على البرهان حسم جنجويد سواكن قبل الضعين

Quote: نداء عااجل لاخونا البرهان😭 حكى لي صديق انو جاء من جدة لبورسودان عبر الباخرة المهم في المنطقة المخصصة لإستلام الأمتعة إتفاجئ انو كل متعلقاتو قام بسحبها عامل من الميناء ووصلها برة … ولما جاء ياخدها قال ليه تدفع حق السحب … قال ليه طيب انا ما طلبت منك تعمل كدا المهم عشان يتجاوز النقاش الكتير قال لي داير كم … العامل طلب 5000 الف اخونا عاوز يديه المبلغ اتفاجئ انو قاصد 5000 ريال ما جنيه … وامثلة كتيرة شديد واسوأ من دي بتحصل في الميناء بالتحديد … كل مقيم في السعودية تطأ قدمه ميناء سواكن يعلم انه مقدم على معركة بمجرد نزوله من الباخرة نعم معركة امكانية الخروج منتصرا مستحيل تماما لأنهم سيتكالبون عليك وينهبون حقك ان لم تتدفع لهم الجباية التي يطلبونها من وفدية الوصول الي أهلك سلاما يتفقون معك بالجنيه السوداني وبعدها ينكصون ميثاقهم ويقولون لك اننا اتفقنا معك بالريال السعودي يطلبون مبالغ خرافية ازاء خدمة يمكنك ان تقوم بها لوحدك لولا الخوف من السرقات فقط ايصال الحقائب من الباخرة للصالة سيكلفك ما يقارب المليار سوداني.. ميناء سواكن لا يقل سوءا عن اي منطقة سودانية دخلها الجنجويد فهو ذات اذلال المواطن السوداني ذات سرقته وسلب حقه وإبتزازه وهو لا حولة ولا قوة له..

Quote: مشرف القطاع الشرقي ومدير شرطة ولاية البحر الاحمر يقفان علي التدابير الصارمة لحسم المظاهر السالبة بميناء سواكن

Quote: تصدق الشغلة دي مدورة من قبل الحرب برضو عايشتها بنفسي في سواكن عفشك ما تقدر تستلموا إلا بعد مدافرة عمال التفريغ بحاولوا يطولوا موضوع التسليم ليوم كامل حتى لو وصلت الباخرة في مواعيد كويسة عشان يدبلوا اليوم ده كله شغل اداري بحت مفروض اجهة المسؤولة تتولى امره وتصحيحه وليس الجيش القبلية متأصلة جدا في شغل الميناء

Quote: الميناء مؤسسة قومية ويفترض يدار ويؤمن من قبل جهات سيادية اعلى من مستوى الولاية ..

Quote: مبارك الفاضل : تفشي الفساد في سلطة بورتسودان بصورة غير مسبوقة. ⭕️ مبارك الفاضل : السماح بتصدير كميات كبيرة من النحاس المسروق من كوابل الكهرباء في الخرطوم. ⭕️ مبارك الفاضل : أوقف مجلس الوزراء المكلف تصدير النحاس بعد تدخل الامن الاقتصادي لكن رغم ذلك استمرّ تصدير النحاس بكميات كبيرة بعد حصول المصدرين لاستثناءات من جهات عليا.