عودة المقاتلات السودانية

Quote: 📌دبابيس📌 📌 دبوس.... المقاتلات السودانية والباكستانية.... المقاتلات الجويه وهو مصطلح يطلق على الطائرات الحربيه التي تعتبر من الأصول المهمة في الحروب كأصول متعددة المهام ، حيث توفر التفوق الجوي، وتدعم القوات الموجودة على الأرض والبحر، وتستخدم مجموعة متنوعة من الأسلحه والتكتيكات لتحقيق أهدافها..... التطور المستمر في تكنولوجيا الطائرات والأسلحه يجعلها عنصرًا حيويًا في الحروب الحديثه ، وقد ضجت القنوات الإخبارية الإسبوعين الماضيين بأخبار الحرب بين الهند وباكستان حيث تقول التقارير أن باكستان إستخدمت مجموعة متنوعة من المقاتلات، منها: * جيه إف-17 ثاندر (JF-17 Thunder): وهي مقاتلة متعددة المهام صينية باكستانية الصنع. * إف-16 فايتينغ فالكون (F-16 Fighting Falcon): وهي مقاتله أمريكيه متعددة المهام. * جيه-10 سي (J-10C): مقاتله صينيه متعددة المهام من الجيل الرابع والنصف. والأخيره (جيه-10 سي (J-10C)) كانت مثار إهتمام كل العالم حيث ذكرت التقارير أن باكستان إستخدمتها في إسقاط مقاتلات رافال فخر الصناعة الفرنسية والتي تمتلكها الهند ...... ولأن الشئ بالشئ يذكر عندي صديق أجاركم الله أو كما يقول أبو نضال (دكتور أسامه فوزي) أجلكم الله متخصص ينكد علي ويسد نفسي يوميا" ويفسد علي وحدتي التي أستمتع بها ، وذلك بنقل أخبار (تبط الكبد) على قول أخواننا الكويتيين زي تسجيلات الإنصرافي وياسر العطا أجلكم الله..... اها صديقى دا قبيل الصباح قبل ما أصحى كويس قشطني بي سؤال قال لي : المقاتلات السودانيات وصلن والا لسع؟ و(بكل براءة الدنيا فوقي) قلت له : والله للأسف قالوا في طائرات تم تدميرها بمسيرات الجنجويد شي في بورتسودان وشي في سواكن لكن ما عارف فيهن مقاتلات والا مسيرات...... قال لي: لا ياخ أنا قاصد البنات السودانيات بتاعات جهاد النكاح في سوريا رجعن والا لسع...... والله يا رعاك الله وما لك علي يمين حسيت زي كأنو في زول قشطني بي سوط في نص راسي..... شوفتوا أو اكيد سمعتوا بالعريس الأحول الجلد أصحابه فوق روسينهم في الحفله بتاعتو.... تراهو زي زولي دا..... المهم شاكلتوا في الأول وقفلت على الموضوع ، لكن بعد شويه الكاروشه مسكتني قلت أشوف (النضم) دا صح والا زي إزبوع إزبوعين بتاعة هناي.... حاكم الزمن دا الكلام بقى 90% منه كذب وال10% الباقية برضو كذب.... فقمت أفتش وأتطقس وأبحث عن الموضوع..... لقيت لكم الموضوع كبير أوي..... والحكاية منشورة في الجرايد وخالتكم اليونسكو عندها فيه قدح والصليب الأحمر والتركوازي كذلك ، وحكونتنا عاوزة تدفن دقن لكن السوريين ساكنها..... قال لك المقاتلات ديل عددهن كثير لدرجة أن تم تقسيمهن على دفعات ، الدفعة الاولى مكونة من ستة وخمسين (مقاتله) معاهن 123 طفل بدل الصواريخ.... بإعتبار أن المقاتلات الباكستانيه كانت مزودة بصواريخ PL-15 جو-جو.... مقاتلاتنا برضوا جايات بي صواريخهن... وما حدش أحسن من حد..... بختكم يا سعادة قائد الجيش جاتك مقاتلات بي صورايخها..... على قدر نياتكم ترزقون..... مدد يا سيدي أب قونات..... أهو دي العده الجديده والا بلاش.... زمان الرئيس المبلول (البشير) قال وكت الرؤساء يقولوا عندنا مخزون إستراتيجي كذا وكذا ، انا المخزون الإستراتيجي بتاعي تراهو الرجال ديل ويشير بعصاته الى حميدتي وجنوده..... آآآي حميدتي وجنوده تقول مليشيا تقول جنجويد ياهو المخزون الأستراتيجي الورثناهو..... أنا ما عارف (المنقه) شنو من سفر البنات للنكاح في سوريا وبلدنا من ساسها لي راسها منكوحة.... مايقعدن يتنكحن معانا ووسط أهلهن وترانا كلنا منكوحين...... ال ما أتنكح في فض الإعتصام نكحو الجنجويد في الحرب..... ال ما نكحو الجنجويد نكحو ناس كيكل..... وال ما نكحو ناس كيكل نكحو البرائون يارسول الله..... وال ما نكحو البراؤون نكحو المستنفرين..... وال ما نكحو المستنفرين نكحو ناس المشتركة طوط..... وهكذا دواليك...... لحدي ما تصل أولاد (قمري) في الحدود مع مصر.... وال ربنا مرقو من ديل كلهم تلاقي المسيرات حايمة فوق راسو تتربص به لتنكحو.... زمان الجنوبي بي يخطب في الجماعة قال لهم : ثورة الإنخاس دا جات عشان منو؟ ما جات عشانكم إنتو ديل ، جات عشان تَنَخِّسوكم.... وقد كان..... عموما" نتحمد السلامة ل(المقاتلات)ونقول لهن نكاحا" مبرورا" وجهادا" مشكورا" ونبارك لأسرهن عودتهن مع ذريتهن ويتربوا في ....والا بلاش...... وياريت الأخوة السوريين زي ما رجعوا لينا المقاتلات مع صواريخهن كمان يرجعوا لينا الجوازات والأرقام الوطنيه..... غايتو السودان بعد كدا ما فضل لينا شي ما جربناه إلا القيامه...... ولو إنه الواحد بقى يجيهو أحساس إنه الكيزان ديل عندهم (قرانتي) أنه مافيش قيامة ، لأنه شغلهم دا شغل زول ما وراهو قيامه ولا سؤال..... تنويه مهم : ماتنسوا تعزموا مامون حميده لحضور إستقبال الهنايات اقصد المقاتلات لأنه ان لم تخونني الذاكرة كان هنالك نحو 18 طالبه بكلية العلوم الطبيه مع إبنة وزير الخارجيه سافرن إلى سوريا وأنضممن لداعش في كتيبة جهاد النكاح..... وكت ما حضر نكاحهن ال يحضر رجوعهن.... جاتنا ستمية نيله في حظنا المهبب..... ثم السلام على الغبش المظلومين ولا سلام على القتلة والظالمين..... *ه* *ه* *ه* 📌أبووضاح ،،،،،،،،،

Quote: المقاتلات يا ود ابا سترجع تعبانة ومجهدة خااااااااااااالص نسال الله اللطف