|
|
|
 Re: كامل ادريــس رئيساً لمجلس الوزراء .. (Re: HAIDER ALZAIN)
|
نرجع لموضوعنا بتاع كامل ادريس..
الزول دا لابس كداراته وبيسخن حول الملعب من قبال الطاهر عبدالله ايلا يبقى رئيس وزراء
واظنه قبال كدة كان عاوز يبقى الكابتن ونافس عمر البشير ما متاكد والله ..
ثم سخن قبال حمدوك يتسجل في الكشوفات.. ومن الزمن داك قاعد في دكة الاحتياط ..ومرة مرة يقوم يسخن وياخد ليهو لفة حول الملعب بس تحصل شكلة والا الكهرباء تقطع ويرجع يقعد في الدكة
المهم هسع الحمدلله صبره جاب ليهو نتيجة..
ومن صبر ظفر
| |
 
|
|
|
|
|
|
|
 Re: كامل ادريــس رئيساً لمجلس الوزراء .. (Re: HAIDER ALZAIN)
|
جاء هذا بعدما تراجع المجلس عن تعيين دفع الله الحاج رئيساً للحكومة، وذلك بعدما برز اسم إدريس ضمن آخرين دخلوا دائرة الترشيحات لمنصب رئيس الوزراء خلال الأشهر الأخيرة.
ورجحت المصادر إعلانه استلام المنصب بعد عودته إلى دائرة الترشيحات من جديد.
وأتى إعلان الحكومة السودانية بعد أسابيع من تعبير مجلس الأمن الدولي في مارس/آذار الماضي، عن "قلقه البالغ" إزاء ميثاق وقعته قوات الدعم السريع وحلفاؤها حول تشكيل حكومة، محذراً من أنه قد يؤدي إلى تفاقم الحرب والأزمة الإنسانية في السودان.
إذ وقّعت قوات الدعم السريع ميثاقاً مع القوى السياسة والعسكرية الحليفة لها، يتعهد بتأسيس "حكومة سلام ووحدة" في المناطق الخاضعة لسيطرة هذه القوات.
ــــــــــــــــــــــــــــــــــ
أهاااا
عرفت ليك اسمه
دفع الله الحاج
| |
|
|
|
|
|
|
|
|
 Re: كامل ادريــس رئيساً لمجلس الوزراء .. (Re: HAIDER ALZAIN)
|
في ديباجة كدة ملاحظ الناس او المواقع الاخبارية اغلبها بتختم بيها اخبارها وهي :
يذكر أن السودان يشهد منذ أكثر من عامين حرباً مدمرة بين قوات الدعم السريع والجيش، أدت إلى مقتل عشرات آلاف الأشخاص ونزوح أكثر من 12 مليوناً وخلق ما تسميه لجنة الإنقاذ الدولية "أكبر أزمة إنسانية تم تسجيلها على الإطلاق".
وأحدثت الحرب انقساماً في البلاد، حيث بات الجيش يسيطر على الشمال والشرق بينما تسيطر قوات الدعم على معظم إقليم دارفور (غربا) وأجزاء من الجنوب.
في الأسابيع الأخيرة حقق الجيش مكاسب في الخرطوم ووسط البلاد، واستعاد مناطق رئيسية كانت قد سيطرت عليها قوات الدعم السريع مع بدء الحرب.
ما عارف هل بيذكروا العالم انه في حرب في السودان والا شنو؟
باين او يمكن الملاحظ انه العالم ناسي حاجة اسمها سودان وحرب ومعاناة الخ..
المهم..
الله في وبالتوفيق للزميل كامل ادريس :)
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: حيدر حسن ميرغني)
|
أعجبني
كتب البلبوس فوزي بشرى :
Quote: Fawzi Bushra
هذه المرحلة من تاريخ السودان فعلا تشبه كامل إدريس، فلا يقين بشيء فيها: فالملكية الفكرية (لشهادات ميلاد) الشعارات والمقولات والثورة وحتى شهادات (ميلاد بعض الناس) كلها محل شك ومساءلة..
وكامل إدريس هو ملك (الجرح والتعديل) |
..
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: Zein Abdalla)
|
زينكوف
المنظمات الدولية برضو موبوءة بديوك العدة
كامل ادريس كان ضحية لمؤامرة بقيادة أمريكا كما حصل مع المصري بطرس غالي على يد ام رشيرش مادلين أولبرايت
وثائق صادرة من المنظمة العالمية للملكية الفكرية مؤرخة في عام 2010، موقعة من المستشار القانوني للمنظمة، إدوارد كواكوا، افادت بأن إدريس لم يقم بتحريف تاريخ ميلاده.
| |
|
|
|
|
|
|
|
|
Re: كامل ادريــس رئيساً لمجلس الوزراء .. (Re: حيدر حسن ميرغني)
|
سلام حيدر
انا سمعت ان شهادة الميلاد بتاعته صحيحة وصادرة من الجهات الرسمية... المشكلة انه تاريخ ميلاده لا يتناسب مع تاريخ حصوله على الشهادة الجامعية او عند تعيينه كموظف، مثلآ حسب الشهادة فبيكون اتخرج من الجامعة وعمره ١٥ سنة.
اسهل شيء زمن الكيزان انك تطلع شهادة ميلاد بأي تاريخ ولكن المشكلة هي عدم فهم في كيفية معالجة الشهادات المدرسية وغيرها لتناسب تاريخ الميلاد الجديد.
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: HAIDER ALZAIN)
|
حسب موقع الويكيبديا تاريخ ميلاد كامل ادريس هو ٢٦ اغسطس عام ١٩٥٤. لا يوجد تاريخ لتخرجه من جامعة الخرطوم ولكن في ال cv بتاعه مكتوب انه عمل كاستاذ للفلسفة لجامعة القاهرة سنة ١٩٧٦ وكان حسب شهادةالميلاد عمره ٢٢ سنة وعمل ايضآ استاذ في القانون جامعة اوهايو سنة ٧٨ وعمره كان ٢٤ سنة.
بعد صار رئيس وزراء يمشي بسرعة يعدل تاريخ ميلاده من سنة ١٩٥٤ الى سنة ١٩٤٥ ويقول غلطة مطبعية.
| Quote: كامل الطيب إدريس (26 أغسطس 1954-) سياسي سوداني من مواليد مدينة أم درمان، يعود أصله إلى النوبيين من منطقة الزورات شمال مدينة دنقلا. شغل منصب المدير العام للمنظمة العالمية للملكية الفكرية (الويبو) بين نوفمبر 1997 وسبتمبر 2008. عمل أيضا أمين عام الاتحاد الدولي لحماية المصنفات النباتية الجديدة . |
Quote: مجالات التدريس
أستاذ في الفلسفة والقضاء، جامعة القاهرة (1976-1977).
أستاذ في القضاء، جامعة أوهايو، الولايات المتحدة الأمريكية (1978). |
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: Zein Abdalla)
|
فعلا يا زين
| Quote: بعد صار رئيس وزراء يمشي بسرعة يعدل تاريخ ميلاده من سنة ١٩٥٤ الى سنة ١٩٤٥ ويقول غلطة مطبعية. |
| Quote: خلص التقرير إلى أن د. كامل إدريس استفاد وظيفيا من استخدام 1945 كسنة ميلاد وانه خبرته العلمية والعملية تم تعديلها لتتوافق مع هذا التاريخ وملء الفراغات وانه قدم افادات كاذبة في الاستمارات التي قدمها لعدة جهات وكان لديه عدة فرص لتصحيح الوضع رغم أن جميع جوازات سفره حوت على 1954وان قواعد السلوك الوظيفية كانت تحتم على د. كامل إدريس تصحيح تاريخ ميلاده منذ عام 1983 عندما انضم للمنظمة. |
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: HAIDER ALZAIN)
|
حسب موقع الويكيبديا تاريخ ميلاد كامل ادريس هو ٢٦ اغسطس عام ١٩٥٤. لا يوجد تاريخ لتخرجه من جامعة الخرطوم ولكن في ال cv بتاعه مكتوب انه عمل كاستاذ للفلسفة لجامعة القاهرة سنة ١٩٧٦ وكان حسب شهادةالميلاد عمره ٢٢ سنة وعمل ايضآ استاذ في القانون جامعة اوهايو سنة ٧٨ وعمره كان ٢٤ سنة.
بعد صار رئيس وزراء يمشي بسرعة يعدل تاريخ ميلاده من سنة ١٩٥٤ الى سنة ١٩٤٥ ويقول غلطة مطبعية.
| Quote: كامل الطيب إدريس (26 أغسطس 1954-) سياسي سوداني من مواليد مدينة أم درمان، يعود أصله إلى النوبيين من منطقة الزورات شمال مدينة دنقلا. شغل منصب المدير العام للمنظمة العالمية للملكية الفكرية (الويبو) بين نوفمبر 1997 وسبتمبر 2008. عمل أيضا أمين عام الاتحاد الدولي لحماية المصنفات النباتية الجديدة . |
Quote: مجالات التدريس
أستاذ في الفلسفة والقضاء، جامعة القاهرة (1976-1977).
أستاذ في القضاء، جامعة أوهايو، الولايات المتحدة الأمريكية (1978). |
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: قصي محمد عبدالله)
|
عارف يا قصي
لو بتحاور كدا الزول بحترمك ورد عليك
اما اسلوب ومفردات بيوت الازقة فلها ردها
انت قلتا امريكي ولم تثر تاريخ الميلاد وانا طلبت منك اثبات انو امريكي
علما بانه لم يعش في امريكا الا مقدار عام للحصول على الماجستير وتحصل عليه في تسعة اشهر بدلا من عامين
ووفر لوزارة الخارجية التي ابتعثته مصاريف خمسة عشر شهرا
وزاملة في تلك المنحة اثنان اخران من الخارجية
اذن المطلوب اثبات انه امريكي او قم بسحب مداخلتك
ا
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: قصي محمد عبدالله)
|
عارف يا قصي
لو بتحاور كدا الزول بحترمك ورد عليك
اما اسلوب ومفردات بيوت الازقة فلها ردها
انت قلتا امريكي ولم تثر تاريخ الميلاد وانا طلبت منك اثبات انو امريكي
علما بانه لم يعش في امريكا الا مقدار عام للحصول على الماجستير وتحصل عليه في تسعة اشهر بدلا من عامين
ووفر لوزارة الخارجية التي ابتعثته مصاريف خمسة عشر شهرا
وزاملة في تلك المنحة اثنان اخران من الخارجية
اذن المطلوب اثبات انه امريكي او قم بسحب مداخلتك
ا
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: Amira Hussien)
|
| Quote: كامل إدريس حِفى عديييل من المساسقة لشغل هذا المنصب |
هسع بالله السووهو القحاطة عشان يحكموا شوية؟!
القحاطة والجنجويد الوسخين موش نعلاتم اتقطعت بس في سبيل الحكم
ديل قطعوا لحم الشعب السوداني في سبيل الحكم
ورغم ذلك فشلوا ولفظهم الشعب
لعنة الله على القحاطة الأوساخ
والجنجويد الكلاب السعرانة
الأن شاهدت الجنجويد معلبين الشعب السوداني الشريف
زي الساردين في الدواليب
الله يلعنكم يا أوساخ ويا نتنين
ويكفي كامل ادريس شهادة صلاحية أنكم لا تحبونه
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: HAIDER ALZAIN)
|
عمر بشير عمل انتخابات رئاسية ونزل ضده عدد من الاشخاص من بينهم كامل ادريس وعبدالله علي ابراهيم ومعظمهم انسحب قبل اجراء عملية التصوبت. يقال ان كل مرشح استلم مبلغ ٣ مليون كحق انتخابي للقيام بالدعاية الانتخابية.
المرحوم علي محمود حسنين ( الزول الذي يحبه عادل أمين) في آخر انتخابات ديمقراطية زمن الصادق المهدي كون حزب جديد باسمه لينزل الانتخابات.تم منح أي حزب ينزل الانتخابات عدد ٢٠ او ٣٠ رخصة استيراد سيارة كمساعدة لشراء عربات للدعاية الانتخابية ( كان استيراد العربات موقوفآ بواسطة الحكومة). علي محمود استلم الرخص وباعها في السوق وطلع بمبلغ ضخم وقال ان بيع الرخص حق قانوني.
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: قصي محمد عبدالله)
|
Quote: شايف بعرف نفسو بالانجليزي، يقول اسمو
كميل إدرس ، ربما حسب الجواز الأوروبي،
. |
كامل ادريس يكفيه فخرا انه لم يحصل على اي جنسية لدولة اخرى
كل اسرته يمن فيهم زوجته حصلوا على الجنسية السويسرية ولكن كامل لا
ما زال سوداني وسيبقى سوداني الى ان يلقى الله
في حياة امه كان يتردد على السودان اكثر من ثلاث مرات في السنة
كامل ادريس وهو المدير العام للويبو استجاب لاكثر من دعوة عشاء لاكل الفول في المطاعم الشعبية
واشهرها دعو السفير عمر شونة رحمة الله عليه
اكثر الناس تواضعا في الحياة
نشا يتيما وتوفى اباه وعمره ستة سنوات
وربته امه وهو نسيج وحده له سيرة ذاتية معجزة
ويكفيه فخرا انه كان يدرس في جامعتين في ان واحد
جامعة الخرطوم قانون وجامعة القاهرة الفلسفة
وتخرج بدرجة الامتياز الاولى في الجامعتين
وهو اميز مدير عام للمنظمة العالمية للمكية الفكرية
في دورة الاولى كان مرشحا مع ثمانية اخرين والنهائي كان بينه وبين مرشح فرنسا ففاز كامل مرشح افريقيا
وعندما تمت فترة الاولى وقبل انتهائها باشهر تقدم للترشيح ولم تتقدم اي دولة في العالم بمرشح ضد كامل ادريس
وذلك لان ما حققه من انجازات في دورته الاولى لا تسمح لاحد بالترشح ضده
ففاز بالتزكية وهذا لم يحصل في تاريخ المنظمة ولا في المنظمات الاخرى
كامل ادريس ان اوفوا له بما وعدوه وهي حرية الحركة فسينجز الكثير رغم الظروف التي تلعب عكس ذلك ولا تسمح بذلك
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: قصي محمد عبدالله)
|
Quote: انت غير الكذب والافتراء عندك شنو؟
قلتا ليك سوداني
وا اهو انت جاي تغالط
بس قصر الطريق ابرز صورة جوازه الامريكي
وكيف يكون امريكي وهو اقصى فترة عاشها في امريكا
هي فترة الماجستير واقتصرها لسنة واحدة بدل سنتين وكانت منحة ؟
كان ممكن تقول سويسري او بريطاني
لانه الان يعيش بين الدولتين
اما امريكا فلا
وحكاية انو جمهوري دي كضبن كاضب
بس هو ليهو توجهات انتو انصار السنة المدعين ما بتنفع معاكم
فهو مع الصوفية قلبا وقالبا
عاشرته في جنيف لم يشرب الخمر ولم يذهب للمراقص ولم يلعب الورق (الكوتشينة)
اغلى شئ عند كامل الزمن
لهذا حصل على درجة الدكتوراه اثناء فترة عمله كدبلوماسي بوفد السودان
والافت للنظر ان جميع ابنائه وبناته تخرجوا من كلية الطب واعمارهم
لا تتجاوز الواحد وعشرين سنة |
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: Ali Alkanzi)
|
Quote: 🚨 #كامل_إدريس … بين معركة البقاء وإرادة الدولة: لماذا اختير الآن؟
✍️ مكاوي الملك
في لحظة وطنية فارقة..جاء القرار المنتظر: الفريق أول عبد الفتاح البرهان يصدر مرسومًا دستوريًا بتعيين الدكتور كامل الطيب إدريس رئيسًا لمجلس الوزراء . قرار قد يبدو مفاجئًا للبعض..لكنه بالنسبة للمتابعين عن كثب..هو نتيجة حتمية لمعادلة سياسية وأمنية وصلت إلى ذروتها..واحتاجت إلى عقل وطني بوزن دولي
لكن لماذا كامل إدريس؟ ولماذا الآن؟ ولماذا الهجوم العنيف عليه من كل أطياف المشهد السياسي السوداني في توقيت واحد؟
🔍 رجل بلا حزب… ولهذا يخشونه
ما لا يريد كثير من الساسة الاعتراف به هو أن كامل إدريس لا ينتمي لأي كيان حزبي. ليس له مرجعية أيديولوجية تقسمه، ولا حسابات سياسية تعيقه. هذا وحده سبب كافٍ ليخشاه كل من تعود على تقاسم السلطة عبر المحاصصة . هو تهديد مباشر لمنظومة “الأحزاب قبل الوطن”
انظروا إلى الهجوم الذي بدأ قبل أن يؤدي القسم. مقاطع قديمة..تدوينات مرتبة..اتهامات مكررة حول شهادات تم دحضها قبل سنوات..كلها ظهرت فجأة وبشكل منسق…إن دل هذا على شيء..فهو أن الرجل لا يناسبهم..بل يناسب الوطن..وتلك مشكلتهم
🌍 المؤهل الذي تجاوز المحلية
كامل إدريس ليس فقط شخصية سودانية . هو قامة أممية…تولى إدارة أكبر مؤسسة تتبع للأمم المتحدة – المنظمة العالمية للملكية الفكرية (WIPO) – لدورتين. يتحدث أربع لغات عالمية بطلاقة، عمل أستاذًا في كبرى الجامعات..وخبيرًا في القانون الدولي..وكان أحد أعضاء لجنة القانون الدولي التابعة للأمم المتحدة . وهذا ليس رفاهًا في زمن الحرب..بل ضرورة ملحّة في ظرف تحوّلت فيه الملفات السودانية إلى طاولة قوى دولية وإقليمية تحاول تشكيل مستقبل البلاد
ففي ظل التنافس بين موسكو وواشنطن..بين أبوظبي وطهران..وبين مشاريع الشرق والغرب..لا يمكن أن يُدار المشهد بشخصية بلا وزن دولي . السودان يحتاج صوتًا يُسمع باحترام خارج حدوده ، قبل أن يفرض احترامه داخليًا
⏳ توقيت لا يحتمل المجاملة
البلاد تمر بأصعب لحظاتها. الحرب لم تنتهِ..والمؤسسات مهدمة..والثقة مفقودة..والمجتمع الدولي ينتظر من يمسك بزمام الرؤية ليعيد توجيه البوصلة . في هذا التوقيت..لا تنفع المجاملة ولا الترضيات الحزبية . نحتاج رئيس وزراء يكون نقطة التقاء لا انقسام..لا يتبع أحدًا..لكنه مستعد للعمل مع الجميع
كامل إدريس هو واحد من القلائل الذين لا يمكن وصمهم بالكوزنة أو التبعيات الحزبية . ورغم أنه ظهر في أكثر من مرحلة من مراحل السودان السياسية..إلا أنه لم يُعرف عنه التبعية..بل الثبات على حلم واحد: أن يخدم بلده
🤝 وطن لا يحتمل التشرذم
تعيين كامل إدريس هو محاولة أخيرة لمد الجسور بدل حفر الخنادق . وإذا كان البرهان قد ألقى الكرة في ملعب المدنيين بتعيين شخصية مستقلة..فالمطلوب الآن أن تتحمل القوى السياسية مسؤوليتها وتتوقف عن معاركها الصغيرة..فالسودان لم يعد يحتمل
وإذا كنتم تنتقدون الرجل لأنه "سعى كثيرًا" لهذا المنصب..فاعلموا أن الإصرار من أجل خدمة الوطن ليس نقيصة . بل في زمن التراجع الجماعي..كل من يحلم بوطن معافى ويقاتل في صمت… يستحق أن يُمنح الفرصة
📌 خلاصة القول:
نحن أمام شخصية لها علاقات دولية..وخبرة إدارية..وقدرة تفاوضية..وتاريخ خالٍ من تبعيات الأحزاب. وربما لأول مرة منذ سنوات..يُعيّن رئيس وزراء لا يمثل كيانًا سياسيًا ..بل يمثل الوطن بكل مكوناته
الرجل لا يملك عصا سحرية..لكنه يملك سجلًا لا يمكن تجاهله..وعقلًا قادرًا على مخاطبة العالم بلغة يفهمها . وفي هذا الظرف..هذا وحده مكسب
فلنمنح الفرصة لمن يستحقها..وندع الأحقاد جانبًا..فالسودان أولًا… وآخرًا |
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: قصي محمد عبدالله)
|
شكرا ليك يا قصي فلا يرجى منك غير هذا
فلا نتتظر من شجرة الحنظل والشوك ان تنتج لك عنبا
او قصنا لا شوك فيه اي لا اذىً فيه
ا| Quote: انت عوير ولا متخلف وعوقة ولا أهبل ولا دي طبيعتك كده مقرفة ونجسة؟ |
وعلينا ان لا نفسد للرجل طرحه بالسباب والشتائم التي لا تصدر حتى في الازقة تلك
وانت علام الغيوب يا قصي تعرف كل شئ عن الناس
اصولهم وفصولهم واين ولدوا واين يعيشون وتنبئ بطعامهم
وانت وصي على الناس
وانت علام وفوق كل عليم ، فهذه ميزة نحفظها لك ا
عشان كدا انت قلتا الراجل امريكي
طلبنا منك اثبات ذلك
هذا من حقنا
والا فانت :
كذاب بل كذاب اشر
وان اثبت ان كامل حصل على الجنسية الامريكية
فكل صفة وصفناك بها فنحن بها احق ؟
عارف الفرق بيننا شاسع وانظر لمفرداتك المسيئة ان بحثت عنها لا تجدها الا عندك
يعني حكر عليك
اما مفردات اساءتي لك ففي القران نجدها
شفت الفرق ؟
وصدق رسول الله صلى الله عليه وآله وسلم حين قال:
؟
شاهت الوجوه
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: Ali Alkanzi)
|
مواليد اغسطس 1945م
https://en.wikipedia.org/wiki/Kamil_Idris
Quote: وكيف يكون امريكي وهو اقصى فترة عاشها في امريكا
هي فترة الماجستير واقتصرها لسنة واحدة بدل سنتين وكانت منحة ؟ |
الكذب والإفتراء بثبتوا فيك بالأدلة، وليس بطولة اللسان كأنك إمرأة بغي تحاول تثبت حسن سيرتها بشتم الأخرين!
ومسألة الجواز الامركي دي كوضوع قديم معروف للجميع.
هاك امسك - دي براها سنتين محاضر في جامعة أوهايو الأمريكية،،
Lecturer in Jurisprudence
Ohio universityOhio university for two years
1978 - 1980 ·
تعال قول ما من سلالة القراي الزنديق!
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: قصي محمد عبدالله)
|
عارف ايها القمي
صدقتُ (انا) حين ما وصفت انك تستخدم مفردات الازقة التي جعلتني منها
ويبقى التحدي باقيا
انت قلتا كامل ادريس امريكي
عليك اثبات ذلك
ولا تخرج الطرح من اطاره فهو ليس لك
ودع الشتم والسب الذي هي صفة تلازمك في كل مداخلاتك
وارجع لاصل المداخلة ودع المداهنة واثبت ان كامل ادريس
امريكي
هذا هو ما مطوب منك
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: قصي محمد عبدالله)
|
عارف ايها القمي
صدقتُ (انا) حين ما وصفت انك تستخدم مفردات الازقة التي جعلتني منها
ويبقى التحدي باقيا
انت قلتا كامل ادريس امريكي
عليك اثبات ذلك
ولا تخرج الطرح من اطاره فهو ليس لك
ودع الشتم والسب الذي هي صفة تلازمك في كل مداخلاتك
وارجع لاصل المداخلة ودع المداهنة واثبت ان كامل ادريس
امريكي
هذا هو ما مطوب منك
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: Ali Alkanzi)
|
العزيز . حيدر الزين . السلام عليكم .
اعتقد ان رئيس الوزراء الجديد ، سيكون افضل من حمدوك . فحمدوك احاط نفسه بمجموعة اوردته المهالك . اما " ادريس " . فاعتقد انه لاينتمي لاي جهه ، وشائف الجماعة شغالين تفتيش في شهادات الميلاد والتسنين ، ومجتهدين جدا . وطبعا لازم يعملوا عكننه . او يحكموا هم .
يلا ربك يصلح الحال .
تحياتي ،،،
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: Mahjob Abdalla)
|
سلام حيدر وضيوفه الكرام
قبل أكتر من ١٠ سنوات حكومة البشير طلعت
كمية من جوازات السفر للسودانيين بتاريخ ميلاد
موحد وهو تاريخ استقلال السودان ( ١ يناير )
ومن ضمنهم شخصى الضعيف!مع إنى مولودة
بعد التاريخ دة ب ٣ شهور و٢٠ يوم
مزاج الضابط حكم !
استقلالٌ واحد شعبٌ واحد جيشون واحد
تحياتى
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: مهيرة)
|
Quote: موحد وهو تاريخ استقلال السودان ( ١ يناير )
|
اسمها شهادة تقدير العمر (تسنين).
Quote: بعد التاريخ دة ب ٣ شهور و٢٠ يوم
|
أي واحد ضيع شهادة الميلاد بيطلع شهادة تسنين،، الكلام ده منذ عقود.
شهادة التسنين بتطلع بتاريخ 1 يناير - ايهما اقرب للتاريخ الحقيقي للميلاد،
يعني اما زيادة شهور او نقصانها،، لكنها لا تصل لسنة كاملة او حتى 7 شهور..
يعني لو مولودة شهر 5 بتكون شهادة التسنين غالبا يناير الذي مضى (زيادة عمرك 5شهور)،
واذا مولودة شهر 7 غالبا تكون شهر يناير التالي - نقصان 5 شهور من عمرك...
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: قصي محمد عبدالله)
|
سلامات حبيبنا هاشم الكاروري..
ان شاءالله تمام ومبروك " ليكم" بل والي الخرطوم ابراهيم بقال بوال.. شايفه معررد يسكلب بالفيفافي...
المهم بخصوص كابتن كامل إدريس.. نقل البلبوسي فوزي بشري ما أعجبني مرة أخرى لاقتبسه أدناه.
الاتي :
فيما روي عن دكتور كمال عبد القادر أنه قال ما أنت بصدد قراءته .. فإن صح ما نسب إليه فهو ذاك وإن كانت الأخرى فهو محض (كلامات).
——-
*كامل إدريس … الوصية في الذمة*
اولا
تعيينك كان مفاجئا للكثيرين وقوبل بعاصفة من الرفض في البداية لكن بعضا من الواقعية والقبول بدات تسري في الاوصال ورغم ذلك ستكون مهمتك اكثر تعقيدا مما تتخيل
ثانيا
انسي موضوع شهاداتك وعمرك ولا تجعلها نقطة نقاش فان اكثر من ثلثي الشعب السوداني ما عندهم شهادات ميلاد ولا عارفين ولدوهم متين.مافي زول يبتزاك بالموضوع دا
عادي
ثالثا
بعد اداء القسم مباشرة اقعد مع عمك شوية وقول ليه انا من يدك دي لي يدك دي لكن وريني صلاحياتي شنو وطوالي طلع ليك نوتة وقلم وخليه يكتب بي يدو
ما تكتب انت يكتب هو
طبعا عمك دا غتيت.عادي بنكر
رابعا
طبعا انت عارف شغل رئاسة الوزارة دة كلو من المكتب لكن ناسنا هنا ما بعجبهم الا الزول البتحاوم ويقولو ليك زول ميداني.
عشان كدا ولزوم القبول اعمل ليك حركات استهبال كدا ممكن تلبس اوبرول او حتي جينز وتمشي تزور ليك محول ضارباه مسيرة وتخطب في العمال تقول ليهم سنعيدها سيرتها الاولي ولن ننكسر .ياهو نوع الكلام دا ما بغلبك
اوعي تجيب سيرة سنعبر او ننتصر.عندنا حساسية
خامسا
في خلال حوامتك الاولي اتكلم انك ستركز علي معاش الناس كهرباء موية علاج دكوة امن مواصلات ومحاربة الفساد
اوعي تجيب سيرة حوار سوداني سوداني وكيف يحكم السودان وجذور الازمة.مافي زول شغال بالموضوع دا
سادسا
ما تصدق انو حيخلوك تختار الوزراء براك لكن حاول شوف ليك فريق شرطة كارب من خارج الخدمة اعملو وزير داخلية وقول ليه جيب لي مدير شرطة باختيارك.جيب ليك الف عربية للشرطة ودبل مرتباتهم اربعة اضعاف
غير مواقع وزراء الحركات نظام (اعمل بيلية)انت فاهمني كويس
بقية الوزارات حاتجيك مدردقة من الكاهن.اقبل بيهم واعمل رايح
سابعا
عامل ناس الاعلام باحترام شديد لكن ما تقربهم شديد
ولا تصاحبهم.كان صاحبت جزء الباقين بردموك
فيهم ناس وطنيين شديد وفاهمين وفيهم ناس (……)فهمتني؟
ثامنا
اترك الكيزان ما تركوك
اترك القحاطة ما تركوك
تاسعا
طبعا ناس السيادي كانو مدورين الشغل براهم وفي كلام عن مصايب كبيرة مدورة.طبعا ما بعجبهم تسحب منهم الشغل مرة واحدة كدا.خليك متحسب للعقارب والمطبات والنيران الصديقة لكن ما تتسامح مع الفساد والشعب حيقيف معاك في حرب الفساد لكن اشتغل واحدة واحدة عشان ما يتلمو عليك يركبوك التونسية
عاشرًا
لمًا يجوك ناس الادارات الاهلية وناس الاحزاب ويقولو ليك عندنا خريطة طريق اعمل انك منبهر بافكارهم واديهم كلمتين حلوات ورسلهم للكاهن يدخلهم بي حمد ويمزقهم بي خوجلي
وركز علي معاش الناس
واخيرا
اوعي يجيك زول يقول ليك مفاوضات سرية او علنية او هيكلة اوجيش مهني.الجيش مهنتو يكتل
وانت زول ملكي ساي .ما تهابش كلمتك
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: HAIDER ALZAIN)
|
Quote: ثانيا
انسي موضوع شهاداتك وعمرك ولا تجعلها نقطة نقاش فان اكثر من ثلثي الشعب السوداني ما عندهم شهادات ميلاد ولا عارفين ولدوهم متين.مافي زول يبتزاك بالموضوع دا |
سلام حيدر
لا اعرف من هو فوزي بشري الذي يقوم بنصح كامل ادريس بان لا يعطي اهتمامآ بتزويره لشهادة الميلاد وغالبآ بيكون كوز لا يرى خطأ في ارتكاب الجرائم.
فثلثي الشعب السوداني الذين لا يملكون شهادات ميلاد لم يرتكبوا جريمة تزوير شهاداتهم للانتفاع المادي مثل كامل ادريس.
التزوير الذي قام به كامل ادريس جريمة كبيرة وخاصة هو رجل حسب شهاداته دارس للقانون. والشيء الخطير هو قيامه بالتزوير بطريقة بليدة جدآ يمكن لطالب بمدرسة ثانوية من اكتشافها بسهولة فالرجل جمع بين التزوير والبلادة.
رجل مثل هذا لا يمكن في اي بلد محترمة ان يتولى منصب رئيس وزراء وهو يعطي رسالة لموظفي الدولة بان لا غضاضة في ارتكاب جريمة التزوير.
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: منتصر عبد الباسط)
|
اذا جينا للحقيقة فكلام حيدر الزين هو الكلام الصاح فعلا ثلاثة ارباع الشعب
السوداني ما عارفين تواريخ ميلادهم بالظبط ...وما عندهم شهادات ميلاد اصلية
وكلها شهادات تسنين( تقدير العمر) ...ومرات بتلقى الفرق بين شهادة التسنين
وبين تاريخ الميلاد الحقيقي ١٠ سنوات ....وقس على ذلك
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: السر عبدالله)
|
كبر السن لمن لا زال بصحة جيدة جانب ايجابي يحسب لكبير السن
لا يحسب عليه لمن يعرف قيمة العلوم والتجارب التراكمية التي تكسب بعامل
الزمن الذي هو العمر
الرجل صوفي وليس جمهوري
ولكن الكيزان والسروريون قلقون من تولي كامل ادريس
من بعد التخلص من العقبة الكؤود حميدتي بحمد الله وفضله
لأن نجاح الفترة الانتقالية تعني يالنسبة للكيزان
نسفهم وتطيمهم ومحوهم للأبد
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: منتصر عبد الباسط)
|
مرحبا حبيبنا ود الفحل
احوالك واخبارك ..
Quote: كامل ادريس عبد الحقيظ
حقيقة دا زول مؤهل لقيادة
مجلس الوزراء
كفاية بس بيتحدث
بكل اللغات الاجنبية
بعني ما عايز مترجم
فخراً أنه معروف عالمياً |
لي الحقيقة انا الزول دا ما حصل سمعت ليهو ايتها يا حاجة لا عربي لا انجليزي خليك من باقى رطانات الخواجات الاخرى..
لكن قبل امس وبعد ما بقى الكابتن بصورة رسميـة سمعته في مقطع رائج بالفيسبوك يتحدث عن اسمه بالانجليزي
ما عارف المقطع كان حقيقي والا زهيراوي " وزهيراوي دي ترجع لزهير حمد و معناه مخلوق بالذكاء الاصطناعي "
المهم انجليزيهو شين من حيث النضم في حد ذاته
ياخي كمال دي قالها بالانجليزي انا سمعتها " CAMEL" كسفينة في الصحراء ... سارت لا تبالي بالريح
المهم ربنا يوفقه ان شاء الله ويحرز هدف هدفين قبال يوزعوهو
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: HAIDER ALZAIN)
|
سلامات حبيبنا السر عبدالله .. حياك وبيــاك
Quote: والله يا عارف ناشد انت رسام وفنان كاريكاريست بحق وحقيقة
وعندك موهبة جبارة في رسم الشخصيات ..
مع تقديري واحترامي يا فنان |
والله سوطت وقلّبت البوت دا فوق تحت بفتش لرسمة عارف ناشد ما لقيتها
لكن صدقني لسه ما قنعان يمكن موجودة بس ما شايفها .. مضارياها هيـك دقن مشعنفة تبع قصي
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: HAIDER ALZAIN)
|
Quote: اذا جينا للحقيقة فكلام حيدر الزين هو الكلام الصاح فعلا ثلاثة ارباع الشعب
السوداني ما عارفين تواريخ ميلادهم بالظبط ...وما عندهم شهادات ميلاد اصلية
وكلها شهادات تسنين( تقدير العمر) ...ومرات بتلقى الفرق بين شهادة التسنين
وبين تاريخ الميلاد الحقيقي ١٠ سنوات ....وقس على ذلك |
سلام السر
لم افهم مغزى كلامك. الشخص الذي لا يعرف تاريخ ميلاده بيذهب للجهات الرسمية التي تقوم بعملية تقدير العمر واستخراج شهادة تقدير العمر (شهادة تسنين)، ولم يقم بعملية تزوير عمره. وكل الناس (ثلثي الشعب😲) لم يقم أي منهم بارنكاب جريمة التزوير.
الكلام دا بيرسل رسالة خاطئة وخطيرة تعني ان مرتكب الجريمة يتم العفو عنه ولا غضاضة في فعله عشان فعله هذا (الجريمة) يرتكب مثلها العديد من الناس. من أمن العقاب اساء الأدب وارنكب المزيد من الجرائم.
اكبر جريمة ارتكبها الكيزان هي عملية غسيل جماعي لمخ الشعب السوداني الذي صار لا يعرف الخطأ من الصواب وصار شعب فاقد للاخلاق الانسانية السوية وصار مرتكب الجرائم هو الذي يكرم ويحتفى به.
حتى في المرات القليلة التي يتم الحكم علي مجرم ما تجد من العادي ان يقوم الكوز الكبير باطلاق سراحه مثل تجار المخدرات او مغتصبي الاطفال. القصة المعروفة باطلاق سراح الشخص الذي ادخل السجن لقيامه باغتصاب الاطفال، قام (عمر بشير) بالعفو عنه. فعمر بشير يرى اغتصاب الاطفال امر عادي ولا جناح على مرتكبه.
اذا كان كامل ادريس لديه القليل من الشجاعة والاخلاق لأقر بارتكابه للتزوير وكرجل درس القانون من المفترض ان يذهب ويفتح بلاغ بالجريمة التي ارتكبها والهدف منها ومن ساعده في ارتكاب الجريمة ولوجد من يشيد من موقفه. ولكن الرجل لا يجد شخص سوي يسدي له النصح بل يجد الغوغاء الذين يصفقون له لانه رجل شعبي بيأكل فول وطعمية من مطعم ابو العباس
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: Zein Abdalla)
|
سلامات يا زينكو..
بس لو جينا للحقيقة الاحق من كلامكم الاتنين انت والسر عبدالله انه حيدر الزين ما قال هيــك كلام والله
الحديث المقصود منقول ومنسوب للاخ كمال عبد القادر كما هو مذكور في المداخلة المعنية
دا للتصحيح يعني عشان الناس ما تعملني مرجع ساي .
ايوة نعم ثلاثة ارباع الشعب بشهادة تسنين - ابوى حايم بشهادة تسنين وكنت في اللول قبل اعرف الحاجة دي وانا في الابتدائي قايله مولود في مصادف مناسبات سعيدة وعظيمة حيث انه
مصادف عيد الاستقلال وبداية السنة الجديدة وميلاد المسيح عليه السلام ... وقلت دا من الفال الحسن وانه دلالة عظمة وانه ابوي محظوظ وحايم وبكدة كنت حايم في المدرسة مصعّر خدي لبقية الطلبة..
ثم زادت وتيرة حظوة سعادتي بأسرتي بعد اكتشفت انه اتنين برضو من عماتي مولادات ايضا بيوم صادف نفس المناسبات السعيدة اعلاه..
وعشت الحلم دا لغاية صف سادس ابتدائي لغاية ما قام استاذ الخزين طرشق لي انا وعدد من الطلبة الاخرين الحاولوا منافستي في عظمة ميلاد الوالد وقال هو زاااتو بيحمل شهادة تسنين. وشرح معناها
المهم المافهمته انه كامل دا مواليد 1945 وصغر نفسه
والا مواليد1954 وكبر نفسه؟
لانه بتفرق لو بقى عمره 80 سنة اظنه هسه مفروض ياكلوهو بالمعلقة زي زول كدة حاكم ليهو قالوا بلد ..
ومش لو صبغ شعره لو نطط ما بيجي رئيس وزراء
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: HAIDER ALZAIN)
|
Quote: المهم المافهمته انه كامل دا مواليد 1945 وصغر نفسه
والا مواليد1954 وكبر نفسه؟ |
سلام حيدر
لا انا قلت الكلام بتاع الزول فوزي بشري.... رجعت قرات الكلام فعرفت انه الكلام بتاع كمال عبد القادر واعجب به فوزي بشرى وقام بنشره. انا عارف انك بس ناقل للخبر.
حسب المعلومات المتوفرة فكامل ادريس مبسوط وشغال في سويسرا في منظمة الملكيةالفكرية World Intellectual Property وهي منظمة من منظمات الامم المتحدة. الرجل عمره وصل لسن كبير ويبدو انه تخوف ان يحال للمعاش فقام بتغيير تاريخ ميلاده وانقص عمره ٩ سنوات من ١٩٤٥ الى ١٩٥٤. تم اكتشاف الأمر عشان عمره في تاريخ الميلاد الجديد لا يتناسب مع تاريخ حصوله على شهاداته الدراسية... مثلا ممكن يكونوا اكتشفوا انه تخرج من الجامعة وعمره ١٠ سنوات.
ناس المنظمة طلبوا منه ان يقدم استقالته وينتهي الموضوع ويعطوهو حقوق ما بعد الخدمة أو يقدموهوا للمحاكمة ويخسر كل شيء. فقدم استقالته.
يقال ان الشهادة التي قدمها صحيحة من الناحية الفنية فهي صادرة من جهة رسمية. وكما قلت فالآن الامر طبيعي ويمكن في زمن الفوضى الكيزانية لاي شخص بسهولة يستخرج شهادة ميلاد بأي تاريخ. اعرف عديد من الاشخاص عملوا نفس عملية كامل ادريس في دولة خليجية.
كامل ادريس كبير في العمر وشديد ولضيض وشكله صغير مع صبغة الشعر ممكن تقول عمره ٤٠ سنة
| |
|
|
|
|
|
|
|
|
|
Re: كامل ادريــس رئيساً لمجلس الوزراء .. (Re: Zein Abdalla)
|
حاليـاً الناس مفروض تتجاوز موضوع شهادة التسنين او تزويـر شهادة الميلاد دا
وتركز في انه دولة رئيس وزراءنا المفدي طلع بتاع اوديسيهات وكاوبويهات وجاك سبارو..
قالت ليـــك Wisal Elsalamabi ويكفينا شر القوالة :
Quote: قرأت review لكتاب كتبه كامل إدريس. عنوان الكتاب هو
My Nile Odyssey
يتحدث الكتاب عن حياة كامل إدريس كعامل في سن الطفولة، وأن حياته كانت شديدة الارتباط بالنيل. كان يصارع التماسيح والقراصنة pirates. هرب من السودان إلى مصر بالباخرة. فأصابها عطب فقفز منها ليجد نفسه محاطا بالتماسيح ولكنه تغلب عليهم. ثم صعد إلى صخرة في وسط النيل لينام عليها، فاستيقظ ووجد مجموعة من القراصنة يحملون السيوف محيطين به. طلبوا منه أن يقودهم إلى جزيرة الكنز أو مكان فيه كنز. لكن الطفل كامل إدريس بما لديه من ذكاء ومواهب فطرية استطاع أن يقنع قراصنة النيل أنه من الجن ويستطيع أن يحقق لهم أمنياتهم. فتركه القراصنة ولم يقتلوه، واستطاع أن يهرب منهم في الصحراء. ثم تغلب على الضباع ووجد جماعة من البدو، احتضنوه لفترة كأنه ابن ضاع منهم. هذا الطفل العامل البسيط، الذي تغلب على التماسيح 🐊 والقراصنة والضباع، كتب كتابه استجابة لوصية الزعيم نلسون مانديلا. كان مانديلا يشعر أن كميل إدرس هو ابنه وخليفته ورسوله إلى الإنسانية. فعندما كان مانديلا في فراش الموت، طلب حضور كامل إدريس. اختص مانديلا ابنه وخليفته كميل بأن ذكر له وصية الموت، وهي أن يكتب هذا الكتاب عن كفاحه (كفاح كميل ضد ظروف العمل كطفل وضد الحيوانات المفترسة والقراصنة) عسى أن يطلع الناس على سيرة خليفة مانديلا الذي سيحمل الراية من بعده للإنسانية. |
حقيقة بعد بحث وتحرى اعتقد انه الزول دا ماصارع التماسيح لكنه بالتأكيد تعرض لمضايقة وتهديد من قراصنة في النيــل ..
بس طلع شفت واقنعهم انه من الجن واتخارج منهم
المهم سنتابع الموضوع دا
| |
|
|
|
|
|
|
| |
HAIDER ALZAIN
حيدر حسن ميرغني
Zein Abdalla
السر عبدالله
قصي محمد عبدالله
Ali Alkanzi
Amira Hussien
منتصر عبد الباسط
عزالدين عباس الفحل
Hasheem Karouri
Mahjob Abdalla
مهيرة
فيس بوك
تويتر
انستقرام
يوتيوب
بنتيريست