|
|
 Re: #اعتراف تحت التعذيب (Re: محمد عبد الله الحسين)
|
استنطاق قسري واعتراف تحت التعذيب
دخلت عليّ شريكة حياتي ...حرمي المصون( بالمناسبة برضه هي ذاااتا ...كيدهن عظيم) وقالت في دهشة ، إمكن حقيقية وإمكن لا:
- سجمي ...الليلة مالك؟
قالت الجملة بصوت فيه شوية لطافة واستدراج ظريف..نظام عشان تعرف الحاصل شنو..يعني المرة حريفة طبعا امكن خايفة على (ديلها)
زي ما بيقول المصريون...
فأجبتها بحذر واحتراز( الصمف ده ما هيّن بالمناسبة) :
- لا ما في حاجة
لكن يبدو أن ذلك زاد من قرون استشعارها
:- عليك الله
- والله ما في حاجة..بس شوية ..شوية...
- شوية شنو؟ ؟
-؟
قووول..(معاها رفعة صوت كمان )
- بس شوية فضفضة..و صراحة مع النفس
فزادت من سرعة الابنص حبتين:
- فضفضة وصراحة مع النفس؟
-دي حركات جديدة وألا شنو؟
- يعني من زمان ما كان في صراحة؟
- ؟؟؟؟ صمت القبور من جانبي..
لكنها تواصل:
-يعني الوقت داك كله كان ما حقيقي، قبل الزواج وبعد الزواج؟
ثم تواصل في صوت فيه رشة اتهام مبطن:
- يعني وجودك معاي كله ما كان فيه صراحة؟
الحقيقة وجدت نفسي في ورطة..ولازم اتصرف
- الصراحة؟ الصراحة؟
- آآآآي ....مع مدّة لغاية بورتسودان.
شفتوا ؟ مش قلت ليكم النساء أبرع محققات؟ طبعا ده البسموه الاستنطاق القسري
...و الاعتراف تحت التعذيب.... وده برند أو ماركة أصلية لما نسميه "جندرة" وبعد ده يقولوا ليك "تحرير المرأة" و"العنف ضد المرأة"" و
الحاجات الجديدة بتاعة المثقفاتية والمستنيرين وكسارين التلج..
وما عارفين الحاصل في الطرف الآخر..بالله خلونا كده و الّا كده...
انتو شوفوا شغلكم وخلونا نشوف شغلنا...
.يا رجال العالووووووم اتحدوا!
محمد عبد الله الحسين 2017
( شايفين؟ تاريخ قديم عشن ما زول يتشبك فيني)
| |
  
|
|
|
|
محمد عبد الله الحسين
فيس بوك
تويتر
انستقرام
يوتيوب
بنتيريست