تم البيع بنجاح👌👌

Quote: لما ظهرت خلافات بين كيكل والمشتركة قلنا انو دا خط الجبهة الإسلامية بالنسبة ليهم الحرب انتهت بتحرير الخرطوم وعاوزين يضربوا معسكر بورتسودان ببعض لإضعافهم ومن ثم تطويعهم مقابل قوة تشكيلاتهم العسكرية قلنا انهم هيقولوا للمشتركة ديك الفاشر امشو قاتلوا وبندعمكم بالطيران. وللأسف، حتى بعضنا وقع في فخ الكيزان وبهاجم في مناوي الأن . مناوي كحاكم إقليم، زمزم والفاشر مسؤوليته، بس انت ليك سنتين سايقنك ببقاء الدولة وجيش الدولة عشان تدعم الحرب. الدولة دي،الفاشر جزء منها ولا لا؟ جيش الدولة مسؤوليته الفاشر ولا لا؟ الفاشر مسؤولية البرهان يا انسان مسؤولية القائد العام. الكيزان بتعاملوا مع الفاشر زي الجزيرة وزي الجموعية، خسارتها رصيد سياسي ليهم وبراهنوا على انتهاكات جناهم ابنهم الشرعي الجنجويد وبيقدموا مناوي ككبش فداء عشان يحملوه مسؤوليتها زي ما عملوا في ود مدني وقالوا قائد الفرقه باع. والحقيقة المُرة إنو الفاشر ما زي أخواتها هي أم المدائن وعاصمة السودان. لو حصل أي شي لا قدر الله، هتنقسم الحركات، وهينقسم معسكر بورتسودان، وهتنقسم القوى المدنية نفسها. وزي ما كانت الفاشر بصمودها حماية للسودان، هتكون مقدمة لمرحلة جديدة من الحربهي الأسوأ وبداية فعلية لتقسيم السودان. المشتركة تدافع عن الفاشر كيكل يدافع عن الوسط الاورطة الشرقية تدافع عن الشرمة والبراؤون عن برج الفاتح وقاعة الصداقة! مش ياهو دا تقسيم السودان ونعي رسمي للقوات المسلحة .. ماتشارك بعاطفة في الحملات الامنية لو انت رافض للحرب الحاصل دا ابدا ما رهان ولا تفرح بالخلافات داخل معسكر بورتسودان لانو البدفع التمن هو الانسان والرفاق في حركات الكفاح المسلح وحدتهم الان ضرورة وابدا مافي مصلحة في تشتتهم والانقسام. بورتسودان ونيروبي بسجمهم ورمادهم يمشوا للتفاوض وبس واي حاجة غير كدا على بلدنا السلام. ويزعل من شاء ويطرشق مافي فرق الان بين حمدوك والبرهان الاول راهن على المجتمع الدولي وهديل بتفرجوا علينا والتاني راهن على الحسم العسكري وطلق بناته يبشروا الناس بنهاية الحرب والحرب ماشه تدور يادوب غير شعبنا في نزوحه واللجوء مافي رهان غير تنظيم صفوفنا كمدنيين لعزل اطراف الحرب وتوظيف طاقات الناس بالوسائل السلمية كلو طق حنك وكلام لافي حسم عسكري ولافي حل دولي والحرب بوقفها شعب السودان ودورنا تنظيم الشعب دا والسلام.