خيركم في "الجاعزية" خيركم في "السودان" وعسى ان يكتب الله بيدك مالم يكتبه لغيرك ويخصك بنصر للشعب السوداني وفوز مبين ويغفر لك ما اغترفته يداك مع الجاعزية.
كيكل اول نظف منطقته وكل قرى الجزيرة هل اكتفى بذلك؟ لا ، زحف نحو شرق النيل واكمل تحريرها مع الجيش والبراؤون والان عبر بجنوده نحو أقصى جنوب الخرطوم .. قوات كيكل بدأت دخولها في هذه اللحظة منطفة جبل اولياء سيف السودان المسلول سيحرر لك يا حيدر بيتك وبيت امك جنوب الحزام وانت اقعد نطط لي كده، ده كوز وده كويز ربع كويز يقاتل في الصفوف الامامية الان خير من مليون حيدر قحاطي تقزمي صعودي .. دي على سبيل التحية وحمد لله على السلامة، دخل كراعك سمح واستعد للردم
.. .. الدستور ده بعدين يا عادل بعد ما نحسم أمر الكلاب ديل وتوابعهم واذيالهم وصحيفييهم وابواغهم والمتعاطفين معهم والمتعاونين حانرجع ليك الاقاليم دولة ٥٦ ان شاء الله والحكم الفدرالي حبابه ومنصور خالد زاته لو عايزنه جيبوه بعد حرب السودان ما حانشتغل تاني سياسة، عندنا توجهات حربية خارجية اكبر
03-11-2025, 04:15 PM
Bashasha Bashasha
تاريخ التسجيل: 10-08-2003
مجموع المشاركات: 27200
طبعا!! هو ذات سيف احفاد النخاس الزبير، المسلول في رقاب "غير العرب" بالوكالة العمر ده كلو، للحفاظ علي مملكة الجلابة!! زي ده، وبمثل هكذا عقلية، متشرشح في هذا الفضاء يالسخرية الأقدار! لهذا قنا هو فضاء احفاد الزبير!! سبحانه امون رع!!
03-11-2025, 05:42 PM
adil amin adil amin
تاريخ التسجيل: 08-01-2002
مجموع المشاركات: 39159
يا عمر احسن ليكم تتعظو من الساحل بتاع سوريا والعلوييين المساكين حسبو عليهم نظام البعص السودان كلو حاسب الكيزان علينا جلابة وشماليين احسن ترجع الاقاليم الجنجويد براهم بمشو اقاليمهم هناك وكل اقليم فيه جبل دهب، مافيش حد احسن من حد ربي بما انعمت علي لن اكون ظهيرا للمجرمين هسة الناس الضدك هنا كلهم شماليين نحن ما عندنا شغلة بالاخوان المسلمين ده مشروع مصري، مخستك امريكا جاياكم بالشنقيطي وشوف الفضايح دي امريكا لمن تكون دايرة تطلع دين زول بتفضحو للقاصي والداني اولا انا متخصص في، السياسة الدولية
Quote: 🚨البنوك الفرنسية متورطة مع حكومة البشير فى غسيل الاموال
🚨انفجار اكبر قنبلة فى تاريخ سقوط اخلاق الكيزان
◾لذلك لن ترفع امريكا الحصار الابعد استراد الاموال للسودان، ويدفع السودان غرامة أكبر سرقة في تاريخ السودان من قبل حكومة الانقاذ
◾كيف سرق نظام الإنقاذ مليارات الدولارات من أموال بترول السودان؟ ..
60٪ من أموال القروض والمنح تم نهبها وسرقتها من قبل #النظام الفاسد وبإسم الدين
🚨هذا ما كشفه المحققون الأمريكان
◾أتذكرون ذلك السؤال لعوض الجاز: إنتو قروش البترول دي تودوها وين؟
◾أو … ما كشفه ويكيليكس قبل بضعة سنين عن أن البشير له حساب في بنك في سويسرا يحتوي علي 9 مليار دولار ؟
◾كشف ويكيليكس من وثائق متداولة بين محققين أمريكان و سفارات أمريكا في أوروبا لأن هناك كان تحقيقاً يتم عن تورط بنوك أوربية في مساعدة النظام في السودان علي الإلتفاف حول العقوبات الأمريكية.
◾بالأمس تم فرض أكبر غرامة علي بنك عالمي بعد أن أقر بالجرم (مساعدة النظام في السودان للإلتفاف حول العقوبات الأمريكية).
◾قبل أن نأتي الي كيفية سرقة النظام لأموال بترول السودان (بالمليارات في الفترة بين 2002 الي 2012 .. وحتي الآن) … لنستعرض أبجديات إدارة دولة .. أي دولة لمواردها المالية.
أولاً …. عادة … الشئون المالية تكون في يد الفرع التشريعي من الحكومة …. حيث أي إيراد للحكومة يدخل ويحصي في خزينة الدولة علي داير المليم … ويقدم الفرعان الآخران (التنفيذي و القضائي) طلباتهما كجزء من الميزانية …. لينظر فيها الفرع التشريعي وعليه أن يجيز الذي يراه مناسباً ويخفض الذي يراه مناسباً للتخفيض، ويرفض ما لا يراه مناسبا للصرف فيه.
ثانياً .. نأتي لفوضي النهب الفاضح في نظام الإنقاذ .. في زمن البترول … إنتاج البترول كان السر الأعظم في يد أبوالجاز ولا يعرفه أي أحد غيره ( ربما عدا قلّة محدودة) كم عدد الناتج و المصدّر والمُستهلك والفاقد ووو )… وعوض الجاز ومعه حفنة قليلة هم من كانوا يحددون في سرية تامة كم سعر بيع برميل البترول السوداني وكل الإتفاقيات مع شركات البترول هي في غاية السرية حتي علي البرلمان … والتسويق كان جزء من السر الأعظم … ونأتي الي عملية دفع ثمن البترول وأين تذهب العوائد…
🚨في تحقيقات المسؤولين الأمريكان عن تطبيق قوانين العقوبات … وعند ملاحقتهم لبنوك كبيرة أوربية متهمة بمساعدة النظام السوداني لخرق العقوبات الأمريكية ….
🚨إكتشف المحققون أن بنوك ضخمة ونظراً للأرباح الكبيرة من الرسوم التي تجنيها من قادة نظام الإنقاذ … لعبت هذه البنوك دور الوسيط بين شركات البترول والتعدين المنتجة للنفط والمواد الأخري (شركات صينية وماليزية وأندونيسية وفرنسية) كأطراف مشترية وبين النظام كطرف بائع.
وكانت مشكلة النظام أن يقبض بالدولار … ◾و لكن أي تعامل بالدولار لابد أن يمر بالمقاصة الأمريكية … وبالتالي تلك كانت عقبة أمام الإنقاذ … ونظير أموال طائلة … خاطرت بنوك أوربية بلعب دور المسهّل وتدوير المعاملات خلال النظام المالي الأمريكي والإلتفاف حول العقوبات …
◾وباشرت بنوك ضخمة مثل البنك الفرنسي فرع سويسرا عملية التمويه وفتح حسابات عدة بصورة غير مباشرة لأفراد و كيانات وبنوك تابعة للنظام السوداني …
◾وأصبح العائد من البترول ومليارات لا تأتي لخزينة الدولة مباشرة … بل تذهب الي حسابات في شتي بقاع العالم تحت أسماء عصابة الإنقاذ وأقربائهم …. و كانت فرق المحققون يراقبون و يتابعون هذه الأموال ويجمعون المعلومات كجزء من تحقيق كبير أعلنوا عنه يوم أمس … لذلك من الصدف أن عثر ويكيليكس علي تلك المعلومة ..
◾ومسألة سفر بعض أنجال العصابة وهم يحملون كاش خرافي … كلو جائز … لأن عوائد البترول لا تدخل الخزينة العامة بل يتحكم فيها أفراد في تعاملات خارجية .. وما يأتي للسودان هو فقط لصرفه علي الأمن والجيش ومؤسسات حماية النظام .. ويتبقي الفتات للتعليم والصحة والطرق والكباري ..
✳ماذا فعل المؤتمر الوطني للسودان ليستحق التمديد له في الحكم؟؟
#الحقائق التالية أعدها اﻷستاذ ابراهيم رانفي وهو موظف سابق بوزارة المالية؛ يجب قراءتها جيدا والتمعن فيها.. ….. 🚨حتى لا يظل المواطن مخدوعاً فالتنمية فى عهد الإنقاذ تعتبر اكبر كذبــــة صدقها المواطن، كل مشاريع التنمية المزعومة لو وكلت لسماسرة لا مخططون ولا سياسيون لكانت أنجزت علي النحو الذي تم وأفضل، وسأعطيك إحصاء يوضح لك صحة كلامي.. فأدناه كل المشاريع التي طرحها مرشح الوطني للرئاسة علي أنها انجازات له ولحزبه..
1-سد مروي قرض مشترك من عدة دول..
2-مطار مروي تابع لقرض سد مروي
3-خطوط نقل الكهرباء من سد مروي تابع لقرض سد مروي
4-مشروع امري الزراعي تابع لقرض سد مروي
5-طريق مروي الملتقى قرض تابع لقرض سد مروي
6-مشروع مياه القضارف قرض البنك الاسلامي للتنمية+قرض صيني
7-مشروع تعلية خزان الرصيرص قرض مشترك من عدة ممولين
8-مشروع سكر النيل الابيض قرض مشترك من عدة ممولين
9-مشروع مجمع سدي اعالي عطبرة واستيت قرض مشترك من عدة ممولين 10-كوبري الصداقة “كريمة” منحة صينية
11-طريق عطبرة بورتسودان هيا قرض “الصندوق العربي للإنماء الاقتصادي” 12-مشروع مطار الخرطوم الجديد قرض مشترك من عدة ممولين 13-طريق القضارف دوكة القلابات قرض “الصندوق العربي للإنماء الاقتصادي”
14-مشروع كهرباء الخط الدائري(الخرطوم) قرض هندي 15-خط الكهرباء الناقل سنجة القضارف قرض هندي
44-طريق طوكر قرورة قرض”الصندوق العربي للانماء الاقتصادي”
45-طريق سمسم القضارف ام الخير قرض”الصندوق العربي للانماء الاقتصادي”
46-طريق كسلا كركون مامان قرض”الصندوق العربي للانماء الاقتصادي”
47- مشروع كهرباء الشرق قرض”الصندوق الكويتي”
48-عدد 4 محطات تحلية مياه “ولاية البحر الاحمر” قرض”الصندوق العربي للانماء الاقتصادي”
49-جسر سيدون على نهر عطبرة قرض”الصندوق العربي للانماء الاقتصادي”
🚨وغيرها الكثير من المشاريع المعمولة (بالدين!!) اي بالقروض الربوية منها وغير ذلك، من وزارة التعاون الدولي وموقع وحدة تنفيذ السدود”سد مروي” فمعظم الارقام السابقة من هذين الموقعين وباقي الارقام من المواقع الاخبارية المختلفة.. 2-نأتي للديون.. ديون السودان الخارجية سنة 89 كانت 13 مليار دولار وسنة 2005 صارت 27 مليار دولار “من التقرير السنوي لبنك السودان 2005”..
🚨وديون السودان الخارجية الآن وصلت ل 40 مليار دولار !!
🚨بمعني ان الديون زادت في 7 سنين 13 مليار دولار!!
🚨منها 9 مليار قروض من الصين والهند لوحدهم..
🚨السؤال الذي يطرح نفسه .. اذا كانت 90% من انجازات المؤتمر الوطني قروض مثل هذه .. اذن أين تذهب موارد البلاد؟؟
⬛ اذا كان السودان مقترضا 13 مليار دولار في سبعة سنوات .. فأين ذهبت أموال البترول ناهيك عن أموال الأطنان من الذهب الخالص؟؟
03-12-2025, 01:46 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22730
أكون صادق معاك يا حيدر رغم انك ماتستاهل أنا تاريخ كيكل مابهمني الآن ، البهمني موقفه الآن كيكل والمشتركة والبراؤون والمجاهدون وهيئة العمل الخاص واقفين في خندق واحد مع الجيش عشان يدحروا المليشيا ويمنعوها ما تحتل السودان وترد أهله اذن هم كلهم عندي حلفاء ومن حقي أشكرهم وأدعمهم أي واحد من ديل عنده سلبيات ده شئ طبيعي أي زول عنده جرائم وأخطاء ما حاتسقط ، بعد الحرب تقيف ودولة القانون تفعل تعال انت وقحاطتك والانصرافي وناس الجزيرة وحاسبوا أي زول وفقا للقانون مافي زول بقيف في قدامك . كيكل الآن قائد مفيد .. حرر أغلب قرى الجزيرة وبيقاتل الجنجويد الان داخل الخرطوم وربما لولاه لكان الجنجويد الان يحاصرون بورتسودان أما قصة منبطح وداعر والبذاءات بتاعتك دي فهي مردودة عليك .. وياها ثقافتك ما جديدة عليك أمي وأمك وأشرف نساء العالمين وأمهات المسلمين ما شايف مشكلة نجيب سيرتهم طالما ما ذكرناهن بسوء، رغم ان المذكور فوق هو بيتكم ، وممكن يكون منسوب للام او الاب او الخال ما مشكلة لكن واضح انه القصد من الخطاب هو الستر ، وكيكل الان بيمثل درع يستر امهات السودانيين واخواتهن من جرائم مليشيا الجنجويد.
03-13-2025, 00:02 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
Quote: اها، جبتها براك. قلنا ليك جرائم الأنقاذ منذ 1989م لا تسقط بالتقادم
مشكلة عدم الفهم هي الخلتكم تقيفوا مع المجرم حميدتي لا لشى الا لأنه من الغرب قلنا فوق انه الجهاد لا يسقط بالتقادم وبعدها قلنا ان الجرائم لاتسقط بالتقادم لكن لايمكن محاسبة جماعة وعصر، بجريمة حدثت في عصر اخر من قبل جماعة أخرى ال١٥ مليون مواطن الانت شردتهم من الخرطوم والجزيرة نصفهم ماكان مولود عندما قامت ثورة الانقاذ الوطني وتسعين في المائة منهم ماعندهم علاقة لا مباشرة ولا غير مباشرة مع انقلاب البشير او نميري او غيره وال٩٠٠ مواطن الانت قتلتهم في المجلد وود النورة والفاشر ، ماعندهم أي علاقة بحكومة الانقاذ قلنا ليك الناس النفذوا انقلاب ٨٩ كانوا في القبور او السجون او المعتقلات عندما كان رئيس تمردك مسؤول في الدولة ولو كنت عايز تحاسبهم بالقانون كان عملت ولكن هدفك الحقيقي كان واضح من اول يوم وهو الاستيلاء على كامل سلطة البلد واستبدال سكانه بقبائلكم المشتتة في افريقيا ثم انك أساس لا تصلح لمحاسبة المفسدين لإن الفساد الاداري والمالي الكان في الدعم السريع اكبر واعمق من كل فساد السودان منذ ٥٦ كما الفساد لا يزال بالحرب ولا بالجهاد في كل الاحوال والحرب التي اشعلتها بغبائك وعدم فهمك للدين والسياسة جلبت من الضر الفساد اكثر من الذي تعتقد انك تحاربه
03-13-2025, 01:46 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
Quote: ولكن هدفك الحقيقي كان واضح من اول يوم وهو الاستيلاء على كامل سلطة البلد
بعد 35 عاماً ما شبعتم منها، وما عايزين تردوها لأهلها!!
أنت وكيزانك الأخذتم شهادات الدكتوراة بالولاء ..لمهم كلهم وتعالوا ظهيراً، لكي تقنعوني أنكم لا تستحقوا أن يقاتلكم الشعب.
------------------ سبحان الله، هؤلاء الكيزان .. لا يعرفون كيف يقدموا رسالة الأسلام السمحة في هذا العصر. لأن كل الشهادات ماخدنها بالولاء .. السمع والطاعة هى الفيصل. عرابهم قال لهم أمريكا دنا عذابها ، خلاص لو عندهم القدرة أو لا .. برضو يطقعونها!! أزول أنا شاهد عصر، مسجدنا في أمريكا في 99م كان يسع بضع العشرات .. اليوم في 2025م تقام فيه 4 صلوات جمعة .. أكثر من 400 مصلي في كل صلاة. أضف الجالية أضافت أكثر من 7 مساجد أخري وزحفنا نحو الكنائس وصوامع ودير اليهود نستغلها في الجمع. خلي كيزانك منذ أن أسصهم شيخكم حسن البنا .. يكون أنجزوا مثل هذا في ربع قرن! .. وكله بالمعاملة الحسنى واللطف واللين في الدعوة والألتزام بأخلاق المسلم الذي يلتزم إرثه الدينى.
بريمة
03-13-2025, 02:04 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
وسيف العشر دا عندما الدعامة استهدفو مستنفري ود النورة كان وين؟ وعندما بعض المنظمات النسوية بالجزيرة بتوسلوا الأمم المتحدة انو عايزين حبوب حمل لانو الدعامة حملوو النسوان، تيتل دا كان وين؟ لمن كان الفنانين ووجهاء القوم في الجزيرة بتوسلوا تيتل انوا يرجع ليهم سيارتم مقابل اوموال ضخمة وكان كيكل بقبض الاموال ويسلمهم سياراتهم خردة..كان سيف العشر دا وين؟ هل يعقل شخص بيكون مبسوط وفي ١٠الف حالة اغتصاب بالجزيرة كما قلتم وهو مسؤول عنها وبعدها تطلقوا عليه سيف السودان ؟ وين الغيرة؟ اتمني من الانحرافي يواصل في حربه ضدكم وضد الهطلة كيكل دون هوادة.
مع رمضان دا الواحد ما فاضي ليك للف ودوران ولواكة كلام فارغة وقرقرة..
ماف بذاءة وسوء تصيب الامهات والاخوات اكتر من ذكرهن مقرون مع كيكل والانصرافي والجنجويد والكيزان في سطر واحد..
وماف خبث وقلة ادب منك اكتر من انك تصر انه تسكني وتخترع لي بيت ام في مكان انا ما ساكن فيه وانت تعلم يقيناً لحوارات سابقة أين أسكن
لكن ياها حركات وبذاءات الكيــزان تفوتك وين..
خليك مباري قوادك كيكل دا اصلاً عادت/كم.. وكان لي عفا الله عما سلف سبقتك بيها ستك سناء حمد العفت عن البعاتي واخوهو وجنجويدهم اذا عادوا لحضن الحركة الإسلامية.. فما بعيد عليك تشبه كيكل بخالد ابن الوليد حتى ولو ناككم ف المهم في الامر انه يرجع ويحضنك تاني
03-13-2025, 02:14 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
Quote: سيف العشر دا عندما الدعامة استهدفو مستنفري ود النورة كان وين؟
أولا الدعامة المجرمين ما استهدفوا مستنفرين ود النورة الكلاب البرية ديل قتلوا ما يقارب ال200 مواطن أعزل من قرية ود النورة خلال ساعتين وحولوا منطقة الجزيرة كلها لمأتم كبير ، وفعلوا مثل ذلك في الخرطوم ودارفور ..الخ خالد بن الوليد بدا مقاتلا جيش الرسول ص، وهزمهم في أحد وقتل أسد الله وعم الرسول ص ( حمزة بن عبد المطلب) ولو كان فينا اسد الله سوداني لكان المصباح بن أبا زيد بن طلحة المهم، أن خالدا اسلم وحسن اسلامه ، وخاض مع الرسول ص الكثير من المعارك حتى لم يبق من جسده موضع شبر الا وفيه ضربة سيف أو طعنة رمح الرسول ص لم يقل لخالد لاتكن معنا لان جيشك قتل عمي، بل استوعبه وسماه سيف الله المسلول نحن ليس فينا الرسول ص، ولكني عن نفسي أعف لكيكل ما اقترفته يداه في حق شخصي ايام الجاعزية وكل مواطن سوداني أخر -عدا البرهان والدعامة - حر في أن يعفي أو يقاضي كيكل .. في الدنيا والآخرة
03-18-2025, 10:37 PM
عمر التاج عمر التاج
تاريخ التسجيل: 02-08-2008
مجموع المشاركات: 5317
Quote: سعادة اللواء كيكل بعد ان نظف الجزيرة وسرق النيل قفز اليوم الى امدرمان .. يا ترى ماذا وراء هذه المقلية هذا ما ستكشفه مقبل الساعات
ما تكون عريدة لانه يقال بأن مشهور بالعريد ود التاج بسعلك الدعامة الكانوا في شرق النيل وخاصة في الوحد والحاج يوسف أين ذهبوا؟. لعلمك معظمهم ملص الكاكي ودفنوا السلاح ولافي مع المواطنين وخاصة في الوحدة .
03-19-2025, 09:56 PM
عمر التاج عمر التاج
تاريخ التسجيل: 02-08-2008
مجموع المشاركات: 5317
Quote: الدعامة الكانوا في شرق النيل وخاصة في الوحد والحاج يوسف أين ذهبوا؟.
نصهم انقرض يا عارف معارك شرق النيل كانت معارك شرسة تدمرت فيها غالبية القوى الصلبة للجنحويد وقتل فيها العديد من قياداتهم وجنودهم القية هربوا الى سوبا ويتواجدوا الان في ازهري والسلمة وماحولها والدور جاييهم البعض لبس مدني وبقى لابد أو حاييم في شرق النيل ، وديل خطورتهم أقل لأنه مابيدهم أسلحة ثقيلة، وسيتم تنظيفهم تباعا من خلال الشرطة والعمل الخاص
كيكل ذهب الى امدرمان في مهمة خاااصة وهو لأنه كان زول همباتي ، فيتوقع أن يكون له دور كبير في معارك الصحراء
03-20-2025, 10:17 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22730
Quote: نحن أي زول بغيظ الجنجويد في الوقت الحالي زولنا
انت يا المنسدح بتلملم اي زول بيغيظ المواطنيين وبيعمل على خدمة أهدافكم ..الجنجويد دا زاتو كان زولكم وللهدف دا نفسه خلافك معاهو ما عشان وطن ولا مواطن.. خلافك معاهو خلاف سلطة بلاء يخمكم ويخمهم جميعاً ..
03-20-2025, 01:52 PM
كمال عباس كمال عباس
تاريخ التسجيل: 03-06-2009
مجموع المشاركات: 17934
كنا نسمع ذات التطبيل لحميدتي والذي كان الكيزان وقيادة الجيش يسبحون بحمده بكرة وعشية كيكل مجرم حرب وجزار ود النورة مجرم حرب وهو مع الجنحويدي وهو ضدهم وختاما الرهان علي المليشيات رهان خاسر فهي تقاتل من اجل اجندتها ومصالحها وهي اليوم معك وغدا ضدك وضد بعضها او ضد الشعب
لايجب تكرار الكوارث
03-27-2025, 11:27 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22730
قال ليك دا د. عليش عميد كلية الاداب جامعة الخرطوم.. وقال ليك ..أدخله مستر كيكل " الدعامي " السجن اسيراً .. والان اطلق سراحه " دكتور " كيكل سيف السودان ..
اما الاسير فنظرته اختصرت كلام كتير ممايمكن ان يقال عن حرب خالد بن وليد الكيــزان :)
03-27-2025, 12:13 PM
عمر التاج عمر التاج
تاريخ التسجيل: 02-08-2008
مجموع المشاركات: 5317
Quote: كنا نسمع ذات التطبيل لحميدتي والذي كان الكيزان وقيادة الجيش يسبحون بحمده بكرة وعشية
حميدتي حالة خاصة يا كمال ، عامل زي ادبخانة السوق العربي أي واحد ممكن يستخدموه استخدم جنجويده الصادق المهدي من قبل وسلحوهم لحرس الحدود من الشفتة، واستخدمه الكيزان لترويض تمرد خليل ومناوي، واستخدمه الثوار ليخوف لهم الكيزان واستخدمتهم قحت وياسر عرمان ليزيح لهم الجيش والكيزان واستخدمتهم الامارات وتشاد وجنوب السودان والنيجر ومالي وتشاد في احتلال السودان
Quote: الرهان علي المليشيات رهان خاسر فهي تقاتل من اجل اجندتها ومصالحها
ليس كله خاسرا يا كمال صحيح ان المليشيات لديها اهداف خاصة ولكن لا باس ان تجتمع اهدافها وتتماشى مع اهداف الوطن والجيش ومن هذا المناطق ادعو اهل الشمال لتكوين درع يحميهم من غدر التعايشية والرزيقات إذا ما حاولوا الغدر بهم مرة ثالثة .. ورب ضارة نافعة فلولا كتائب كيكل والدفاع الشعبي والمشتركة والبراؤون لما استعاد الجيش توازنه وحرر الخرطوم والجزيرة
03-27-2025, 12:43 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22730
Quote: ومن هذا المناطق ادعو اهل الشمال لتكوين درع يحميهم من غدر التعايشية والرزيقات إذا ما حاولوا الغدر بهم مرة ثالثة ..
كيــزان الفتنة والتفرقة والقبلية يزلقوا دعوات الحروب الاهلية دي في النص كدة زي اللكنها شئ طبيعي لا والاعجب من كدة واحدة تلقاهو منبطح تحت مكيف في الامارات ظااات نفسها ويدعو لحرب اهلية وعنصرية في السودان زي عمصيب مثلاً .. او زي الكويز دا بيتكلم ببساطة كانه بيمثل اهل الشمال.. منو القال ليك ؟ الغدر الجاء على اهل السودان كلهم جاهم من الكيزان هم من غدر بهم وهم من استباح حرماتهم وهم من ملش الملايش ولملم المجرمين والهمباتة لسرقتهم وانتهاك عروضهم واول هؤلاء المجارمة المجرم الفاتح ليك بوست باسمه دا وبلا خجلة بتقول عليه خالد بن الوليد الله يخيبك يآخ
03-28-2025, 03:17 PM
Bashasha Bashasha
تاريخ التسجيل: 10-08-2003
مجموع المشاركات: 27200
Quote: أنا تاريخ كيكل مابهمني الآن ، البهمني موقفه الآن
عيييييييييييك!!! قنا ليكم، مافي جلابي تاني في هذا الفضاء، بدلق الجواهو من عفن، بمثل هكذا براءة سذاجة علي الاطلاق كما يفعل هذا العنقالي، الساذج الغبي!
الجنجويدي كيكل، كما الجنجويدي حمرتي، ولاموسي خلال، ما ارتكبوهو من جرائم دفاعا عن مملكة احفاد الزبير، ضد "الزرقة" العمر ده كلو، لايعني اي شئ علي الإطلاق بالنسبة لي "قن" ال العباس هذا!!
أما أن ينقلبو الجنجويد لو حمرتي ولاكيكل علي مملكة الجلابة، فهنا فقط، يتم الهجوم عليهم، تقوم القيامة، ويمسحو بيهم الواطة، كمجرمين، حرامية، للمرة الاولي، نعم فقط لما انقلبوا علي مخدميهم، اي الجلابة!
هكذا الجلابة مسحو بي جرة قلم، جرائم كيكل ليصبح بطل في عيون هذا العار، المريض، تجتوج، لما انضما لي مليشيا مملكة الجلابة!!
اهو شفتو، مثل هكذا استحمار، وبمثل هكذا غباء، سذاجة من هذا المريض؟ امنتو بامون!!
03-28-2025, 03:22 PM
Bashasha Bashasha
تاريخ التسجيل: 10-08-2003
مجموع المشاركات: 27200
عديل كده، وبكل غباء، العنقالي ده، بقول السواهو كيكل في "الغرابة" لايعنيه في شيء!! كونو قلب علي رفيقو حمرتي، أو وقف معا الجلابة، فهو "بطل"! نعم لايهم ماذا فعل في الماضي، في "الغرابة"!! المهم انو الان معا، مملكة الجلابة، فل استوب!! تعلمو من نموذج عقلية هذا المريض، ياسودانيين!! هكذا زعيق من امثال هؤلاء، قنا منطلقو الرعب من إزالة مملكة الجلابة، لما انقلاب اداتم، حمرتي، عليهم!!
03-28-2025, 03:25 PM
Bashasha Bashasha
تاريخ التسجيل: 10-08-2003
مجموع المشاركات: 27200
Quote: نحن أي زول بغيظ الجنجويد في الوقت الحالي زولنا
عيييييييييييك!!! وقع ليكم كلامنا؟؟؟ قنا ليكم الموضوع كلو، هو رعب خوف من انهيار مملكة الجلابة، لما قلب عليها اداة الجلابة حمرتي، مقاول محارق الإبادة بالوكالة لي اهلو "الغرابة"!!
لهذا العمر ده كلو، امثال هؤلاء من مستنفري مملكة الجلابة ما حرك فيهم شعرة، ابادة وتشريد جنجويدم هم، الصنعو هم، للملايين من ضحاياهم "الغرابة"!! وقع ليكم كلامنا؟ ده كلام من بيت الكلاوي، من جوا الجوا، نعم من جلابي!!! امنتو بامون!!
03-28-2025, 03:41 PM
عمر التاج عمر التاج
تاريخ التسجيل: 02-08-2008
مجموع المشاركات: 5317
Quote: نعم لايهم ماذا فعل في الماضي، في "الغرابة"!!
الزول ده غبي ول بتغابى حيدر المجنون هناك شابكني كيكل عمل في مدني والغبي ده قال عايز حق حميدتي في كيكل وكيكل اصلا عسكري كان تابع للجيش وما اول جياشي اتمرد، اتمرد قبله جون قرنق وعثمان عمليات بس هو لانه جلابي عايزين يقيموا عليه الحد قلنا تاب ورجع، قالوا ما صاح يتوب ولا يقاتل مع الجيش طيب سيدنا خالد حارب الرسول وجيشه قتل حمزة سيد الشهداء .. والرسول ص قبل توبته واسلامه وسماه سيف الله المسلول وقال خيركم في الجاهلية خيركم في الاسلام المشكلة شنو لو نحن قلنا خيركم في الجاعزية خيركم في السودان
03-28-2025, 07:00 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22730
عمر التاج.. الكضب حرام .. بطل حركات الكويزات التضليلية دي.. كيكل ما كان جياشي وليس ضمن المؤسسة العسكرية وهو همباتي ومهرب سلاح وتاجر بشر معروف في البطانة الرتبة الماخدها دي رتبة خلاء سااي زيو وزي حميدتي وبقية ال دقلو وكان مقدم في الدعم السريع ورقى نفسه للواء خلاء مع الجيش.. عيب والله واستهتار منك بالمؤسسة العسكرية والكلية الحربية عندما تقارنه باللواء عثمان عمليات خريج الكلية الحربية ومن الطلبة المتفوقين المعروفين فيها.. لكنه نهج الكيزان وجريواتهم في اهانة الجيش وتمليشه وجعل كل من هب ودب يلبس الكاكي.. قاتلهم الله..
قلت لي كنت بتجاهد في وادي سيدكم ههههههه
ياخي تخ .. كدي في اللول جاهد نفسك عن الكضب
04-08-2025, 05:50 PM
عمر التاج عمر التاج
تاريخ التسجيل: 02-08-2008
مجموع المشاركات: 5317
هسة نحن في ابريل ٢٠٢٥ وصلتو وين مع كيكل وعشة الجبل عمر التاج ركز معنا كويس الانقاذ ما كويسة من ١٩٨٩ الله لا عادها لكن القحاتة سجم رماد هذه المرحلة خلاس بقينا علي تحرير دارفور وتلسيمها لاهلها الحقيقيين باقي الاقليم الشغل كده يد تبني..... يد تحمي البرهان ده يركب مكنة حركة شعبية اصلية ويستمر في هذا الاتجاه ما في حاجة اسمها الدولة مؤجلة والمؤسسات غايبة والتفلتات بتاعة الفلول دي ما بتنفع
الجيش يتبني برنامج نيفاشا الاصل ومعروف لحدي ٢٠١٩ او برنامج حسنين ودستوره في السودان الحر قحاتة علي جنجا علي امارات بياكلو نيم اعمار خدمات زي زمن نميري من غير فساد كيزان الجيش بكسب احترام الموطن البيسط من الان من اصغر قرية طاقة شمسية استار لنك موية نظيفة بيوت طوب وبلوك مدرسة شفخانة انتاج زراعي حيوني يحول الريف الي جنة وينتهي تورم المدن السرطاني الشغل ده بس داير صينيين انتهت قحت والدعم السريع والفلول ايضا كيزان كوعي عاطل غبي ما بنفع
احسن توعى الكلام ده كويس قبل يجو يتموكم التتار بالفصل السابع
04-10-2025, 07:48 PM
عمر التاج عمر التاج
تاريخ التسجيل: 02-08-2008
مجموع المشاركات: 5317
تحياتي أخ عادل الدولة قبل ما تفكر في بنائها وعمارها، يجب ان نعمل على حمايتها وتأمينها والحماية والتامين لا توفرهم لك نيفاشا ولا الحركة الشعبية ولا امريكا بل توفرهم بنفسك وجيشك وشعبك من قويا يحترمك الآخرون ويتركونك لحالك تبني وتعمر لكن حكاية تجيب المسطرينة والمحراث والمهندسين والفنانين وتجتهد عشرات السنين لكي تبني مجتمع الرفاهية وشواطئ الرقص، وتهمل جيشك ودفاعك يجوك جهلة زي الجنجويد ديل في شهر واحد يخلو لك البلد كوشة .. .. السافل التافه المنحط أنا حاليا مافاضي للتافهين دي عندي معركة مع رجال وبعد ما اخلص منها .. قسما بالله ما اخليك بتفهاتك دي الا يفصلني عنك الموت .. الان فقط نحفظ وننتظر..
Quote: ما انت يا امتن كضاب لا تستحي.. او جاهل متكبر .. قال شنو كيكل كان عسكري وتمرد زيو وزي جون قرن قال..
ودا كله عشان يحلل كلام كفيله الكوز الشبه بخالد بن الوليد فجاء جاري يسوي في سيف الله المسلول *يسلوهو منك ينقط يا عجل.
ـــــــــــــــــــــــــ * ما تفرح ساي قصدي السيف
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر التاج
adil amin
HAIDER ALZAIN
Bashasha
Biraima M Adam
محمود الدقم
Arif Nashed
كمال عباس
فيس بوك
تويتر
انستقرام
يوتيوب
بنتيريست