|
|
|
 Re: المجد للبندقية (Re: Hasheem Karouri)
|
ولي زمن الفوضي وتعطيل حياة الناس ، ووضع المتاريس ، وحرق اللساتك .
خطاب واقعي وحقيقي ، الفوضي واغلاق الطرقات بواسطه صبية يافعين ، لن يقدم شئ للبلد ، بل بالعكس يعطل الحياة في الدولة .
الاحتجاج الحضاري لا يتم بمثل هذه التصرفات ، فعواقبها وخيمة .
مثل مايحدث اليوم .
الاوطان تنهض بالسواعد التي تبني ، وليس بالسواعد التي تهد ، وتخرب ، وتدمر .
#الوطن_في_حدقاتنا
| |
 
|
|
|
|
|
|
|
|
Re: المجد للبندقية (Re: tasneem)
|
Quote: البندقية ليها اكتر من سنتين
والنتيجة دمار البلد وقتل وتشريد مواطنيها.
تحياتي |
الاخت . tasneem
كنت احسبك من المتزنين العاقلين . سنتين من الحرب ، الا يجب ان تشكر عليها القوات المسلحه لتقديمها الالاف الشهداء والمصابين لحماية الارض والعرض من دنس الجنجويد والمرتزقة الاوباش؟
علي الاقل هذا واجبها ، وهي تؤديه بتجرد ، ولاتحتاج شكر من احد.
علي الاقل لايسأء اليها . ،،،،
| |
|
|
|
|
|
|
|
|
|
Re: المجد للبندقية (Re: Hasheem Karouri)
|
هاشم سلام
طرح الموضوع بالطريقة المستفزة دا لا يستقيم
لأنو ببساطة شديدة لو ناس اللساتك شافوا أو عرفوا
أو مشوا وراء شعار المجد للبندقية وشالوا بنادقهم
أها كدا كيف ؟؟؟
خصوصا وانو كتير جدا من الثوار شايلين سلاح
بدافعوا عن أهلهم في القرى والحضر .
من وجهة نظري الموضوع دا ح يزيد الطين بلة
أو هكذا أتوقع
العنتريات عمرها ما تبني دولة
| |
|
|
|
|
|
|
|
|
|
Re: المجد للبندقية (Re: طلحة عبدالله)
|
Quote:
هاشم سلام
طرح الموضوع بالطريقة المستفزة دا لا يستقيم
لأنو ببساطة شديدة لو ناس اللساتك شافوا أو عرفوا
أو مشوا وراء شعار المجد للبندقية وشالوا بنادقهم
أها كدا كيف ؟؟؟
خصوصا وانو كتير جدا من الثوار شايلين سلاح
بدافعوا عن أهلهم في القرى والحضر .
من وجهة نظري الموضوع دا ح يزيد الطين بلة
أو هكذا أتوقع
العنتريات عمرها ما تبني دولة |
اهلا طلحه .
ابدا . مافي استفزاز ولا شى . دي مقتطفات من خطاب الفريق البرهان عند لقاءه مع موظفي الخدمة المدنية في بورتسودان .
وبالطبع انا اعلم ان كثير جدا من شباب الثورة ، يقاتلون الان مع الجيش في خندق واحد ، حتي تنظيمات باكملها مكونه كتائب " كغاضبون " وغيرهم ، يحملون السلاح ويقاتلوا تحت مسميات مختلفه " المستنفرون ، والمقاومة الشعبية " . . وهذا شئ مقدر جدا من قبل الشعب السوداني .
المقصد من خطاب الفريق البرهان " حسب تقديري وفهمي " ، انه لايوجد مجال مره اخري " لحرق اللساتك " وتعطييل حياة الناس ، واقامه المتاريس وغيرها . ولابد ان يكون الاحتجاج بطريقة سلمية و حضارية وراقية .
اما " المجد للبندقية " . فالمقصود منه الوقت الراهن ، والاحداث الجارية .
وكما تعلم اخي طلحه ، ان السلاح والبنادق هي سيدة الموقف حاليا ، وهذا القول " المجد للبندقية " ، يعني ، استمرار القتال ، حتي كنس اخر جنجويدي من السودان . والتقدير والفخر للتضحيات التي قدمتها القوات المسلحة ، والقوي المتحالفه معها ، في محاربة المارقين ، ودحر التمرد والمرتزقة . وليس المقصود حمل السلاح والبنادق بعد نهاية الحرب بأذن الله ، وقمع التظاهر .
اتمني ان تكون وضحت لك الصورة ،،،،
تحياتي ،،،،
| |
|
|
|
|
|
|
|
|
|
Re: المجد للبندقية (Re: Arif Nashed)
|
| Quote: الرسالة واضحة المجد لبندقية الاسلاميين وليس لبندقية الجيش |
العزيز . عارف .
كيف الكلام ده ؟
يعني ده اجتهاد منك ، ولا بس كلام ساي ، ولا عندك دليل يثبت ان الفريق برهان قال " بندقية الاسلامين " ؟
ياخ انت لو تابعت الخطاب تجد انو قال بصريح العبارة " نحنا مافي زول بقول لينا اعملوا كده اوكده ، او امشوا يمين او شمال ، ومافي زول بملي علينا نعمل شنو " . نحنا بنعمل في واجبنا في حماية البلاد والوطن . يعني الزول كلامو واضح .
الرجل كلامو واضح لدرجة انو هو عارف في بعض الناس بتتهمهم بانهم " كيزان بورسودان " ، وتسال ، وقال بصريح العبارة : وينهم كيزان بورسودان ؟ .
فياعارف ياخوي الناس ماترمي التهم هكذا ببساطة ، دون اي دليل . بعدين قصة اسلامين وما اسلامين دي ، انا شائف اي زول بختلف معاك ، يقول ليك اسلاميين !!! ياخ اسلاميين . نحنا كفار ولا شنو ؟ ؟؟ ولا كونوا الزول يكون مسلم دي كمان بقت تهمة ؟؟
وهسي انت قلت الوقت مامناسب لهكذا اتهامات لا بتودي ولابتجيب ، بل بالعكس ، بتوسع الهوه بين السودانين ، وبعد شوية نتلفت ، نلقي مافي سودان زاتو ...
علي اي حال انا وضحت للاخ طلحه ، وليك . ماهو المقصود . اما تحريف الكلام ، والرجوع بنا سنوات لوراء ، ده مابفيد زول فينا .
نحن امام عدو مدعوم خارجيا ، ولديهم مخطط اكبر مني ومنك ومن برهان ومن حميدتي زاتو .
وبالطبع هم بستفيدوا من الخلافات البين الناس ، وبجيروها لصالحهم .
وبس .،،،،
تحياتي ،،،
| |
|
|
|
|
|
|
|
|
|
Re: المجد للبندقية (Re: Hasheem Karouri)
|
والله محمد عز جابها من الاخر ...
فعلا القحاطة ما استفزتهم المجازر التي ارتكبتها مليشيات المغول والتتار وحرق محطات الكهرباء والمياه
واستفزتهم عدم حرق اللساتك ..
..لان المرحلة الآن تتركز في نظافة المدن والقرى من الاوساخ والدمار وتهيئتها للسكن ....
اما حرق اللساتك فان أوانه سيأتي اذا جاء حاكم ديكتاتوري مثل البشير الذي أسس الجنجويد لحكم الوطن
فحينئذ يلجأ الشعب لكل الوسائل لازاحته ويحرق كل لساتك البلد ....كما فعل من قبل...
الان مرحلة بناء وتدمير وليس مرحلة تخريب وتدمير .
| |
|
|
|
|
|
|
|
|
|
Re: المجد للبندقية (Re: Hasheem Karouri)
|
أنه من المحير حقا
بعد كل الخراب والدمار الذي تسبب فيه البرهان ورهطه
ما زال هناك من يتفق معه في كلمة قالها
بعض الناس تمجد القوي ظالمة أو مظلومة، غلطانة أو غلطانين عليها
المجد للشعب السوداني
المجد للثوار
ومجتمع الحرية والسلم والعدالة المدني الديمقراطي
حيتحقق رغم أنف حميدتي والبرهان وعلي كرتي وكل كيزان العالم
| |
|
|
|
|
|
|
|
|
|
Re: المجد للبندقية (Re: Nasr)
|
| Quote: الان مرحلة بناء وتدمير وليس مرحلة تخريب وتدمير . |
السر . تحيه طيبة .
ياخ انا بحترمك جدا . وده كلام الشخص الوطني البتهموا بلدو فعلا .
لك مني كل التقدير والمعزه ،،،
| |
|
|
|
|
|
|
|
|
|
Re: المجد للبندقية (Re: Hasheem Karouri)
|
Quote:
أنه من المحير حقا
بعد كل الخراب والدمار الذي تسبب فيه البرهان ورهطه
ما زال هناك من يتفق معه في كلمة قالها
بعض الناس تمجد القوي ظالمة أو مظلومة، غلطانة أو غلطانين عليها
المجد للشعب السوداني
المجد للثوار
ومجتمع الحرية والسلم والعدالة المدني الديمقراطي
حيتحقق رغم أنف حميدتي والبرهان وعلي كرتي وكل كيزان العالم |
الاخ . ناصر . لك التحيه .
" البعض " وانا منهم . لانمجد الاشخاص ونقدسهم كاشخاص . بل نمجد السلاح والقوة التي يقودونها ، فهذا هو السلاح المنوط به حمايه البلد والدولة ، من العدوان ، ورد المظالم والدفاع عن الوطن . من الجيد تحيتهم واظهار الامتنان لهم . لانهم هم الذين وقفوا بوجهه من اعتدي علينا ، وشردنا من بيوتنا واقام فيها ، وارتكب الموبقات بحق السودانين . اعتقد ان عملهم " يثلج القلب " ، فهم لم يخذلونا ، وقدموا الغالي والنفيس ، في سبيل الوطن . دون منه او رجاء ....
اما الاسباب ، ومن كان البادئ ...وووو . فهذا لبس وقته ، فنحن في خضم معركة مصيرية ، ووجوديه ، ودورنا ان نكون سندا لجيشنا ، نشد من ازره ونعضدده .فهم مهروا ارض السودان بدماءهم الذكيه ، وقدموا التضحيات العظام ، ليبقي السودان ، هو السودان . الوطن الجامع لكل مكوناتها .
الاخ . ناصر . لايغرنك تحالف " ثورة ديسمبر " مع الجنجويد ، والقتله والمجرمين ، فغدا سيغدروا بهم ، كما غدروا بغيرهم ، ويرموهم بعيدا ويدوسوا عليهم . فهؤلاء الاوباش ، لايعرفوا المواثيق والتحالفات . وهم لا امان لهم ، ولا يوجد في هذه البسيطه أسؤأ منهم .
تحياتي ،،،
| |
|
|
|
|
|
|
| |
Hasheem Karouri
صديق مهدى على
mohmmed said ahmed
طلحة عبدالله
Arif Nashed
السر عبدالله
Nasr
فيس بوك
تويتر
انستقرام
يوتيوب
بنتيريست