أفريقيا ظهر فيها واحد "عنتري" و"عصبجي" كما يقول الشيخ محمد المصطفي. الرئيس الشاب المفتون بعضلاته .. يرفض طلب رئيس أقوى دولة في العالم، الرئيس ترامب.
هوووي، المسألة ما كبر عضلات وفتونة .. والله نرسلوا ليك "جون سينا" بس .. عينك ما تشوف إلا النور!
وتأتي صاغر للبيت الأبيض وح تأكل نيم كما أكل "زيلينسكي" وتوقع علي عقود أنتاج الذهب بواسطة الشركات الأمريكية.
لماذا لا يفهم الرؤوساء الأفارقة حجمهم الطبيعى .. دولة بركينا فاسو تعداد سكانها يعادل 23 مليون نسمة وأمريكا 10 أضعاف هذا العدد منذ عام 2023م، أنتاج شركة واحدة من الشركات الأمريكية .. ما يسمى "الشريحة الزرقاء" Blue Chips أو ما يسمى بالشركات عابرة القارات Global Ventures مثل: تسلا، أمازون، مايكروسوت وفيسبوك أو قوقل أو أكسون للبترول .. يفوق دخلها السنوي دخل بوركينا فاسو.
أها، هنا ردة فعل ترامب موقتاً: لا يسمح لأي أمريكي أو شركة أمريكية زيارة بركينا فاسو .. زيارة ساكت ما يمشوا .. ولا دولار أخضر ما يعتب بهناك .. لدولة "الفسايين"!
بريمة
03-26-2025, 03:52 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32994
ربما الأمر لن يتوقف عند منع الأمريكان والشركات الأمريكية
الرئيس تراوريه .. يبل رأسه لدور المخابرات والأجهزة والسياسة الخارجية الأمريكية؛ ممكن قريب نشوفوا أنقلاب علي حكمه الذي يغتر به، ويصبح خبر بعد عين.
هذا "العنتوري" رفض طلب السعودية لبناء 200 مسجد كما رفض أطنان البلح التى أرسلت إليهم بمناسبة شهر الصوم الفضيل، وقال أنهم يرغبون في دعم لبناء البنية التحية وليس "عجوة"، يريد مدارس ومشافي وجامعات إن كانت السعودية ترغب في مساعدة بركينا فاسو.
------------------------ هل شفتوا قوة العين .. زول شحدوه حاجة عايز يعزّل عزييل! .. أهلنا البقارة يقولون: "الشحاد ما عنده مجده (بهاء سكت)، عينو في السمسم يعطوه السقدة"! .. والسقدة هى الأمباز أي الفضلات بعد ما يطحن السمسم ويستخرجوا زيته.
بريمة
03-26-2025, 04:35 AM
adil amin adil amin
تاريخ التسجيل: 08-01-2002
مجموع المشاركات: 39161
الصين قاعدة وتعمر في افريقيا يا ماسورة..... يمش لترامب يعمل بيه شنو ترامب بمشو ليه المفنقسين مكسورين الناموس في العالم فقط وبريكس تبهج النظر وبنك البريكس والتنمية باسس اشتراكية. والله افريقيا دي تذل امريكا واوروبا واسرائيل افريقيا مهد، نلسون مانديلا والاسود، ترامب ده بنفع مع نوعك ده بس ناس(دعوني اعيش) القوة ايوه مافي العضلات ....ترامب مصارع وجا من محل قوة العضلات مش قوة العقل والعقول زينة الرجال دول غرب افريقيا اتحررت وجدعت فرنسا ذاتا ومشو الصين وانت لسه تهضرب، مع الامارات الغبية ولابس اماراتي كمان.... اضطرابات الهوية ماسكاك لحدي هسة قلنا ليك انت تمش، الضل بس ترامب ده بفترك امريكا هسة ولاية ولاية وبضحك العالم والسمك ويتبسم الباعوض ومرض الاستعلاء، الاجوف على الافريقيين واللطعة في، العرب، ده الضيع السودان ✍️ د. محمد عبدالله الريح . أغلب الشعب السوداني بتلقاهو عندو احساس استعلائي على الشعوب الافريقية التي تقع جنوبا من السودان ، بينما عمليا وفعليا وانا شغلي كلو في افريقيا ، نحنا أفقر واجهل وأكثر تخلفا من أغلب الشعوب دي .
اذكر ليكم امثلة شخصية : ▪️مرة كنت مسافر اشتغل في نيجيريا فالسيدة حرمنا ما خلت حاجة ما شالتها معاها نظام نحن ماشين بلد . احتمال لبن البودرة ما نلقاهو هناك وانا طبعا بس بعاين ليها وبضحك ، المهم النتيجة كانت اننا ونحنا راجعين اجازة السودان زوجتنا حامت أسواق نيجريا وكادت تجيب معاها التراب زاتو عشان معدوم في السودان .
▪️مثال تاني لنفس السفرة . اي واحد عرف اني ماشي اشتغل في نيجيريا يقول لي بلد الفلاتة !! بطريقة كدة تهكمية ، لما وصلت هناك اكتشفت انو ممكن تلاقي فلاتي او الحقيقة اغلبهم - يفوق السودان كله علما وادبا وذوقا اما المال فاسكت سااااي .
▪️مثال اخر : كنت مسافر رواندا قبل ما تشتهر ، بتاع الجوازات في المطار قال لي دي بلد يسافروا ليها . طبعا انا قلبي اتقطع . بالله وصلت العاصمه (كيجالي) قلت في نفسي : الشخصية السودانية دي محتاجة ثورة تخليها تعاين جواها وتقدر تقيم وضعها الحقيقي . وتعالج الأمراض الجواها دي قبل ما تقدر تطور بلدها .
▪️مثال أخير وده بسبب السرديات الكونت شخصيتي : كنت مسافر زمبابوي ، ومتخيل ليك (موغابي) والحكايات والصور بتاعت القروش البشيلوها بالدرداقة بسبب التضخم ، فكنت متخيل القى شعب متخلف من اي ناحية ، اول ما وصلتا لقيت نفسي ابلد واحد literally و ممكن في زمبابوي تلقى الببيع العصائر في الشارع حامل دكتوراة في الفلسفة ولا الاقتصاد . والبلد كلها حسب التقارير الرسمية نسبة الأمية فيها تكاد تصل الصفر . وحاليا ال Boss بتاعي من زمبابوي وبقعد اتعلم منو واتعقد منو عديييل .
▪️الخلاصة يا اخوانا : حقو نبتدي ندرس عيوبنا وعيوب مجتمعنا ونواجهها بشجاعة ، عشان يكون عندنا ثورة حقيقية ، طبعا ده ما بيعني الشعور بالدونية بقدر ما هو معرفة القدر الحقيقي لميزاتنا وعيوبنا . منقووووول
03-26-2025, 09:31 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32994
والله يا بريمة فهمك عطل عديل تباري امريكا، دي، مليون سنة ضوئية ما بتقوم ليك قايمة لا في، الدنيا ولا فيً الاخرة الصين السم القدر غداكم والافريقيين اتحررو وعرفو البنفع معاهم شركات النفط، سفن سسترس، ونادي باريس، سبب، المجاعات والامارض، والحروب العبثية. في، افريقيا والعالم الاسلامي الصين وروسيا ما بعد، فاقنر امل دول الحزام المدرايً تشاد امس خارجت الفرنسيين انت خليك مع القحاتة وثمرات والتسكع مع الامم المتحدة ودعم الامارات والفورة مليون.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
adil amin
فيس بوك
تويتر
انستقرام
يوتيوب
بنتيريست