|
|
|
 Re: مع خالص الحزن: هذا الوطن الجميل سوف لن يسع (Re: أبوذر بابكر)
|
سلام يا عزيزي أبا ذر
مقاربتك بين ما حدث في السودان في حكم المهدية وبين ما حدث ويحدث الآن من حرب يحتاج إلى ضبط.
فخذ مثلا قولك:
Quote: ثم
النصف الثاني من مقاربة مصائر أهل السودان
عبد الفتاح عبد الرحمن (البرهان) ونائبه محمد حمدان (حميدتي)
استولى الإثنان على الحكم، ثم اختلفا بعد برهة وجيزة على اقتسام ما استولوا عليه، حسبما هو معلوم للجميع ولم يعد هناك سبيل للتوافق ولم يتوفر حل بينهما سوى تصفية وتسوية الأمر بالمبارزة، فكانت الحرب
وبعدها أيضا، تمايزت الصفوف وانقسم العباد الى قسمين اثنين، ومضت تداعيات الحرب من قتل وتخريب وتدمير وتشريد واضطهاد وتعذيب الى آخر صنوف البؤس والعذاب وكل ما يمكن أن يكتب ويصنف تحت باب الهلاك |
البرهان وحميدتي استوليا على الحكم بعد إزاحة البشير، ثم اختلفا. أما المهدي فقد التمس نصرة قبائل غرب السودان، ومنهم خليفته عبد الله، لهزيمة المستعمر التركي المصري وطرده
من السودان. ولم يختلف المهدي وخليفته على شيء، بل إن كليهما كان يعمل على نشر المهدية حتى مصر والحجاز ومن بعدهما إلى كل المعمورة.
بذرة الحرب السودانية وضعتها دولة الإمارات التي أرادت، في ظاهر الأمر، إقصاء الحركة الإسلامية من حكم السودان، خوفا من تمدد الإسلاميين نحو الخليج لتغيير أنظمة الحكم فيها، ولكنها كانت تبطن السيطرة على السودان واستعماره لتحقيق مصالحها في الأرض والثروات المعدنية والموانئ. فتآمرت مع بعض جنرالات البشير لإزاحته عندما رفض الاستجابة لطلبها بإبعاد الإسلاميين. بعد اندلاع حرب اليمن، عاصفة الحزم، في مارس 2015 أظهر حميدتي، بقوات الدعم السريع، نجاحا في تلك الحرب إلى جانب السعودية والإمارات، منذ العام 2017، بدأت الإمارات تخطط لتمكين حميدتي من حكم السودان لتحقيق مصالحها آنفة الذكر. كان حميدتي يستخدم جنودا من قبائل دارفور العربية، ومن عرب تشاد والنيجر ومالي ودول أخرى. انظر الروابط أدناه
الإمارات دربت "الدعم السريع" بذريعة القتال في اليمن.. هذه تفاصيل زيارة "حميدتي"الإمارات دربت "الدعم السريع" بذريعة القتال في اليمن.. هذه تفاصيل زيارة "حميدتي"
رويترز تقرير خاص-سقوط البشير كان محتوما بعد تخلي الإمارات عنهرويترز تقرير خاص-سقوط البشير كان محتوما بعد تخلي الإمارات عنه
لوموند: الإمارات قوضت إرساء بديل ديمقراطي في السودانلوموند: الإمارات قوضت إرساء بديل ديمقراطي في السودان
عملية المسيح -أضخم نقل جوي فى تاريخ السودان لنقل قوات الدعم السريع لمدن السع...دية واليمنعملية المسيح -أضخم نقل جوي فى تاريخ السودان لنقل قوات الدعم السريع لمدن السع...دية واليمن
وول ستريت جورنال: الإمارات تنشر الخراب في السودان بتمويل المرتزقةوول ستريت جورنال: الإمارات تنشر الخراب في السودان بتمويل المرتزقة
تحقيق ألماني: الإمارات مركز للمرتزقة في أفريقيا والشرق الأوسطتحقيق ألماني: الإمارات مركز للمرتزقة في أفريقيا والشرق الأوسط
| |
  
|
|
|
|
|
|
|
|
Re: مع خالص الحزن: هذا الوطن الجميل سوف لن يسع (Re: Yasir Elsharif)
|
مراحب دكتور المليح
هي مجرد مقاربة، وليست مقارنة، في ما آل اليه الحال بعد اختلاف قائدي الجيش والدعم
والتقارب والتشابه يأت تحديدا بعد حدوث الانقسام تحديدا وليس قبله، ثم تحزب كل فريق في جهة وناحية
والمعني ايضا بشكل اكثر تحديدا هو
انحياز قبائل ومجموعات سودانية بعينها، جهويا ومناطقيا، لهذا الطرف او ذاك
مع التحية
| |
|
|
|
|
|
|
|
|
|
Re: مع خالص الحزن: هذا الوطن الجميل سوف لن يسع (Re: أبوذر بابكر)
|
فلنقبل ولو مؤقتا بفكرة أن هناك تشاحنا وتباغضبا بين مجموعتين كبيرتين من السكان في السودان
تجعل عيشهما المشترك في وطن واحد أمر صعبا إن لم يكن مستحيلا
مجموعتان متشاحنتان ما حاجة حديدة في هذا العالم
دي حاجة حصلت في دول كتيرة
وبعد إحتكاكات تصل لدرجة الحرب الأهلية
يرضي الأخوة المتشاكسون بالعيش المشترك في بلد واحد
خد عندك أمثلة الكاثوليك والبروتستانت في فرنسا وفي بريطانيا
والفلاندرز والوالوون في بلجيكا
وبين إيطالي الشمال وإيطالي الجنوب
وبين شرق ليبيا وغربها
وبين التوتسي والهوتو في رواندا
وبين قبائل الصومال
كل هذه التجارب بتقول حاجة واحدة
وهي أن الدول والمجتمعات بتصل لمسألة المواطنة المتساوية في وطن واحد
ولكن بصعوبة شديدة
أشقياء يتعلمون من تجاربهم المريرة ولا يتعلمون من تجارب الأخرين
في الشأن السوداني
الحاجة الحاصلة دي بالتحديد
هي محاولة بائسة لإيقاف تحارب إنصهار ووحدة قومية شغالة ليها مئات إن لم يك آلاف السنين
إنها فتنة مصنعة رأس الرمح فيها ما يسمي بالكليبتكراسي السودانية
(الكليوبتراكسي نسخة بالغة السؤ من الريعية، فالمجموعات الريعية في الخليج أثبتت أنها أكثر حرصا علي قدر من التطور والحداثة )
مجموعات النهب والتي خالفت نهج التنمية والتطور الرأسمالي والذي تنامي ويتنامي منذ زمن بعيد
وأزدهر فعلا في أيام الإستعمار البريطاني علي السودان
محموعات النهب عينها علي ثورة تنهب وبسرعة وبسهولة زي تعدين الذهب وتنقيب النفط
وما عندها وقت لزراعة وتصنيع
ما عندها وقت ولا مزاج لتطور رأسمالي ولا أشتراكي
مجموعة النهب هذه وجدت أن أنسب الطرق لنهب السودن هي إثارة الفتن بين السكان
لينشغلوا عنهم وشركاتهم التي تنهب ثروات البلاد
هي فتنة
قتنة قاتلة ولكنها مصنعة
ويستطيع أهل السودان تجاوزها
نحتاج لصبر الانبياء وحكمة الفلاسفة وعناد المقاتلين
وبنعبر
(مصطلح كليوبتكراسي اكثر دقة وعلمية من مصطلح الرأسمالية الطفولية الذي يهيم به الماركسيون السودانيون)
| |
|
|
|
|
|
|
|
|
|
Re: مع خالص الحزن: هذا الوطن الجميل سوف لن يسع (Re: Nasr)
|
عوافي يا نصر
نعم كل الأمثلة الإنت قلتها صحيحة ومدعاة للتفاؤل
لكن
الشي الحصل في السودان استثناء فارق
وتحور خطير وكبير لحالة الشقاق والخلاف والاختلاف الإنساني العادي والطبيعي
كل الأمثلة دي كان فيها تجاوزات وتطرف وسفور في العداء والقتل المتبادل
لكن انت وانا وكلنا اكيد عارفين سيكولوجية وتكوين الإنسان السوداني المختلفة تماما عن كل شعوب الدنيا
ولما نخت عليها حجم وفداحة وفظاعة الشي الحصل
بكل سهولة ممكن نستبصر ونستنتج ونتوقع ردة الفعل وحجم الإحساس بالمرارة والغبن
انا علي يقين تام وراسخ انه الإنسان السوداني بختلف عن كل البشر التانين في حاجات كتيرة
وردة فعله تجاه كل شي واي شي ما زي ما هي عند الآخرين
كل الدلائل والمؤشرات بتقول كدا
وما اظن المرة دي الشينة تتكضب
والله انا شخصيا بتمنى كل كلامي يطلع غلط
رغما عن قناعتي الجات من الناس الشفتهم وسمعتهم وعرفت حجم الغل والغبن والمرارة الاتخلقت جواهم
وبرضو خلينا نقول
الله يكضب الشينة
| |
|
|
|
|
|
|
|
|
|
Re: مع خالص الحزن: هذا الوطن الجميل سوف لن يسع (Re: أبوذر بابكر)
|
بالبلدي
وبمنطق ومعاني الاشياء المباشرة، المحسوسة والملموسة
القاعدة ولابده في العقل الباطن، والظاهرة ومارقة عيان بيان
مافي زول طبيعي وعادي
بقبل تاني يعيش ويتعايش
في الحلة وفي الفريق
في القرية والمدينة
في السوق وفي الشارع
في الخلوة والمدرسة والمعهد والكلية
في الزراعة وفي المراعي
في دار الرياضة وفي القهوة والمطعم
في الوزارة وفي الادارة
في الأعراس والبكيات
وحتى في الأحلام
مع زول
هجم علي فجأة جوه بيتي
ضرب ابوي واهان أمي
ارعب الأطفال والصغار
اغتصب البنات
وطردني من بيتي
وكل دا وداك
بدون اي سبب ولا مبرر
واكيد ما كان اشجع ولا ارجل مني ومنك ومنهم
كل الحكاية انه جاك وهو متأبط سلاح ناري وآلي وقاتل
وانت وهو وهي وهم ونحن
عزل الا من اسامينا وسحناتنا الوان جلودنا
وفوق دا
يسرق وينهب كل ما تملك في الدنيا
قريشات ودهيبات وغنيمات وبقيرات
وذكريات واغنيات وأمنيات
ودا كله كمان لو انت وانتي وهم وهن
كنتو محظوظين وما ادوكم طلقة في الرأس او القلب
زي المسكينة توحيدة بت علي ود فضل الله
قالو ليها جيبي الدهب والقروش
قالت ليهم يا اولاد أمي، اي والله كدا، يا اولاد أمي
انا كان عندي دهب وقريشات كنت زمان مرقتها في مصر ولا بورتسودان زي باقي الخلوق المرقو
ادوها يمكن كم وعشرين جلدة بي سوط العنج
ولما السوط ما فش الغبينة
ادوها تلات طلقات كلاشنكوف في صدرها
وماتت
وزي بخيتة بت عمي يوسف
دي كمان ماتت ب الخلعة ساي، اي والله قلبها وقف بس لما ما قدرت تستوعب وتفهم الشي والمشهد الكان قدامها وهي بتعاين لي بناتها وهن قدامها
الأمثلة كتيرة وحزينة
ووقتها جاي لسه
وكلها ما فيها غير تكريس استحالة التعايش
ما فيها غير ضيق الوطن الكان رحيب وحبيب
بي اهله
| |
|
|
|
|
|
|
|
|
|
Re: مع خالص الحزن: هذا الوطن الجميل سوف لن يسع (Re: أبوذر بابكر)
|
العالم دا فيهو قسوة مبالغ فيها
الإنسان لم يتوحش ببقي أكعب من الشيطان
دونك ما فعله الهوتو في التوتسي
ومع ذلك تصالحوا
الزنوج الأمريكان تعايشوا مع البيض الذين أذلوهم وأضطهدوهم لقرون عددا
السودانيون ليسوا إستثناء
لا في القسوة
ولا في القدرة علي التجاوز والتناسي والتعايش مع عدو الأمس آكل الأكباد
| |
|
|
|
|
|
|
|
|
|
Re: مع خالص الحزن: هذا الوطن الجميل سوف لن يسع (Re: Nasr)
|
سلام اخ ابوذر,
قبل 140 سنة, نقول الناس على قدر حالها وما عندهم مفهوم الدولة و الوقت داك الهوية القبلية طاغية, اها الان نصف الشعب شايلو شهادة (د) و حايم بيها و يتفاصح و مع ذلك المفهوم البسيط ماذا تعنى الوطن لا يستوعبونه رغم ان الكل منبهر بنموذج الدول الغربية و كيف انها كيفت مجتمعاتها على اساس المواطنة و ليس القبلية و لكن ذات الاشخاص عندما يعودون للسودان للمساهمة فى البناء, تراهم يعودون الى نقظة الـ 140 السابقة.
و لذلك نتفق معك ان اناس بهذا المستوى لا يمكن يبنو وطنا, فقط هدمه.
| |
|
|
|
|
|
|
|
|
|
Re: مع خالص الحزن: هذا الوطن الجميل سوف لن يسع (Re: Mahjob Abdalla)
|
ازيك يا محجوب وكيف الحال
كلامك صحيح وسليم تماما
مفهوم الدولة والمواطنة والإنتماء ما كان حصل بالشكل والمعنى المعروف
وكان مجمل الإنتماء للقبيلة تحديدا
القبيلة كانت هي الدولة والمرجعية الوحيدة
وكل الفظائع الحصلت قامت واستندت على المفهوم دا
أنا اتكلمت كتير جدا عن القبلية في موضوع
نقد العقل السوداني
يمكن تكون قريته هنا في المنبر
وللأسف لسه كل البواعث والمنطلقات في حياتنا كلها في السودان قائمة على القبيلة
ولو لاحظت الشي دا زاد واستشرى بشكل كبير ومؤذي في فترة حكم الانقاذ
وكل الحاصل الآن كان ممكن ما يحصل لو نحن اسسنا دولتنا على اسس المواطنة والمساوة التامة وقبول الآخر
لكن للأسف دا ما حصل
والآن حان موعد الحصاد المر
| |
|
|
|
|
|
|
|
|
|
Re: مع خالص الحزن: هذا الوطن الجميل سوف لن يسع (Re: أبوذر بابكر)
|
Quote: مافي زول طبيعي وعادي
بقبل تاني يعيش ويتعايش
في الحلة وفي الفريق
في القرية والمدينة
في السوق وفي الشارع
في الخلوة والمدرسة والمعهد والكلية
في الزراعة وفي المراعي
في دار الرياضة وفي القهوة والمطعم
في الوزارة وفي الادارة
في الأعراس والبكيات
وحتى في الأحلام
مع زول
هجم علي فجأة جوه بيتي
ضرب ابوي واهان أمي
ارعب الأطفال والصغار
اغتصب البنات
وطردني من بيتي |
المسالة بقت صعبة للاسف فعلا والصبر فات حده
| |
|
|
|
|
|
|
|
|
|
Re: مع خالص الحزن: هذا الوطن الجميل سوف لن يسع (Re: أبوذر بابكر)
|
Quote: بالبلدي
وبمنطق ومعاني الاشياء المباشرة، المحسوسة والملموسة
القاعدة ولابده في العقل الباطن، والظاهرة ومارقة عيان بيان
مافي زول طبيعي وعادي
بقبل تاني يعيش ويتعايش
في الحلة وفي الفريق
في القرية والمدينة
في السوق وفي الشارع
في الخلوة والمدرسة والمعهد والكلية
في الزراعة وفي المراعي
في دار الرياضة وفي القهوة والمطعم
في الوزارة وفي الادارة
في الأعراس والبكيات
وحتى في الأحلام
مع زول
هجم علي فجأة جوه بيتي |
سلام ابوذر,
بالمناسبة هذه المداخلة غيرت مفهوم البوست مقارنة بالمداخلة الاولى.
الحصل ده ما فجأة ابدا. ده زى ما تكون جبت ليك جريو صغيرون و مؤخرا عرفت انو جنى مرفعين لكن قلت خير نربيهو احتمال يأخد طبع الكلب و لكن تفأجات فى يوم من الايام مسح ليك زريبة الغنم.
على كل حال, الذى جمع حميدتى و البشير و البرهان هو حمية القبيلة (العربية العريضة) مقابل اهل السودان من غير العرب. اذا ما هو مقاس تفصيل الوطن الذى سوف يسع البعض بداخله و البعض الاخر الغير مرغوب فيه؟
كيف تفرزهم فى الفريق و الحلة و المعهد و الكلية؟
| |
|
|
|
|
|
|
|
|
|
Re: مع خالص الحزن: هذا الوطن الجميل سوف لن يسع (Re: أبوذر بابكر)
|
Quote: حيكون اكيد بناء علي مين الارتكب الفظائع دي
بغض النظر عن الانتماء العرقي الإثني او الجهوي |
يا عزيزى ابا ذر,
كدا انت دخلت درب البوست فى الالمى.
اها كلنا نعرف بقال و ود ملاح و النقيب المتمرد على قادة الجيش.
الباقين ما فيهم وسم (وشم) خالص, يعنى لو اكلو معاك فى صحن واحد ما ح تعرفهم.
المهم, انتبه شديد فى زمن الميديا هذا و الكل يقوم بالتأثير الاعلامى المتاح. زمان بقولو عبدالناصر او جهاز امنه, اول من ادخل فكرة انتاج الجريمة المصورة لاشخاص ذو لحى طويلة هم فى واقع الامر اعضاء جهاز الامن.
الان يقال فى بعض المصادر ان عمليات الذبح و التصوير فى الكامبوهات ذاتها جزء من خطة سواقة الناس بالخلا حتى نصل مرحلة رواندا.
قبل 20 سنة تقريبا عندنا هنا فى كندا حادثة سموها (Toronto 18). اولاد صغار طلبة جامعات, لم فيهم واحد مولانا كبير ذو لحية و يصلى بهم و قام بأختيارهم بعناية لتكوين خلية ارهابية و طرح لهم فكرة تفجير البرلمان الكندى و ذبح رئيس الوزراء و عندما استوت العملية و قبل التنفيذ, طلع الشيخ هو المخبر. الاولاد ديلك كلهم اخدو ما بين 15 الى 20 سنة و الشيخ طلع خبير الارهاب و كل يوم و التانى بستضيفوهو فى الراديو حتى تاريخ اليوم.
| |
|
|
|
|
|
|
|
|
 Re: مع خالص الحزن: هذا الوطن الجميل سوف لن يسع (Re: أبوذر بابكر)
|
حبيبنا المحجوب
إطلاقا مافي لبس ولا اختلاط في الفكرة والفهم
كل المقصود، وإن كان بصيغة التعميم، هو انه من اجرم وثبت عليه إيقاع فعل الجرم
كيف ما كانت وسيلة الإثبات، سواء بشاهد عيان عدول، او قرائن دالة او غير ذلك كله من وسائل الافدنسنج
تتوجب محاسبته
المحاسبة هنا لما نركن ونعتمد علي القانون الرسمي المعتمد
لكن وزي ما انا قلت، وفي حالة الأفراد او حتى الجماعات العايزه تاخد حقها بي ايدها
هنا اكيد بختلط حابل الشبهة بنابل الاكيدة
ودا هو النحن خايفين منه فعلا
٩
| |
|
|
|
|
|
|
| |
أبوذر بابكر
حيدر حسن ميرغني
Yasir Elsharif
Nasr
Mahjob Abdalla
ترهاقا
فيس بوك
تويتر
انستقرام
يوتيوب
بنتيريست