هذا ما سيحدث في الخرطوم

Quote: قسما بالله نحن تعبنا مع نقل المويه من الابيار وانعدام الكهرباء ده گلو كوم وعدم الامان كوم تاني ياجماعه نحن مابننوم مرتاحين نحن نومنا مزعزع انت في بيتك وخاائف لانو في اي لحظه بتلقى جنبگ دعامي بي سلاح انت خاائف علي اسرتك والشغله كتمت وعصرت أكتر من اول انت م بتقدر تتطلع وتشتغل وتخلي اطفالك وأمهم في البيت براهم ولا بتقدر تقعد تحرسهم لكين برضو نرجع ونقول لي خير الحرب دي كشفت لينا جيران اوسخ منهم الله ماخلق جارگ بقى يبيعك عادي عشان كم قرش !!! انا ولدي عمرو16سنه ساقوهو ومامعروف مكانو لحدي الان انتو قادرين تتخيلو معاي كميه الالم ولدي الليله تم سنه وثمانيه شهور كل مره زول بقول لي شفتو في القياده وشفتو وين وانا جاري كل مره وافتش عنو لكين للاسف مافي منو اثر لكين زي مابقولو الميت أبين من الحي لو كان ميت كان ظهر لكين طالما هو بخير الحمد لله بعيد عن انو بعذبو فيو أنا مجوعنو أو مع البرد ده متغطي ولا م متغطي بعاملو كيف ؟ بضربو ؟ بيدهو يأكل كويس؟ ودائما في بالي سؤال واحد هل ح أشوفو تاني ؟؟ هل ح نتلاقا تاني ولا ده خلاص الفراق الاتكتب .....انا زوجتي السنه وثمانيه شهور دي م قعد تنوم ولو جات كديسه ب الحيطه نص الليل بتقول ده هو جاء الحاجه العرفتها أنهم م عايزين قروش عايزين بس يحرقو قلوب أمهاتهم عليهم استودعه الله الذي لا تضيع ودائعه #انقذوا الگلاكله