(adsbygoogle = window.adsbygoogle || []).push({}); السلام عليكم طلب منى بعض الاحبة ان اواصلفى بوست المرحوم الحبيب فيصل محمد خليل( تعالو شوفو معي وادي حلفا قبل الهجرة )ترددت .. لانى ليس ف مقامه و فكره و مكانته .. ... و لكن جبر الخواطر مهم كمان فقلت ابدأ هذا البوست الشامل للنوبة ..ليتم و يواصل معى بقية الاخوةو لنحاول نجعله مرجعا .. او موثقا .. او متكأ .. او ذكرى لفيصل و لمن كان قبله فالعتبى لكم جميعا .. و العذر و السماح لمن لم يعجبه البوستفالنلتمس العذر لبعضنا البعض .. و نكون اخوة احبة فى وطننا السودان الواحدمودتى و تقديرىبدران
الحبيب بدران تفادي تدبيل الفيديوهات بالأتي .. أعمل كوبي أند بست مباشر للفيديو .. دون أن تضغط ذر url .. بعدين أنظر تجد أبعاد الفيديو 315 و 650 .. غيرهم إلي 615 و 850 .. حتى يكون الفيديو كبير شويه ..
بريمة
09-18-2024, 11:44 AM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
فعلا المرحوم فيصل لم يكن هينا و المهمة شاقة لذا طلبت و اطلب من الجميع معاونتى و اهو انت يالحبيب بريمة اول من نجدتنى لك التقدير و المحبة التى تعلم ... ربنا يسهل مودتى و تقديرى
09-18-2024, 01:23 PM
خضر الطيب خضر الطيب
تاريخ التسجيل: 06-24-2004
مجموع المشاركات: 9014
العزيز بدران مشكور جدا علي فتح الموضوع ده، وانا سعيد جدا ادير معاك حوار هادئ علي غير عادتنا، فرجاءا طول بالك معاي، لانو كلامي مختلف صادم جدا لي طريقة تفكيرنا الحالي، نعم تصوراتنا المسبقة الحالية، ل"النوبي"!
اولا من باب الأمانة والصدق معا الذات قبل القارئ: أنا بشاشا كنتا من رواد الحراك الحالي لما وصل قمتو في الثمانينات. نعم كنتا سكرتير اللجنة الثقافية لاسبوع التراث النوبي، نعم كعضو في جمعية الدراسات النوبية، وانا طالب في كلية غردون، متخصص في مجال تاريخ السودان ثم الفلسفة.
بناءا عليه فعارف بقول في شنو من جوا الجوا، والزمن داك اسبوع التراث النوبي كان شئ طخم جدا جدا علي مستوي الشارع.
ولكن بعد ماجيت امريكا عاصمة الحراك الكوشي، عرفتا وللمرة الأولي كيف الكنتا بعمل فيهو في السودان كجريقيس مركزية اوربية، فعلا كان جريمة، مش غلط بس!!
هذا كان ملعوب، نعم سايقننا من الاضنين بالخلا، ونحنو لاندري!
لهذا ارجوكم طولو بالكم معانا لانو ده موضوع مركب ضخم، بالذات ونحنو علي وشك الخروج من الكوما، نعم الغيبوبة الحالية الممتدة بطول وعرض أكثر من ٦٠٠ سنة!!
نواصل.. بعد قليل..
09-18-2024, 05:35 PM
Bashasha Bashasha
تاريخ التسجيل: 10-08-2003
مجموع المشاركات: 26616
اي افريقي نوبي، فل استوب!! حكاية حصر النوبيبن في امثالنا في اقصي الشمال، نعم في المحس ثم الحلفاوييين ثم الدناقلة، فدي لعبة قذرة جدا روجو ليها ووضعو اساسا قادة المعسكر الاخر في الحرب الكونية هذه المدورة حول ارثنا الحضاري بطول وعرض ال٢٠٠ سنة الماضية، اي معسكر المركزية الأوربية، أو نحنا اكلنا الطعم، بحكم مركب النقص الجوانا أو هم واعين جدآ بالمصيبة دي، انطلاقا من وعينا القبلي الحالي، الاستلابي العروبي المولع بلدنا الي الثانية!!
رجاءا ثم رجاء، لازم نطلع من الحفرة دي رجاءا!
نعم هو ماصدفة اسم "نوبة" التصق عبر القرون وحصريا، في اهلنا نوبة الجبال تحديدا، ملوك المغرة، رماة الحدق، اي "الدناقلة" حصريا بالفهم القبلي!
بناءا عليه إذا نوبة الجبال نوبة، وامثال العزيز بدران في الشمال نوبة، اها المانوبي ده، منو؟
غير كده حقائق التاريخ المجردة طبقا لاجدادنا يثبت هذا!
لهذا فرجاءا ركزو علي الثقافة مش لون الاضان!!
نواصل...
09-18-2024, 06:06 PM
Bashasha Bashasha
تاريخ التسجيل: 10-08-2003
مجموع المشاركات: 26616
بناءا علي اعلاه، حصر "النوبيين" في الشماليين أو في الشماليين في مجموعة محددة، فهذا اسقاط، تنزيل لي طريقة تفكيرنا الحالي كمستعربين نعم مستعبدبن علي مستوي الوعي، والسلام.
حنجيب الادلة البتثبت كلامنا ده وعلي نحو قاطع، نهائي معا التسليم كيف الموضوع ده أصلا ماموضوع منطق أو أدلة اطلاقا!
نعم هو شئ نفسي، وطريقة تفكير محددة انطلاقا من تصورات مسبقة خاطئة!
الكلام ده للأجيال الجاية!
اما امثالي، فده موضوع بايظ ولامعني له اطلاقا اعترف!!
في الجامعة اعترف كمسؤول من اسبوع التراث النوبي، كانت هناك علامة استفهام كبيرة في راسي، لانو ده كان نشاط خاص وحصريا بامثالي نعم "المحس"، "الحلفاويبن" ثم "الدناقلة"!
لما سالتا شيخنا في الزمن داك دكتور علي عثمان وهو من اهلنا "المحس" استغرب جدا من مجرد السؤال عن بقية السودانيين هل "نوبة" ام لا، لانو الي اليوم، ده ماعايز سؤال زاتو للاسف!
09-18-2024, 06:05 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1723
يا احبابي، مهم جدا جدا جدا، نفهم المرذولين، ملفوظين، مضطهدين، مستعبدين في السودان المازال مصري اي "النقرذ" كما ينمطون رسميا حتي في اعلام اتحاد صحفيي ثورتنا، هم المثلو نموذج انسان الحضارة الكوشية النوبية، في كل غارات عالم اليوم، وباكثر من نموذج امثال بشاشا اي النوبيين حصريا كما نتوهم للاسف الشديد!
ليه؟
هم كانو الاغلبية، في كمت اي "مصر" ونوبيا اي سودان اليوم وبمثلو نموذج اول انسان خلقو رب العزة، مشي علي قدمين اي الAnu بالانجليزي قوم اب الانبياء، جدنا اؤسار، واصل Anu من "اننجي" بي لسانا في دنقلا!!
نموذج نوبة الشمال من حيث التوزيع الجغرافي للسكان كان مركزم مابين عبري واسوان اليوم في كمت!
نعم اجدادنا وقبل اكثر من 3,000 سنة من تاريخ اليوم في وثيقة تعريف لاجناس عالم ذاك الزمان، قدمو نموذج "النقرذ" او "الزرقة" بي كروباوي وعي الاستلاب الحالي، كممثل لسكان كمت والسودان معا، او مش نموذج انسان الشمال!
حنجيب مايدل علي كلامنا ده بالصور الاصدق انباءا من الكلام المكتوب!!
رجاءا ثم رجاء، جا الوكت ان نؤمن كيف كلنا سودانيين علي قدم المساواة، ونحنو شعب واحد احد، فبطلو ترهات "تعدد" هذه القيمئة ولفظة "شعوب"، والاهما ثقافتنا واحدة كلنا كافارقة كقوم سود اين ما كنا!!
هذا مفصلي، ويكفي كيف حتي جينات بشرية عالم اليوم اين ماوجدو، اصلهم من السودان الحالي!!
ده كلام اجدادنا، كيف نحنو اول من خلق ربنا كبشر مشي علي قدمين وهكذا امن اباء سادة عالم اليوم.
وتحديدا السودانية ام ادم الثقافة السامية، هي اول من خلق ربنا كبشر، نعم كانسان حديث اي "هومو سابين، سابين" بالرندوق الاكاديمي، وهي اصل الحضارة وليس نوع الذكور من امثالي، الما كانو شئ يذكر في بداية البشرية، مقارنة بالسودانية، ولكن هكذا تمييز علي اساس النوع انتفي في مجتمعنا بالتدريج للمرة الاولي والاخيرة في تاريخ البشرية الي اليوم، وهذا اعجاز مهيب، عجيب، لونعلم، مركوز في اعماق السوداني وحده لاشريك له!!
اذن من بكرة متي ما مرا عليك سودانية او "زرقة" اقيف واديها، اديهو تعظيم سلام!!
شخصيا، هكذا تغير طريقة تفكيري تغيير جذري لما ربنا جابني امريكا، وعرفتا للمرة الاولي في حياتي من انا كسوداني!!
يا الهي! يا الهي!!
لايمكن وعينا الحالي يستوعب، يفهم معني ان تكون من ارض السودان، مركز دائرة هذا الكون، الاوجدناهو نحنو، نعم بنيناهو، بويت في بويت، قارة بعد قارة!!
يكفي انو "جنة رضوان" لدي الهة مش بشر، اجداد سادة عالم اليوم اي الاوربيين، كان هذا السودان، ولما يرسلو واحد الجنة كانو برسلو للسودان الحالي، الاضحي مركز جحيم/جهنم هذا الكون الان الان، بعد ما كان الجنة بالالف واللام!!
ليه؟
لاننا لا ندري ايا من كلام الطير بتاعي ده اعلاه!
ليه؟
في حالة كوما!
نعم فاقدين للوعي!
ولهذا وكنتيجة، مستعبدينا عبر القرون بضقلو بينا كما كورة شراب، ولانلومم!
09-19-2024, 03:08 AM
adil amin adil amin
تاريخ التسجيل: 08-01-2002
مجموع المشاركات: 38100
اذا حضر الماء بطل التيمم مرحب مرحب باستاذنا بشاشا اكتب .. فايا ما كتبت و اينما كنت كتاباتك نور و محفز للبحث و التفكير البوست بوستك .. و انا فيها مجرد صياد لؤلؤ ف شاطى البحرين
مودتى و تقديرى
09-19-2024, 05:45 AM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
ود القاضى تود محمد نورت يا حبيب و شكرا لرفدنا بهذا الفيديو الجميل و هى قصة حقيقة حدثت للدكتور الفنان مصطفى عبدالقادر عندما اراد ان يزور منطقته التى غرقت بعد سنوات الاغتراب فجاءت الكلمات صادقة و معبرة عن حال كل من فقد ارضه او وطنه فكلما نسمعها ندارى الدمعات التى تنسكب مش من العيون انما من مسارب الشعور ألما و وجعا و تعاسة .. فمصيبتنا كحلفاويين ف السودان و توبى مصر اكبر و افدح اذا فقدنا ارض الاجداد .. و ربما الى الابد و الى غير رجعة .. فمن مثلنا ف فداحة المصاب كل شخص ف هذه الدنيا يستطيع ان يعيش او يرى ارض اجداده .. الا نحن .. حتى الفلسطنيين يمكنهم ان يروا او يزوروا او يعيشوا ف ارض اجدادهم من مثلنا يحمل كل هذه الاهات و الام و المواجع و يعيش ..... هيلو عبودتا جودا .. عبدالناصركا جودا .. طلعتا جودا .. طلعت فريدتا جودا مرفق الكلمات بالحن مع الفنان شاكر يسن
09-19-2024, 01:03 PM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
استاذنا الحبيب خضر مرحب و ربنا يتقبل المرحوم الحبيب فيصل الموت حق .. لكن الوجع ان ندفن ف بلاد الفرنجة لا شوقا تبل الشوق .. و لا زائرا يترحم و الف شكر للمرور و الدعم مودتى و تقديرى
09-19-2024, 01:33 PM
Bashasha Bashasha
تاريخ التسجيل: 10-08-2003
مجموع المشاركات: 26616
حنبدأ بي ابرذ شخصيات قارات امريكا، اسيا، اوربا، كنموذج كيف نموذج انسان المرذولين في سودان اليوم ك"نقرذ" يا للعار يا للهول، هم اصل الحضارة في قارات عالم اليوم، عكس التصور العام المسبق لدينا.
شخصيا اعترف بعد ماوعيت بهكذا حقائق بقيت عندي نظرة مختلفة خالص خالص لاهلي تاج راسي، ابتداءا من الجنوب، مرورا بالجبال، دارفور، وانتهاء باهلي في الشرق الكانو كمثال قبل اكثر من 3,000 سنة من تاريخ اليوم بمثلو السلطة القضائية زي مابنقول، نعم ضباط البوليس زي مابنقول بي لغة اليوم كانو منهم، وهم اجداد دقنة الجسور لعبو الدور الاكبر في هزيمة اجداد الترك، اي مصريي اليوم في عصر الاسرة 17!
ياريت نلقا وكت لنتناول ارثنا الحضاري النوبي الكوشي في اركان السودان الاربعة، ياريت، بدا باهلنا الشلك كمثال من اقصي الجنوب!الجنوب يلهب الذاكرة الجينية جواي بي صورة عجيبة!!
الفكرة ان يكون الوطن جميلا موحدا فى ارضه و شعبه و نظهر بعضا من جماليات مناطقنا و ما فيها من عادات و تقاليد فربما ( لو ما اكيد) يكون مثله موجود ايضا ف مناطق اخرى و ربما بتغيير طفيف لنقتنع ان الارض واحد و الشعب واحد او على الاقل وطنٌ يتسع لنا جميعا و يحملنا الى اعلى درجات الانسانية بالامس القريب الخميس 19 سبتمبر كان هناك حفل تجمع النوبيين لدعم متضررى الكوارث و السيول و تغنى فناننا النوبى يوسف خيرى بانشودة انا سودانى.. تعبيرا عن الانتماء و الهوية
09-21-2024, 07:50 AM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
خضر الحبيب انشغلنا بالاغنية و عوالمه و م سلمنا عليك و شكرناك يا غالى الف مرحب حبيبنا كن قريب و ادعمنا مودتى و تقديرى ... الحفل كان بالرياض السعودية ... و عقبال بالوطن
09-21-2024, 09:06 AM
خضر الطيب خضر الطيب
تاريخ التسجيل: 06-24-2004
مجموع المشاركات: 9014
مرحب حبيبنا بدران ليك التحية و التقدير يا عزيزي و التحية و التقدير للصديق الفنان الجميل يوسف خيري وهو بلاشك فنان رائع وقد كانت لنا أيام جميلة بجمال روح هذا الإنسان الفنان وقتها يابدران ما خلينا استراحة في الرياض و تعرف اهلك النوبة مافي خميس ما فيهو مناسبة ناس نلوة و فركة و ناس خليل غايتو كانت أيام جميلة بروعة يوسف خيري بالله عظيم تحياتي ليهو وعظيم تحياتي ليك
09-22-2024, 01:42 PM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
اهلا بكل الاحباب حبيبنا خضر ( عظيم تحياتى) شكرا للجمال و يسعد الله ايامك و يرجع الجمال و معه محبتنا و اهلى لك ... مرفق اغنية وصف للنوبة بصوت الفنان احند اسماعيل العمدة من النوبة المصرية
مودتى و تقديرى
09-23-2024, 07:59 AM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
هلا بدران وضيوفك الكرام تذكر دي من مداخلات بينا في بوست المرحوم فيصل
Quote: Quote: بابور كوسنا ..او استنطاق الجبل .. مناحة من المناحات التى بكى فيها ابناء حلفا ارضهم و حياتهم شاعره من النوبة التى اصبحت فى الاراضى المصرية عند تقسيم المستعمر و نسميهم نوبة مصر..او نوبة الشمال و كمعلومة ليس بين نوبة الشمال و الجنوب فرق فولة اتقسمت لنصين.
ووو ميمد آننقا صحيح كلامك فلا فرق بين أبناء النوبة أينما ما وجدوا وصدقا لكلامك أسمع هذه المناحة بصوت عبد المجيد منور أو بصوت غازي سعيد رغم أنهم جيل مولود بعد الإغراق ولم يعيشوا المأساة مثل الماجدات البلابل ولكن إحساسهم بما عانوه أهلنا من آلام التهجير والتفريق بين الأهل والأحبة قسرا وقهرا وغصبا لا يشعر به فقط الإنسان النوبي بل حتي الجبال والسواقي والرمال والنخيل والمراعي والحيوانات بكت وناحت وحزنت وتألمت كما جسدتها وصورتها هذه الملحمة.
09-25-2024, 12:27 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1723
الخريطة غير صحيحة فأرض بلاد النوبة تبدأ من مدينة لوقصر تقريبا وذلك قبل بناء مدينة القاهرة في العهد الفاطمي القريب مقارنة بوجود النوبة قبل الوجود الإسلامي في مصر بآلاف السنين، ويا ريت نسمع رأي أهل العلم والتاريخ
09-25-2024, 12:32 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1723
حبيبنا الغالى محمد تحية و تقدير .. طبعا بابور كوسونا ملحمة جميلة تعبر عن احساس صادق للنوبى المهجر و بالنسبة للاغنية النوبية عند الناس الاتهجروا ( حلفا +نوبى مصر) الهجرة علامة مميزة و حد فاصل و فارق ما بين الغناء قبل و بعد التهجير بمعنى معظم اغانيهم اصبحت تعبر عن صدمتهم و عدم استعيابهم للتهجير و للمناطق الجديدة و عن الشوق و الحنين لماضى الايام .. نقدر نقول بكائيات التهجير.. عكس قبل التهجير الذى كان يعبر عن الجمال و الحب و كل مناحى الحياة ....
Quote: أدى بناء السد العالي ف اسوان وتهجير النوبيين إلى مواجهة صدمة الخسارة والحزن وخلق نوع جديد في الموسيقى النوبية يسمى أغاني التغير أو أغاني التهجير. وهي نتاج صعوبات التهجير التي يندب فيها النوبيون فقدان منازلهم تشكل هذه الأغاني أرشيفًا حيًا وتسهم في سرد تاريخ لا يرويه النوبيون إلا في قصصهم قبل النوم. وفي التجمعات وفي النوادي النوبية يحب النوبيين الغناء ومشاركة أغانيهم في حين يتم تناقل الأغاني التراثية التقليدية وتغنيها الأجيال المتعاقبة -كل واحدة تضيف إحساسها الفني وبيئتها الخاصة. يولد الطفل النوبي في بيئة محبة للفنون. حيث يحتفل بالغناء مع الأسرة ومجتمع القرية. ويغنون أثناء إحضار الطفل إلى نهر النيل المقدس ليغسل وجهه بماء النيل -وهو حفل يمزج بين الدين والمعتقدات القديمة ليتمنى ويضمن للطفل حياة سعيدة ومزدهرة. والنوبيون يغنون في المنزل. لذلك من الواضح أن الأطفال النوبيين يكبرون وهم يشاركون الأغاني مع أشقائهم وأصدقائهم وفي المدرسة وفي الاستراحة بين الدروس. وفي هذه المرحلة المبكرة يطور العديد من المطربين والشعراء والموسيقيين في المستقبل مواهبهم. بينما تغني النساء أثناء أداء واجباتهن المدرسية أو إنتاج الحرف اليدوية الجميلة. يغني الرجال أثناء العمل في الحقول. بعد العمل يجتمعون إما في المنزل أو يجلسون تحت الأشجار ويغنون معًا مرة أخرى. توجد آلة موسيقية واحدة على الأقل في كل منزل نوبي. وهو الدف النوبي. يبدأ المغني الرئيسي الأغنية وباقي الجموع تردد الكلمات أو تغني لازمة من ورائه. يبرع لاعبو الدف -عادة ثلاثة منهم- في الإيقاع أو بآلة “النقرة” -طبلتان من الخشب مغطى بجلد حيوان. معززين بالتصفيق اليدوي من قبل الباقين. بعض المشاركين يرقصون رقصات الفولكلور “الأراجيد” بخطوات إيقاعية متنوعة وحركات ذراع منسوجة أو منسقة لتشكيل فرقة ممتعة للغاية. ولا عجب أن النوبيين يستمتعون بالغناء والرقص لساعات خلال حفلات الزفاف أو الاحتفالات الأخرى. حيث تجمع الاحتفالات القرية بأكملها وتستمر لساعات. ينشد النوبيون أيضًا الأغاني ذات المحتوى الديني في مواسم الحج والعمرة -استنادًا أيضًا إلى الإيقاعات والألحان النوبية الجذابة والمتفردة بالسلم الخماسي. وكانت الأغاني النوبية القديمة -قبل التهجير- تمارس من خلال ثلاثة أنواع: طقوس الزواج والولادة-الاحتفالات الدينية-الطقوس الزراعية. واختفى هذا الأخير تمامًا من الثقافة النوبية نظرًا لأن المحصول الذي تم الاحتفال به -النخيل- لم يعد يُزرع بعد التهجير لعدم ملاءمة البيئة في مناطق التهجير الجديدة. والتي أسهمت في تشكيل المجتمع النوبي وانعكس ذلك في البيئة الصوتية والممارسات الموسيقية في قرى النوبة المهجرة اليوم
.... مودتى و تقديرى
09-26-2024, 01:26 PM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
نعم البحث عن Nubia في الاكوادور، نعم امريكا الجنوبية عن طريق قوقول فات السودان بي غادي!!!
تخيلو هذا!!
ياريت نلقا وكت تنتاول تاريخ السودان في امريكا شمال وجنوب!!
قبل كده تناولنا بعضا من تاريخ الولايات المتحدة الامريكية، او قنا اباء امريكا اوجدو امريكا كاعادة انتاج لي "كمت" اي مصر!!
باذنه تعالي في القادم، من مشاريعنا تنظيم رحلات تعليمية لي اولادنا او بناتنا، في العاصمة واشنطون، عن تاريخ السودان، نعم نوبيا، نعم كوش في عاصمة امريكا!!
عيييييييييييييييييييك!!!
نعم كلام مساطيل لايصدق، ولكنو واقع!!
10-01-2024, 03:32 AM
Bashasha Bashasha
تاريخ التسجيل: 10-08-2003
مجموع المشاركات: 26616
كما ذكرت سابقا بلاد السودان (بلاش نوبة عشان ما نزعل بشاشا ) تمتد من جنوب القاهرة الحالية أي مدينة لوقصر قبل آلاف السنين من ظهور القاهرة في العهد الفاطمي، فليه الإصرار بأن بلاد السودان تبدأ من أسوان؟ نحن المفروض نطالب موش حلايب وشلاتين وأبو رماد بل بإكثر من ثلاثة أرباع مصر وأهو نحن من نعطيهم الفرصة بمثل هذه الخرائط فيقولوا أن السودان جزء من مصر والعكس هو الصحيح.
10-01-2024, 06:53 AM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1723
بشاشا أمبس رغم أن أسماء القري والمناطق غير مرتبة وملخبطة لا تعرفها بادية من الشمال أم من الجنوب لكن ما لفت نظري إسم قرية أوربي وهي قرية معروفة تقع شمال القولد وجنوب دنقلا وبالإضافة لمنطقة في ضواحي مدينة مروي تسمي إمري كان يقطنها أهلنا المناصير وتم إغراقها بمياه سد مروي وتم تهجير أهلها إلي إمري الجديدة بنفس الطريقة التي تم بها تهجير أهلنا في حلفا بعد إغراق مدينة حلفا في بحيرة السد العالي، الشاهد في الأمر أن مسمي أروبي وإمري ذكروني بكلامك يا بشاشا عن أن قارات أوروبا وأمريكا وأسماء بلاد أخري هي مسميات سودانية وهذا مجال بحث كبير في عدة علوم ربما بداية من دراسة اللغة النوبية واللغات السودانية الأخري .
10-01-2024, 07:58 AM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
الاحباب بشاشا و محمد القاضى منورين والله .. هذا مع الشوق و المحبة ... كما نعلم .. مسائل من هم النوبيون ؟ و مواقعهم و المكان و الخرائط البحث شاق جدا بمعاونتكم و المهتمين قادرين بحول الله ان نصل لنقاط ايجابية تفيد و اغراق مناطق اسوان و حلفا طمس اشياء و حقائق كثيرة كانت ستفيد ... استراحة محارب برتبة باحث ههههههه و اخليكم تروقوا شوية مع فناننا العالمى المرحوم حمزة علاء الدين ابن قرية توشكى جنوب اسوان
.
10-01-2024, 11:22 AM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1723
يا سلام يا محمد يا بدران يا عاشق الجمال والإبداع الراحل المقيم الفنان العالمي المتفرد حمزة علاء الدين عايز بوست كامل مكمل لوحده لا مبدع ولا منافس ليه عشان تستمع بالفن الراقي الأصيل ، له الرحمة بقدر ما أعطي وأبدع وأشجي.
هنا نفس الأغنية أسرمسو أبدع فيها الفنان الشاب الراقي هاني عابدين ومعاه العاشق الموسيقار عوض أحمودي والمجموعة وأعطوا اللحن نفس وروح تاني من الخيال والجمال والإبداع.
10-02-2024, 01:07 PM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
حمزة علاء الدين العالمى كنت محظوظ و سلمت عليه ف ندوة نوبية بالنادى النوبى بالقاهرة (انسان بسيط و جميل و هادىء .. ما نوبى .. يعنى حيجيب القبح و العنطظة من وين) عندما جاء زيارة لمصر و استقبلته الحكومة المصرية بشكل رسمى بواسطة وزير الثقافة ربنا يرحمه غناه .. موسيقاه .. طريقة عزفه . يخربش دواخلك .. و يخلى تبكى و الدموع تترقرق و انت فرحان !!! و خصوصا اذا سمعته بالليل ... ف اى مكان .. سواء كان بمهاجرنا او قرانا او كأنما عكس تتمة بيت الشعر ...... فصادف قلبا خاليا فتمكنا... لان الموسيقى النوبى العذب المنساب منذ الازل ف اعماقنا من مسارب الشعور لا يتوقف حمزة علاء الدين كما قلت محمد انقا عالم لحالو و تانى مع حمزة ويدا منقا اوا :
10-05-2024, 06:21 AM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
سبت سلام ادمى ملى سلام اهلنا الحلفاويين لا يخلو لسانهم من الطرفة و هذا احدهم المرحوم/مصطفى على محمد صالح الشهير( بمصطفى كاسترو) من حلفا دغيم وسط و هو ابن عم عمر عثمان صاحب زيوت التيتل بام روابة ثم الخرطوم ..و ابن عم ابوبكر عثمان الوزير بحكومات جعفر نميرى رحمهم الله جميعا
رحم الله الفنان الجميل حسن جزولي، هدية مني الأغنية الرائعة أمبيستو (تعرف يا بدران أنا خاتيها عندي في المفضلة)
لاحظ يا بشاشا = يويو* بابنا غاليتو امبيستو ، أمبيستو بابا نريكول = مبالغة والله * لا تنسي موعودين منك بي بوست عن يويو من زمن طويل إن شاء الله تباشر فيه.
10-14-2024, 01:47 AM
Bashasha Bashasha
تاريخ التسجيل: 10-08-2003
مجموع المشاركات: 26616
من العجائب، حياة كبارنا اليومية، تحديدا بالذات الما فكو حرف عربي، بجيني مطفر من بين السطور في كتب التاريخ!!
من ذلك كيف الهة، اكرر الهة اوربا، وهكذا تعبير بتاع "الهة" يا احبابي ده هو كلامم/فهمم هم، وليس نحنو، نعم الهة اوربا كانو بحجو سنويا لي كريما الواحدة دي اي جبل البركل الكان مركز دائرة هذا الكون كلو روحيا!!
رجاءا ارجعو لي امنا اعلاه، اسمعو دعواتا، او شوفو موضوع الكرامة ده، كان موضوع روحاني عميق كيف في ارثنا الحضاري!!
تخيلو كيف الهــــــــــــة مش بشر، كانو بحجو قاطعين البحار، كحجاج لاحظو، تخيلو هذا، الي السودان الحالي!!!
اليس هذا عجيب؟
يا ريت لو كنا نفقه مثقال ذرة عن عظمة وجلال هذا السودان، الما ليهو مثيل اطلاقا في هذا الكون، او بعد ده شوفو وصلنا وين، ومن يتصدر زعامة هكذا ارض مقدسة لدي الهة دعك من بشر!!!
نعم كيفا ما كنتم يولي عليكم!!
من العجائب ايضا، هذا السودان كان بمثل الجنة بالالف واللام بالنسبة لي الهة اوربا، دعك من بشر اوربا!!!
تخيلو هذا!! نعم لما واحد يفوز بالجنة يوم القيامة، كانو برسلو السودان الحالي اي الجنة!!!
ممكن نصدق نتخيل كلام كهذ؟
قطعا لا!!
نعم الجنة بالالف واللام منذ الاف السنين، تحول الي جهنم هذا الكون الان!!
وقسما سوداني اليوم مايستاهلو هذا السودان، الما بعرفو عنو اي حاجة اطلاقا، وكنتيجة اهو اتجدع في التراش!!!
10-14-2024, 02:00 PM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
كجمال ( الام ) المستمر المتجدد فى كل الدنا احيييك يا غالى
مودتى و تقديرى و مع اغنية يويو مشكرى و الفنان عماد اباظة حلفا دبيرة و مع تنسى يكون معاك كرتون مناديل لمن فقدها .. او اجبرته الظروف لفراقها و تركها بالبلد
10-15-2024, 01:30 PM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
يا سلام علي الفنان الراقي عماد أباظة والله يا بدران آننقا بتجيب كنوز منسية من بيت الكلاوي زي ما بيقولوا
Quote: و مع اغنية يويو مشكرى و الفنان عماد اباظة حلفا دبيرة
الأغاني الخاصة بي يويو كتيرة جدا في الغناء والتراث النوبي (يقال أن أول من أطلق عليها إسم يويو هي الملكة التاية أو الملكة الأم ، كما ذكرت من قبل منتظرين باشاشا أمبس يتحفنا بالبوست الموعود عشان ننداح وناخد راحتنا فيه). من أجمل أغاني يويو أغنية ملك الأغنية النوبية مجيد منور (مجيد ده عايز بوست براه) مع نواح مجيد ما عندك غير تبكي بس
10-17-2024, 04:30 AM
Bashasha Bashasha
تاريخ التسجيل: 10-08-2003
مجموع المشاركات: 26616
سلام قاضن تود، بالنسبة لي يويو، فده كان اسم والد الملكة التاية نعم Yuya ووالدا ده كان من كبار شيخونا الصوفية في الزمن داك، كما ازرق طيبة، او الشهيد محمود، او الشيخ البرعي. يا اعزائي مهم جدا جدا، نفهم النقطة دي:
عبر تاريخنا كلو، شيوخ التصوف كانو بمثلو المرجع في كل شئ في حياتنا، لو ذكور او اناث لاحظ، ابتداءا براس الدولة او الملك وانتهاءا ب"الكاست" الاعلي اي الطبقة الحاكمة بي فهم عصرنا، لايهم لو سياسة، اقتصاد، او اجتماع. نعم عكس مفاهيم قيم معايير عالم اليوم، المادية، اللي اساسا الفكة، فمعايير ثقافة اجدادنا كانت روحية، صوفية، صرفة، والفرق كلو هنا!!
الوالدة ايضا، نعم والدة الملكة التاية Thuya برضها كانت شيخة كبيرة جدا.
الملكة التاية وهي سودانية نعم كانت من السودان الحالي، ما كانت ملكة بي صفة رسمية ولكنها كانت فعلا راس الدولة لي نفوذا الطاغي جدا، ومحبة اجدادنا ليها، بي اسم تلاتة ملوك:
1) زوجها: Amenhotep III (reigned c. 1390–1353 BCE) الكان بدورو من الاساطير في تاريخ ملوكنا، وكان مسكون حد الوله بي حبيبتو، زوجتو الملكة التاية.
2) ابنها الملك (Akhenaten (1353–1336 BCE وده هو معلم سيدنا موسي، نعم هو اللي اعاد عبادة "اتون" كبديل لي "امون" وهذا ذلذل كيان كمت بي صورة كبيرة جدا ولكن الملكة التاية والدتو، بي حكمتا هي العبرت بي كمت الي بر السلام، والفتنة الحصلت دي اليهود والمسلمين فسروها، فهموها بي طريقتم هم، والمطروح في الثقافة السامية حول الموضوع ده بتاع "قصة الخروج"، "فرعون" ومااليه، اكرر ده، هو فهمم تفسيرم هم لي اشياءنا وما حدث شئ في عصر اجدادنا مختلف خالص!
3) حفيدا الملك (Tutankhamun (1332 to 1323 BCE
ان يبدو لي خلطتا مابين Yuya اسم والد الملكة التاية، وامها Thuya.
طبعا يا اعزائي، نطق وكتابة اسماء اجدادنا مشكلة كبيرة جدا جدا بالمناسبة.
نعم المتداول من اسماء، هو مسخ وتشويه يضرس السنون، وكمثال "تود" بتاعنا الواحد ده، اي "الابن" بي لسانا اليوم هم بنطقو "توت"!!! شئ مقرف، ولكن لانلوم!
"تحتمس" مثلا هو من "تود مسي" بي لسانا اي الابن الصالح والقال الكلام ده انا كايس الم فيهو.
10-17-2024, 11:21 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22757
الاحبة زملاء و شركاء البوست الاساتذة /محمد و كمال و جلال تحيات و اشواق .. يويو محطة لن يستطيع كائن من كان ان يتخطاها و القلب بيرجف مرة ف رحلة غنا و سمر احد فنانينا الكبار حتى سنا و عمرا لم يستطيع ان يغنى و تلعثم و هو يرتجف ..فقط لان امه كانت ترقص امامه والله ..حتى العازف طلع من التايم زى ما بيقولوا اينقل بنجى و حانزل محموعة فنانينا و هم يغنوا للام ع الاقل نشجع حبيبنا كمال بشاشا للمواصلة
مودتى و تقديرى
10-19-2024, 06:33 AM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
الحبيب بدران بصرحة لحن وموسيقي (النشيد النوبي) ما جاذب ولا يرقي إلي مستوي أغاني ومناحات نوبية يطرب لها أي إنسان وإن لم يفهم ما تعنيه الكلمات والأمثلة كتيرة ، الفنان الشاعر مكي علي إدريس والشاعر الملحن نوري سيد علي قاضي من المشهود لهم في التراث الغنائي النوبي بكل لهجاتها، فيا ريت لو وضعوا لحن وموسيقي تانية لهذه الكلمات الرائعة ربما كان إنتشر مثل عديلا ، أسمر اللونا ويا ملاك وغيرها من الألحان لنوبية.
10-20-2024, 07:24 AM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1723
كلمات الشاعر الدكتور مصطفي عبد القادر (نوبة مصر) وصاحب مناحة بابور كسونا لحن وأداء الفنان ذو الحس العالي والعميق الشاب غازي سعيد (نوبة مصر)
كل المناظر والصور التي ترونها من حلفا القديمة كلها للأسف غرقت في بحيرة السد العالي والمؤلم والمحزن يمكن أن تري بعض هذه المباني والآثار في منتصف البحيرة عند إنحسار وإنخفاض مياه البحيرة مثل المسجد الكبير ومأذنته وغيره - حلفا كانت جنة عدن زمانها - يكفي أن تعلم أن بعض المشاهير كانو يقضون الصيف في حلفا مثل الكاتب الروائي وليام سومرست موم والكاتبة الروائية الشهيرة أجاسي كرستي التي كتبت هنا روايتها جريمة في وادي النيل كان فيها أول مطار مدني في السودان. كما كان المرحوم فيصل يردد دائما سنعيدها سيرتها الأولي. قول آمين
10-20-2024, 02:05 PM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
شلوم يااحبابي، نعم حلفا كانت حاجة تانية خالص، ولا ادري لماذا!! عشتا في شندي ايضا والخرطوم في الستينات ولكن حلفا كانت متقدمة جدا! ياخي شوارع الزلط كانو بغسلوها اسبوعيا بالموية بواسطة عربات متخصصة! زي ده هنا في كاليفورنيا اليوم مافي!! اشجار تظليل شوارع الظلط كانت اشجار فواكه، لا ادري ماهي ولكن كنا بناكلا بي مزاج!! علي ذكر امنا حبوبتنا الملكة التاية "العصر الذهبي الثالث" فريدة عصرها وكل العصور، الجاتني في المنام قبل كده، لما اصل الكمبيوتر فانزل واحدة من اغاني فنان افريقيا العملاق وردي، اداء صومالي فريد. اها الغنية دي مهداة الي ملكة هذا الكون حينها، لانها بتعبر عن حب زوجها لها، الكان مسكون بي حبها، وحينها الزواج من نوبية كان هو مني عالم ذاك الزمان وهذا طبيعي..
10-21-2024, 08:48 AM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
جللي آيقا يويو دوقو - مشكلي آيقا يويو دقو آيقا أنيقو أبوقو دقو نوبل أيقا يويو دقو إجادتها اللغة النوبية وإحساسها العميق بكلمات الأغنية وتعابيرها حيرتني والله ، تقول مولودة في موسينارتي* صحيح كما قيل أن الفن رسالة والموسيقي لغة العالم والسلام.
10-21-2024, 02:09 PM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
جميلنا المبدع ود القاضى قاضى تود مهمد تعيشنا فى عالم جميل كجمالك كلمات و الحان تتموج و تعبثر الدواخل ياخى و انصاف دى عجيبة والله انت عارف هى مشت البلد و قابلت صاحب الاعنية الجميل كمال و عاشت الاحساس ثم نقلتها لنا جميعا
Quote: إجادتها اللغة النوبية وإحساسها العميق بكلمات الأغنية وتعابيرها حيرتني والله ، تقول مولودة في موسينارتي*
اشرى تا اشريلى جانب من زيارتها للبلد :
كل الحب
10-21-2024, 03:09 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1723
تقول عصفورة السودان إنصاف أن من أجمل الرحلات التي قمت بيها داخل أو خارج السودان كانت رحلتها إلي ديارنا في الشمال كانت عندها مشاريع فنية كتيرة في البلد لكنها لم تكتمل بسبب حرب البلهاء الجنجوكوزية العبثية، بدأت بروفات أغنية نوبية بلهجة أهل دنقلا نتمني أن تري النور وقد كتبنا لأخونا المؤرخ النشط عضو المنبر معتصم سوركتي وبعض الناشطين لمعاونتها في إكمال مشاريعها الفنية إن شاء الله. في قرية كلتوس شمال شرق دنقلا مع الشاعرة الإستاذة علوية عبد الفتاح
10-21-2024, 06:22 PM
Hassan Farah Hassan Farah
تاريخ التسجيل: 08-29-2016
مجموع المشاركات: 10383
استاذنا و دكتورنا الرائع الف الف شكر لهذا الفيديو التوثيقى المفيد و كشعارك : فعلا يا شمس انتى لازم لازم تشرقى عشان تنيرى عقولنا و طريقنا لنبلغ افاقا نبغاها و نرتاد عالم الشموس
مودتى و تقديرى
10-23-2024, 02:08 PM
محمد بدرالدين محمد بدرالدين
تاريخ التسجيل: 01-15-2018
مجموع المشاركات: 2419
والله فعلا يا الحبيب بدران نحنا ما عارفين نحكي شنو ونخلي شنو؟ منق ايقوا ... منق بنجوا؟ فلدينا من كل بستان بل في كل بستان عندنا زهرة وعندنا وردة وعندنا وعندنا ... المافي شنو؟
نخليكم مع قصة أول من حمل لقب أنوو (الجد) في التراث النوبي سيدنا نوح عليه وعلي نبينا الصلاة والسلام والتسليم ، مع كروان نوبي آخر الفنان الباحث التراثي دولا سعيد العطا
10-24-2024, 03:52 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1723
لاحظ لي أول صورة في المقطع ؟ من وضعه تخيل سيدنا نوح عليه السلام. أنوو فاننتود بيشبه منو هنا تقريبا في صورة بروفايله؟؟؟ ساعدنا يا بشاشا منو صحبك الشبيه بالصورة؟
الملكة التاية: ملكة هذا الكون قبل اكثر من 3,000 سنة، من تاريخ اليوم، نعم في العصر الذهبي الثالث، عصر الاسرة 18 الاكملت تحرير كمت من الهكسوس، الكانت محبوبة في عصرها لدي شعبها وبالذات زوجها امنحتب الثالث The Magnificent اي الرائع الكان مسكون بي حبها، لمن قلب شاعر!! هذا بعض من اشعار The Magnificent عن الملكة التاية حبيتو:
........The most praise
......The lady of grace
.....Sweet in her love
....Who fills the palace with her beauty
....The regent of the North and South
..............The Great Wife of the King
.....................The lady of both lands في وكتو باذنه تعالي حنترجم الابيات اعلاه بي لسانا اي "الاندادي" وهذا جزء من مشروع شغال فيهو!!
اها التاية عمرها حين الزواج كان 13 سنة، نعم عمر الذهور، عمر المني!!
اها الاغنية الجاية لفنان افريقيا وردي اللي نشأ، عاش، في ذات المنطقة الاتولدت فيها فريدة عصرها اي اقصي الشمال، مهداة من الحفيد بشاشا، لي حبوبتو التاية، والاداء بواسطة واحد من اهلنا من الصومال:
اها شن قولكم لو قتا ليكم، حاكم المنطقة دي اي شرق افريقيا، نواحي الصومال اثيوبيا قبل اكثر من 3,000 سنة، كان من اسرة الملكة التاية، نعم من شمال السودان الحالي، وهذا يثبت العلاقة الوثيقة بينا واهلنا في شرق افريقيا، وشعبية وردي حفيد التاية، هناك ماصدفة ولاعابر!!
هي ذاكرة جينية!!
بالمناسبة شاعر وردي الاول اسماعين في الحزبة عمي، نعم الوالدة حد الزين، بت بتول (كندي كول) من ال بشاشا، ولدت في"لتي" من احياء دنقلا العجوز!
10-25-2024, 04:38 AM
Bashasha Bashasha
تاريخ التسجيل: 10-08-2003
مجموع المشاركات: 26616
Quote: .....................The lady of both lands
يذكرني بي إسم متداول حتي اليوم في مناطقنا في الشمال - ست البرين وإشتهرت بيه والدة الرئيس أنور السادات ويقال أن أصولها من دنقلا العجوز.
Quote: بت بتول (كندي كول) من ال بشاشا،
هي قرية كولي كول (يعني صاحب الساقية) وهذه القرية إسمها أيضا دار ود قمر المذكورة في رائعة عثمان اليمني نرجع للبلد وشاعرها الراحل المقيم إسماعيل حسن نهديها ليك في المداخلة التالية.
يا سلام عليكم و على روعتكم و روعة تراثكم تعرف يا بدران و محمد قاضي اولادي الاتنين قالو لي شفنا برنامج لرفيده ياسين عن منطقة اسوان و حلفا عاوزين نمشي هناك نصور قلت ليهم ابشرو ابقو مارقين حلفا دي تاريخ السودان بدا من حلفا مشو العيال ديل و كانوا مبسوطين جدا من كرم اهلكم و ترحابم بيهم التحية خالصة لاهلنا النوبة و الله نحبك في الله و نحبكم لحبكم للناس يا جميلين
10-25-2024, 01:11 PM
Bashasha Bashasha
تاريخ التسجيل: 10-08-2003
مجموع المشاركات: 26616
يوم الاحد عندي هو يوم الطمبور، وببدا بالغنية دي البتعبر عن احلامي!عمي ود حد الزين، اسماعين في شعرو ردد مصطلح "الارضين" هذا، كما في قصيدة جدنا ملك العالم The Magnificent زوج، حبيب الملكة، ولا اظن اسماعين ولا جيلو كانو بعرفو عن هكذا مصطلح مجسم في تاج ملوكنا!
نعم الطاقية الواحدة دي، كمثال، الحايمين بيها احنا الي اليوم دون ادني المام، البيضاء ترمز لي كمت العليا، بينما الطاقية الحمرا ترمز لي كمت السفلي!!
نعم اعلاه دفتر حضور وغياب، من العمل، قبل اكثر من 3,200 سنة!!
العجيب وين؟
العجيب كيف حتي لما تغيب للاسباب الحاوردا، كانو بدوك مرتبك بالكامل!!
نعم الغياب كان مدفوع الاجر، تخيلو هكذا مستوي في التعامل، في علاقات الانتاج، العمل قبل اكثر من 3,000 سنة!!
اها، من اسباب الغياب عن العمل، المدفوع الاجر، كان رعاية الزوج لي زوجتو، ايام "الدورة الشهرية" للزوجة!!!
تخيلو هكذا احترام، وقار، تقدير للمراة قبل اكثر من 3,000 سنة، دون ادني حساسية من نوع الذكور من اجدادنا، تجاه هكذا موضوع!!
اها، امانة في ضمتكم، هل "الطرمبة" رئيس امريكا السابق، كان بقبل يقوم بهكذا خدمة لي زوجتو، ماخد اجازة؟
قنا ليكم عالم اليوم مقارنة بعالم اجدادكم ياسودانيين، بمثل القاع!!
او بعد ده، جاكين من ارث كهذا فريد، عريق، لندعي اننا بدو اعراب، شغل كراهية ذات، لاننا لا نفقه شروي نقير عن عظمة وجلال ما انجزناه، كسودانيين، كافارقة، المثل قمة هرم البشرية، قبل عشرات الاف السنين!!!
واو!!
10-27-2024, 04:22 AM
Bashasha Bashasha
تاريخ التسجيل: 10-08-2003
مجموع المشاركات: 26616
نعم أو ده اول مرة اعرف حقيقة زي دي: من اسباب الغياب المدونة في الدفتر اعلاه، انو جدنا ده، غاب عشان يحتفل بي عيد ميلاد ولدو!!! عييييييييك!! أنا عارف انو ليلة المولد سر الليالي خاصة باب الانبياء نعم جدنا اؤسار اي إدريس بالعربي من "اوزريس" باليونانية! ولكن ماكنتا عارف انو اجدادنا كأفراد كانو بحتفلو بي عيد الميلاد، وانا من الجيل الما كان بعرف حاجة اسمها تاريخ ميلاد خالص!!! يعني اعياد الميلاد المهووسين بيها سادة عالم اليوم الخواجات خريجي خلاوينا، عادة سودانية صرفة!!! عييييييييك!!
10-27-2024, 03:42 PM
Bashasha Bashasha
تاريخ التسجيل: 10-08-2003
مجموع المشاركات: 26616
وسبب غياب اخر، مدون في الدفتر أعلاه كان قضاء اليوم كلو لي واحد من اجدادنا في "الجامع" نعم "المسيد"!!!
رجاءا ثم رجاء ياسودانيين فكرو في طريقة تفكيرنا/اسلوب حياتنا الحالية، المولع بلدنا، وقارنو هذا بي طريقة تفكير/اسلوب حياة اجدادكم، امهات اباء البشرية، واصل الحضارة، لتعو الدرس، عسي تستعيدو وعيكم المغيب ياللماساة، وتواصلو بذات طريقة تفكير اجدادكم، وأسلوب حياتم الفريدة بحق، المثلت قمة هرم البشرية!
لهذا اب تاريخ سادة عالم اليوم هيرودتس قال السوداني كان بمثل اسعد خلق امون في هذا الكون!!
يا الهي!!!
أما الآن السوداني هو اشقي فرد مشي علي قدمين علي مستوي اليابسة!!
لاحظو زعماء هكذا حراك جحيم هم الاسلاميين منا تحديدا وحصريا!!!
نعم طرفي الصراع الحالي الاتنين القاسم بينم المشترك هو ذات وهم العروبة!!! يالهي!!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد بدرالدين
Biraima M Adam
خضر الطيب
Bashasha
محمد محمد قاضي
adil amin
ابو جهينة
علي دفع الله
ترهاقا
Hassan Farah
فيس بوك
تويتر
انستقرام
يوتيوب
بنتيريست