أروع حاجة تحصل ليك في دنياك زولة موهومة تريدك# من حكايات ابوالزهراء في زمن الحرب

(عدل بواسطة زهير ابو الزهراء on 05-07-2025, 00:04 AM)

Quote: غرب شيء تكون حايم في الدنيا تلقي زوله موهوكشه تقوليك يخي انت فتي أحلام بدون مقدمات وبعدها تاني انت ريدتي الوحيدة جاني انهيار انساني لساعات ما عرفت ردي كان شنو ولا قلت ليها شنو أول حاجة هي متعلمة وعندها منصب في بنك ما مديرة فرع لكين موظفة قديمة خريجة 1991 يعني قبلي بخمس سنين كدا وبصراحة يعني هي ما شينه او مره زي بقولو معقولة في الموصفات الجمالية حسب ذوق سكان المدن السودانية المعاصر في زمن الحرب والنزوح والعطالة، تصبح العلاقات بين الناس أشبه بحوار ساخر لا يخلو من الشفقة والدهشة. في هذا المشهد من يوميات "أبو الزهراء"، نعيش تجربة عاطفية غريبة بطلها زول بايظ، وجد نفسه فجأة مطلوبًا من زولة موهومة… والزول – كالعادة – ما قادر يصدق! بس انا ما عندي اي رغبة في علاقة للمستقبل ما خلاص قصتي بقت واضحة متشرد ونازح حرب وكمان عاطل وبفتش في بلدي عشان أبدأ فيها حياتي من جديد المهم كيف حالك لما تلقي نفسك واقع تحت تأثير ريده انت ما كنت سيد اللعب فيها وبعدين حقيقة تكون زول زبالة ما تسواي الهدم اللي انت لبسا زول قداد وبتاع حركات وكمان معها شوية دجل عامل فيها بتقرأ الحظ من اي يد حتي يد تور شين الذي غادر الدنيا من قرون مضت وهو حقيقة مجنون رسمي وعند شهادة من التجاني وكرت اصفر لما يعمل فوضي في أي ناس البوليس بس طوالي من من البوكسي الي العيادة النفيسية في كوبر دا الحالة العامة بدون نفاق أجتماعي و كلام وتبرير مثقفاتيه زمن العولمة العجيب انا ما لاعايز اقول بنات حواء السودانية في زمن الحرب بقن خفيفات ريشه حسي أنت لو زول واعي لو هي فاهم دنيانا تمام بصدقوا دا زول مستقبل معروف بحب الحلوة راقصة وبتاع قعدات وحلل وكمان لسع مجنون بعصير الجذم المسكر ومهوس بجميلات الفيس بوك بالدراجي كدا مستوي واطي جدا لكين الحنك عندو وزول لبيس ومعطر ولسه اثار الغمر الحقيقة ما ضربت وشو يعني قادر يواكب الجيل الحالي \ المهم الي الان ما قدرت أرفض العرض أو حتي التعليق مستمع جدا بالصوحبة الرهيبة شيء العشاء في المطعم الصيني ومرات الياباني وكمان في الليالي بتاعت نهاية الاسبوع السينما وبريجركنج عايش كدا وهمة الود عاشق وبتاع جكس ولسع الدنيا معه باسطة. وحقيقة أنا فرحان وبقل جواي ما في ارهب من لما تلقى زولة موهومة دايرة ليها زول بايظ زيك تريدو #أخر شيء عايز اقوليكم (قالوا لي الفرصة ما بتجيك مرتين!قلت ليهم لكن مرات بتجيك زولة... وتجيك غلط! 😅والي اللقاء في نص اخر