Ali @Bushara_A_Ali رسالة للقراء رمضان كريم وكل عام وانتم بخير وكل دعواتي ودعواتكم ان يعم السلام في السودان وتذهب الكراهية ويتحقق الإستقرار المهم انا في رحلة عمل شاقة ومعقدة ربما لا تتيح لي الزمن الكافي للتواصل معكم زي زمان .. وما أعتقد ح تفوتني حاجة كتيرة ، و من خلال قراءاتي للسقف الزمني لهذه الحرب يبقى هو بين 10- 15 سنة .. ناس مصر لن يرجعوا وناس السعودية الشاطر يشوف بورتسودان في اليومين ديل ، العدد الذاهبين للسعودية وبالذات العائلات اعلى من حقبة الحرب يعني بطول أمد الحرب ح يموت جيل كامل وح ينشأ جيل التكايا والحرب ح تكون مدورة لسا لو كانت الحرب هي بين حكومة أمر واقع في الشرق وحكومة موازية في الغرب تكونوا من السعداء .. .أبداً سوف تتوالد الحكومات في أنحاء السودان ... البرهان يعيش حلم السلطة مثل الملك " ماكبث " في مسرحية وليام شكسبير ... واللحظة عشان يعيشا إنسان ما بشوف غير نفسو ودا الحاصل الآن طيب المطلوب شنو ؟؟ المطلوب تعيشو الحياة ما غير تنتظروا نهاية الحرب وأرض الله واسعة وأياي فأعبدون وما تفتكروا الطماطم الببيعو صفيحتا بالف جنيه في بحري بتدل على عودة الأمن والإستقرار ... عمرو الحياة في مدينة بحري ما كانت مربوطة برخص سعر صفيحة الطماطم ودي دعاية احسن منها بصات الإنصرافي وجية هيثم عيشة الحرب دي منحتكم فرصة تشوفو العالم برا ولو توفر ليكم - محل قاعدين - الأمن والأستقرار والعلاج والتعليم لاولداكم خليكم قاعدين في مكانكم واشكروا الله على هذه النعمة ... كل السودانيين ح يكونو عايشين بكلية واحدة لو رجعوا للسودان بسبب الكلور والموية العكرة المهم تواصلي معاكم ح يكون حسب التوقيت وظروف العمل ولو سالتوني بصراحة.. انا شايف متابعة تصريحات دونالد ترامب احسن من متابعة القضية السودانية ... واي منتج في العالم عندو تاريخ صلاحية وحتى ناس نزار بقداوي ديل ح يشتتو في يوم ما وتغيب اخبار السودان عن دائرة الإهتمام الإعلامي زي ما حصل مع الصومال ... المهم دا ختام اليوم دا لحدي ما نلتقي تاني
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
Hasheem Karouri
فيس بوك
تويتر
انستقرام
يوتيوب
بنتيريست