخلنا البيت عيني وقعت في اصلة أطول من القطر ، ذيلها في طرف الحوش وراسها جوة الموية وباقي جسمها رافعاه فوق الحيطة، طوالي رجعنا على عربيتنا ومرقناها في الخرطوم ومن هنا أنا وصيتي للاشاوز .. ارجعوا لخرتومكم ممكن تلقوا فيها باقي كيبل ماحفرتوه كويس، لأنه في الشمالية الا تحفروا قبوركم.
06-19-2025, 04:34 PM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
Quote: أبوحسين حمدالله على السلامة ياخ معقول ترجع بعد الغياب في بوست عن الربيع الجنجاكوزي ده زي البحلل صيامه بي علبة بيرة
الله يسلمك ياخ انا زااتي ما عارف دخلت هنا كيف ... فجأة لقيت ليك نفسي هنا و الغريبة سودانيز ما كانت بتفتح إلا بي VPN حجة بكري دي الظاهر ظبطت معاه و معانا 🤣🤣🤣🤣
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمود الدقم
عمر التاج
Biraima M Adam
Hasheem Karouri
walid taha
Bashasha
mohmmed said ahmed
Yasir Elsharif
ABUHUSSEIN
منتصر عبد الباسط
فيس بوك
تويتر
انستقرام
يوتيوب
بنتيريست