|
|
|
 Re: الجيش يعلن فتح التقديم للكلية الحربية الد (Re: adil amin)
|
الاولوية لدحر الغزاة وقطع شأفتهم يا عادل
الهدف الرئيسي من هذا الإعلان هو فتح الباب لاستيعاب العدد الضخم من المستنفرين داخل القوات المسلحة
كما ان الفرصة متاحة لادخال كافة المجموعات المسلحة من برواؤون ومشتركة ودراعة ليكونوا ضمن القوة الرسمية
وسيكون من الذكي جدا دمج هذه القوات دمجا كاملا قبل انتهاء الحرب
| |
 
|
|
|
|
|
|
|
|
Re: الجيش يعلن فتح التقديم للكلية الحربية الد (Re: حيدر حسن ميرغني)
|
بعد ايه يا كيزان يا سجم؟
الكلية الحربية من سنة ٨٩ ما قبلت ضابط بدون واسطة او محسوبية او خلفية كيزانية
خلاص وكت حربكم مع ابنكم غير الشرعي غلبتكم جايين فالحين وفاتحين التجنيد لكل السودان
العبوا غيرها
الشغلانة دي قلنا ليكم ما بتمشي بالزندية , قلتوا لا بل بس
هسي لقيتو البل كيف؟
لا للحرب
| |
|
|
|
|
|
|
|
|
Re: الجيش يعلن فتح التقديم للكلية الحربية الد (Re: Hasheem Karouri)
|
Quote: الكلية الحربية من سنة ٨٩ ما قبلت ضابط بدون واسطة او محسوبية او خلفية كيزانية
خلاص وكت حربكم مع ابنكم غير الشرعي غلبتكم جايين فالحين وفاتحين التجنيد لكل السودان
العبوا غيرها
الشغلانة دي قلنا ليكم ما بتمشي بالزندية , قلتوا لا بل بس
هسي لقيتو البل كيف؟ |
رمضان كريم يا نصر الدين
وحقو في رمضان نبدأ نتخلص من عادة الكذب شوية
واكبر كذبة كذبتم فيها أنتم القحاتة ان التعيين في الجيش والوظائف الحكومية
في فترة حكم الانقاذ كان حكرا على الكيزان
طيب خلينا نبدأ بالجيش ..
واول ماقامت ثورة ديسمبر ، في ثلاثة من (صغار) الضباط مشهورين
كانوا رموز للثورة .. وثبت انهم كانوا ضد الكيزان منذ طفولتهم
ورغم كده اتعينوا في الجيش وبقوا ضباط وثورجية كمان ..
طيب خليهم صغار الضباط، وتعال شوف كبار ضباط الجيش الان فيهم كم كوز؟
مجلس السيادة كله مافيه غير كوز واحد وكمان غير منظم ، وهو الكباشي،
أما البرهان والعطا وابراهيم جابر وعبر تاربخهم كله قبل الثورة ماكان عندهم علاقة بالكيزان
والا ما كانت جابتهم قحت على رأس مجلس السيادة ..
الضباط في الرتب الوسطى كان عددهم اكثر من ٣٠ ألف ضابط ..
وعندما جلست قحتكم ممثلة في لجنة التمكين لإزالة الضباط الاسلاميين
ما وجدوا غير ٣٠٠٠ ألف رفعوا اسماءهم للبرهان لكي ينزلهم معاش ..
كل الباقيين طلعوا براءة وماعندهم أي علاقة بالكيزان
صحيح في محسوببة وفساد في لجان التعيين ، ولكن ما كان بالحجم الانتو بتكذبوا بيه
وكانت المشكلة فعلا مع بدايات الانقاذ، وبعد كده اتعين الشيوعب والبعثي والاتحادي والانصاري وغيرهم في الجيش وحتى جهاز الامن ..
وأنا بعرف اكثر من ١٨ من دفعتي الان هم ضباط جيش وجهاز واكثر من نصفهم كان ضد الكيزان
وفي مؤسسات الدولة الاخرى لما قامت الثورة اتضح ان نصف الموظفين كانوا ضد الكيزان
وهم الكتبوا في الكيزان المعاهم التقارير عشان يفصلوهم
وفي كل مؤسسة كانت في لجان مقاومة ولجان ازالة تمكين ، وبعضهم كانوا مدراء وفي درجات عليا
ولعل كادركم عصمت الذي صرخ في بداية الثورة إنه ما حايخلي اي موظف في وظيفته مالم يكن يؤمن بالحرية والتغيير
عصمت ده ذاتو كان ومازل موظف كبير في الدولة
لا وكمان واليتكم القالت ماتخلي كوز في وظيفة حتى او كان شربف الرضي
كانت قبل الثورة مديرة في مؤسسة حكومية ..
القادة ديل وكل مؤسسة حكومية كانت فيها كمية من لجان المقاومة، ولما عملوا كشوفات الصالح العام ماسمعنا بمؤسسة طلعت كلها كيزان، بل اكثر من النصف كان قحاتيا صرفا، فكن اين اتى كل هؤلاء ؟
.
.
الان اللعبة اتغيرت ..
وبقى مافي حاجة اسمها كيزان او قحاتة ..
الجيش محتاج رجال حتى لا تتكرر تجربة الدعم السريع
وبحمد الله لما طلب الجيش مستنفرين هب الشعب من كل مكان وحملوا السلاح وحموا مناطقهم وقراهم
وحتى شباب الجزيرة والخرطوم عادوا الى الجيش بكل اطيافهم وهزموا الدعم الصريع وحرروا اغلب مناطقهم
وديل بالضبط هم المطلوبين الان في هذا التجنيد
| |
|
|
|
|
|
|
|
|
|
Re: الجيش يعلن فتح التقديم للكلية الحربية الد (Re: عمر التاج)
|
اعتمد دستور2005 ومبادرة. نافع عقار2011 اذا انت فعلا عايز، ترجع دولة ومؤسسات وقوات نظامية من جديد
بدا من الجنوب، الجديد،... مش تشوه الجيش بالدواعش، والدفاع الشعبي، من جديد
اصحى يا ترسً
امش راجع الدستور، والاتفاقية دي، احسن ليك قبل يتسع الفتق، علي، الراتق،
ناس حلة بوتسودان، ديل لا مستقبل، لهم مع حركات شالو السيدة وخلو حرم
دي
الله لا شمت فيك بريمة وناس، لالا، في، البورد
| |
|
|
|
|
|
|
|
|
|
Re: الجيش يعلن فتح التقديم للكلية الحربية الد (Re: adil amin)
|
هل خاض جميع الطلاب السودانيين امتحان الشهادة السودانية هذا العام ليتم الإعلان عن فتح باب التجنيد للكليات الحربية على قدم المساواة لكافة الطلاب السودانيين؟ أين طلاب كردفان، دارفور، النيل الأزرق وغيرهم؟ هل يعكس هذا نهجًا إقصائيًا مستندًا إلى خطاب عمسييب “العنصري” الذي قال: “الدولة حقتنا، يا نحكمها بالطريقة العايزنها يا نفرتقها!”، مؤكدًا على ضرورة السيطرة على الكليات الحربية ومفاصل الدولة لضمان استمرار تحكمهم على "الأكثرية المنتجة" وإخضاعها بالقوة؟
اليوم، ولأول مرة في تاريخ حروبهم الجائرة، فقدوا آلاف الضباط في هذه الحرب، بينما لجأ آخرون إلى مصر. وبسبب هذا النزيف غير المسبوق، أصبح تعويض النقص ضرورة ملحة بالنسبة لهم، فكان فتح باب التجنيد (علناً) محاولة بائسةً لملئ هذا الفراغ داخل المؤسسة العسكرية..!
| |
|
|
|
|
|
|
|
|
|
Re: الجيش يعلن فتح التقديم للكلية الحربية الد (Re: Mohamed Adam)
|
| Quote: هل خاض جميع الطلاب السودانيين امتحان الشهادة السودانية هذا العام ليتم الإعلان عن فتح باب التجنيد للكليات الحربية على قدم المساواة لكافة الطلاب السودانيين؟ |
التقديم متاح الطلاب الشهادة السودانية منذ ٢٠٢١
الاختبار الأخير جلس له كل أبناء السودان ..
حتى أبناء المناطق المتأثرة بالحرب حضر عدد مقدر الاختبار داخل وخارج السودان ..
طلاب الخرطوم والجزيرة الذين شردهم الدعم الصريع برضه اختبر فيهم عدد مقدر وحايكونوا جاهزين وتواقين لرد الصاع عشرة لهؤلاء المجرمين
| |
|
|
|
|
|
|
| |
عمر التاج
adil amin
حيدر حسن ميرغني
نصر الدين عشر
Hasheem Karouri
Mohamed Adam
فيس بوك
تويتر
انستقرام
يوتيوب
بنتيريست