اولاد ام زقدة! القوني آمن وقال ليكم:

Quote: من اغتنم فرصة الخروج فاليخرج

Quote: نبذة أولاد أم زقدة لا تشبهك

Quote: وكفي بالموت واعظاً .. نسألك يا شيخ الكنزي: هل الموت الذي يموته الشعب السودانى .. هل هى مسألة نحن مخيرين فيها أم مسيرين؟

Quote: ليتهم يسمعونك اخي محمد نور ونحن مقبلون على العيد ليس للاطفال فرحة هذا العيد فمن لم يمت مقتولا هو او امه او ابيه او اخته او اخيه فإنه قد حرم من فرحة العيد التي تبدأ باصطحابه للسوق لشراء هدية العيد ومن ثم مرافقة ابيه لفناء الحي لاداء صلاة العيد اعظم مصائب امة السودان ان من يتقدمونا هم اراذلنا

Quote: ود أم زقدة حقيقة انا لا أعرف ما هي هذه الزقدة التي نستخدمها في العبارة أعلاه .. لكن العبارة بصفة عامة تعجبني لانها تطلق على الشخص المتنطع المدعي .. الذي يعمل فيها اذكى خلق الله ويستخف بالآخرين وخاصة بعدما يقع في شر أعماله ولا يتحمل النتائج .. واحكي لكم حكاية واحد من ابناء هذه الزقدة .. بعد الحاح من الزوجة في قضاء الاجازة مع اهلها وحضور زواج اخوانها وافق على مضض ولكنه اضمر شرا .. اخذ سلفية من العمل ودبر لها حالها هي وعيالها لمسألة سفرها للاجازة .ولكن اشر لها في الجواز خروج نهائي .. ومن باب التمويه قطع لها تذاكر ذهاب وعودة ... بعد ما سفرها جاء فرحا يفرك في يديه اول خطوة عملها فك الشقة وباع اثاث البيت ورحل سكن مع اصحابه العزابه وتفرغ للكتشينة تماما . مرة حريق ومرة وست ومرة هارد ..استمتع بانتصاراته وهو مرتاح من تلفونات زمان من نوع ( قوم تعال هسع البت دي عندها حمة .او ولدك دا جرحتو قزازة .. ) تذكر ايام كان يرمي ورق الكتشينة يسب ويسخط .. الآن اتفرغت ليكم يا اولاد الذين (عشرات بالعشرات).. اما هي بعد ما استمتعت بالاجازة والاعراس والحفلات قررت العودة حضرت الى العاصمة جهاز المغتربين لتؤشر للخروج تفاجأ بأن ناس التأشيرة قالوا لها انها جاية بخروج نهائي و ما لها طريقة للعودة ... عرفت نواياه لم تتصل به او تستفسر منه ولكنها اخذت الجواز وراحت السفارة ( وحنكت القنصل) اقنعته ان الخطأ من ناس الجوازات بدليل ان زوجها قطع لها ذهاب وعودة وأرته التذاكر وان اولادها بالمدارس .. لان حجتها قوية اقتنع القنصل وعمل لها تأشيرة دخول استثنائية .. عادت واشرت الخروج .. وفي عصر جمعة صاحبنا ماسك ورق كتشينته مستعدا لكسب عشرة الحريق واحد من الزملاء قال له .. انت الواقف في الباب دا ما ولدك وليد يا ابو وليد ..؟؟ - يا راجل العب لعب نزيه خلاص الحريق حرقك عايز نغش كمان عايزني التلفت وتسرق جوكر . -ياخ عاين وراك بالجد الواقف في الباب دا ما ولدك ؟ -يا راجل العب لعبك ولدي في السودان تلاقيه يلعب بلي في ضل النيمة هسع .. لكن لم يطق الطفل صبرا فنطق - ابوي ؟؟ - ابوك ؟؟؟ والتفت .انا اخو الرجال يا ولد الجابك هنا شنو ؟ - جابتني الطيارة والليموزين . قام مهلوعا تناول جلابيته من مسمار في الحائط لبسها فوق العراقي .. -يا ابو وليد جلابيتك دي مقلوبة .حاتزررها كيف ؟؟. لم يسمع نزل مسرعا لاهثا جارياو اسفل العمارة وجدها تنتظره في الليموزين والشرر يتطاير من عينها وقالت ياولدي الضرب عليك هو المكتوب ..و - يا ولية جيتي كيف ..؟ وو - هسع دا ما وقته تعال حاسب بتاع الليموزين دا بعدين نتفاهم .. - الشقة انا فكيتها وكمان بعت العفش .. - تشوف لينا شقة مفروشة جمب مدارس الاولاد وتدبر حالك و انت عملت خيانة لازم تدفع تمنها .. انت لو عاوزنا ما نجي راجعين ماكان تقول لينا من أول . نحن عاجبانا خلقتك دي يعني .. تحرجني مع اهلي ؟ شهر يدبروا لي في حاجات السفر وفي النهاية اجيهم راجعة بعيالي .. انت لو ما عاوزنا نقعد معاك خلينا نكمل سنتنا دي انا بتحملك فيها وحا اوريك يعملوها كيف في الاجازة الجاية ياخاين يا مستهتر يا ما عندك نخوة ولا مروة رجال .. تعال حاسب بتاع الليموزين دا خليه يمشي ... ***************************** أها دا ود أم زقدة ولا ما ود أم زقدة ؟؟؟ قصة واقعية بتصرف .. All reactions: 6