سبب السؤال: رأيت في هذا المنبر على مدى العشرين سنة الماضية انه كلما شخصين, ينعت احدهم بأن الخلاف سببه "شعور الدونية" رغم انو في اغلب الاوقات لا يعرف اى منهم صورة الاخر حتى يتبين الاختلاف الفيزيائى مثلا.
09-11-2024, 04:48 PM
علي دفع الله علي دفع الله
تاريخ التسجيل: 08-31-2012
مجموع المشاركات: 2504
Quote: عايزين تعريف علمى دقيق. و تعريف عنقالى دقيق كذلك.
العقدة هي سد بين حاجتين دا التعريف العنقالي عقدة الدونية هي أحساس بالهزيمة النفسية نسبة للمقارنة بين شخصين (دا برضو تعريف نجر ساي) احيانا بتلقى الفقير بحس بالدونية مقارنة بالغني والمريض بحس بانه اقل من الانسان الصحيح والجاهل من المتعلم والاسود من الابيض وبتاع القرية من بتاع المدينة القبيح من الوجيه والمطلقة من الما مطلقة البايرة من المتزوجة والكوز من الكل ههههه -------------- الاسود من الابيض بجيك ليها لان الدين ذات نفسو اصل ليها
تحياتي الزول السمح محجوب
09-11-2024, 05:00 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 11018
شكرا محجوب على ما اعتقد عقدة الدونية بترجع الى التربية يحكى فى زمن الخليفة عمر بن الخطاب رضي الله عنه كان هناك رجل سمى ابنه جعرانة اها هذا الابن طلع غير مطيع لابيه اها ابوه مشى به الى الخليفة عمر واشتكى اليه عدم طاعة ابنه له اها الخليفة قال لجعرانة والدك له حقوق عليك اها جعرانة قال للخليفة عمر اليس لي حقوق على والدي حتى اطيعه الخليفة عمر قال نعم اها جعرانة قال للخليفة عمر والدي لم يحسن اختيار والدتي وسماوي جعرانة فجعل رفاقي يضحكوا علي اها طوالي الخليفة قال لوالد جعرانة لقد ظلمته فى حقوقه
09-11-2024, 05:01 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: : العقدة هي سد بين حاجتين دا التعريف العنقالي ……احيانا بتلقى الفقير بحس بالدونية مقارنة بالغني والمريض بحس بانه اقل من الانسان الصحيح والجاهل من المتعلم والاسود من الابيض وبتاع القرية من بتاع المدينة القبيح من الوجيه والمطلقة من الما مطلقة البايرة من المتزوجة والكوز من الكل ههههه -------------- الاسود من الابيض بجيك ليها لان الدين ذات نفسو اصل ليها
سلامى واحترامى أخى محجوب وعلى دفع الله~ * بسم الله الرحمن الرحيم ، أستاذ على كلامك دا هجمنى - ما سمح كله كله
#فهمى الضعيف لفكرة البوست وطرح الأخ محجوب - إنه ما فى حاجة إسمها عقدة الدونية ، مش تعليقك الفوق دا ممكن يكون فى تعالى وعدم وعى من الأطراف الرصيتها انها تسبب "عقدة الدونية" وأنهم بعدم وعيهم هم البينظروا لينا من علاهم الفوق تعديل: أتفق معاك فى الكوز من الكل
تحدث عقدة الدونية عندما تتفاقم مشاعر النقص لدى الفرد بسبب الإحباط أو الفشل.
الأشخاص المعرضون لخطر تطوير عقدة الدونية يشملون أولئك الذين يظهرون علامات تدني تقدير الذات أو عدم الثقة بالنفس أو الذين لديهم وضع اجتماعي منخفض بين أقرانهم. قد يظهرون أيضًا أعراضًا مشابهة للاكتئاب. الأطفال الذين ينشؤون في أسر يشعرون فيها بأن الآباء لديهم توقعات مفرطة قد يطورون أيضًا عقدة الدونية.
بريمة
09-11-2024, 05:36 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9301
سلام للجميع و شكرا لمروركم الكريم. صراحة عايز اسمع اكبر عدد من الاراء لكى نتعلم جميعا. برضو اضيف سؤال: هل فى مقابل اسمه "عقدة التعالى؟". يعنى زول فاكيها فى روحو انه افضل من الاخرين و بذلك ممكن يصف الاخرين بعقدة الدونية؟
سلام استاذ محجوب من الخطا وصف شخص اختلفنا معه في الحوار بانه عنده عقدة نقص او دونية لانه المسالة عندها اعراض وعلامات تشخيصية معينة وعقدة الدونية او عقدة النقص هي مرض نفسي له تعريفات علمية نتمنا من الاخ بريمة وبقية الاخوان/ت مواصلة البحث عن عقدة النقص واضافة الاسباب الاعراض الوقاية والعلاج
Quote: برضو اضيف سؤال: هل فى مقابل اسمه "عقدة التعالى؟". يعنى زول فاكيها فى روحو انه افضل من الاخرين و بذلك ممكن يصف الاخرين بعقدة الدونية؟
نعم في مقابل لعقدة النقص او الدونية اسمه الشخصية النرجسية (الشخصية السامة) واكثر تحديدا اعراض اضطرابات الشخصية النرجسية (NPD) وهو اضطراب ينشاء عند بعض الافراد منذ الطفولة المبكرة ناتج عن التربية اذا كانت دلال ودلع او عنف واضطهاد او احدي الابويين او كلاهما كان شخص نرجسي وغيره من الاسباب الاخري وبتنقسم لنوعيين نرجسي ظاهر ونرجسي خفي ومن صفات الاشخاص العندهم الاضطراب ده: # شخص متكبر ومتعالي ولايقبل اراء الاخريين حتي لو كانت صاح # مدعي كذبا المعرفة وعامل فيها ابو العريف وهو خاوي الدواخل تماما # يشتم ويسب ويقلل من شان الاخريين دائما ليشعر هو بالتعالي والاهمية # عنده شعور بانه هو الافضل ويحب المدح والاضطراء # شخص استغلالي ويبحث عن مصلحتة الشخصية ولايقبل ان يزكر اي شخص بخير امامه # ماعنده اي تعاطف مع الاخريين لانه فاقد لاي مشاعر واحاسيس # يكذب دائما (الكذب الطفولي) ولايعتزر حتي لو اخطا # يفتقد لحس المرح والفكاهة ويكره اي شخص مرح او صاحب نكته او محبوب او ناجح # يستخدم اسلوب الاسقاط علي الاخريين (الاسقاط يعني وصف الاخريين بما فيه هو بالتفصيل) # في دواخله الكثير من المشاعر السالبة مثل الحسد والغل والغيرة وغيرها # دائما يصنع الدراما (يفتعل المشاكل) ليفرغ شحناته السالبة ويمتص طاقات الاخريين الايجابية # و # و ممكن نتكلم عن اعراض اضطراب الشخصية النرجسية و الشخص النرجسي (الطفل الغير برئ) بصورة اوسع ومفصلة وعن كيفية التعامل مع هذا النوع من المضطربين وتجنب اساءاتهم والاعيبهم وسلوكياتهم المضطربة اذا توفر الوقت
لك الشكر استاذ محجوب ولضيوفك الكرام واسف للاطالة
09-11-2024, 05:53 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32986
عقدة التفوق مرتبط بـ عقدة الدونية هو "عقدة التفوق"، وهي آلية دفاع نفسي يظهر فيها الشخص مظاهر خارجية للتفوق تخفي أو تحجب مشاعر الدونية. وقد ميز أدلر عقدة التفوق عن الرغبة الطبيعية في الاعتراف الاجتماعي، حيث تؤدي عقدة التفوق إلى مظاهر فظة للقيمة الذاتية أو المكانة، تنبع من مشاعر الدونية الكامنة.
مثال: هنا شيخ هاشم الكرور، يصاب بعقدة التفوق .. وهى حالة مرضية ..
Quote: السجمان الرمدان بريمة بلل . الله يبلكم اكتر مما انتو فيه .
وبما انكم تحاولون جرنا لمستنقعكم الاسن . حيث الحكامات ، والدواب والبهائم . احيطك علما اننا نختلف منكم . ونحن " بشر " . نتعامل مع الحياة كبشر . نسكن في منازل . قبل ان نتناول طعامنا . نغسل ايدينا ، ولدينا غرف واسرة ننام عليها . وعندما نستيقظ صباحا " نستحم " ونغسل بدننا ، ونقضي " حوائجنا " كبشر . فهل انتم تفعلون نفس الشئ ؟؟؟ ابدا . انتم تتقاسمون طعامكم مع ماشيتكم ، وتسكنوا معها في نفس " الزريبة " ، تفترشون الارض وتلتفحون السماء . لا تغتسلون ولا تقربون الماء الا للشرب . قضاء حوائجكم تعتبرونها " سماد " وقد تعيدوا تدويرها وتعلفوها لدوابكم .
هل انتم بشر ؟؟؟
هل بدأتم ترون من أين جاءت الحالة العصابية لشيخ هاشم الكرور، جاءت من ناس يحتقرهم ويرميهم بعقدة الدونية .. فجأة يجدهم يهدمون المعبد في رأسه ويطردونه من برجه العاجى، هرب شيخ الكرور من منزل الأسرة ليعيش في محلية كرري ولا يستطيع أن يزور منزلهم للأطلاع علي أحواله خوفاً ورعباً من اشاوس الدعم السريع .. أنقلبت موازين الأمور رأساً علي عقب بالنسبة له .. فهو الذي يري الأخرين كالبهائم وأنهم فقط يفرقون من بهائمهم أنهم يمشون علي أثنين وبهائمهم تمشي علي أربع .. هزم شر هزيمة نفسية.
ماذا بقي له إلاّ أن يتشبث بهذه الحالة المرضية .. وهو يعرف أنه في حالة دونية بالنسبة لنا .. مهزوم ومطرود من داره .. فهو لابد عن يعوض نقصه بالحالة المرضية عقدة التفوق ..
راجعوا ماذا قال إدلر: وقد ميز أدلر عقدة التفوق عن الرغبة الطبيعية في الاعتراف الاجتماعي، حيث تؤدي عقدة التفوق إلى مظاهر فظة للقيمة الذاتية أو المكانة، تنبع من مشاعر الدونية الكامنة.
-------------------------------- هل لاحظتم الفظاظة تجاهنا .. ما بشر أصلاً!!
بريمة
09-11-2024, 06:20 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9301
و اذا اخدنا "اللون" كمبدأ للتمايز (التعالى و الدونية), هل ذات اتجاهين ام اتجاه واحد. يعنى مثلا, هل الاسمر عندو عقدة دونية تجاه الابيض و عقدة تعالى تجاه الاسود؟ و مثلا اذا "ترمب" عندو عقدة تعالى تجاه كل الوان البشرة للاخرين, هل هذا معناه الالوان اخرى كلهم عندهم عقدة دونية تجاه ترامب؟
09-11-2024, 07:11 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8025
Quote: سبب السؤال: رأيت في هذا المنبر على مدى العشرين سنة الماضية انه كلما شخصين, ينعت احدهم بأن الخلاف سببه "شعور الدونية" رغم انو في اغلب الاوقات لا يعرف اى منهم صورة الاخر حتى يتبين الاختلاف الفيزيائى مثلا.
بما إنو سؤالك يا محجوب عن استخدام عبارة "عقدة النقص" في المنبر هنا او في غيره من منابر النقاش، والاستخدام هنا دايما بيكون موش بس عنقالي لكن كمان بيكون مصحوب بنوايا مغرضة. عشان كدا مافي حوجة للتعريف العلمي طالما مافي زول قاعد يستخدمو استخدام علمي بقصد التشخيص النفسي الخالي من الغرض. وأصلاً المنبر هنا ما مكان للتشخيص.
والمهم هنا ما التعريف العلمي ولا العنقالي المهم تعرف كيف تسئ استخدام مصطلح "عقدة الدونية" وكيف تحمي نفسك من استخدامو ضدك. أي زول غلبتك الحجة في النقاش معاو وداير تنتصر لذاتك وتسفه آراؤو وتوحي بأنها غير صالحة لأنو مصدرها مشكلة نفسية لصق ليهو طوالي عقدة الدونية، وبرضو أي زول غالتك بمنطق وبمعلومات وبيانات موثوقة ما تجاريهو في النقاش لأنك حتخسر وفكر تهزمو نفسياً بإنك تلصق ليهو "عقدة الدونية".، ولو كمان برضو لأي سبب لقيت النقاش مافي صالحك لصق للمحاور "عقدة الدونية" عشان تجر النقاش بعيد عن الموضوع الأساسي وتحولو لموضوع جانبي شخصي.
بعض الناس كمان قبل ما يبدأ معاك النقاش بلصق ليك عقدة الدونية بتعبير مباشر او ايحائي لتحقيق نفس الاهداف الفوق قبل بداية النقاش.
زي ما إنت قلت هنا معرفة الناس ببعض قليلة واغلب الناس ما شافو بعض، وبالتالي لو لصقت لزول "عقدة الدونية" مافي زول بيقدر يغالتك، لأنو لافي زول بيعرف شكل زول ولا تفاصيل حياتو.
Quote: سبب السؤال: رأيت في هذا المنبر على مدى العشرين سنة الماضية انه كلما شخصين, ينعت احدهم بأن الخلاف سببه "شعور الدونية" رغم انو في اغلب الاوقات لا يعرف اى منهم صورة الاخر حتى يتبين الاختلاف الفيزيائى مثلا.
استاذ محجوب رجعنالك تاكد من ان الشخص الذي يسب ويشتم الاخريين المشكلة عنده هو وليس عند الطرف الاخر المشتوم وده اسقاط منه علي الاخر (هو هنا بيتكلم بلسان حاله وعن نفسه وعن طفولته تحديدا) وان الطرف الاخر المشتوم قد ضغط علي زر او مفتاح موجع او كشف سر او ازاح قناع كان مخفي دون قصد والشتم والسب هنا بيعتبر وسيلة دفاعية
البوستات مليانة امثلة حية خليها مستورة
09-12-2024, 03:56 AM
جلالدونا جلالدونا
تاريخ التسجيل: 04-26-2014
مجموع المشاركات: 9841
Quote: ما هو الفرق بين عقدة الدونية والتفوق؟ عقدة النقص هي الحالة الطبيعية التي يولد بها جميع الناس. عقدة التفوق هي فكرة أن المرء متفوق. ولا يتم تحقيق ذلك إلا من خلال الاستماع إلى الدافع العدواني للفرد. يصاب بعض الأطفال بهذه العقدة من أجل التعويض الزائد عن مشاعرهم العميقة بالدونية.
Quote: وفقا لأدلر، يولد كل فرد مع الشعور بأنه أقل شأنا من الآخرين. للتعويض عن ذلك، يدفعهم الدافع العدواني إلى التغلب على قيودهم. ويشار إلى هذا باسم عقدة النقص. إذا اعتقد الشخص أنه متفوق على الآخرين، فهو يعاني من عقدة التفوق. ومع ذلك، فإن هذا يعد تعويضًا مبالغًا فيه عن عقدة النقص الهائلة. كلا الحالتين ممكن تكونا موجودتين في نفس الوقت.
أنا عندي ملاحظة عن الناس المتربين في أم درمان، وهى أني أشعر بأنهم لديهم عقدة نقص من ناس الخرطوم ... لا أستطيع أن أجزم بصحة شعوري .. لكن هنا ملاحظاتي: أهلنا من المتربيين في أم درمان لا يقبلون النقد نهائياً وعدوانيين جداً وعلي طول يبدأ الواحد ينبش في شخصك .. عكس المتربيين في الخرطوم أو الخرطو بحري، يفوتون فرصة النقد بالفكاهة ..
هنا مثالين لأهلنا أثناء الحرب: لدينا شخص من أهلنا ساكن الخرطوم بحري .. وهو في الجيش .. ساقوهم ودودهم يبعدوا الأشاوس من مناطق اللاماب جوار الشجرة .. ووقع في الفخ .. قلع ملابس الجيش ولقي حمار خرج ساقه قدامه ودقش محل الأشاوس .. محل يقابلوه يرفع علامة النصر لهم، يمر بسلام حتى وصل بحري .. حسب أخته قالت 3 ايام أخوها سايق الحمار .. ! لما سألناه قلنا له أنت جبنت؟ قال الحرب خدعة هسي بحماري مرقت طيب .. في حين قريبنا أخر في أم درمان، الأشاوس زروهم، جري جري سبق عديل .. حينما سألناه قال الحرب كر وفر .. هو ما بقعد يسوق الحمير ؟؟ .. هل شفتم ما بقعد يسوق الحمير عايز يشرك أخونا الأخر في مسألة الجبن، عقدة نقص ..
بريمة
09-12-2024, 04:08 AM
adil amin adil amin
تاريخ التسجيل: 08-01-2002
مجموع المشاركات: 39161
تعريف عنقالي (العرق دساس) المشكلة جينية https://dcars.net امش اسال الزول البقا شيوعي فرع حدتو وناصري، وبعثي، وكوز، وسلفي، في، السودان الحضارة المنارة وعطل السودان 60 سنة بعد، الاستقلال وما عاجبو حاجات بلدو السودان، ولا عارف قيمة السودان ليه؟ ويقبح كل، ما هو سوداني، مشكلتو شنو؟؟؟ عايز، يكون نسخة مشوهة من المصريين، والعرب، ليه؟؟ وجاوب سؤال، د جون قرنق
؟What is wrong to be sudanese
09-12-2024, 04:12 AM
adil amin adil amin
تاريخ التسجيل: 08-01-2002
مجموع المشاركات: 39161
اسال الناس، الجرو بالطن مصر، للازلال، وما مشو ارتريا حيث الاقامة مجان او يوغندا او جنوب، السودان بي قرشهم الكثيرة دي والمثقفاتية المالين مصر، هل، توجد حرية اعلام في مصر؟؟؟ وحكمة ربك جرو ومعاهم 40 مليار، دولار، عقارات في، مصر، لو عمرو حلفا كان احسن دي عقدة الدونية الرسختا الثقافة المشوهة الجابتا الانقلابات بعد الاستقلال ما سلككم في، مصر
09-12-2024, 06:32 AM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 5107
سلام للجميع, و شكرا لمساهماتكم القيمة جدا. تلخيص لما تعلمته من خلال الردود: 1. استخدامه في هذا المنبر و فى الوسط السودانى عامة لا يتسق مع التعريف الصحيح للمصطلح 2. الذىن يستخدمونه فى الغالب يظهرون عقدة التعالى او التفوق و الذى فى ذاته يعبر عن عقدة نقص (دونية) يطفح الى السطح بهذا التعبير 3. .... ده كلام كتير ممكن يبقى كتاب.
النصيحة لصفوة سودانيز اونلاين عدم استخدام هذا المصطلح و كل من يستخدمه لا يعتبر من الصفوة و ممكن نطالب بسحب الباسوورد منه.
09-12-2024, 01:57 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32986
غايتو انا استخدمتو قبل يومين تلاتة و مقتنع تماما بأنه ينطبق غلى من وصف به استدرار الماضي و ربطه بالحاضر لبناء تهمة شغل غير اخلاقي و بيخت صاحبو في الحتة دي
09-12-2024, 08:56 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9301
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mahjob Abdalla
علي دفع الله
صديق مهدى على
هدى ميرغنى
Biraima M Adam
Hafiz Bashir
جلالدونا
adil amin
Hasheem Karouri
فيس بوك
تويتر
انستقرام
يوتيوب
بنتيريست